جوہانسبرگ: جنوبی افریقہ کی فٹبال ٹیم کے کپتان اور گول کیپر کو جوہانسبرگ کے قریب نا معلوم مسلح افراد نے گولی مار کر ہلاک کر دیا۔
ستائیس سالہ جنوبی افریقن فٹبال ٹیم کے کپتان سینزو میوا کو جوہانسبرگ کے علاقے میں نامعلوم افراد نے گولی مار کر ہلاک کردیا، فٹبالر جس گھر میں ٹھہرے ہوئے تھے وہاں دو مسلح افراد نے گھر میں گھس پر انھیں قتل کردیا اور فرار ہو گئے۔
سینزو نے دو ہزار پندرہ میں افریقن کپ آف نیشنز کے چار کوالیفائنگ میچوں میں ٹیم کی قیادت کر چکے تھے۔ انھوں نے اپنا آخری میچ ہفتہ کو کھیلا جس میں ان کی ٹیم کو چار ایک کے اسکور سے فتح حاصل ہوئی تھی۔
