واشنگٹن: آئی ایم ایف کی ڈائریکٹر کمیونیکیشن جولی کوزیک کا کہنا ہے کہ پاکستان قرض پروگرام اہداف کےحصول کیلئے پُرعزم ہے۔
تفصیلات کے مطابق آئی ایم ایف کی ڈائریکٹر کمیونیکیشن جولی کوزیک نے نیوز کانفرنس میں کہا کہ آئی ایم ایف قرض پروگرام میں ششماہی کیساتھ سہ ماہی جائزہ بھی لے سکتا ہے۔
آئی ایم ایف کی ڈائریکٹر کمیونیکیشن کا کہنا تھا کہ پاکستان کا حالیہ دورہ بھی سہ ماہی کارکردگی کیلئے 12 سے 15 نومبر تک کیا گیا، پاکستان قرض پروگرام اہداف کے حصول کیلئے پرعزم ہے۔
انھوں نے بتایا کہ آئی ایم ایف ٹیم پاکستانی حکام کیساتھ ملنے کے بعد امید افزا ہیں، کلائیمٹ فنانسنگ میں پاکستان کیلئےایک علیحدہ قرض پروگرام پرکام جاری ہے، کلائیمٹ فنانسنگ کا نیا قرض پروگرام ریزی لینس سسٹین ایبلیٹی فیسی لیٹی ہے۔
ڈائریکٹرکمیونیکیشن کا کہنا تھا کہ کلائیمٹ فنانسنگ کا نیا قرض پروگرام ریزی لینس سسٹین ایبلیٹی فیسی لیٹی ہے، کلائیمٹ فنانسنگ نیا قرض پروگرام کیلئے تفصیلی مشاورت کرنا ہوگی۔
انھوں نے کہا کہ پاکستان کےقرض پروگرام میں معاشی اہداف،کارکردگی کاجائزہ لے رہے ہیں، ٹیکس آمدن میں شارٹ فال پربھی آئی ایم ایف مشن مکمل جائزہ لے رہا ہے۔
