جڑانوالہ : ڈاکوؤں نے دو باراتوں کو لوٹ کر اُنہیں قیمتی اشیاء سے محروم کردیا۔ لٹنے والوں میں دو دولہا بھی شامل ہیں۔ باراتیوں نے سڑک بند کرکے احتجاجی مظاہرہ کیا ۔
تفصیلات کے مطابق جڑانوالہ میں ڈاکوؤں نے دوباراتوں کے باراتیوں اور دو دلہاؤں کو زیورات اور دیگر قمیتی اشیاء سے محروم کرکے شادی کی خوشیوں کو احتجا ج میں بدل دیا۔
جڑانوالہ کا رہائشی عامر گُجر اور اُس کے کزن کی اپنی خالہ کے رشتہ طے ہواتھا۔ وہ اپنی اپنی بارات لے کر جو نہی جڑانوالہ روڈ پہنچے تو ڈاکوؤں نے سڑک بند کرکے باراتیوں سے لوٹ مار شروع کردی۔
ڈاکو دو دلہاؤں اور باراتیوں سے چالیس تولہ سونا، پندرہ لاکھ روپے نقدی اور موبائل فون لوٹ کر فرار ہو گئے۔ ڈاکوؤں کی لوٹ مار کیخلاف باراتیوں نےننکانہ روڈکواحتجاجاًبلاک کردیا۔
پولیس نے باراتیوں سے لوٹ مار کا مقدمہ درج توکرلیا تاہم اب تک ملزمان گرفتار نہ کئے جاسکے۔ باراتیوں نے ڈاکوؤں کی فوری گرفتاری کا مطالبہ کیاہے۔
مشتعل باراتیوں نےڈاکوؤں کی گرفتاری تک احتجاج جاری رکھنےکااعلان کردیا۔ باراتیوں کے احتجاج کے باعث گاڑیوں کی لمبی قطاریں لگ گئیں جس کے باعث شاہراہ پر ٹریفک جام ہوگیا۔
