یورپ میں ایک اور نیا ملک وجود میں آ گیا ہے صرف 400 افراد کی آبادی پر مشتمل اس ملک کا اپنا جھنڈا کابینہ اور کرنسی ہے۔
یورپ میں 20 سالہ نوجوان نے ایک نئے ملک کے قیام کا اعلان کیا، جو ویٹیکن سٹی کے بعد دنیا کا دوسرا سب سے چھوٹا ملک ہے۔ اس کی آبادی صرف 400 افراد پر مشتمل ہے اور یہ ملک اپنا جھنڈا، کرنسی، پاسپورٹ اور کابینہ رکھتا ہے۔ اس ملک کو ’’فری ریپبلک آف ورڈیس‘‘ کا نام دیا گیا ہے
امریکی اخبار نیویارک پوسٹ کے مطابق یہ ملک 20 سالہ آسٹریلوی نوجوان ڈینئل جیکسن نے 2019 میں ایک ایسی جگہ دریافت کی جو اس سے قبل کسی دوسرے ملک کے زیر انتظام نہیں تھی۔
جس کے بعد مذکورہ نوجوان نے 400 شہریوں جو پاکٹ تھری کہلاتے ہیں، کے ساتھ کروشیا اور سربیا کے درمیان دریائے ڈینیوب کے کنارے ایک 125 ایکڑ جنگل میں ’’فری ریپبلک آف ورڈیس‘‘ کے نام سے ملک کے قیام کا اعلان کر دیا اور ڈینئل جیکسن نے خود کو ملک کا صدر بھی قرار دے دیا۔
اس ملک میں کروشین اور سربین کے علاوہ انگریزی زبان بولی اور سمجھی جاتی ہے۔
واضح رہے کہ نیا ملک جہاں قائم کیا گیا ہے، وہ یورپی ممالک سربیا اور کروشیا کے درمیان متنازع علاقہ ہے اور یہاں تک رسائی کروشیا کے شہر اوسیجیک سے صرف کشتی کے ذریعے ہی ممکن ہے۔
دوسری جانب اکتوبر 2023 میں کروشین پولیس نے ملک بنانے کا اعلان کرنے پر نئے ملک کو قومی سلامتی کے لیے خطرہ قرار دیتے ہوئے ڈینیئل جیکسن اور متعدد آبادکاروں کو گرفتار کر کے ملک بدر کر دیا اور ان کے ملک میں داخل ہونے پر تاحیات پابندی بھی عائد کر دی۔
جیکسن نے کروشیا حکومت کے اس اقدام پر کہا کہ "انہوں نے ہمیں کوئی وجہ بتائے بغیر صرف قومی سلامتی کے لیے خطرہ قرار دیتے ہوئے ملک بدر کر دیا۔
تاہم جیکسن کروشیا کی طرف سے پابندی کے باوجود، وہ ورڈیس تک رسائی اور واپسی کی امید رکھتا ہے اور کہنا ہے کہ اگر وہ واپسی میں کامیاب ہو گیا تو اپنے عہدے (صدارت) سے سبکدوش ہو کر الیکشن کا اعلان کر دوں گا۔