Tag: جو روٹ

بھارتی آف اسپنر روی چندرن ایشون نے اپنا نقطہ نظر پیش کرتے ہوئے کہا ہے کہ بابر اعظم اور ویرات کوہلی کو ایک پیرائے میں نہیں دیکھنا چاہیے۔

اپنے یو ٹیوب چینل پر ایشون نے کہا اگر کوئی ٹیسٹ کرکٹ میں ویرات کوہلی کے قریب پہنچ سکتا ہے تو وہ انگلش بیٹر جو روٹ ہیں، بارڈر کی دونوں جانب ویرات کوہلی اور بابر اعظم کو ایک ہی پیرائے میں قطعی طور پر نہیں دیکھنا چاہیے، کوئی بیٹر کوہلی کے قریب بھی نہیں آسکتا۔

انھوں نے کہا کہ بابر اعظم کو آگے موقع ملے گا تو وہ رنز اسکور کریں گے، تاہم میرے خیال میں ہمیں بابر اور ویرات کے تقابل کی بحث کو ہمیشہ کے لیے ختم کردینا چاہیے۔

روی چندرن ایشون نے کہا کہ میں معذرت چاہتا ہوں کہ میں بابر اعظم کو ریٹ کررہا ہوں وہ ایک بہترین پلیئر ہیں مگر ویرات کوہلی کے اعداد وشمار کچھ اور ہی کہتے ہیں۔

آف اسپنر نے مزید کہا کہ کئی بار دباؤ کی صورتحال میں ویرات کوہلی نے جس طرح کی کارکردگی کا مظاہرہ کیا ہے کرکٹ کی دنیا میں کوئی ان کے قریب بھی نہیں آسکتا۔

خیال رہے کہ پاکستان سلیکشن کمیٹی کا بابر اعظم پر سے اعتماد اٹھ چکا ہے کیوں کہ وہ ریڈ بال کرکٹ میں مسلسل بدترین فارم کا شکار ہیں، سابق کپتان پاکستان کرکٹ ٹیم ٹیسٹ میچز کی آخری 18 اننگز میں ایک بھی 50 اسکور کرنے میں ناکام رہے ہیں۔

ہوم گراؤنڈ پر اپنی آخری 8 اننگز میں بابر اعظم صرف 18.75 کی اوسط سے رنز بناپائے جبکہ اسی دوران دوسرے قومی بیٹرز نے ان کے مقابلے میں کافی رنز اسکور کیے۔

اسی پرفارمنس کے پیش نظر پی سی بی سلیکشن کمیٹی نے انھیں انگلینڈ کے خلاف آخری دو ٹیسٹ میچز میں آرام دینے کا فیصلہ کرتے ہوئے پہلی بار ٹیم سے ڈراپ کردیا تھا۔

انگلینڈ کے سابق کپتان مائیکل وان نے کہا ہے کہ جو روٹ بھارتی لیجنڈ سچن ٹنڈولکر کا سب سے زیادہ رنز بنانے کا ریکارڈ توڑ سکتے ہیں۔

جو روٹ اس وقت 33 سال کے ہیں اور ٹیسٹ کرکٹ میں ان کے رنز بنانے کی رفتار سست ہونے کے کوئی آثار نہیں دکھائی دے رہے، وہ ٹیسٹ کرکٹ میں ہم وطن الیسٹر کک کو پیچھے چھوڑتے ہوئے انگلینڈ کے سب سے کامیاب بلے باز بن گئے ہیں۔

ان کے 146 ٹیسٹ میچز میں رنز کی تعداد ساڑھے 12 ہزار سے زائد ہوگئی ہے جو روٹ کی ملتان میں بنائی گئی سنچری ان کے ٹیسٹ کیریئر کی 35 ویں سنچری تھی، وہ زیادہ ٹیسٹ سنچریاں بنانے والے بلے بازوں کی فہرست میں بھی دوسرے نمبر پر آگئے ہیں۔

ایشز فاتح کپتان مائیکل وان کے مطابق جو روٹ اپنی عمر کی چالیس کی دہائی میں بھی انگلینڈ کے لیجنڈری فاسٹ بولر جیمز اینڈرسن کی طرح اچھا کھیل سکتے ہیں۔

وان نے کہا کہ اگر وہ مزید طویل عرصے تک کھیلتے ہیں تو مجھے یقین ہے وہ سچن ٹنڈولکر کو پیچھے چھوڑ دیں گے اور سب سے زیادہ ٹیسٹ رنز بنانے والے کھلاڑی بن جائیں گے۔

انھوں نے کہا کہ صرف ایک عظیم کھلاڑی ہونے کے علاوہ روٹ اپنے چہرے پر مسکراہٹ کے ساتھ بیٹنگ کرتے ہیں اور کھیل میں نئے آنے والے نوجوانوں کو ان کی پیروی کرنی چاہیے۔

مائیکل وان کا مزید کہنا تھا کہ روٹ کرکٹ کی رائلٹی ہیں اور اس میں کوئی شک نہیں کہ وہ پہلے ہی انگلینڈ کے عظیم ترین بلے باز بن چکے ہیں، اس کھیل کے مختلف فارمیٹ میں ان سے بہتر کسی نے کھیل پیش نہیں کیا۔

انگلینڈ کے تجربہ کار بیٹر جو روٹ ٹریننگ کے دوران الٹے ہاتھ سے بیٹنگ کرتے نظر آئے، اس دوران ان کی ’سوئچ سویپ‘ شارٹ کی ویڈیو وائرل ہوگئی۔

سابق انگلش کپتان جو روٹ نے بظاہر ’باز بال‘ کو ایک نئی سطح پر لے جانے کا فیصلہ کیا ہے اور وہ بھارت کے خلاف دوسرے ٹیسٹ سے قبل انوکھے انداز میں بیٹنگ پریکٹس کررہے ہیں جس کی ویڈیو سوشل میڈیا پر وائرل ہورہی ہے۔

وشاکا پٹنم میں نیٹ سیشن کے دوران بائیں ہاتھ کے کھلاڑی روایتی سویپ شاٹ کی مشق کرتے ہوئے دیکھائی دیے لیکن حیرت انگیز بات یہ تھی کہ اس وقت وہ الٹے ہاتھ کے بلے باز کی طرح کھڑے تھے۔

ورلڈ کلاس بیٹر جنھیں ’فیب فور‘ میں بھی شمار کیا جاتا ہے، وہ نیٹ سیشن کے دوران الٹے ہاتھ سے بیٹنگ کرتے نظر آرہے ہیں۔

تاہم جب بولر نے ان کی طرف گیند ڈیلیور کی تو انھوں نے سوئچ کرتے ہوئے ایک عمدہ سویپ شاٹ کھیل کر اپنی بھرپور مہارت کا مظاہرہ کیا جسے ’سوئچ سویپ‘ بھی کہا جارہا ہے۔

Joe Root setting up as a left-hander at England training in Vizag pic.twitter.com/GmabemPrY7

— Will Macpherson (@willis_macp) January 31, 2024

یہ دیکھنے کے بعد اکثر شائقین کے ذہنوں میں سوالات اٹھ رہے ہیں کہ کیا روٹ الٹے ہاتھ سے بھی بیٹنگ کرنے کے اتنے ہی ماہر ہیں جتنا کہ وہ سیدھے ہاتھ سے بلے بازی کرتے دکھائی دیتے ہیں۔

واضح رہے کہ روٹ بھارت اور انگلینڈ کے درمیان پہلے ٹیسٹ میچ کی دونوں اننگز میں 29 اور 2 رنز کے اسکور پر پویلین لوٹ گئے تھے۔

دنیا کے نامور آل راؤنڈر بین اسٹوکس کے بعد اب انگلینڈ کے چوٹی کے بیٹر جو روٹ نے بھی انڈین پریمیئر لیگ کے اگلے ایڈیشن کو خیرباد کہہ دیا ہے۔

راجستھان رائلزکی جانب سے اس بات کا اعلان اپنے آفیشل ایکس کاؤنٹ پر کیا، آئی پی ایل فرنچائز کا کہنا تھا کہ ہمیں آئندہ سال 2024 کے ایڈیشن میں انگلش بیٹر کا ساتھ دستیاب نہیں ہوگا۔ جو روٹ نے اس سیزن سے دستبرداری کا فیصلہ کیا ہے،

فرنچائز نے جو روٹ کو مخاطب کرتے ہوئے لکھا کہ ’ڈریسنگ روم میں آپ کی کمی محسوس کی جائے گی‘۔ راجستھان رائلز نے جو روٹ کو خریدنے کے لیے اسی سال تقریباً 121,000 امریکی ڈالرز ادا کیے تھے۔

انگلینڈ کے معروف بیٹر نے 19 دسمبر کو ہونے والی نیلامی سے قبل ہی فرنچائزز کو ڈیڈ لائن سے ایک دن پہلے اپنے آئی پی ایل نہ کھیلنے کے فیصلے سے آگاہ کردیا ہے۔

🚨Joe Root has opted out of IPL 2024.

The dressing room will miss you, Rooty. 🫡💗

More on: https://t.co/VNdWoeFrkt pic.twitter.com/1u93iyyI2y

— Rajasthan Royals (@rajasthanroyals) November 25, 2023

واضح رہے کہ اس سے قبل چنئی سپر کنگز کے پلیئر بین اسٹوکس نے گھٹنے کے آپریشن اور کرکٹ میں ورک لوڈ کو مینج کرنے کے لیے آئی پی ایل 2024 ایڈیشن سے دستبرداری کا فیصلہ کیا تھا۔

بین اسٹوکس کو آئی پی ایل میں چنئی سپر کنگز نے سب سے مہنگی بولی 16 کروڑ 25 لاکھ بھارتی روپے میں خریدا تھا، تاہم اب وہ اپنی ٹیم کو دستیاب نہیں ہیں۔

آئی سی سی کرکٹ ورلڈکپ 2023 میں جو روٹ کی خراب فارم جاری ہے، نیدر لینڈز کے خلاف مضحکہ خیز انداز میں آؤٹ ہونے پر شائقین نے انھیں مذاق کا نشانہ بنا ڈالا۔

ورلڈکپ میں نیدرلینڈز کے خلاف بیٹنگ کرتے ہوئے انگلش بیٹر جو روٹ نے 34 بالز پر 28 رنز اسکور کیے تھے اور وہ پچ پر سیٹ نظر آرہے تھے تاہم انھوں نے مضحکہ خیز انداز میں میکس ویل کی طرح ریورس اسکوپ کرنے کی کوشش کی اور گیند ٹانگوں کے بیچ سے ہوتی ہوئی وکٹوں کو جالگی۔

I played lots of really poor shots in my time playing cricket but I'm pretty sure I never played one as bad as the one Joe Root played to get bowled today.

What makes it even weirder is that he's such a good bat he really doesn't need to do this sort of thing. Just bat properly.

— Martin Gibson (@murdriggs) November 8, 2023

روٹ نے اس سے قبل اسی انداز میں ایک چوکا مارا تھا اور وہ دوبارہ ایسا کرنے کی کوشش میں اپنی وکٹ گنوا بیٹھے تاہم ان کے آؤٹ ہونے کے انداز نے شائقین کو ان کا مذاق اڑانے کا موقع فراہم کیا۔

https://twitter.com/Gurutweetz_/status/1722201843877752919?ref_src=twsrc%5Etfw%7Ctwcamp%5Etweetembed%7Ctwterm%5E1722201843877752919%7Ctwgr%5Eb7aaa3507d477cf9831289f726e347071b20f849%7Ctwcon%5Es1_c10&ref_url=https%3A%2F%2Fwww.sportskeeda.com%2Fcricket%2Fnews-trying-maxwell-fans-react-joe-root-s-bizarre-dismissal-eng-vs-ned-2023-world-cup-match

انگلش بیٹر کے اس طرح آؤٹ ہونے پر کئی مداحوں نے سوشل میڈیا پر ان کی کارکردگی پر برہمی کا اظہار کیا، یہاں تک کہ کچھ نے تو کہا کہ وہ میکس ویل بننے کی ناکام کوشش کررہے ہیں۔

If anything sums up England’s World Cup it’s Joe Root being bowled between his legs trying to play a ramp shot. #ENGvAFG #CWC2023

— Matt Driver (@mdriver11) November 8, 2023

سوشل میڈیا پلیٹ فارم ایکس پر کی جانے والی کچھ ٹوئٹس ملاحظہ کریں۔ ایک صارف نے لکھا کہ میں نے کرکٹ کھیلتے ہوئے بہت خراب شاٹس کھیلے ہیں لیکن مجھے یقین ہے کہ میں نے کبھی اتنا برا نہیں کھیلا جتنا آج جوئے روٹ نے بولڈ ہونے کے لیے کھیلا۔

https://twitter.com/__cynicism_/status/1722195779199385895?ref_src=twsrc%5Etfw%7Ctwcamp%5Etweetembed%7Ctwterm%5E1722195779199385895%7Ctwgr%5Eb7aaa3507d477cf9831289f726e347071b20f849%7Ctwcon%5Es1_c10&ref_url=https%3A%2F%2Fwww.sportskeeda.com%2Fcricket%2Fnews-trying-maxwell-fans-react-joe-root-s-bizarre-dismissal-eng-vs-ned-2023-world-cup-match

ایک صارف نے ان کا مذاق ڑاتے ہوئے میکس ویل کی تاریخ ساز اننگز کا حوالہ دیتے ہوئے کہا کہ جو روٹ میکسویل بننے کی کوشش کر رہا ہے۔

یہ آؤٹ ہونے کے لیے جو روٹ کی ایک اچھی ایجاد تھی، ایک شخص نے انگلش بیٹر کے آؤٹ ہونے کو فلم ’لگان‘ میں آؤٹ ہونے والے کردار سے بھی تشبیح دی۔