جڑانوالہ : تحصیل ہیڈکوارٹر اسپتال میں ڈاکٹرز کی مبینہ غفلت سے حاملہ خاتون جاں بحق ہوگئی، ورثا کا الزام ہے کہ ڈاکٹروں نے خون کی کمی کا بہانہ بنا کر ڈیلیوری میں تاخیر کی۔

تفصیلات کے مطابق جڑانوالہ میں تحصیل ہیڈکوارٹر اسپتال میں مبینہ غفلت کے باعث ایک حاملہ خاتون جان کی بازی ہار گئی۔

ورثا نے بتایا کہ مرحومہ 35 سالہ نازیہ بی بی کو ڈلیوری کے لیے اسپتال لایا گیا تھا، تاہم ورثا کا الزام ہے کہ ڈاکٹروں نے خون کی کمی کا بہانہ بنا کر ڈیلیوری میں تاخیر کی۔

شوہرافسرفراز نے اسپتال کی لاپروائی پر شدید تحفظات کا اظہار کرتے ہوئے کہا کہ ان کی بیوی اور بچہ اسپتال کی غفلت کے سبب چل بسے۔

اسپتال ذرائع کا موقف ہے کہ خاتون کی موت دل کا دورہ پڑنے سے ہوئی۔

مزید پڑھیں : کراچی کے نجی اسپتال میں ڈاکٹروں کی مبینہ غفلت، حاملہ خاتون جاں بحق

اسسٹنٹ کمشنر نے واقعے کا نوٹس لیتے ہوئے ایم ایس کو فوری انکوائری کی ہدایت دی اور کہا کہ غفلت برتنے والوں کے خلاف کارروائی عمل میں لائی جائے گی۔

واقعے کی مزید تحقیقات جاری ہیں اور انتظامیہ کا کہنا ہے کہ ذمہ داروں کے خلاف مناسب قانونی کارروائی کی جائے گی۔

جڑانوالہ: بس نے موٹرسائیکل رکشہ کو کچلنے کے واقعے میں جاں بحق افراد کی تعداد 11 ہوگئی ، جاں بحق ہونے والے افراد کا تعلق ایک ہی خاندان سے ہے۔

تفصیلات کے مطابق جڑانوالہ کے علاقے لنڈیانوالہ میں خوفناک حادثہ پیش آیا، جس میں بس نے موٹر سائیکل رکشہ کو کچل ڈالا ، حادثے میں جاں بحق افرادکی تعداد 11ہوگئی۔

،پولیس نے بتایا کہ بدقسمت خاندان کے افراد لوڈر رکشہ پر سوار ہوکر جارہے تھے کہ پیچھے سے آنے والے تیز رفتار بس رکشہ کو روندتی ہوئی گذر گئی، حادثہ میں جاں بحق ہونے والوں میں6 خواتین 5افراد شامل ہیں۔

پولیس کا کہنا تھا کہ زخمی ہونے والے 6افراد کو شدید زخمی حالت مختلف پرائیویٹ اور سرکاری ایمبولینسز کے ذریعہ فیصل آبادمنتقل کردیا گیا جہاں ان کی حالت بھی انتہائی نازک بیان کی جاتی ہے.

پولیس کے مطابق رکشہ میں ایک ہی خاندان کے افراد سوار تھے، جو عید کی چھٹیاں گذارنے کے بعد واپس شہر آرہےتھے، المناک حادثہ کی خبر گاؤں میں پہنچتے ہی ہر طرف کہرام برپا ہوگیا اور ہر آنکھ اشکبار تھی۔

اطلاع ملنے پر ریسکیو 1122اہلکاروں نے موقع پر پہنچ کر لاشوں اور زخؐیوں کو ہسپتال منتقل کیا جبکہ پولیس تھانہ لنڈیانوالہ نے حادثہ کی شکار مسافر بس کو قبضہ میں لے کر مفرور ڈرائیور کی تلاش شروع کردی ہے۔

آر پی او فیصل آباد ذیشان اصغر نے واقعہ کا نوٹس لیتے ہوئے رپورٹ طلب کرلی ہے، پولیس نے لاشوں کو پوسٹ مارٹم کیلئے ہسپتال منتقل کردیا۔

جڑانوالہ : شوہر نے بیٹیوں کی پیدائش پر حاملہ بیوی کو قتل کردیا تاہم پولیس نے ملزم کو گرفتار کرکے مقدمہ درج کرلیا ہے۔

صوبہ پنجاب کے شہر جڑانوالہ میں جہالت کی انتہا ہوگئی ، لکھوآنہ میں شوہرنےبیٹیوں کی پیدائش پر حاملہ بیوی کوقتل کردیا۔

پولیس نے بتایا کہ مقتولہ2 بیٹیوں کی ماں تھی، تیسری بیٹی کی نشاندہی پرشوہر نے قتل کیا۔

حکام کا کہنا تھا کہ ملزم ندیم بہنوئی کے ساتھ فرار ہوگیا تھا جسے کھرڑیانوالہ پولیس نے گرفتارکرلیا ہے ، ندیم اور اس کے بہنوئی نے قتل سے پہلے خاتون پرتشدد بھی کیا تھا۔

پولیس نے مقتولہ کے بھائی کی مدعیت میں مقدمہ درج کرلیا ہے۔

یاد رہے چند روز قبل پنجاب کے ضلع ساہیوال میں بیٹی پیدا ہونے پر باپ اور دادی نے ملکر نومولود بیٹی کو مار دیا تھا۔

پولیس کا کہنا تھا کہ اوکاڑہ کی رہائشی خاتون کی ڈیڑھ سال قبل شادی ہوئی تھی، 8 جولائی کو بیٹی پیدا ہوئی، باپ اور دادی خوش نہیں تھے، بچی کی پیدائش کے بعد والدہ سے بچی کو چھینا اور مبینہ طور پر قتل کردیا۔

لاہور : نگران وزیراعلیٰ پنجاب محسن نقوی نے جڑانوالہ میں متاثرہ مسیحی خاندانوں کے لئے فی کس 20 لاکھ روپے مالی امداد کا اعلان کردیا۔

تفصیلات کے مطابق نگران وزیراعلیٰ پنجاب محسن نقوی نے جڑانوالہ میں متاثرہ مسیحی خاندانوں کیلئے قائم ریلیف کیمپ کا دورہ کیا۔

نگران وزیراعلیٰ پنجاب محسن نقوی نے متاثرہ مسیحی خاندانوں سے ملاقات کی اور گفتگو کی اور ان کے مسائل سنے۔

محسن نقوی نے متاثرہ خاندانوں کی جلد رجسٹریشن کی ہدایت کرتے ہوئے متاثرین کے نقصانات کا جلد ازالہ کیا جائے گا، چرچوں کی بحالی کاکام شروع کردیا گیا، جلد اصل حالت میں بحال کریں گے۔

نگران وزیراعلیٰ پنجاب نے نذر آتش گھروں کے مالکان کے لئے 20 لاکھ روپے مالی امداد کا اعلان کردیا۔

اس حوالے سے نگران وزیراطلاعات پنجاب عامرمیر نے بتایا کہ اجلاس میں تمام مذاہب کےشہریوں کےحقوق کادفاع کرنےکاعزم کیا گیا، اسلام اورآئین ہمیں اقلیتوں کےحقوق کویقینی بنانےکادرس دیتاہے۔

عامرمیر کا کہنا تھا کہ جڑانوالہ واقعےکےذمہ داران کوہرقیمت پرنشان عبرت بنایاجائےگا، 94 مسیحی خاندانوں کو 20لاکھ روپے فی کس معاوضہ دیا جائے گا، معاوضہ اگلے48 گھنٹے میں دے دیا جائے گا۔