Tag: جھوٹا پروپیگنڈا

پاک امریکا مشترکہ کامیاب کارروائی میں افغان دہشت گرد کمانڈر کی گرفتاری پر دشمن عناصر نے جھوٹا پروپیگنڈا شروع کردیا کہ دہشت گرد پہلے سے پاکستان کی تحویل میں تھا۔

تفصیلات کے مطابق پاک امریکا مشترکہ کارروائی دشمن کوایک آنکھ نہ بھائی، اہم داعش کمانڈر کی گرفتاری میں پاکستان کی کامیابی پرجھوٹا پروپیگنڈا شروع کردیا۔

داعش کمانڈر شریف اللہ کے بارے میں سی آئی اے نے خفیہ معلومات پاکستان کو فراہم کیں، جس پر سیکیورٹی اداروں نےبروقت ایکشن لیا اور چند روز تک جاری خفیہ کارروائیوں کے بعد سترہ فروری کو پاک افغان سرحدی علاقے سے کمانڈر شریف اللہ عرف جعفر کو گرفتار کرلیا۔

امریکی صدر نے اپنے خطاب میں داعش کمانڈر کو ہائی ویلیو ٹارگٹ اور کابل ایئر پورٹ حملے کا ماسٹر مائنڈ قرار دیا، ملک دشمن عناصر نے کہا شریف اللہ کوئی بڑا ٹارگٹ نہیں تھا، پہلے سے پاکستان کی تحویل میں تھا، حالانکہ سی آئی اے چیف نے خود بولا تھا۔ انہوں نے پاکستانی خفیہ ایجنسیوں سے معلومات شیئرکی۔

یہ وہی اندرونی وبیرونی عناصر ہیں، جن کو پاکستان کی کامیابی ایک آنکھ نہیں بھاتی، جونہیں چاہتے پاک امریکا تعلقات بہتر ہوں اور اور پاکستان دہشت گردی کے خلاف جنگ میں کامیاب ہو۔

کابل کے شریف اللہ نے دو ہزار سولہ میں داعش خراسان میں شمولیت اختیار کی، جہاں اس کو سینئر آپریشنل کمانڈر بنا دیا گیا، افغان دہشت گرد ، دوہزارانیس میں دوران گرفتاری اپنے جرائم کا اعتراف کر چکا ہے۔

2021 میں افغان طالبان نے جیل توڑ کراس کو فرار کروایا، جس کے فوراً بعد اس نے کابل ایئرپورٹ حملے میں مدد فراہم کی۔

امریکا کی دی گئی خفیہ معلومات پر پاکستان نے اسے پکڑنے کیلیے بے شمار آپریشن کیے، دہشت گرد کی گرفتاری کیلیے کیے جانے والا آپریشن،، پیشہ ورانہ مہارت، ماڈرن تکنیک، انٹیلی جنس تعاون اور بے لوث لگن کا عکاس ہے۔

ایف آئی اے حکام نے کہا ہے کہ پنجاب سے سائبر کرائم ونگ نے جھوٹا پروپیگنڈا کرنے والے 26 ملزمان کو گرفتار کرلیا ہے۔

تفصیلات کے مطابق جھوٹا پروپیگنڈا کرنے والوں کےخلاف ٹاسک فورس نے گرینڈ آپریشن کیا، ایف آئی اے نے بتایا کہ صوبہ پنجاب سے سائبر کرائم نے 26 ملزمان کو پکڑا ہے، لاہور سمیت پنجاب کے دیگر اضلاع میں 66 ایف آئی آرز کا اندراج کرلیا گیا ہے۔

ایف آئی اے حکام کا کہنا تھا کہ سائبر کرائم ونگ اسلام آباد نے 51 ایف آئی آرز کا اندراج کیا، ملتان میں ایف آئی اے کی کارروائی میں 14 افراد کو گرفتار کیا گیا، 30 سے زائد مقدمات درج کیے گئے۔

کراچی میں 16، سکھر میں 4 اور حیدرآباد میں 5 ایف آئی آرز کا اندراج کیا گیا، ایف آئی اے کوئٹہ کی جانب سے بھی 3 مقدمات کا اندراج کیا گیا۔

وفاقی تحقیقاتی ادارے کے حکام مزید کہا کہ ایف آئی اے نے ملک بھر میں 30 سوشل میڈیا ایکٹویسٹ کو بھی گرفتارکرلیا ہے۔

دریں اثنا پشاور میں کارروائی کرتے ہوئے ایف آئی اے سائبرکرائم نے خاتون کو بلیک میل کرنے والے 4 ملزمان کو گرفتار کیا، ایف آئی نے بتایا کہ ملزمان نے خاتون کی قابل اعتراض ویڈیوز شیئرکیں، ہراساں کیا۔