لاہور(21 اگست 2025): لاہور کی سیشن کورٹ نے ویڈیوز میں جوئے کو پروموٹ کرنے کے معاملے پر یوٹیوبر سعد الرحمان عرف ڈکی بھائی کی بیوی عروب جتوئی کی ضمانت منظور کرلی۔
تفصیلات کے مطابق لاہور کے سیشن کورٹ میں سوشل میڈیا پر جوئے کو پروموٹ کرنے کے مقدمے میں یوٹیوبر ڈکی بھائی کی بیوی کی عبوری ضمانت منظور ہوگئی ہے جس کے بعد عدالت نے عروب جتوئی کو 30 اگست تک گرفتار کرنے سے روک دیا ہے۔
https://urdu.arynews.tv/ducky-bhai-case-what-has-happened-so-far/
مقامی عدالت نے ڈکی بھائی کی اہلیہ کو شامل تفتیش ہونے کا حکم دیتے ہوئے آئندہ سماعت پر تفتیشی افسر سے رپورٹ طلب کرلی، ایڈیشنل سیشن جج نے عروب جتوئی کی عبوری ضمانت سے متعلق درخواست کی سماعت کی۔
درخواست گزار کی جانب سے وکلاء عرفان کلیات اور راجہ عبدالرحمان رانجھا پیش ہوئے، واضح رہے کہ لاہور کی مقامی عدالت نے گزشتہ روز یوٹیوبر ڈکی بھائی کے ریمانڈ میں 4 روز کی توسیع کردی تھی۔