Tag: جنید خان

بالی وود کے مسٹر پرفیکشنسٹ عامر خان اور ان کے بیٹے جنید خان نے فلم ‘انداز اپنا اپنا’ کے سین کی پیروڈی کرکے دھوم مچادی۔

سوشل میڈیا پلیٹ فارم انسٹاگرام پر ‘مس مالینی’ نامی پیج سے ایک ویڈیو شیئر کی گئی ہے جس میں عامر خان اپنی مشہور زمانہ فلم ‘انداز اپنا اپنا’ کے ایک سین کی مزاحیہ پیروڈی اپنے بیٹے جنید خان کے ساتھ کرتے نظر آرہے ہیں جسے مداح کافی پسند کررہے ہیں۔

عامر خان اس فلم میں جس طرح اپنے والد کو بیوقوف بناتے ہیں، اس سین کو کاپی کرتے ہوئے جنید خان نے اپنے اصلی والد عامر خان کے ساتھ کلپ بنائی ہے۔

ویڈیو میں سین شروع ہوتا ہے اور عامر خان گیٹ سے اندار آکر پوچھتے ہیں کہ یہ کیا ہورہا ہے، جس پر جنید خان انھیں کہتے ہیں آؤٹ بولا تھا نہ باہر کھڑے رہو، جس پر عامر غصے سے کہتے ہیں کہ گدھے میں تیرا باپ ہوں۔

اس مزاحیہ کلپ کو کچھ ہی گھنٹوں پہلے مذکورہ پیج پر شیئر کیا گیا ہے جسے ہزاروں کی تعداد میں مداح دیکھ چکے ہیں اور اس پر دلچسپ تبصرے کررہے ہیں۔

View this post on Instagram

A post shared by MissMalini (@missmalini)

جنید خان اور خوشی کپور اپنی نئی آنے والی فلم ’لویاپا‘ کی تشہیر کررہے ہیں، مگر وہ اپنے ڈانس کی وجہ سے تنقید کی زد میں آگئے۔

یہ فلمی جوڑی اپنی نئی ریلیز ’لویاپا‘ کی تشہیر کے لیے کافی کچھ کرتے نظر آرہے ہیں، تاہم ان کی ڈانس کرنے کی حکمت عملی شاندار طریقے سے بیک فائر ہوتی نظر آئی، وہ فلم بین جو لویاپا میں ہلکے سے دلچسپی رکھتے تھے اب اپنے انتخاب پر دوبارہ غور کرنے پر مجبور نظر آرہے ہیں۔

خوشی کپور اور جنید خان کا لویاپا ڈانس ان کے لیے تباہ کن ثابت ہورہا ہے، اور یہ انٹرنیٹ صارفین کو بالکل بھی پسند نہیں آرہا ہے۔

View this post on Instagram

A post shared by Kshitij Sharma (@kshitij_shawarma)

بالی ووڈ کے نوآموز اداکار اپنی فلم کے لیے ہائپ بنانے کی کوشش کر رہے ہیں لیکن اس کے بجائے ناظرین یہ سوچ رہے ہیں کہ انھیں یہ فلم تھیٹرزمیں جاکر دیکھنی بھی چاہیے۔

وائرل ہونے والے پروموشنل کلپ میں، خوشی اور جنید کو لویاپا ٹائٹل ٹریک پر ڈانس کرتے ہوئے دیکھا جا رہا ہے، جن میں ان کی کیمسٹری زیرو آرہی ہے اور وہ عجیب حرکتیں کرتے نظر آرہے ہیں۔

ایک شخص نے کمنٹ کرتے ہوئے لکھا کہ کیا انھیں پتہ ہے کہ ٹرول ہورہے ہیں، ایک صارف نے لکھا کہ کیا انھیں یہ شرمندگی اٹھانے کے لیے پیسے دیے گئے ہیں۔

بالی ووڈ سپراسٹار عامر خان کے بیٹے جنید خان بھی ان کے نقش قدم پر چل رہے ہیں اور اچھوتے موضوعات پر مبنی کردار ادا کررہے ہیں۔

جنید خان کی اگلی فلم ’لویاپا‘ کا ٹریلر ریلیز ہوا ہے جسے نوجوان نسل ’جین زی‘ پر توجہ مرکوز کرتے ہوئے بنایا گیا ہے، کامیڈی اور ڈراما سے بھرپور اس فلم میں موبائل کے استعمال اور سے آپس کے تعلقات میں خرابی کو بھی فلمایا گیا ہے۔

سری دیوی کی بیٹی خوشی کپور بھی اس فلم میں جنید کے مقابل مرکزی کردار میں موجود ہیں، فلم کی ہدایت کاری کے فرائض ادویت چندن نے انجام دیے ہیں۔

’لویاپا‘ میں نئی نسل کے رومانوی تعلقات کو مزاحیہ انداز میں پیش کیا گیا ہے، مرکزی کردار جو ایک دوسرے سے محبت کرتے ہیں ان کے موبائل آپس میں بدل جاتے ہیں اور پھر دنوں کو ایک دوسرے کی کافی خامیاں پتا چلتی ہیں۔

فلم میں جنید اور خوش کے موبائل کی تبدیلی کے بعد وہ دنوں ایک دوسرے کے راز جان جاتے ہیں اور پھر ان میں آپس میں کافی بحث و مباحثہ ہوتا ہے۔

جنید خان اور خوشی کپور ہی اس فلم کو لے کر کافی پُرجوش ہیں جبکہ جنید کے والد عام خان نے اعلان کیا ہے کہ اس کی کامیابی کی خوشی کے طور پر وہ سگریٹ نوشی چھوڑ دیں گے۔

تفریح سے بھرپور ٹریلر کے ذریعہ فلم سازوں نے نئی نسل کو اپنی جانب متوجہ کرنے کی بھرپور کوشش کی ہے، فلم کے ٹائٹل ٹریک کی ریلیز کے بعد شائقین فلم کے لیے زیادہ پرجوش دکھائی دے رہے ہیں۔

بالی ووڈ کے مسٹر پرفیکشنسٹ عامر خان کے بیٹے جنید خان بھی ان کی طرح ’پرفیکشنسٹ‘ ہیں یا نہیں، انھوں نے خود اس بارے میں بتادیا۔

نیٹ فلس پر حال ہی اپنی فلم ’مہاراج‘ کی ریلیز کے بع ایک انٹرویو میں جنید سے پوچھا گیا کہ کیا وہ اپنے والد کی طرح پرفیکشنسٹ ہیں اور کیا اس میراث کو آگے بڑھانا چاہتے ہیں، اس پر اداکار نے واضح کیا کہ وہ صرف اپنے راستے پر چلنے کی کوشش کر رہے ہیں۔

انھوں نے کہا کہ مجھے ایسا نہیں لگتا کہ میں ایسا ہوں، ہر ایک کو اپنا کام کرنا چاہیے، زندگی ہر ایک کے لیے مختلف طریقے سے گزرتی ہے۔ میں اپنے اس سفر سے لطف اندوز ہورہا ہوں۔

انھوں نے بتایا کہ مجھے لگتا ہے کہ والد عامر کو میری فلم پسند آئی۔ لیکن یہ بھی ہے کہ جب وہ سامع کے طور کچھ دیکھتے ہیں تو وہ اس سے لطف اندوز ہونا چاہتا ہے، اس لیے شاید انھوں نے اسے بھی پسند کیا۔

خیال رہے کہ بالی ووڈ کے معروف اداکار عامر خان کے صاحبزادے جنید خان نے 14 جون کو فلم’مہاراج‘ سے نیٹ فلیکس پر ڈیبیو کیا ہے۔

بھارتی میڈیا رپورٹس کے مطابق مہاراج میں عامر خان کے صاحبزادے کی اداکاری کو کافی سراہا گیا ہے اور ان کی صلاحیتوں کی نقادوں کی جانب سے تعریف کی گئی ہے۔

مہاراج کی شوٹنگ اکتوبر 2023 میں مکمل ہوگئی تھی جبکہ فلم کی ہدایت کاری کے فرائض سدھارتھ پی ملہوترا نے انجام دیے ہیں۔

فلم کی کہانی 1862 میں برٹش انڈیا میں رونما ہونے والے سچے واقعے کے گرد گھومتی ہے، جنید خان فلم میں صحافی کا کردار ادا کررہے ہیں جو ایک بااثر شخصیت کے سامنے اُٹھ کھڑا ہوتا ہے۔

اس سے قبل 2019 میں عامر خان نے اشارہ دیا تھا کہ ان کے بیٹے جنید خان بھی جلد فلم انڈسٹری میں آئیں گے۔ تاہم وہ بیٹے کے لیے کسی اچھی کہانی پر مبنی فلم کے منتظر تھے۔