Tag: جگن کاظم

اداکارہ جگن کاظم نے انکشاف کیا ہے کہ 7 ماہ کی حاملہ تھی جب مجھے سابق شوہر نے پھٹے کپڑوں کے ساتھ گھر سے باہر پھینک دیا تھا۔

شوبز انڈسٹری کی معروف اداکار و میزبان جگن کاظم نے حالیہ پوڈ کاسٹ میں نجی زندگی اور دیگر موضوعات پر اظہار خیال کیا۔

انہوں نے کہا کہ میں 7 ماہ کی حاملہ تھی اس حالت میں مجھے پھٹے کپڑوں کے ساتھ اپارٹمنٹ کے باہر پھینک دیا گیا تھا اللہ سامنے والوں کو زندگی دے جنہوں نے میرے اوپر چادر ڈالی تھی۔

اداکارہ نے کہا کہ بیٹا اب 18 سال کا ہوگیا ہے وہ وقت بھی نکل گیا، الحمدللہ فیصل (دوسرے شوہر) نے جس طریقے سے حمزہ کی پرورش کی قابل تعریف ہے۔

جگن کاظم نے کہا کہ میں رات کو چیخیں مارتے ہوئے جاگتی تھی اور فیصل پوچھتے تھے کیا ہوا ہے، میرے سارے جاننے والے پوسٹ کرتے تھے جب سنتی تھی لگتا تھا کہ جیسے میری کوئی روح مروڑ رہا ہے، مجھے مرنے سے ڈر نہیں لگتا ذلالت کی موت سے ڈرتی ہوں، مرنا قبول ہے ذلیل ہوکر مرنا قبول نہیں ہے۔

انہوں نے کہا کہ اس وقت مجھے اپنا آپ پاگل لگتا تھا اب میں وہ وقت یاد کرتی ہوں تو سوچتی ہوں کہ وہ میری زندگی کا دردناک لمحہ تھا۔

اداکارہ نے کہا کہ اگر کوئی خاتون پھنستی ہے اور میں اس کی مدد کرسکتی ہوں تو ضرور کروں گی، سب سے پہلے اپنے آپ کو ذہنی مسائل سے نکالوں، باہر نکالو کچھ کرو، اپنے بچوں کے لیے کام کرو، رونا رونے سے کچھ نہیں ہوتا تین تین سال کی ڈپریشن میں لوگ چلے جاتے ہیں۔

جگن کاظم نے کہا کہ میرے بیٹے حمزہ کو انزائٹی ہے جس کے حل کے لیے میں مدد کرتی ہوں، اگر ایک بچہ کہہ رہا ہے میرے ساتھ فلاح مسئلہ ہے اور ہم اس کی نہ سنیں تو وہ کیا کرے گا منشیات کی طرف ہی جائے گا۔

شوبز انڈسٹری کی معروف اداکارہ و میزبان جگن کاظم نے عورتوں کو جاہل کہنے والے مردوں کو جاہل قرار دے دیا۔

اداکارہ جگن کاظم نے حال ہی میں پوڈ کاسٹ میں شرکت کی اور اس دوران نجی زندگی اور خواتین سے متعلق اپنی رائے کا اظہار کیا ہے۔

انہوں نے کہا کہ ہمارے ملک میں پڑھے لکھے جاہل لوگوں کو انبار ہے، ہم عورت اور مرد کے چکر میں پڑتے کیوں ہیں پہلے انسان تو بن جاؤ پھر اس پر بات کرو۔

اداکارہ نے کہا کہ مرد، عورت یا پھر ٹرانس جینڈر ہو، ہم جینڈر کے پیچھے پڑ جاتے ہیں تعلیم پر بات نہیں کرتے، لوگوں کی تعلیم و تربیت پر بات نہیں کرتے، بچیوں کو دبوچ کر گھروں میں بند کردینا ہے اگر حجاب پہن کر کوئی بچی کام کررہی ہے تو کہتے ہیں اس کو کیا مسئلہ گھر کیوں نہیں بیٹھ رہی۔

جگن کاظم کا کہنا ہے کہ لڑکی کام کررہی ہے تو تمہاری جیب سے کھا رہی ہے اگر پھر بھی مسئلہ ہے تو اس کے خرچے پورے کردو اس کو پیسے دے دو۔

View this post on Instagram

A post shared by 365 News (@365news.pk)

ایک سوال کے جواب میں انہوں نے کہا کہ ہر بندے نے اپنی قبر میں جانا ہے، مجھے وائرل ہونے کا شوق نہیں ہے میں اپنی سوشل میڈیا فالوونگ بڑھانے کے لیے پوسٹیں نہیں کرتی، اگر کرنی ہے تو میرے پاس کروڑوں طریقے ہیں، میاں سے نقلی لڑائی کرلو۔

اداکارہ نے کہا کہ شوہر فیصل کو ہر سال شادی یاد کرواتی ہوں، میں شوہر کے دفتر کے باہر جاکر یہ سب کرتی ہوں کیونکہ وہ وکیل ہیں، اس بار ساڑھے بارہ بجے نہیں گئی تو ان کے آفس کے لوگ انتظار کرتے رہے لیکن بعد میں جانے کی تیاری کررہی تھی اور وہاں جاکر ہلا گلا کیا۔