(9 اگست 2025): آپریشن سندور میں پاکستان کے ہاتھوں بدترین شکست پر بھارت شدید بوکھلاہٹ کا شکار ہے۔
تفصیلات کے مطابق آپریشن سندور کے مہینوں بعد اپنی ناکامی کو چھپانے کے لیے بھارتی ایئر چیف نے 6 پاکستانی طیارے مار گرانے کا مضحکہ خیز دعویٰ کیا ہے، بھارتی ایئر چیف اے پی سنگھ نے پاک بھارت جنگ کے تین ماہ بعد پاکستان کے پانچ طیارے گرانے کا بھونڈا دعویٰ کردیا ہے۔
بھارتی فضائیہ کے سربراہ نے بغیر کسی ثبوت کے دعویٰ کیا کہ پاکستان کے چھ ریڈار دو ہینگرز اور دو ایس اے جی ای سسٹم بھی تباہ کئے گئے۔
بھارتی ایئرچیف کے جھوٹے دعوؤں نے مودی سرکار کو پھر دنیا میں رسوا کردیا ہے، بھارت کے اندر سے اٹھنے والی آوازوں کا جواب دینے کے بجائے ایک اور مضحکہ خیز دعویٰ کردیا ہے۔
خود بھارتی جنرل، سفارتکار اور بین الاقوامی میڈیا بھارتی رافیل تباہ ہونے کی تصدیق کرچکے ہیں، رائٹرز سمیت غیرملکی خبر رساں ادارے بھارت کی جنگی حکمت اور انٹیلی جنس ناکامی کی تصدیق کرچکے ہیں۔
دوسری جانب پاکستان نے 7 مئی کی فضائی جنگ کے فوراً بعد ہی رافیل سمیت بھارتی لڑاکا طیاروں کو مار گرانے کی تفصیلات تک سامنے رکھ دی تھیں جن کی تائید بھارتی میڈیا کی رپورٹس سے بھی ہوئی تھی۔
