Tag: جوز بٹلر

سابق بھارتی کرکٹر نے آئی پی ایل میں شاندار سنچری بنانے والے جوز بٹلر کی تعریف کی ہے اور انھیں بھی بھارتی سپر اسٹارز جتنی عزت دینے کا مطالبہ کیا ہے۔

ہربھجن سنگھ نے کولکتہ نائٹ رائیڈرز کے خلاف کامیاب ہدف کے تعاقب میں سنچری جڑنے والے انگلش پلیئر جوز بٹلر کو کھل کر سراہا ہے۔ سابق آف اسپنر نے کہا ہے کہ اگر اسی طرح ہدف کے تعاقب میں ویرات کوہلی یا مہندرا سنگھ دھونی سنچری بناتے تو ان کی بہت واہ واہ ہوتی۔

انھوں نے کہا کہ اگر ویرات کوہلی نے یہ سنچری اسکور کی ہوتی تو ہم دو مہینے تک ان کی تعریفیں کرتے نہ تھکتے، جس طرح ہم نے آخری میچ میں ایم ایس دھونی کے لگائے چار چھکوں کی بات کی، ہمیں اسی طرح جوز بٹلر کو بھی عزت دینی چاہیے کیوں وہ بھی لیجنڈز میں سے ایک ہیں۔

ہربھجن نے کہا کہ وہ ایک خاص اور مختلف سطح کے کھلاڑی ہیں۔ جوز بٹلر نے یہ پہلی بار نہیں کیا ہے وہ پہلے بھی کئی بار ایسا کر چکے ہیں

انھوں نے کہا کہ بٹلر ایک ناقابل یقین کھلاڑی ہیں ہم ان کے بارے میں زیادہ بات نہیں کرتے کیونکہ وہ بھارتی کھلاڑی نہیں ہیں۔

واضح رہے کہ جوز بٹلر نے آئی پی ایل میں اپنی ٹیم راجھستان رائلز کی جانب سے کولکتہ نائٹ رائیڈرز کے خلاف ون مین شو کا مظاہرہ کیا تھا اور اکیلے ہی راجستھان رائلز کو فتح دلائی تھی۔

انگلش پلیئر نے 107 ناٹ آؤٹ رنز اسکور کرتے ہوئے میچ کی آخری گیند پر کے کے آر سے جیت چھین لی تھی۔

انگلینڈ کے کپتان جوز بٹلر نے اپنے نام کے غلط تلفظ کے بعد اپنا نام تبدیل کر نے کا اعلان کردیا۔

انگلینڈ کرکٹ بورڈ (ای سی بی) نے اپنے آفیشل سوشل میڈیا ہینڈل پر ایک ویڈیو پوسٹ کی، اس منفرد ویڈیو میں کپتان جوز بٹلر نے نام کی تبدیلی کا اعلان کیا۔

33 سالہ جوز بٹلر برسوں سے تمام فارمیٹس میں انگلینڈ کے سب سے زیادہ مستقل مزاج کارکردگی دکھانے والے کھلاڑیوں میں سے ایک ہیں، تاہم وکٹ کیپر بلے باز کو پورے کیریئر میں لوگوں نے انہیں غلط نام سے پکارا ہے، یہاں تک کہ ان کی والدہ نے سالگرہ پر انہیں غلط نام سے پکارا ہے جبکہ ایک ایوارڈ میں بھی ان کا نام غلط لکھا گیا۔

ویڈیو میں کپتان جوز بٹلر نے کہا کہ ’’ ہیلو! میں انگلینڈ کے وائٹ بال کا کپتان جوز بٹلر ہوں،  مجھے ساری زندگی غلط نام سے پکارا جاتا رہا ہے، میری والدہ بھی غلط نام سے پکارنے والوں میں شامل ہیں‘‘۔

’’لہذا 13 سال اپنے ملک کی نمائندگی کرنے اور دو ورلڈ کپ جیتنے کے بعد، آخرکار مسئلہ کو حل کرنے کا وقت آگیا ہے، مسئلہ کو ایک بار اور ہمیشہ کے لیے حل کرنے کے لیے، میں باضابطہ طور پر جوش بٹلر ہوں‘‘۔

نوین الحق نے جوز بٹلر کو آؤٹ کرنے کے کس حدتک منصوبہ بندی کی تھی، اس راز سے افغانی پیسر نے خود ہی پردہ اٹھا دیا۔

افغانستان کے ہاتھوں انگلینڈ کی شکست کے بعد آئی سی سی کی جانب اپنے آفیشل انسٹاگرام اکاؤنٹ پر نوین الحق کی ایک ویڈیو شیئر کی گئی ہے جس میں پیسر نے تفصیل بیان کی ہے کہ کس طرح انھوں نے خطرناک انگلش بیٹر کو قابو کیا۔

انٹرنیشنل کرکٹ کونسل سے گفتگو کرتے ہوئے افغانی پیسر کا کہنا تھا کہ ’ اس وقت جوز بٹلر ان سوئنگر کے لیے بالکل بھی تیار نہیں تھے‘۔

انھوں نے کہا کہ یہ ایک گریٹ سیٹ اپ تھا جس کے بارے میں، میں نے اور محمد نبی نے گفتگو کی تھی۔ میں نے جوز اور بروک کو تین اوورز کیے تھے اور اس میں تقریباً ڈیلیوریز آؤٹ سونگرز تھیں۔

View this post on Instagram

A post shared by ICC (@icc)

نوین نے بتایا کہ بٹلر کو بولڈ کرنے والی بال کرنے سے قبل میں نے محمد نبی سے بات کی تو ہم نے یہ فیصلہ کیا کہ اگلی بال انھیں ان سوئنگ کرانی چاہیے جس کے لیے وہ تیار نہیں ہونگے۔ خوش قسمتی سے وہ بال درست جگہ پر پڑی۔

واضح رہے کہ افغانستان نے شاندار کاکردگی کا مظاہرہ کرتے ہوئے ورلڈکپ میں پہلی بار انگلینڈ کی ٹیم کو 69 رنز سے شکست دی تھی جبکہ نوین نے اہم مرحلے پر انگلش کپتان اور ان فارم بیٹر جوز بٹلر کو بولڈ کیا تھا۔

جیسن روئے کو آئندہ ورلڈکپ کے لیے انگلینڈ کے اسکواڈ کا حصہ نہیں بنایا گیا، معاملے کی حساسیت کے پیش نظر جوز بٹلر نے خود ذاتی طور پر انگلش اوپنر کو اس خبر سے آگاہ کیا۔

اس مشکل ٹاسک کو انجام دینے کے حوالے سے گفتگو کرتے ہوئے انگلینڈ ون ڈے ٹیم کے کپتان کا کہنا تھا کہ جیسن روئے پر ہیری بروک کو ترجیح دینا ایک مشکل فیصلہ تھا۔ یہ کوئی خوشگوار چیز نہیں تھی لیکن یہ حکمت عملی کا حصہ ہے۔

انھوں نے کہا کہ اس طرح کا فیصلہ کرنا کسی بھی وقت آسان نہیں ہوتا۔ بطور کپتان یہ میری ذمہ داری تھی حالاں کہ جیسن میرا بہت اچھا ساتھی ہے اس لیے یہ کرنا واقعی کٹھن تھا۔

یہ پہلا موقع نہیں جب رائے کو بٹلر کی طرف سے اس طرح کی خبر ملی ہو۔ اس سے قبل، انگلیش بیٹر کو انگلینڈ کے T20 ورلڈ کپ اسکواڈ سے بھی باہر کیا گیا تھا۔

روئے بدقسمتی سے کمر کی تکلیف کے باعث نیوزی لینڈ کے خلاف حالیہ چاروں ون ڈے میچز نہیں کھیل پائے تھے، جس کے بعد بھارت میں منعقد ہونے والے ورلڈکپ 2023 اسکواڈ میں ان کی جگہ ہیری بروک کو منتخب کیا گیا۔

واضح رہے کہ ہیری بروک کو انگلینڈ کی ٹیم کا حصہ بنانے کی وجہ یہ بتائی گئی ہے کہ وہ نمبر ایک سے لے کر چھ تک کسی بھی نمبر پر بیٹنگ کرنے کی صلاحیت رکھتے ہیں۔

انگلینڈ کی ون ڈے کرکٹ ٹیم کے کپتان جوز بٹلر نے پُرزور انداز میں کہا ہے کہ ان کی ٹیم رواں سال محض دفاع کے بجائے پھر سے ورلڈکپ جیتنا چاہتی ہے۔

انگلش ٹیم کے 32 سالہ کھلاڑی نے نیوزی لینڈ کے خلاف حالیہ ون ڈے سیریز کی جیت کو ورلڈ ٹورنامنٹ کے لیے اچھی تیاری قرار دیا۔ براڈ کاسٹر سے گفتگو کرتے ہوئے انھوں نے کہا کہ اس بار ٹرافی اٹھانے کے لیے ان کی ٹیم اچھی دکھ رہی ہے، بٹلر کے مطابق چوتھے ون ڈے میں اسپنرز نے بھی اپنی مہارت دکھا کر یہ بات واضح کر دی ہے۔

بٹلر نے کہا کہ ہم عمدہ طریقے سے آگے بڑھ رہے ہیں اور ہم کسی چیز کے دفاع کرنے کی کوشش نہیں کررہے بلکہ ہم تو وہاں جاکر ورلڈ کپ جیتنے کی بھرپور کوشش کریں گے۔ اس وقت ہماری بھی وہی پوزیشن ہے جو دوسری ٹیموں کی ہے۔

انھوں نے نیوزی لینڈ کے خلاف حالیہ سیریز کا حوالہ دیتے ہوئے کہا کہ ہم بہتر سے بہتر ہورہے ہیں، ہر کسی نے یہی کہا کہ گزشتہ میچ کی وکٹ سلو تھی اور اس پر کافی محنت کرنا پڑی، اسپنرز نے بہت عمدگی سے بولنگ کی۔

انگلش کپتان نے کہا کہ ہم بہتر پوزیشش میں ہیں بحیثیت پلیئر میں آئندہ ورلڈ ایونٹ کے لیے پرجوش ہوں۔ ہمارے کھلاڑی بیٹ اور بول کے ساتھ اپنی مہارت کا مظاہرہ کررہے ہیں۔

واضح رہے کہ سیریز کے پہلے میچ میں کیویز کے خلاف انگلینڈ کو 8 وکٹوں سے شکست کا سامنا کرنا پڑا تھا مگر پھر انگلینڈ نے پلٹ کر وار کرتے ہوئے بقیہ تینوں ون ڈیز میں فتح اپنے نام کی اور سیریز میں 1-3 سے کامیابی کو گلے لگایا تھا۔