ARYNews.tv | Urdu – Har Lamha Bakhabar

Tag: جوان شہید

  • قلات میں سیکیورٹی فورسز کا آپریشن، 12 دہشت گرد ہلاک، ایف سی کے 18 جوان شہید

    قلات میں سیکیورٹی فورسز کا آپریشن، 12 دہشت گرد ہلاک، ایف سی کے 18 جوان شہید

    بلوچستان کے علاقے قلات میں سیکیورٹی فورسز  نے 18 دہشتگردوں کو ہلاک کردیا جبکہ مقابلے میں ایف سی کے 18 بہادر جوانوں نے جام شہادت نوش کیا۔

    پاک فوج کے شعبہ تعلقات عامہ (آئی ایس پی آر) کے مطابق قلات کے علاقے منگوچر میں سیکیورٹی فورسز نے کارروائی کی جس میں قانون نافذ کرنے والے اداروں نے بھی حصہ لیا۔

    آئی ایس پی آر کے مطابق دہشت گردوں نے قلات کے علاقے منگوچر میں سڑک بلاک کرنے اور پُرامن شہریوں کے معمولات زندگی متاثر کرنے کی کوشش کی جس پر کارروائی کی گئی۔

    آئی ایس پی آر کے مطابق کارروائی کے دوران 12 دہشتگرد ہلاک ہوئے جبکہ منگوچر آپریشن میں دہشتگردوں سے لڑتے ہوئے ایف سی بلوچستان کے 18 جوان بہادری سے لڑتے ہوئے شہید ہوگئے۔

    پاک فوج کے شعبہ تعلقات عامہ کا کہنا ہے کہ سیکیورٹی فورسز کا علاقے میں کلیئرنس آپریشن  جاری ہے، بلوچستان میں امن کو سبوتاژ کرنے کی ہر کوشش ناکام بنادی جائے گی، بہادر جوانوں کی قربانیاں ہمارے عزم کو مزید تقویت دیتی ہیں۔

  • اوکاڑہ: ڈاکوؤں کی فائرنگ سے ایلیٹ فورس کا جوان شہید

    اوکاڑہ: ڈاکوؤں کی فائرنگ سے ایلیٹ فورس کا جوان شہید

    اوکاڑہ: پنجاب کے شہر اوکاڑہ میں ڈاکوؤں کی فائرنگ سے ایلیٹ فورس کا ایک جوان شہید ہو گیا، جوابی فائرنگ سے 2 ڈاکو ہلاک ہو گئے۔

    تفصیلات کے مطابق اوکاڑہ تھانہ صدر کے علاقے کورٹ باری کے قریب پولیس مقابلے کے دوران ڈاکوؤں کی فائرنگ سے ایلیٹ فورس کا جوان اسد جمیل شہید، جب کہ 2 ڈاکو ایلیٹ فورس اور پولیس کی جوابی فائرنگ سے ہلاک ہو گئے۔

    کورٹ باری کے قریب ڈکیتی کی واردات کے بعد ڈاکو فرار ہو رہے تھے کہ پولیس اہل کار پہنچ گئے، ایلیٹ فورس کے جوانوں نے فرار ہوتے ڈاکوؤں کا تعاقب شروع کر دیا، جس پر ڈاکوؤں نے سیدھی فائرنگ شروع کر دی، جس سے ایک جوان موقع پر شہید ہو گیا۔

    جوانوں کی جوابی فائرنگ سے فرار ہونے والے دونوں ڈاکو ہلاک ہو گئے۔

    اوکاڑہ واقعہ: جاں بحق بچوں کی پوسٹ مارٹم رپورٹ آگئی

    واضح رہے کہ ان دنوں اوکاڑہ میں دو بچوں کے لرزہ خیز قتل کا معاملہ بھی سرخیوں میں ہے، گزشتہ ہفتے اوکاڑہ کی رحمان کالونی میں دو معصوم بچوں کو پڑوسیوں نے اغوا کرنے کے بعد زیادتی کر کے قتل کر دیا تھا، اور ان کی لاشیں نہر میں پھینک دی تھیں۔

  • جنوبی وزیرستان میں دہشت گردوں کی فورسز پر فائرنگ، 4 جوان شہید

    جنوبی وزیرستان میں دہشت گردوں کی فورسز پر فائرنگ، 4 جوان شہید

    راولپنڈی: صوبہ خیبر پختونخواہ کے ضلع جنوبی وزیرستان میں دہشت گردوں کی فورسز پر فائرنگ سے 4 جوان شہید ہوگئے، جوابی کارروائی میں 4 دہشت گرد مارے گئے۔

    تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ جنوبی وزیرستان کے علاقے مکین میں دہشت گردوں نے فورسز پر فائرنگ کی ہے، سیکیورٹی فورسز نے بروقت جوابی کارروائی کی جس میں 4 دہشت گرد ہلاک ہوگئے۔

    آئی ایس پی آر کا کہنا ہے کہ دہشت گردوں سے فائرنگ کے تبادلے میں 4 جوان شہید ہوئے ہیں۔ شہدا میں لانس نائیک عمران علی، سپاہی عاطف جہانگیر، سپاہی عزیز اور سپاہی انیس الرحمٰن شامل ہیں۔

    آئی ایس پی آر کا کہنا ہے کہ علاقے میں کلیئرنس آپریشن جاری ہے۔

    خیال رہے کہ اس سے قبل 4 فروری کو سیکیورٹی فورسز نے شمالی وزیرستان کے علاقے میر علی میں دہشت گردوں کے ٹھکانے پر آپریشن کیا تھا۔

    دہشت گردوں کی جانب سے سیکیورٹی فورسز پر فائرنگ کی گئی جس کے بعد فائرنگ کے تبادلے میں 4 دہشت گرد مارے گئے تھے۔

    آئی ایس پی آر کے مطابق آپریشن میں نائب صوبیدار امین اللہ اور سپاہی شیر زمین شہید جبکہ 4 جوان زخمی ہوگئے تھے۔

  • لائن آف کنٹرول پر شہید فوجی جوان آبائی علاقوں میں سپرد خاک

    لائن آف کنٹرول پر شہید فوجی جوان آبائی علاقوں میں سپرد خاک

    پنو عاقل: لائن آف کنٹرول پر گزشتہ روز بھارتی فوج کی بلا اشتعال فائرنگ سے شہید ہونے والے فوجی جوانوں کو آبائی علاقوں میں سپرد خاک کر دیا گیا۔

    تفصیلات کے مطابق گزشتہ روز ایل او سی پر بھارتی فوج کی اشتعال انگیزی کے باعث جام شہادت نوش کرنے والے پاک فوج کے دو اہل کاروں کو سپرد خاک کر دیا گیا۔

    نائب صوبیدار کندیرو کی تدفین صوبہ سندھ کے ضلع سکھر کی تحصیل پنو عاقل میں عمل میں آئی، جب کہ سپاہی محمد احسان کو پنجاب کے ضلع جہلم کے شہر پنڈدادن خان میں سپرد خاک کیا گیا۔

    یہ بھی پڑھیں:  ایل او سی پر فائرنگ سے 2 جوان شہید، پاک فوج کا منہ توڑ جواب، 3 بھارتی فوجی ہلاک

    شہید فوجیوں کی نماز جنازہ میں فوجی اور سول حکام، عزیز و اقارب اور شہریوں کی بڑی تعداد نے شرکت کی۔

    یاد رہے کہ دونوں جوان بھارتی فورسز کی بلا اشتعال فائرنگ سے گزشتہ روز شہید ہوئے تھے، پاک فوج کی جوابی کارروائی میں تین بھارتی فوجی ہلاک ہو گئے تھے، اور دشمن کی ایک چوکی تباہ ہو گئی تھی۔

    ڈی جی آئی ایس پی آر کا کہنا تھا کہ بھارتی فورسز نے حاجی پیر سیکٹر پر بلا اشتعال فائرنگ کی ہے جس کا بھرپور جواب دیا گیا۔ پاک فوج کی جوابی کارروائی سے بھارتی چیک پوسٹ تباہ ہو گئی، اور 3 بھارتی فوجی مارے گئے، جن میں ایک صوبیدار بھی شامل تھا۔

    آئی ایس پی آر کے مطابق پاک فوج کے جوان دیوا سیکٹر پر بھارتی اشتعال انگیزی سے شہید ہوئے تھے۔

  • بھارتی ڈپٹی ہائی کمشنرکی دفترخارجہ طلبی

    اسلام آباد: ڈی جی ساؤتھ ایشیا ڈاکٹر محمد فیصل نے بھارتی ڈپٹی ہائی کمشنر کو دفترخارجہ طلب کرکے بھارتی فوج کی فائرنگ سے پاک فوج کے جوانوں کی شہادت پر شدید احتجاج کیا۔

    تفصیلات کے مطابق دفتر خارجہ نے بھارتی ڈپٹی ہائی کمشنر کو طلب کرکے بھارتی فوج کی جانب سے ایل او سی پر سیز فائر معاہدے کی خلاف ورزی اور بھارتی فوج کی فائرنگ سے پاک فوج کے جوانوں کی شہادت پر شدید احتجاج کیا۔

    بھارتی ڈپٹی ہائی کمشنر کو پاکستان کی جانب سے مراسلہ دیا گیا ہے جس میں بتایا گیا ہے کہ بھارتی افواج لائن آف کنٹرول پر شہری آبادی کو نشانہ بنا رہی ہے، آج بھی بھارتی فوج نے ایل او سی کے بٹل سیکٹر پر بلااشتعال فائرنگ کی جس سے پاک فوج کے ایک جوان نے جام شہادت نوش کیا۔

    ایل او سی پر فائرنگ، پاک فوج کا ایک اور جوان شہید

    بھارتی فوج کی لائن آف کنٹرول (ایل او سی ) پر بلااشتعال فائرنگ سے پاک فوج کا ایک اور جوان شہید ہوگیا۔

    ترجمان پاک فوج میجرجنرل آصف غفور کے مطابق سپاہی محمد شیراز نے اپنے فرائض انجام دیتے ہوئے جام شہادت نوش کیا۔

    بھارتی فوج کی بلا اشتعال فائرنگ سے پاک فوج کے 3 جوان شہید

    یاد رہے کہ گزشتہ روز بھارتی فوج کی بلا اشتعال فائرنگ سے پاک فوج کے 3 جوان شہید ہو گئے تھے، جس کے جواب میں پاک فوج کی بھرپور اور مؤثر کارروائی میں 5 بھارتی فوجی مارے گئے تھے۔

    ڈی جی آئی ایس پی آر کے مطابق شہید ہونے والے جوانوں میں نائک تنویر،لانس نائک تیمور اور سپاہی رمضان شامل ہیں۔

    پاک فوج کے شعبہ تعلقات عامہ کے مطابق مقبوضہ جموں وکشمیر کی موجودہ نازک صورت حال سے توجہ ہٹانے کے لیے بھارتی فوج نے ایل او سی پر فائرنگ کا سلسلہ بڑھا دیا ہے۔

  • شمالی وزیرستان: سرنگ دھماکے میں شہید فوجی جوانوں کی نماز جنازہ ادا

    شمالی وزیرستان: سرنگ دھماکے میں شہید فوجی جوانوں کی نماز جنازہ ادا

    namaz

  • شمالی وزیرستان : بارودی سرنگ میں دھماکہ،6جوان شہید

    شمالی وزیرستان : بارودی سرنگ میں دھماکہ،6جوان شہید

    blast