ورزش اور تن سازی کے شوقین نوجوانوں کیلیے پروٹین شیک پینا عام بات ہے تاہم یہ بات بھی مدنظر رکھنی چاہیے کہ یہ غذائیت سے بھرپور اور صحت کے تقاضوں کے عین مطابق ہو۔
پروٹین ہماری خوراک کا ایک بہت اہم حصہ ہے۔ کاربوہائیڈریٹس اور چکنائیوں کے ساتھ یہ ایک ضروری میکرو نیوٹرینٹ ہے، مطلب یہ ہے کہ اگر ہم مستقل پروٹین کا استعمال نہیں کرتے ہیں تو ہم صحت مند زندگی نہیں گزار سکیں گے۔
باڈی مسلز بنانے کیلیے پروٹین شیک کے استعمال سے جسمانی خلیے مضبوط ہوتے ہیں، ریکوری تیز ہوتی ہے اور جسم میں توانائی کی لہر دوڑ جاتی ہے لیکن اس کیلیے ضروری ہے کہ اس شیک میں پروٹین صحیح مقدار اور صحیح وقت پر لی جائے۔
اس حوالے سے غذائی ماہرین کا کہنا ہے کہ پروٹین انسانی جسم کے لیے ضروری ہے مگر اس کی زیادتی بھی نقصان دہ ثابت ہوسکتی ہے لہٰذا اس کے استعمال میں توازن رکھنا بھی ضروری ہے۔
زیر نظر مضمون میں غذائیت سے بھرپور پروٹین شیک تیار کرنے کا طریقہ بیان کیا جارہا ہے جو نوجوانوں کی صحت کیلیے انتہائی مفید اور صحت بخش ہے۔ اس پروٹین شیک میں 5 اشیاء شامل کی جائیں گی۔
پروٹین شیک کے اجزاء :
دودھ ۔ ۔ ۔ ایک گلاس
زیتون کا ایکسٹرا ورژن آئل ۔ ۔ ۔ ایک چائے کا چمچ
کدو کے بیج ۔ ۔ ۔ ایک چمچ
خربوزے کے بیج ۔ ۔ ۔ ۔ایک چائے کا چمچ
کچا انڈا ۔ ۔ ۔ ۔ ایک عدد
اس تمام اشیاء کو ملا کر بلینڈ کریں اور اس شیک تیار ہونے کے بعد جم جانے سے پہلے یا رات کو سونے سے پہلے پیا جاسکتا ہے۔ یہ شیک توانائی فراہم کرتا ہے اور غذائیت سے بھر پور ہونے کی وجہ سے آپ کا سارا دن چاق و چوبند گزرے گا۔
مزید پڑھیں : پروٹین کی کمی سے صحت کو کن مسائل کا سامنا ہوتا ہے؟
یاد رکھیں !! زیتوں کا تیل واحد تیل ہے جس کے لگانے سے کوئی مضر یا ضمنی اثرات (سائیڈ افیکٹس) نہیں ہوتے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔