اوہایو: راجرز کپ کے فاتح فرانس کے جوولفریڈ سونگا اپ سیٹ شکست کے بعد سنسناٹی ماسٹرز ٹینس سے باہر ہوگئے۔اوہایو میں کھیلے جانے والے ٹورنامنٹ کے ابتدائی راؤنڈ میں روس کے میخائل یوزہنی نے فرانس کے جوولفریڈ سونگا کو اپ سیٹ کردیا۔
ٹورنٹو میں کامیابی کے جھنڈے گاڑنے والے سونگا روسی کھلاڑی کے خلاف بے بس دکھائی دیئے۔ سونگا نے راجرز کپ کے فائنل میں سوئٹزرلینڈ کے راجر فیڈرر کو زیر کیا تھا۔ یوزہنی نے اسٹریٹ سیٹس میں سونگا کے خلاف فتح حاصل کی۔ روسی کھلاڑی کی فتح کا اسکور چھ ایک اور چھ چار رہا۔
ورلڈ ٹینس چیمپئین شپ میں فرانس کے جوولفریڈ سونگا نے برطانیہ کے اینڈی مرے کو اپ سیٹ شکست دے دی۔ ابو ظہبی میں ورلڈ ٹینس چیمپئین شپ جاری ہے۔
کمر کی سرجری کے بعد پہلا ایونٹ کھیلنے والے برطانیہ کے اینڈی مرے کو فرانس کے جوولفریڈ سونگا کے ہاتھوں اپ سیٹ شکست کا سامنا کرنا پڑا۔
سونگا کی فتح کا اسکور سات پانچ اور چھ تین رہا۔ سیمی فائنل میں سونگا کا مقابلہ عالمی دو سربیا کے نوواک جوکووچ سے ہوگا۔
دوسرے میچ میں اسپین کے ڈیوڈ فیررر نے ایٹتھ سیڈ سوئٹزرلینڈ کے اسٹینلاس وارینکا کے خلاف اسٹریٹ سیٹس میں سات پانچ اور سات ایک سے کامیابی حاصل کی۔ سیمی فائنل میں فیررر کا مقابلہ ہم وطن اور عالمی نمبر ایک رافیل نڈال سے ہوگا۔