پہلگام واقعے کو بنیاد بنا کر بھارتی حکومت کی جانب سے پاکستان پر جنگ مسلط کرنے کے بعد سے مودی حکومت کی ہٹ دھرمی اور گودی میڈیا کی ہرزہ سرائی رکنے کا نام نہیں لے رہی تھی۔
پاک بھارت کشیدگی کی اس صورتحال میں بھارتی میڈیا نے ایسی جھوٹی خبریں پھیلائیں کہ نہ صرف پاکستان نے مقبوضہ کشمیر اور بھارت کے دیگر علاقوں پر حملے کیے بلکہ بھارتی فوج کے حملوں سے کراچی لاہور پشاور اور دیگر شہروں میں ہر طرف تباہی اور بربادی کا عالم ہے۔
لیکن پھر 10 مئی کی صبح اچانک ایسا کیا ہوا کہ سب کی زبانیں گنگ ہوگئیں اور بولنے کو کچھ نہ بچا، اس حوالے سے اے آر وائی نیوز کی اینکر پرسن انیقہ نثار نے اپنا تجزیہ پیش کیا۔
انہوں نے بتایا کہ جب میں ڈیوٹی کے بعد گھر پہنچی تو اس وقت رات کے دو بج رہے تھے اور (نور خان ایئر بیس دھماکے) دھماکوں کی آوازیں مسلسل آرہی تھیں، جس سے ایک خوف کا سا ماحول بننے لگا ایسے لگا کہ بات اب ڈرونز حملوں سے آگے جارہی ہے۔
انہوں نے بتایا کہ اس کے تھوڑی دیر بعد ہی ڈی جی آئی ایس پی آر نے پریس کانفرنس کی جس میں انہوں نے کہا کہ دشمن ہمارے جواب کا انتظار کرے۔ پھر کیا تھا جیسے ہی فجر کی اذان ہوئی اور اللہ اکبر کے نعروں سے فضا گونج اٹھی اور دن کی روشنی میں پاکستان نے جوابی کارروائی کا آغاز کیا۔
جس کے بعد وہ ہوا جس کی بھارت کو امید بھی نہیں تھی پاکستان نے جوابی کارروائی میں اتنے شدید اور تباہ کن حملے کیے کہ دشمن کو سنبھلنے کا بھی موقع نہ مل سکا۔
راولپنڈی : بھارت کی جانب سے مسلسل جارحیت کے بعد جوابی کارروائی کرتے ہوئے پاکستان نے ’’ آپریشن بنیان مرصوص ‘‘ جاری ہے، کارروائی کا آغاز صبح اذان فجر کے بعد کیا گیا۔
اس حوالے سے سیکیورٹی ذرائع کا کہنا ہے کہ پاکستان نے بھارتی جارحیت پر باقاعدہ جوابی کارروائی شروع کردی ہے، اس وقت پاکستان کی بھارت کےخلاف کارروائی جاری ہے، بھارت کے آپریشن سندور کے جواب میں پاکستان نے اپن اس کارروائی کو ’’ آپریشن بنیان مرصوص ‘‘ کا نام دیا ہے۔
عربی زبان کے ان الفاظ کا مطلب ’سیسہ پلائی ہوئی دیوار‘ ہے ، اس وقت پاک فوج کی جانب سے بھرپور کارروائی کرتے ہوئے ’’ آپریشن بنیان مرصوص ‘‘ کے تحت بمباری کا سلسلہ جاری ہے، پاکستان بھر میں فضائی دفاعی نظام مکمل طور پر فعال ہے۔
بھارت کا ادھم پور ایئربیس اور پٹھان کوٹ میں ایئر فیلڈ تباہ
پاکستانی افواج نے بھرپور جوابی وار کرتے ہوئے ایئربیس ادھم پور کو تباہ کردیا اس کے علاوہ پاکستان کی جانب سے پٹھان کوٹ میں ایئر فیلڈ کو تباہ کردیا گیا ہے۔اس کے علاوہ بھارت کے علاقے بیاس میں براہموس میزائل اسٹوریج سائٹ بھی تباہ کردی گئی۔
بھارت کا بریگیڈ ہیڈ کوارٹر اور سپلائی ڈپو ملیا میٹ
پاکستان نے بھارت کا بریگیڈ ہیڈ کوارٹر ’کے جی ٹاپ‘ تباہ کردیا اس کے علاوہ پاکستان نے اُڑی میں بھارت کے سپلائی ڈپو کو بھی ملیا میٹ کردیا۔
تازہ ترین اطلاعات کے مطابق اس وقت بھارت میں متعدد اہداف کو کامیابی سے نشانہ بنایا جا رہا ہے، سیکیورٹی ذرائع کا کہنا ہے کہ پاکستان کی جانب سے راولپنڈی میں بھارتی ڈرونز کو گرایا جارہا ہے۔
بھارت کا ادھم پور ائیر فیلڈ تباہ، کئی شہر بجلی سے محروم
ہندوستان کی بجلی تنصیبات پر بڑا سائبر اٹیک کیا گیا ہے، پاکستان نے سائبر اٹیک کرکے ہندوستان کے70 فیصد بجلی گرڈ کو ناکارہ کر دیا، بھارت کے کئی شہر بجلی سے محروم ہوگئے، اس کے علاوہ بھارت کا ادھم پور ائیر فیلڈ تباہ کردیا گیا، یاد رہے کہ ادھم پور ایئر فیلڈ سے امرتسر میں سکھوں، پاکستان اور افغاستان پر میزائل داغے گئے تھے۔
ایک ڈرون سمیت براہموس اسٹوریج سائٹ بھی تباہ
سیالکوٹ کے علاقے برتھ کے قریب ایک اور بھارتی ڈرون مار گرایا گیا،اس کے علاوہ پاکستان نے دہرنگیاری میں بھارتی آرٹلری گن پوزیشن تباہ کردی۔
آپریشن بنیان مرصوص میں بھارت میں متعدد اہداف کو کامیابی سے نشانہ بنایا جارہا ہے، پاک افواج نے نگروٹا میں براہموس اسٹوریج سائٹ کو بھی تباہ کر دیا، نگروٹا میں براہموس اسٹوریج سائٹ تباہ ہونے سے بھاری نقصانات کی اطلاعات ہیں۔
بھارت کی سورت گڑھ ائیرفیلڈ تباہ
تازہ ترین اطلاعات کے مطابق بھارت کی سورت گڑھ ائیرفیلڈ تباہ کردی گئی، اس کے علاوہ بھارت کے دارالحکومت نئی دہلی میں پاکستانی ڈرونز کی پروازیں جاری ہیں۔
بھارت کا مہنگا ترین ایس 400 سسٹم تباہ
پاک فضائیہ نے ادھم پور میں بھارت کا ایس 400 سسٹم تباہ کر دیا، جے ایف 17 تھنڈر کے ہائپر سونک میزائلوں سے ایس 400 سسٹم کو تباہ کیا گیا اس ایئر ڈیفنس سسٹم کی مالیت تقریباً 1.5 بلین ڈالر ہے۔
بھارت کیخلاف آپریشن کا آغاز اذان فجر کے بعد ہوا
سکیورٹی ذرائع کا کہنا ہے کہ فجر کے وقت اذان کے فوری بعد دشمن کے خلاف آپریشن ‘بنیان مرصوص’ کا آغاز کیا گیا اور بھارت پر فتح میزائل فائر کیا گیا۔
سکیورٹی ذرائع کے مطابق پاکستان کی جوابی کارروائی میں فتح ٹو گائیڈڈ راکٹ سسٹم کا استعمال کیا گیا ہے، فتح ٹو گائیڈڈ راکٹ سسٹم 400 کلومیٹر تک اپنے ہدف کو نشانہ بنانے کی صلاحیت رکھتا ہے۔
آپریشن بنیان مرصوص کے تحت بھارت میں مختلف اہداف کو نشانہ بنایا جارہا ہے، بھارت کے علاقے بیاس میں براہموس میزائل اسٹوریج سائٹ تباہ کردی گئی۔
بھارت نے مزید کارروائی کی تو معاشی اہداف نشانے پر ہوں گے
پاکستانی جواب میں بھارت کی مزید کارروائی پر پاکستان کا دوٹوک ردعمل بھی تیار ہے، پاکستان کی سیاسی اور عسکری قیادت نے فیصلہ کیا ہے کہ اگر بھارت نے مزید جارحیت کی تو وہاں ہائی ویلیو اہداف کو نشانہ بنایا جائے گا۔
پاکستان کی سیاسی و عسکری قیادت نے سختی سے متنبہ کیا ہے کہ بھارت کے جوابی حملے کی صورت میں بھارت کے معاشی اہداف بھی نشانے پر ہوں گے، بھارت نے اب اگر کوئی حرکت کی تو اس کے نتائج سنگین بھگتنا ہوں گے
اس کے علاوہ بھارت کی جانب سے کوٹلی آزاد کشمیر میں ایل او سی پر بھارت کی جانب سے اشتعال انگیزی کی گئی جس کے بعد پاک فوج نے بھرپور جوابی کارروائی کی۔
اطلاعات کے مطابق ’آپریشن بنیان مرصوص‘ میں بھارت میں متعدد اہداف کو نشانہ بنایا جا رہا ہے، بھارت کے وہ تمام فوجی اڈے جہاں سے گزشتہ روز پاکستان کے عوام اور مساجد پر حملے کئے گئے تھے پہلے ان کو تباہ کیا جارہا ہے۔
بھارتی وزیر اعظم کی ویب سائٹ ہیک کر لی گئی
بیش تر بھارتی ویب سائیٹس ہیک کر لی گئی ہیں، بھارتی وزیر اعظم نریندر مودی کی و یب سائٹ بھی ہیک کر لی گئی جب کہ بھارت کا ملٹری سیٹلائٹ بھی جیم کر کے ناکارہ بنا دیا گیا ہے۔
پاکستان سائبر اٹیک ٹیم نے بھارتی مہاراشٹرا اسٹیٹ الیکٹرسٹی ٹرانسمیشن کمپنی لمیٹڈ پر سائبر حملہ کیا ہے، پاکستانی سائبر اٹیک ٹیم نے مہاراشٹرا سٹیٹ الیکٹرسٹی ٹرانسمیشن کمپنی لمیٹڈ کو ہیک کر لیا۔
امریکی وزیر خارجہ کا آرمی چیف اور اسحاق ڈار سے رابطہ
پاکستان کے آرمی چیف جنرل عاصم منیر سے امریکی وزیر خارجہ مارکو روبیو نے فون پر رابطہ کیا، امریکا کی جانب سے ایک بار پھر پاک بھارت کشیدگی کم کرنے اور مذاکرات کے لیے تعاون کی پیش کش کی گئی۔
امریکی وزیر خارجہ مارکو روبیو نے کہا فریقین کشیدگی میں کمی کے لیے اقدامات کریں، ترجمان امریکی محکمہ خارجہ نے کہا مارکو روبیو نے تعمیری بات چیت کے لیے مدد کی پیش کش کی ہے۔
اسحاق دار نے امریکی ہم منصب سے کہاکہ گیند اب بھارت کے کورٹ میں ہے، اگر بھارت نے صورتحال کو مزید بڑھایا تو پاکستان نہیں رکے گا۔ بھارت اب حملہ کرے گا تو زیادہ سخت جواب دیا جائے گا۔
وزیر اعظم نے نیشنل کمانڈ اتھارٹی کی میٹنگ طلب کر لی
آپریشن بنیان مرصوم کے بعد وزیر اعظم شہباز شریف نے نیشنل کمانڈ اتھارٹی کا اجلاس طلب کر لیا ہے، جس کی صدارت وزیراعظم شہباز شریف کریں گے۔
دہلی میں پاکستانی ڈرونز کی پروازیں جاری
سکیورٹی ذرائع کے مطابق پاکستانی سائبر ٹیم نے بھارت کا ملٹری سیٹلائٹ جیم کر دیا ہے، جب کہ دہلی میں پاکستانی ڈرونز کی پروازیں کئی گھنٹوں سے جاری ہیں۔
چین کی پاکستان اور بھارت سے تحمل کا مظاہرہ کرنے کی اپیل
چین نے پاکستان اور بھارت سے تحمل کا مظاہرہ کرنے کی اپیل کرتے ہوئے کہا کشیدگی ختم کرنے کیلئے تعمیری کردار ادا کرنے کو تیار ہے، کشیدگی میں کمی لائیں اور سیاسی ذرائع سے پرامن حل کے راستے پر واپس آئیں۔
جی سیون ملکوں کا پاکستان اور بھارت سے مطالبہ
پاکستان کی جانب سے اپنے دفاع کا استعمال کرتے ہوئے آپریشن کے آغاز کے بعد جی سیون ملکوں نے پاکستان اور بھارت سے کشیدگی میں کمی کا مطالبہ کرتے ہوئے کہا کہ دونوں ممالک تحمل کا مظاہرہ کریں۔
جی سیون ممالک نے پُرامن نتائج کیلئے دونوں ممالک کو براہ راست بات کرنے پر زور دیتے ہوئے کہا کہ صورتحال کا قریب سے جائزہ لے رہے ہیں، مسئلے کے تیز اور دیرپا سفارتی حل کیلئے حمایت کا اظہار کرتے ہیں۔
ایل او سی پر بھارت کی متعدد پوسٹیں مکمل تباہ
پاکستان فوج ایل او سی پر بھارت کی متعدد پوسٹیں مکمل تباہ کردیں، ربتانوالی پوسٹ، ڈنہ پوسٹ، خواجہ بھیک کمپلیکس، رنگ کنٹوئر کو تباہ کردیا گیا، پاک فوج نے پھکلیاں سیکٹر میں بھی بھارتی پوسٹیں مکمل تباہ کیں، ایل اوسی پر افواج پاکستان کی توپوں نے بھارتی توپوں کو خاموش کرا دیا۔
پاکستان نے بھارت کی سرسہ ائیرفیلڈ کو تباہ کردیا
سکیورٹی ذرائع کے مطابق راجوڑی میں پاکستان میں دہشتگردی کروانے والا بھارتی ملٹری انٹیلیجینس کا تربیتی مرکز تباہ کردیا گیا جس کی تصدیق انڈین میڈیا نے خود کی ہے۔
بھارتی فوج کا فوجی تنصیبات کونقصان پہنچنے کا اعتراف
بھارتی فوج نے پاکستانی جوابی حملے میں فوجی تنصیبات کو نقصان پہنچنے کا اعتراف کیا ہے، نئی دہلی میں ترجمان بھارتی فوج صوفیہ قریشی نے پریس کانفرنس کرتے ہوئے کہا پاکستان نے پٹھانکوٹ، ادھم پور، بھوج اور آدم پورٹ میں واقع اسٹریٹجک ایئر بیسز پر میزائل حملے کیے ہیں، حملوں سے فوجی تنصیبات سمیت پنجاب کے ایئر بیس اسٹیشن کو نقصان پہنچا ہے۔
بھارت فوج کی ترجمان نے کہا کہ یہ ایک بے مثال اور مربوط حملہ تھا، ہم تصدیق کرتے ہیں کہ پاکستان نے ہماری 26 تنصیبات کو نشانہ بنایا، جن میں فرنٹ لائن ایئربیس بھی شامل ہیں، ہم نے اس "جارحیت کا نوٹس لیا” ہے لیکن اس بات کا اعادہ کیا کہ بھارت تناؤ نہیں چاہتا۔
سیاسی رہنماؤں نے وزیر اعظم کو مکمل تعاون اور یکجہتی کا یقین دلا دیا
وزیر اعظم نے موجودہ صورتحال میں سیاسی جماعتوں کے رہنماؤں بلاول بھٹو زرداری، بیرسٹر گوہر خان، مولانا فضل الرحمان، خالد مقبول صدیقی، حافظ نعیم الرحمان، خالد حسین مگسی اور چوہدری سالک سے ٹیلیفونک رابطہ کیا۔
اس موقع پر شہباز شریف نے کہا کہ افواج پاکستان نے بھارتی جارحیت کا آج مربوط طریقے سے طاقتور جواب دیا، بھارت نے پاکستان پر میزائل اور ڈرون حملے کیے، بھارتی جارحانہ اقدامات کے باوجود پاکستان نے انتہائی تحمل سے کام لیا۔
امریکی وزیر خارجہ کا بھارتی ہم منصب جے شنکر سے رابطہ
مطابق امریکی وزیرخارجہ مارکو روبیو نے جے شنکر سے گفتگو میں دونوں ممالک کو کشیدگی کم کرنے اور براہ راست رابطے بحال کرنے کے طریقے تلاش کرنے کی ضرورت پر زور دیا۔
امریکی وزیر خارجہ نے کہا کہ پاکستان اور بھارت کشیدگی کم کرنے کا طریقہ کار نکالیں اور دونوں ممالک آپس میں بات چیت کا راستہ کھول کر کشیدگی کم کریں۔
سعودی وزیرخارجہ کا پاکستانی ہم منصب سے رابطہ
سعودی وزیرخارجہ نے پاکستان اور بھارت کے وزرائے خارجہ سے رابطہ کیا ہے، سعودی وزیر خارجہ نے بھی دونوں ممالک سے کشیدگی کم کرنے پر زور دیا ہے۔
سعودی وزیر خارجہ نے کہا کہ سعودی عرب خطے میں امن اور استحکام کا خواہاں ہے، دونوں ممالک کے ساتھ قریبی اور دوستانہ روابط ہیں۔
بھارت کا شیخ زید انٹرنیشنل ایئر پورٹ پر بزدلانہ حملہ
گزشتہ شب بھارتی بزدلانہ حملے کے نتیجے میں شیخ زید انٹرنیشنل ایئر پورٹ کو نقصان پہنچا ہے، بھارت نے پاکستان اور متحدہ عرب امارات کی دوستی کی علامت کو نشانہ بنایا ہے۔
شیخ زید ایئر پورٹ 1993 میں تعمیر کیا گیا تھا، جس کا نام شیخ زید بن سلطان النہیان کے نام پر رکھا گیا، بھارت نے گزشتہ روز ننکانہ صاحب کو بھی نشانہ بنانے کی کوشش کی تھی، جنگی جنون میں مبتلا بھارت کی جانب سے انتہائی شرمناک عمل جاری ہے۔
پاکستان کی جوابی کارروائی میں فتح 1 گائیڈڈ راکٹ سسٹم کا استعمال
سیکیورٹی ذرائع کا کنا ہے کہ پاکستان کی اس جوابی کارروائی میں فتح 1 میزائل سسٹم کا نہایت کام یابی سے استعمال کیا گیا ہے۔
فتح 1 گائیڈڈ راکٹ سسٹم 120 کلومیٹر تک ہدف کو نشانہ بنانے کی صلاحیت رکھتا ہے، فتح 1 میزائل جدید نیوی گیشن سسٹم، برق رفتار اور مؤثر نیوی گیشن خصوصیات سے لیس ہے، یہ انتہائی درستگی سے اہداف کو نشانہ بنانے کی صلاحیت کا حامل ہے۔
پاکستان اور بھارت کے درمیان پہلا ٹیلیفونک رابطہ، برطانوی میڈیا
برطانوی میڈیا کا کہنا ہے کہ بھارت کے آپریشن سندور اور پاکستان کے آپریشن بنیان موصوم کے بعد پاکستان اور بھارت کے درمیان پہلا ٹیلیفونک رابطہ ہوا ہے، دونوں ممالک کے درمیان بڑھتی کشیدگی کے بعد یہ پہلا رابطہ ہے۔
امریکی عہدیدار کا کہنا ہے کہ اگر مشرق وسطیٰ میں امریکی افواج پر حملہ کیا گیا تو وہ بھرپور جوابی کارروائی کرے گا۔
امریکی وزیر خارجہ انٹونی بلنکن نے خبردار کیا ہے کہ اگر اسرائیل اور حماس جنگ کے دوران امریکی فوجیوں کو نشانہ بنایا گیا تو واشنگٹن جوابی کارروائی کے لیے تیار ہے کیونکہ یہ تنازع مشرق وسطیٰ میں پھیلنے کا امکان ہے۔
قطر کے نشریاتی ادارے الجزیرہ کی رپورٹ کے مطابق این بی سی کے میٹ دی پریس میں ایک انٹرویو کے دوران انٹونی بلنکن نے بات کرتے ہوئے کہا کہ وہ توقع کرتے ہیں کہ ایران کی شمولیت سے جنگ میں مزید اضافہ ہوگا۔
انہوں نے مزید کہا کہ امریکی صدر جوبائیڈن کی انتظامیہ جواب دینے کے لیے پوری طرح تیار ہے اگر امریکی اہلکار ایسی کسی بھی مسلح کاروائی کا نشانہ بنے۔ .
انٹونی بلنکن نے کہا کہ ہم اس بات کو یقینی بنانے کے لیے اقدامات کر رہے ہیں کہ ہم اپنے لوگوں کا مؤثر طریقے سے دفاع کرسکیں اور اگر ضرورت پڑی تو فیصلہ کن جواب دے سکیں، ان کا مزید کہنا تھا کہ مشرق وسطیٰ میں دو طیارہ بردار جنگی جہازوں سمیت اضافی فوجی تعینات کیے گئے ہیں۔
خیال رہے کہ آج ملتان میں پریس کانفرنس کرتے ہوئے وزیر خارجہ نے انکشاف کیا کہ انٹیلی جنس اطلاعات کے مطابق بھارت اپریل ہی کے مہینے میں پلوامہ جیسے ایک نئے واقعے کی منصوبہ بندی کر رہا ہے۔
شاہ محمود نے کہا کہ بھارتی حملے کا ممکنہ ہدف مقبوضہ کشمیر ہو سکتا ہے، اس حوالے سے بہ حیثیت مبصر پاکستان پی فائیو ممالک کے سفیروں کو صورت حال کا جائزہ لینے کی دعوت دے رہا ہے۔
انھوں نے کہا کہ انٹیلی جنس اطلاعات موصول ہو رہی ہیں کہ بھارت 16 سے 20 اپریل کے دوران پلوامہ کی طرز پر کوئی کارروائی کر کے پاکستان پر سفارتی دباؤ بڑھانے کی کوشش کرے گا۔
راولپنڈی : لائن آف کنٹرول پر بھارتی اشتعال انگیزی کا جواب دیتے ہوئے پاک فوج نے انڈین چوکی کو تباہ کردیا جس کے نتیجے میں دو بھارتی سپاہی ہلاک ہو گئے۔
پاک فوج کے شعبہ تعلقات عامہ (آئی ایس پی آر) کے مطابق لائن آف کنڑول پر بھارتی فوج نے اشتعال انگیزی اور سیز فائر کی خلاف ورزی کرتے ہوئے سرحد کے قریبی گاؤں جاجوٹ میں پلٹ گن کے ذریعے آٹھ سالہ بچے ایان کو بلا جواز نشانہ بنایا جس سے زخمی ہونے والے ایان نے زخموں کی تاب نہ لاتے ہوئے اسپتال میں دم توڑ دیا تھا۔
پاک فوج کے جوان دل سپاہیوں نے مقبوضہ کشمیر کے لائن آف کنٹرول کے قریب واقع گاؤں جاجوٹ میں جوابی کارروائی کرتے ہوئے اُس بھارتی چوکی کو تباہ کردیا جس سے آٹھ سالہ معصوم اور نہتے بچے کو پلٹ گن سے نشانہ بنایا گیا تھا، چوکی تباہ ہونے سے دو انڈین فوجی ہلاک ہو گئے۔
ڈی جی آئی ایس پی آر میجر جنرل آصف غفور نے بھارتی جارحیت کا شکار بننے والے معصوم ایان کی شہادت پر افسوس کا اظہار کرتے ہوئے بھارتی سفاکیت کی مذمت کی، انہوں نے کہا کہ معصوم اور نہتے کشمیریوں پر پلٹ گن کا استعمال کرکے بھارت نے دنیا کو اپنے اصل چہرے سے روشناس کرادیا ہے۔
Indian brutality takes life of an eight year old boy Ayan of Jajot village along LOC. Use of Pellet guns in Indian Occupied Kashmir (IOK) and blatant targeting of innocent unarmed civilians across LOC exposes true Indian face.#IndianTerrorismpic.twitter.com/7tRpyY5TKx
یاد رہے کہ اس سے قبل بھارت کی جانب سے لائن آف کنٹرول پر ایک اسکول بس کو بھی نشانہ بنایا گیا تھا جس پر جوابی کارروائی کرتے ہوئے پاک فوج نے بھارتی چوکی کو تباہ کردیا تھا جب کہ پاکستان میں تعینات بھارتی سفیر کو دفتر خارجہ میں طلب کر کے احتجاج بھی ریکارڈ کروایا گیا تھا۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
مظفر گڑھ: لائن آف کنٹرول پر بھارتی فوج کی جانب سےبلااشتعال فائرنگ میں خاتون زخمی ہوگئی۔پاک فوج نے بھارتی اشتعال انگیزی کا بھرپور جواب دیا۔
تفصیلات کےمطابق لائن آف کنٹرول پر بھارتی فوج کی جانب سے بھمبرسیکٹر پر بلااشتعال فائرنگ میں ایک خاتون زخمی ہوگئی۔پاک فوج کی جانب سےبھارتی جارحیت کا منہ توڑجواب دیاگیا۔
پاک فوج کے شعبہ تعلقات عامہ آئی ایس پی آر کےبھارتی فوج نے ایک بار پھر ایل او سی پر سیزفائرکی خلاف ورزی کرتے ہوئےگزشتہ شب رات گئے بھمبر میں شہری آبادی کونشانا بنایا۔پاک فوج نے بھارتی اشتعال انگیزی کا منہ توڑ جواب دیتےہوئے دشمن کی بندوقیں خاموش کرادیں۔
واضح رہےکہ گزشتہ ماہ بھارتی فوج نے ظفروال ورکنگ باؤنڈری لمبڑیال اوراکرم شہید چوکی پربلا اشتعال فائرنگ کی تھی،تاہم پنجاب رینجرزکی جانب سےبھرپور جوابی کارروائی کے بعد بھارتی سورماؤں کی توپیں خاموش ہوگئی تھیں۔
راولا کوٹ: بھارتی فوج کی جانب سے کنٹرول لائن پرایک بار پھربلااشتعال گولہ باری کی گئی جس کا پاک فوج کی جانب سے بھرپور جواب دیا گیا۔
تفصیلات کےمطابق بھارتی فورسز نے علی الصبح بٹل سیکٹراورمدارپورسیکٹر میں بلا اشتعال گولہ باری شروع کی جو وقفے وقفے سے جاری ہے، بھارت کی جانب سے شہری آبادیوں کو نشانہ بنایاجارہاہے۔
پاک فوج کی جانب سے بھر پور کارروائی کرتے ہوئے بھارتی فوج کی جارحیت کا منہ توڑ جواب دیا جارہا ہے۔
خیال رہے کہ حالیہ مہینوں میں بھارت کی جانب سے جارحیت اور بلا اشتعال فائرنگ کا سلسلہ وقفے وقفے سے جاری ہیں۔سرحد پار سے مارٹر گولے بھی استعمال کئے جاتے ہیں۔اب تک کئی شہری جنگی جنون کا شکار ہوچکے ہیں جبکہ املاک کو بھی شدید نقصان پہنچا ہے۔
واضح رہے کہ رواں ماہ کے آغاز میں لائن آف کنٹرول پر بلااشتعال فائرنگ اور خلاف ورزی کرنے پر دفتر خارجہ نے بھارتی ڈپٹی ہائی کمشنر کو طلب کر کے احتجاج ریکارڈ کروایا اور مراسلہ بھی دیا تھا۔
راولپنڈی : بھارتی سیکیورٹی فورسز کی ایل اوسی پر پاکستانی علاقوں میں دو مختلف مقامات پر بلااشتعال فائرنگ کے نتیجے میں بچی سمیت 1شہری جاں بحق جبکہ7افراد زخمی ہوگئے۔
تفصیلات کےمطابق پاک فوج کے شعبہ تعلقات عامہ آئی ایس پی آر کے مطابق بھارتی سیکیورٹی نے ورکنگ باؤنڈری پر جنگ بندی کی خلاف ورزی کرتے ہوئے چوپرار اور ہرپال سیکٹر میں پاکستانی علاقوں پرفائرنگ کی جس کا پنجاب رینجرز کے اہلکاروں نےبھر پور جواب دیا۔
Pakistan Rangers Punjab befittingly responded to indian BSF unprovoked firing /shelling at working bondary in… https://t.co/TGRR8teJ7v
آئی ایس پی آر کا کہنا ہےکہ بھارتی فورسز کی بلااشتعال فائرنگ کے نتیجے میں ڈیرھ سالہ بچی ہانیہ اور محمد لطیف شہید جبکہ 7شہری زخمی ہوگئے جنہیں سی ایم ایچ اسپتال سیالکوٹ منتقل کردیاگیا۔
خیال رہے کہ 22 اکتوبر کو بی ایس ایف نےایل اوسی پر متعدد پاکستانی فوجی اہلکاروں کو نشانہ بنانے کے دعویٰ کیا تھا تاہم پاکستان نے بھارت کے ان دعوؤں کو مسترد کردیا تھا۔
یاد رہے کہ اسے قبل 21 اکتوبرکو بھارتی فوج کی جانب سے شکر گڑھ سیکٹر پر بلااشتعال فائرنگ کی گئی، پاکستان رینجرز نے مؤثر جواب دیتے ہوئے دشمن کی توپیں خاموش کرادیں تھیں۔
واضح رہےکہ گزشتہ روز ترجمان دفتر خارجہ نفیس ذکریا کا ہفتہ وار میڈیا بریفنگ کے دوران کہنا تھا کہ ہندوستان کی جانب سے ایل او سی پر بلا اشتعال فائرنگ اور گولہ باری کے 90 سے زائد واقعات ہو چکے ہیں۔
واضح رہے کہ بھارتی فوج نے ایک بار پھر ایل او سی اور ورکنگ باؤنڈری پر بلااشتعال فائرنگ اورگولہ باری شروع کر دی، جس کے نتیجے میں دو فوجی جوان شہید ہوگئے، پاک فوج کی جوابی کارروائی نے دشمن کو خاموش ہونے پر مجبور کردیا تھا۔
شکرگڑھ: بھارتی فوج کی جانب سے ایک بارپھرلائن آف کنٹرول کی خلاف ورزی کی گئی ہے۔
بھارت کی جانب سے ایک مرتبہ پھر لائن آف کنٹرول کی خلاف ورزی کا واقعہ سامنے آ گیا۔تفصیلات کے مطابق سیالکوٹ کے قریب شکر گڑھ سیکٹر پر بھارت کی جانب سے لائن آف کنٹرول کی خلاف ورزی کرتے ہوئے شدید فائرنگ اور گولہ باری کی ہے۔اس خلاف ورزی کے جواب میں پاکستان کی جانب سے پاک فوج نے بھرپور جوابی کاروائی کی ہے جس کے بعد بھارتی توپیں خاموش ہو گئیں ہیں۔
