Tag: جویریہ سعود

شوبز انڈسٹری کی سینئر اداکارہ جویریہ سعود نے پوڈ کاسٹ اور ٹی وی چینلز پر مفت میں انٹرویو دینے سے انکار کردیا ہے۔

فوٹو اور ویڈیو شیئرنگ ایپ انسٹاگرام پر اداکارہ جویریہ سعود نے پوسٹ شیئر کی جس میں انہیں سیاہ رنگ کی ساڑھی زیب تن کیے دیکھا جاسکتا ہے۔

انہوں نے پوسٹ میں پوڈ کاسٹ اور ٹی وی چینلز کو مفت میں انٹرویو نہ دینے کی وجہ بیان کی۔

جویریہ نے لکھا کہ ہر کوئی مجھ سے پوڈ کاسٹ اور انٹرویوز کے بارے میں پوچھ رہا ہے لیکن ان کے لیے میرا جواب ہے کہ میں مفت انٹرویو دینے کے بجائے اپنی فیملی کے ساتھ وقت گزارنے یا اسکرپٹ لکھنے کو ترجیح دیتی ہوں۔

View this post on Instagram

A post shared by Javeria Saud Qasmi (@javeria_saud_official)

انہوں نے لکھا کہ ’ڈیجیٹل تخلیق کار اپنے مواد کو مونوٹائز کرتے ہیں اس لیے میں معاوضہ لے کر کام کرنا چاہوں گی۔

اداکارہ نے کہا کہ میں اپنے یوٹیوب چینل پر مداحوں سے گفتگو کرتی ہوں اور وہاں ان کے سوالات کے جوابات دینے کے لیے موجود ہوتی ہوں۔

واضح رہے کہ حال ہی میں جویریہ سعود نے ڈرامہ سیریل ’بے بی باجی کی بہوئیں‘ میں عذرا کر مرکزی کردار نبھایا تھا جبکہ ڈرامے میں ان کے شوہر کا کردار ان کے حقیقی شوہر سعود قاسمی نے انجام دیا تھا۔

بے بی باجی کی بہوئیں کی دیگر کاسٹ میں جنید جمشید نیازی، طوبیٰ انور، سنیتا مارشل، حسن احمد، افضل خان ریمبو، رمہا احمد، فضل حسین ودیگر شامل تھے۔

پاکستان شوبز انڈسڑی کی معروف اداکارہ جویریہ سعود نے شو میں دلچسپ سوالوں کے جواب دیئے ہیں۔

ڈرامہ سیریل بے بی باجی میں ’عذرا‘ کا منفی کردار نبھانے والی جویریہ سعود نے اے آر وائی نیوز کے اسپورٹس اسپیشل شو’ ہر لمحہ پُرجوش‘ میں شرکت کی، جہاں انہوں نے ہوسٹ وسیم بدامی بدامی کے دلچسپ سوالوں کے جواب دیئے۔

گیم میں ہاں اور ناں کا جواب دینا تھا، ہوسٹ نے سوال کیا کہ ’آپ کے دل میں انڈسٹری کے لوگوں کے راز ہیں‘ جس پر جویریہ سعود نے کہا کہ ہاں بہت سے لوگوں کے راز ہیں۔

جویریہ سعود نے کہا کہ ’سن لو سب لوگ، مجھ سے سب بچ کے رہنا میں سارے راز کھول دوں گی، ایک اور سوال کے جواب میں اداکارہ نے کہا کہ ’میں صرف ٹی وی پر زیادہ بولتی ہوں‘۔

 

View this post on Instagram

 

A post shared by ARY News (@arynewstv)

واضح رہے کہ ڈرامہ سیریل بے بی باجی کی کاسٹ میں ثمینہ احمد، منور سعید، جویریہ سعود، سعود قاسمی، جنید جمشید نیازی، طوبیٰ انور، فضل حسین، عینا آصف، فائزہ خان ودیگر شامل تھیں۔

ڈرامے کی کہانی منصور احمد خان نے لکھی ہے جبکہ اس کی ہدایت کاری کے فرائض تحسین خان نے انجام دیے تھے۔

اے آر وائی ڈیجیٹل کے ڈرامہ سیریل ’بے بی باجی‘ میں عذرا نے اسما کا راز فاش کردیا۔

ڈرامہ سیریل ’بے بی باجی‘ میں سینئر اداکارہ ثمینہ احمد (بے بی باجی)، سعود قاسمی (جمال)، جویریہ سعود (عذرا)، حسن احمد (نصیر)، سنیتا مارشل (اسما)، جنید جمشید نیازی (واصف)، سیدہ طوبیٰ انور (فرحت)، فضل حسین (ولید)، عینا آصف (سمن)، فائزہ خان (رامین) ودیگر اداکاری کے جوہر دکھا رہے ہیں۔

ڈرامے کی کہانی منصور احمد خان نے لکھی ہے جبکہ اس کی ہدایت کاری کے فرائض تحسین خان نے انجام دیے ہیں۔

گزشتہ قسط میں دکھایا گیا کہ واصف اور فرحت کی منگنی کی تقریب میں عذرا، اسما کا راز سب کو بتادیتی ہیں۔‘

بے بی باجی ہونے والی بہو فرحت سے سب کا تعارف کرواتی ہیں اور کہتی ہیں کہ ’عذرا اور ابو سے تو پہلے تم مل چکی ہو یہ تمہاری چھوٹی جیٹھانی اسما ہے۔‘

یہ سن کر عذرا فوراً بولتی ہیں کہ ’ارے امی آپ کو کیا ہوگیا ہے یہ دونوں تو پہلے مل چکی ہیں۔‘ وہ کہتی ہیں کہ ’اسما تم نے امی کو نہیں بتایا اس دن کھانے پر فرحت بھی تمہارے ساتھ گئی تھی۔‘

اسما، عذرا کی طرف دیکھ کر حیران رہ جاتی ہیں۔ لیکن عذرا مزید کہتی ہیں کہ ’ولید، واصف، فرحت، اسما، سمن سب ساتھ ہی ہی تو تھے امی آپ کو یہ بات نہیں پتا۔‘

بے بی باجی بات بناتے ہوئے کہتی ہیں کہ ’مجھے معلوم ہے بس ذہن سے نکل گیا تھا۔‘ اس پر عذرا کہتی ہیں کہ ’آپ کی یادداشت کو کیا ہوگیا ہے آپ تو سالوں پرانی باتیں یاد رکھتی ہیں لیکن یہ ذہن سے کیسے نکل گیا۔‘

وہ کہتی ہیں کہ ’کبھی کبھی عذرا ایسا ہوجاتا ہے۔‘ عذرا کہتی ہیں کہ ’میں سمجھ گئی۔‘

کیا عذرا ساس کی نظر میں اسما کو گرانا چاہتی ہیں؟ کیا عذرا اپنے مقصد میں کامیاب ہوجائیں گی؟ یہ جانے کے لیے بے بی باجی کی اگلی قسط دیکھیں۔