Tag: جڑواں شہروں

جڑواں شہروں میں موسلا دھار بارش جاری ہے ژالہ باری کی پیشگوئی کے بعد خوفزدہ شہریوں نے اپنی گاڑیوں کو بچانے کے لیے فوم سے ڈھک دیا۔

این ڈی ایم اے نے آج اسلام آباد اور راولپنڈی میں مزید موسلا دھار بارشوں کی پیشگوئی کی ہے جب کہ پنڈی میں وقفے وقفے سے موسلادھار بارش کا سلسلہ جاری ہے۔ محکمہ موسمیات نے جڑواں شہروں میں ژالہ باری کی پیشگوئی کی ہے جس کے باعث گزشتہ دنوں کی ژالہ باری سے نقصان اٹھانے والے شہری مزید خوفزدہ ہو گئے ہیں۔

شہریوں نے اپنی گاڑیوں کو محفوظ رکھنے اور اولوں سے بچانے کے لیے احتیاطی تدابیر کے طور پر گاڑیوں پر کپڑے بچھا کر انہیں فومز سے ڈھک دیا ہے۔

واضح رہے کہ گزشتہ بدھ کو اسلام آباد میں ہونے والی اچانک تیز بارش اور ٹینس بال سائز کے اولے پڑنے سے گاڑیوں کو شدید نقصان پہنچا تھا۔ گاڑیوں کے شیشے ٹوٹنے کے ساتھ ان میں ڈینٹ بھی پڑ گئے تھے جب کہ گھروں اور دفاتر کے دروازے اور کھڑکیوں کے شیشے بھی ژالہ باری کے باعث ٹوٹے تھے۔

دریں اثنا این ڈی ایم اے نے موسمیاتی الرٹ جاری کرتے ہوئے خدشہ ظاہر کیا ہے کہ اسلام آباد اور راولپنڈی میں شدید بارش اور تیز ہواؤں سے درخت گرنے اور بجلی بند ہونے کا خدشہ ہے۔

این ڈی ایم اے کے مطابق آندھی اور اولوں کے باعث کمزور تعمیرات اور فصلوں کو نقصان پہنچ سکتا ہے۔ اس کے علاوہ موسلا دھار بارش کے باعث سڑکوں پر حد نگاہ کم اور حادثات کا امکان بڑھ سکتا ہے۔

شہریوں کو مشورہ دیا گیا ہے کہ وہ موسمی حالات سے آگاہ رہیں۔ غیر ضروری سفر سے گریز کریں اور اگر سفر کرنا ہے تو پہلے صورتحال کا جائزہ لے لیں۔

شہریوں سے کہا گیا ہے کہ وہ لینڈ سلائیڈنگ کے خطرے والے علاقوں میں محتاظ رہنے اور انتظامیہ کی ہدایات پر عمل کریں۔

اس کے علاوہ گلگت بلتستان، کشمیر، بالائی خیبر پختونخوا، وادی نیلم، مظفر آباد، راولاکوٹ، پونچھ، چترال، دیر سوات، مانسہرہ، مری، گلیات، راولپنڈی، اٹک اور چکوال میں بھی بارش کا امکان ہے جب کہ کشمیر، گلگت اور خیبر پختونخوا میں فلیش فلڈ کا خطرہ ہے۔

اسلام آباد : پی ٹی آئی کا احتجاج ختم ہونے کے بعد جڑواں شہروں اور لاہور میں معمولات زندگی اور انٹرنیٹ سروس بحال ہوگئی۔

تفصیلات کے مطابق پی ٹی آئی کا احتجاج ختم ہونے کے بعد سلام آباد میں زندگی معمول پر آنے لگی اور راستے کھول دیے گئے

فیض آباد فلائی اوور اور مری روڈ سے رکاوٹیں ہٹانے کا کام جاری ہے تاہم چار روز سے بند موٹرویز کو بھی ہر طرح کی ٹریفک کیلئے کھول دیا گیا۔

انٹرنیٹ سروس بھی بحال کردی گئی اور بلیوایریا میں سی ڈی اے کی جانب سے صفائی کا عمل جاری ہے۔

راولپنڈی میں بھی 5روز بعد معمولات زندگی بحال ہوگئی ، ڈپٹی کمشنر راولپنڈی نے مری روڈ کو جزوی بحال کرنے کی ہدایت کردی، جس کے بعد مری روڈ پر کنٹینرز ہٹانے کا کام جاری ہے۔

ڈبل روڈ اور آئی جے پی روڈ کو بھی ٹریفک کیلئے بحال کردیا گیا جبکہ اسلام آباد ایکسپریس کی طرف جانے والے راستے بھی کھول دیے گئے۔

مری روڈ پر 5روز سے بند کاروباری مراکز بھی کھل گئے اور راولپنڈی میں پبلک ٹرانسپورٹ اور بس آڈے بھی کھول دیے گئے ہیں۔

لاہور کے راستے بھی کھل گئے ہیں اور رِنگ روڈ سگیاں پل پر ٹریفک رواں دواں ہے، وزیراعلیٰ مریم نواز شریف نے بھی پنجاب بھر میں راستے کھولنے اور اشیاخورو نوش کی فراہمی برقرار رکھنے کے لئے اقدامات کی ہدایت کردی۔

وزیر آباد،سیالکوٹ جی ٹی روڈکو سوہدرہ پکی گڈھی کا مقام اور ہیڈ مرالہ سےجلال پور جٹاں اور گجرات جانیوالی روڑ کو بھی ٹریفک کے لئے کھول دیا گیا ہے۔

اسلام آباد : جڑواں شہروں میں آج تمام تعلیمی ادارے بند رکھنے کا اعلان کیا گیا ہے ، چھٹی کا فیصلہ راستوں کی بندش کے پیش نظرکیا گیا۔

تفصیلات کے مطابق پی ٹی آئی کے احتجاج کے پیش نظر وفاقی دارالحکومت میں آج تمام تعلیمی ادارے بند رہیں گے۔

ضلعی انتظامیہ نے کہا ہے تعلیمی ادارے بند رکھنے کا فیصلہ امن وامان کے پیش نظر کیا گیا ہے۔

گذشتہ روز آل پاکستان پرائیویٹ اسکولز اینڈ کالجز ایسوسی ایشن نے اسلام آباد اور راولپنڈی کے تمام نجی تعلیمی اداروں میں بروز پیر چھٹی کااعلان کیا تھا۔

آل پاکستان  پرائیویٹ اسکولزاینڈ کالجز کا کہنا تھا کہ پی ٹی آئی کے ممکنہ احتجاج پر جڑواں شہروں کے اسکولز بندرہیں گے۔

مزید پڑھیں : پی ٹی آئی کے احتجاج سے معیشت کو کتنا نقصان ہوتا ہے؟ وزارت خزانہ کی رپورٹ

ایسوسی ایشن نے مزید کہا تھا کہ تعلیمی اداروں میں چھٹی کافیصلہ راستوں کی بندش اور بچوں کی حفاظت کےپیش نظرکیا تاہم دور دراز علاقوں میں صورتحال دیکھ کر اسکولز  کھولنے یا بند کرنے کا فیصلہ کیا جائے۔

خیال رہے وزیراعلیٰ کے پی علی امین گنڈاپور کا قافلہ سست روی سے اسلام آباد کی طرف بڑھ رہا ہے۔

وزیراعلیٰ علی امین گنڈا پور کے ساتھ کارکن بڑی تعداد میں ہیں، قافلہ ہزارہ موٹر وے پہنچا، بشریٰ بی بی بھی قافلے میں وزیراعلیٰ کے ساتھ ہیں۔

شاہراہوں پر کھڑی رکاوٹیں ہٹانے کے لیے وزیراعلیٰ کے قافلے کے ساتھ نجی کمپنیوں سے حاصل مشینری بھی ساتھ ہے۔

اسلام آباد : جڑوں شہروں اسلام آباد اور راولپنڈی میں موسلا دھار بارش کے بعد راولپنڈی میں رین ایمرجنسی نافذ کردی گئی۔

تفصیلات کے مطابق اسلام آباد راولپنڈی میں موسلادھار بارش ہوئی، جس کے بعد واسا راولپنڈی نے رین ایمرجنسی لگا دی اور عملے کی چھٹیاں منسوخ کردیں۔

منیجنگ ڈائریکٹر واسا نے کہا کہ ہیوی مشینری نشیبی علاقوں میں پہنچا دی گئی، منیجنگ ڈائریکٹر واسا محمد سلیم اشرف فیلڈ میں نکاسی آب کی نگرانی خود کر رہے ہیں۔

ترجمان نے بتایا کہ نالہ لئی اور نشیبی علاقوں کی مانیٹرنگ کی جاری ہےاور واسا کا عملہ فیلڈ میں موجود ہے۔

دوسری جانب چمن کوژک ٹاپ، خواجہ عمران، دوبندی، قلعہ عبداللہ میں بھی بادل برسے جبکہ پشاور اور گردونواح میں موسلا دھار بارش سے نشیبی علاقے زیرآب آگئے۔

بٹگرام میں بھی خوب بارش ہوئی جبکہ لکی مروت اور گردونواح میں بادل جم کر برسے، بادل برسنے کیساتھ چلنے والی ٹھنڈی ہوا نے سردی میں اضافہ کردیا ہے۔