جھنگ / پشاور : پولیس نے پشاور اور جھنگ سے جعلی نوٹوں کے کاروبار میں ملوث پانچ ملزمان کو گرفتار کرکے کروڑوں روپے کی کرنسی اور اسلحہ بھی برآمد کرلیا۔
تفصیلات کے مطابق پولیس نے پشاور میں جعلی نوٹ چھاپنے والی فیکٹری پر چھاپہ مار کر چھ کروڑ روپے کی جعلی کرنسی برآمد کرکے تین ملزمان کو گرفتار کرلیا۔
پولیس کےمطابق ملزمان پشاور کی ایک فیکٹری میں جعلی کرنسی چھاپ رہے تھے۔ ملزمان کا سترہ کروڑ روپے کی جعلی کرنسی بنانے کا منصوبہ تھا۔
پولیس کے مطابق ملزمان کا گینگ نو افراد پر مشتمل ہے، تین ملزمان کو گرفتار کرلیا گیا ہے جبکہ چھ کی تلاش جاری ہے۔ دوسری جانب جھنگ کے علاقے احمد پور سیال سے بھی جعلی کرنسی بنانے والے دو ملزمان پکڑے گئے۔
دونوں ملزمان سجاد اور کیفی اپنے گھر میں جعلی نوٹ تیار کررہے تھے کہ پولیس پارٹی نے خفیہ اطلاع پر گھیرا ڈال کر ملزمان کو گرفتار کرلیا اور بنائے گئے جعلی نوٹ اور جعلی نوٹ بنانے والا سامان قبضے میں لے لیا۔
سامان میں ایک عدد پیٹی کٹے ہوئے سفید کاغذ، 2 عدد سیاہی کے کین اور 100 روپے اور 500 روپے کا چھاپے والے شیشے جن سے نوٹ تیار کیے جاتے تھے قبضے میں لے لیے دوران تلاشی ملزم سجاد کے قبضے سے ایک عدد پسٹل 30 بور بھی برآمد ہوا جسے قبضے میں لیکر کر دونوں ملزمان کے خلاف مقدمہ درج کر لیا گیا ہے۔
ایس ایچ او پولیس تھانہ احمد پور سیال ثنا اللہ کا کہنا ہے کہ ملزمان عرصہ دراز سے غریب لوگوں کو ڈبل رقم کرنے کا جھانسہ دیکر لوٹتے رہے ہیں ملزمان کے خلاف سخت کاروائی عمل میں لائی جائے گی۔
چشتیاں/ جھنگ: ہیکرز نے دو مزید شہریوں کے بینک اکاؤنٹس خالی کر دیے، چشتیاں اور جھنگ میں دو سرکاری اسکول ٹیچرز کے اکاؤنٹس سے مجموعی طور پر 6 لاکھ سے زائد رقم نکالی گئی۔
تفصیلات کے مطابق ملک بھر میں بینک اکاؤنٹ ہیکرز کی وارداتیں عروج پر پہنچ گئیں، پنجاب کے شہروں چشتیاں اور جھنگ کے سرکاری اسکول ٹیچرز محمد یوسف اور رفیق ندیم کے اکاؤنٹ ہیک کر لیے۔
[bs-quote quote=”ہیکر نے بینک کے ہیلپ لائن نمبر سے کال کر کے پن کوڈ مانگا۔” style=”style-7″ align=”left” color=”#dd3333″ author_name=”رفیق ندیم” author_job=”سرکاری اسکول ٹیچر”][/bs-quote]
متاثرہ اسکول ٹیچرز رفیق نے بتایا کہ انھیں ہیکرز نے بینک کے ہیلپ لائن نمبر سے کال کر کے پن کوڈ مانگا تھا، کال کرنے والوں کے پاس اکاؤنٹ کی مکمل معلومات تھیں۔
اسکول ٹیچر کا کہنا تھا کہ ہیکرز نے اے ٹی ایم کوڈ حاصل کر کے اکاؤنٹ سے 4 لاکھ 20 ہزار روپے نکال لیے۔ متاثرہ ٹیچر نے دہائی دی کہ بینک برانچ کا عملہ تعاون نہیں کر رہا، کوئی بات سننے کو تیار نہیں۔
چشتیاں کے بزرگ ٹیچر محمد یوسف کے اکاؤنٹ سے ہیکرز نے 2 لاکھ 33 ہزار روپے نکالے، بزرگ استاد نے بیٹی کی شادی کے لیے پیٹ کاٹ کر پیسے جمع کیے تھے۔ دونوں کیسز میں جعل سازوں نے جعلی بینک افسر بن کر کالز کیں اور اکاؤنٹ کی تفصیل اور پن کوڈ مانگا، چشتیاں میں خاتون نے بینک آفیشل بن کر فون کیا۔
خیال رہے کہ گزشتہ روز ایف آئی اے نے 19 ہزار سے زائد پاکستانیوں کا بینک ڈیٹا چوری ہونے کا انکشاف کیا تھا اور کہا تھا کہ ہیک شدہ کارڈز ڈارک ویب پر فروخت کیے جا رہے ہیں۔ تاہم اسٹیٹ بینک آف پاکستان نے بینکوں کے ڈیٹا کی چوری سے متعلق ایف آئی اے رپورٹس کی تردید کرتے ہوئے کہا کہ اب تک ڈیٹا چوری کے کوئی شواہد نہیں ملے۔
جب کہ گزشتہ روز ہیکرز نے چنیوٹ کے شہری کا بینک اکاؤنٹ ہیک کر کے زندگی بھر کی کمائی لوٹی، عبد اللہ کے اکاؤنٹ سے ہیکر نے پونے 6 لاکھ روپے اپنے اکاؤنٹ میں ٹرانسفر کیے۔ جب کہ دو روز قبل ہیکر نے ریٹائرڈ سائنس دان کے اکاؤنٹ سے بھی 30 لاکھ روپے نکال لیے تھے۔
جھنگ: کراچی کے علاقے اورنگی ٹاؤن کے فالودہ فروش کے بعد اب جھنگ کے طالبِ علم کے بینک اکاؤنٹ میں بھی کروڑوں روپے نکل آئے۔
تفصیلات کے مطابق غریب شہریوں کے بھاری بینک اکاؤنٹس کے انکشافات کا سلسلہ رکا نہیں ہے، اب جھنگ کے طالبِ علم اسد علی کے اکاؤنٹ میں 17 کروڑ 30 لاکھ روپے موجود ہونے کا انکشاف ہوا ہے۔
[bs-quote quote=”کراچی آج تک نہیں دیکھا، اتنی بڑی رقم سے کوئی تعلق نہیں: طالب علم” style=”style-7″ align=”left” color=”#dd3333″][/bs-quote]
جوائنٹ انوسٹی گیشن ٹیم نے طالبِ علم اسد علی کو طلب کر لیا ہے، جس پر ایف آئی اے کی ٹیم مذکورہ طالبِ علم کو جھنگ سے لے کر کراچی روانہ ہو گئی ہے۔
اسد علی بی ایس سی کے طالبِ علم ہیں، کہتے ہیں کہ کراچی آج تک نہیں دیکھا، اب تحقیقات کے لیے بلا لیا گیا ہے، اتنی بڑی رقم سے کوئی تعلق نہیں، میری مدد کی جائے۔
خیال رہے کہ دو دن قبل شہرِ قائد کے علاقے اورنگی ٹاؤن سے تعلق رکھنے والے ایک فالودہفروش پر قسمت مہربان ہوئی تو چھپر پھاڑ کر دولت برسی، بیٹھے بیٹھے ارب پتی بن گیا۔
معلوم ہوا کہ اورنگی ٹاؤن کے غریب رہائشی کو ایک غیر قانونی ٹرانزیکشن نے ارب پتی بنایا، عبد القادر کے بینک اکاؤنٹ میں 2 ارب روپے سے زائد کی رقم موجود ہونے کا انکشاف ہوا۔
فالودہ فروش کا کہنا تھا ’مجھے نہیں پتا میرا اکاؤنٹ کس نے اور کیسے کھولا، مجھے پتا ہی نہیں تھا کہ میرا بینک اکاؤنٹ ہے، میں 40 گز کے گھر میں رہتا ہوں، پتا نہیں میرے اکاؤنٹ میں اتنے پیسے کیسے آئے۔‘
جھنگ : سربراہ پی ٹی آئی عمران خان نے کہا ہے کہ جونئیر شہباز شریف نے کمیشن کیلئے ملتان میٹرو بنائی، شہبازشریف نے ظلم کی انتہا کردی، ملک نیچے جانے کی وجہ صرف کرپشن ہے۔
یہ بات انہوں نے جھنگ میں انتخابی جلسے سے خطاب کرتے ہوئے کہی، عمران خان نے کہا کہ ایک فیصل آبادی لیڈر نے بیان دیا ہے کہ نوازشریف کا استقبال حج سے بڑا کام ہے، کپتان نے رانا ثناءاللہ کو ان کا نام لیے بغیر احمق اور گدھا قرار دیا۔
ان کا کہنا تھا کہ جھنگ کے فیصلے بھی لاہور سے ہوتےہیں، انہیں کیا پتہ کہ جھنگ کے کیا مسائل ہیں، شہباز شریف نےملتان میں 60ارب روپے کی میٹرو بنادی، ملتان میں میٹرو خالی چل رہی ہے، نقصان ہورہاہے، میٹرو سے شریف خاندان کو کمیشن کے پیسے ملنے تھے۔
ملتان والے اب بھی کہہ رہےہیں کہ انہیں میٹروکی ضرورت نہیں، یہ لوگ پنجاب ڈیولپمنٹ بجٹ کا آدھاحصہ صرف لاہور پرلگا دیتے ہیں، شہبازشریف نےپولیس سے870افراد کوقتل کرایا۔
عمران خان نے کہا کہ مغربی ممالک کی جمہوریت ہم سےآگےنکل گئی ہیں، ایسا کہیں نہیں ہوتا وزیر اعظم کہے کہ میں نے آپ کو اسپتال دیا، اس طرح کا طرز عمل جمہوریت میں نہیں بادشاہت میں ہوتا ہے۔
انہوں نے کہا کہ 25 جولائی کوکامیابی ملی توبہترین بلدیاتی نظام لے کر آئیں گے، مغربی ممالک میں بلدیاتی نظام ہم سے بہترہے، تبھی وہ آگے ہیں، بلدیاتی اداروں تک اختیارات جانے چاہئیں، جمہوریت میں ادارے مضبوط ہوتے ہیں، تیسری دنیا کے ممالک میں وزیراعظم بادشاہ بن جاتا ہے۔
خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
جھنگ: صوبہ پنجاب کے ضلع جھنگ میں واقع شور کوٹ کی تحصیل میں ڈاکوؤں کے جنگل میں چھپنے پر پولیس نے پورے جنگل کو جلا ڈالا۔
تفصیلات کے مطابق محکمہ جنگلات کے ملازمین اور گارڈ نے 4 مسلح افراد کو جنگل میں چھپتے دیکھا تھا جس کے بعد پولیس کو اطلاع دی گئی۔
پولیس 6 گھنٹے تک ڈاکوؤں کو تلاش کرتی رہی اس کے بعد ناکامی پر جنگل کے بلاک 2 کو آگ لگا دی گئی۔
پولیس کی جانب سے جنگل میں آگ لگانے سے 100 ایکڑ پر لگے درخت جل گئے۔
یاد رہے کہ وفاقی ادارہ شماریات کے مطابق سنہ 2000 سے 2005 تک پاکستان کے جنگلات کی بے تحاشہ کٹائی کی گئی۔
اس بے دریغ کٹائی کی وجہ شہروں کا تیز رفتار اور بے ہنگم پھیلاؤ اور زراعت کے لیے درختوں کو کاٹ دینا شامل ہے اور اس کے باعث گلوبل وارمنگ (درجہ حرارت میں اضافہ) ہورہی ہے۔
ماہرین کے مطابق جب کسی مقام پر موجود جنگلات کی کٹائی کی جاتی ہے تو اس مقام سمیت کئی مقامات شدید سیلابوں کے خطرے کی زد میں آجاتے ہیں۔
وہاں پر صحرا زدگی کا عمل شروع ہوجاتا ہے یعنی وہ مقام بنجر ہونے لگتا ہے، جبکہ وہاں موجود تمام جنگلی حیات کی آبادی تیزی سے کم ہونے لگتی ہے۔
اقوام متحدہ کے مطابق قیام پاکستان سے اب تک پاکستان کے جنگلاتی رقبے میں 33 فیصد کمی آچکی ہے اور اس وقت ملک کا صرف 2.2 فیصد حصہ جنگلات پر مشتمل ہے۔
دوسری جانب ماہرین کا کہنا ہے کہ کسی ملک میں صحت مند ماحول اور مستحکم معیشت کے لیے اس کے 25 فیصد رقبے پر جنگلات کا ہونا ضروری ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
جھنگ : امیر جماعت اسلامی سینیٹر سراج الحق نے کہا ہے کہ پیپلزپارٹی کا بھی احتساب ہونا چاہئیے،انہوں نے40 سال حکومت کی، مسلم لیگ ن اورپیپلزپارٹی نےکرپشن اور دہشت گردی کاتحفہ دیا۔
ان خیالات کا اظہار انہوں نے جھنگ میں میڈیا سے گفتگو کرتے ہوئے کیا، امیر جماعت اسلامی نے کہا کہ قوم کو لوٹنے والوں کیخلاف گرینڈ آپریشن ہوناچاہئیے، سپریم کورٹ سے پیپلزپارٹی کے احتساب کا مطالبہ کرتا ہوں، انہوں نے ملک پر چالیس سال حکومت کی۔
سراج الحق نے نواز شریف کو تنقید کا نشانہ بناتے ہوئے کہا کہ نواز شریف بتاتے ہی نہیں ان کے خلاف کون سازش کررہاہے، آپ کہتے ہیں کہ فیصلہ سی پیک کے خلاف ہے، آپ کہتے ہیں کہ پانچ ججوں نے میرے خلاف فیصلہ دیا ہے۔
آپ کا گلہ نیب سے ہے تو اس کے چیئرمین کی تقرری آپ ہی نے کی تھی، آپ ایکشن اور حکومت بھی خود کرتے ہیں اور روتے بھی خود ہیں۔ این اے 120میں نواز خاندان کسی اور کو ٹکٹ دینے کو تیار ہی نہیں۔
ان کا کہنا تھا کہ عوام کو فیصلہ کرنا ہے کہ وہ جاگیردارانہ نظام چاہتے ہیں یا اسلامی نظام کے طلب گار ہیں، سیاسی جماعتوں کانظام غلامی اور جاگیر داروں کا نظام ہے، جاگیردار کے کتے مکھن جبکہ غریب کا بچہ گندگی کھاتا ہے، ایسے نظام کو مٹانے کی ضرورت ہے بچانے کی نہیں، غریب کے گھرمیں کب روشنی ہوگی؟
سینیٹر سراج الحق نے واضح طور پر کہا کہ کوئی بھی آئین کی 63،62کی شق ختم نہیں کرسکتا، آئین کی 63،62 شق سب پر لاگو کریں گے، جو بھی سرکاری عہدوں پر ہے وہ صادق اور امین ہوگا اور جو صادق امین نہیں ہوگا اس کے لیے اڈیالہ جیل ہوگی۔
جھنگ : وزیراعظم نوازشریف نے کہا ہے کہ ہمارےمخالفین کو یہی تکلیف ہے کہ پاکستان ترقی کررہا ہے، 10جولائی کو ہی ہم داسو پاور پراجیکٹ کا سنگ بنیاد رکھیں گے، جے آئی ٹی جو کر رہی ہے سب جانتے ہیں، مخالفین دھرنے اور احتساب کی آڑ میں سازشیں کرتے ہیں۔
ان خیالات کا اظہار انہوں حویلی بہادر شاہ پاور پلانٹ کی افتتاحی تقریب سے خطاب کرتے ہوئے کیا، انہوں نے کہا کہ ترقی کے مخالفین کی پاکستان میں کوئی کمی نہیں، جگہ جگہ ہائی ویز بن رہی ہیں، موٹر ویز کا جال بچھایا جارہا ہے، کراچی سے پشاور موٹر وے بنا رہے ہیں،14اگست کو کراچی سے حیدرآباد موٹر وے کا افتتاح کریں گے، ملک میں انقلاب آرہا ہے،پاکستان کامیابی کا سفرطے کررہا ہے۔
ان کا کہنا تھا کہ کراچی پورٹ میں ٹرمینل بنایا گیا جس سے ایل این جی آتی ہے، یہ کوئی چھوٹی بات نہیں ہے، بڑے منصوبے دو سال میں مکمل کیے، لوڈ شیڈنگ ختم ہورہی اوربجلی سستی پیداکی جارہی ہے،بجلی سستی ہوگی تو لوگ بھی بل خوشی سے دیا کریں گے۔
اب تک7ہزار میگاواٹ بجلی کا اضافہ کیا، وزیر اعظم
اکیس ماہ پہلے یہاں آنے والے لوگ منصوبے کی تکمیل سےحیران ہیں، یہاں پہلے میدان تھے آج پلانٹ تیار ہوگیا ہے، حکومت سنبھالنے سے اب تک7ہزار میگاواٹ بجلی کا اضافہ کیا، خوشی کی بات ہے21ماہ بعد دوبارہ منصوبے کے افتتاح کیلئے آیا ہوں۔
انہوں نے کہا کہ پاکستان میں اندھیرے چھا چکے تھے،فیکٹریاں بند ہورہی تھیں، خوشحالی آرہی ہے، انڈسٹری چل رہی ہے، پاکستان میں سیاحت بڑھ رہی ہے، غیرملکیوں کوجگہ نہیں ملتی، بتایا جارہا ہے کہ سیاحوں کیلئے پہاڑوں میں ٹینٹس لگائےجارہےہیں، لوگوں کی آمدنی بڑھ رہی ہے اور ان کے وسائل میں بھی اضافہ ہورہاہے۔
انہوں نے بتایا کہ پاکستان کا گروتھ ریٹ 5.3 فیصد ہوگیا ہے، آئندہ ایک دوسال میں گروتھ ریٹ 7 فیصد سے بھی بڑھ جائے گا، ان کا مزید کہنا تھا کہ ایگری کلچر سیکٹر،انڈسٹریل سیکٹرمیں ترقی ہورہی ہے، حکومت سنبھالتے ہی بجلی کے منصوبےلگانےکا فیصلہ کیا تھا۔
انہوں نے کہا کہ ہم نے قوم سےوعدہ کیا تھا کہ اندھیرے دور کریں گے، بجلی کی لوڈشیڈنگ ختم کرینگے، ہم لوڈشیڈنگ کو ہمیشہ کیلئےختم کرنےجارہےہیں، لوڈشیڈنگ کےذمہ داروں کو اب آپ لوگ پوچھیں،ان لوگوں مجرمانہ غفلت کی وجہ سے جو پاکستان میں ایسے حالات پیدا ہوئے، ظلم ہےلوگوں سےروشنیاں چھینی گئیں لیکن ہم قوم کی خدمت کررہےہیں۔ 10جولائی کو داسو منصوبےکا سنگ بنیاد رکھا جارہا ہے۔
جے آئی ٹی جو کررہی ہے، وہ سب جانتے ہیں، وزیر اعظم
پاناما کیس کے حوالے انہوں نے کہا کہ کہاجارہاہے10جولائی کوجےآئی ٹی رپورٹ دےرہی ہے، 10جولائی ہم بھی داسو منصوبے کا بنیاد رکھنے جارہےہیں، جےآئی ٹی کو توآپ جانتے ہی ہیں اورجو وہ کررہے ہیں وہ بھی جانتے ہیں۔
نواز شریف نے عمران خان کا نام لئے بغیر کہا کہ جنہوں نے ہمیں روکنے کیلئےآسمان سر پراٹھا رکھا انہیں بتانا چاہتا ہوں، آسمان سر پراٹھانے والے کچھ بھی کرلیں ترقی کا سفرجاری رہےگا، گزشتہ چارسالوں سے آپ جوکچھ کررہے ہیں وہ پوری قوم جانتی ہے۔
ان کا کہنا تھا کہ آپ نے ن لیگ سےایک دوبارنہیں باربارشکست کھائی ہے، آپ الیکشن جیت نہیں سکتے،آپ صرف سازش کرسکتےہیں، آپ کبھی دھرنے،کبھی احتساب کی آڑمیں سازش کرتےہیں، سازش کرنے کیلئےجےآئی ٹی کے پیچھے چھپتے ہیں، جےآئی ٹی کے پیچھےچھپنے کےبجائےمیدان میں آؤ، انہوں نے کہا کہ آؤ میدان میں مقابلہ کرو، جب کہو گے ہم میدان میں آئیں گے، ہم آپ کو بھی جانتےہیں اورآپ کے کام کو بھی جانتےہیں۔
ملک بھر میں ترقی کا سفر جاری ہے، نواز شریف
نواز شریف کا کہنا تھا کہ پاکستان تبدیل ہورہاہے، ترقی یافتہ ممالک کی صف میں اول نمبرپرہوگا، لوگ ہماری روشن مستقبل کی پالیسیوں کودیکھ رہےہیں، کھیتوں سے منڈیوں تک سڑکیں، دیہات میں کالج بن رہے ہیں، بلوچستان میں ترقی دیکھیں ،خیبرپختونخوا کوہم تعمیر کررہےہیں۔
انہوں نے بتایا کہ لواری ٹنل کو ہم بنارہے ہیں جس کیلئے26ارب روپے دیئے، داسو، دیامر بھاشا ڈیم جیسے پروجیکٹ بنائے جارہےہیں، سندھ میں کوئلے سے بجلی پیداکرنے کے منصوبے بنارہے ہیں، ریلوے، سڑکوں کو اپ گریڈ کر رہے ہیں۔
انہوں نے کہا کہ پنجاب تیزی سے کام کررہا ہے، چین نے بھی اس کی تعریف کی ہے، میٹرو بس سے لوگوں کو سہولت ملی، قوم سے وعدہ کیا تھا کہ اندھیرے دورکرینگے، لوڈشیڈنگ ختم کرینگے، لوڈشیڈنگ کو ہمیشہ کیلئےختم کرنے جا رہے ہیں۔
منصوبے کی21ماہ میں تکمیل عالمی ریکارڈ ہے، شہباز شریف
اس سے قبل وزیراعلیٰ پنجاب شہبازشریف نے تقریب سے خطاب کرتے ہوئے کہا کہ اس منصوبے کی21ماہ میں تکمیل دنیا میں ریکارڈ ہے، منصوبے کی بروقت تکمیل کیلئے تمام لوگوں کا شکرگزار ہوں۔
انہوں نے کہا کہ پاکستان میں لگنےوالے موجودہ ترقیاتی منصوبے شفافیت کی مثال ہیں، حویلی لکھا اور بہادرشاہ کے منصوبوں میں168ارب روپے کی ریکارڈ بچت کی گئی۔
وزیراعظم کے کارنامے یاد رکھےجائیں گے، وزیر اعلیٰ پنجاب
پاناما کیس کے حوالے سے انہوں نے کہا کہ پاناما کا بڑا شور ہے،آپ کے اعمال نامے کی نسبت پاناما کچھ نہیں، پاناما افسانے کے برعکس وزیراعظم کے کارنامے یاد رکھےجائیں گے، پاناما کا افسانہ ہے اوریہ ترقیاتی منصوبے اعمال نامہ ہے، پاناما کیس میں عدالت کافیصلہ قبول کیاجائےگا، لوگ یادرکھیں گےایک وزیراعظم آیاتھا جس نے پاکستان کو اقوام عالم میں کھڑا کیا۔
شہباز شریف نے کہا کہ نندی پور پاور پروجیکٹ کی بڈنگ نہیں ہوئی تھی، بڈنگ کااداروں کونوٹس لیناچاہیےتھا،ذمہ داروں کوپکڑناچاہیےتھا، نندی پورپاورپروجیکٹ کاسامان3سال تک کراچی پورٹ پرموجودرہا۔
جھنگ: وزیر اعظم میاں محمد نواز شریف آج حویلی بہادر شاہ پاور پلانٹ کے پہلے یونٹ کا افتتاح کریں گے۔
تفصیلات کےمطابق بہادرشاہ پاورپلانٹ کے پہلے یونٹ سے 760میگاواٹ بجلی پیدا ہوگی، یہ منصوبہ چین کی پاور کنسٹرکشن کمپنی اور پاکستان کی قومی انجینئرنگ نےمکمل کیا۔
حویلی بہادر شاہ پاور پلانٹ سے ایل این جی سے بجلی پیدا ہو گی، جو ماحول دوست بجلی پیدا ہوگی، پلانٹ سے مجموعی طور پر 1230میگاواٹ بجلی پیدا ہو گی۔
علاوہ ازیں وزیراعظم نوازشریف نے تاجکستان سے وطن واپسی پرطیارےمیں میڈیا کےساتھ بات چیت میں کہا کہ دھرنے والے ہرسازش میں شریک رہے اور سازشیں کرتے رہے، ان سے نمٹ لیں گے۔
وزیراعظم پاکستان کا کہناتھاکہ جس نے ایٹمی دھماکے کا بٹن دبایا اسی کا احتساب ہورہا ہے وہ بھی جعلی، جمہوریت کو کم از کم مجھ سے کوئی خطرہ نہیں۔
واضح رہےکہ گزشتہ روزتاجکستان کےدارالحکومت دوشنبے میں چار ملکی کاسا کانفرس سے خطاب کرتے ہوئےکہاتھاکہ کاسا1000میگاواٹ منصوبے سے پاکستان اورافغانستان میں بجلی کی قلت میں کمی ہوگی جبکہ منصوبےسےعلاقائی روابط کوفروغ ملےگا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
جھنگ: حالیہ بارشوں کے بعد پنجاب میں بڑے سیلاب کا خطرہ پیدا ہوگیا، بارشوں نے دریاؤں میں طغیانی پیداکردی۔ جھنگ میں سیلابی ریلا دیہات میں داخل ہونے سے بند ٹوٹنے کا خدشہ ہوگیا۔
تفصیلات کے مطابق پنجاب کے مختلف شہروں میں موسلا دھار طوفانی بارشوں کے بعد سیلاب کا خطرہ پیدا ہوگیا، دریائے جہلم اور چناب میں طغیانی کے باعث سیلابی پانی نے آبادی کا رُخ کرلیا۔
جھنگ میں ہیڈ تریموں کےمقام پر پانی کی سطح میں مسلسل اضافے سےکئی دیہات متاثر ہوئے ہیں، سیلابی ریلا دیہات میں داخل ہونے سے رنگ پورمیں بند ٹوٹنے کا خدشہ ہوگیا ہے۔ اہل علاقہ میں تشویش کی لہر دوڑ گئی۔
سیلابی ریلے نے تیارفصل کو بھی نقصان پہنچایا، حالیہ بارش نے انتظامیہ کی نااہلی کا پول کھول دیا۔ رنگ پور میں دریائے چناب کی نشیبی بستیوں کے لیے کروڑوِں روپے کی لاگت سے بنائے جانےبندوں میں جگہ جگہ گڑھے پڑگئے ہیں۔
ٹوٹے ہوئے بندوں نے مکینوں کی نیندیں اڑادی ہیں، اس کے علاوہ چنیوٹ میں بھی سیلابی ریلے سے پندرہ سےزائد گاؤں متاثرہونے کی اطلاعات ملی ہیں۔
