Tag: جہاز

اسکائی ڈائیونگ بہت سے مہم جو لوگوں کا شوق ہے لیکن ایک اسکائی ڈائیور کے لیے ایک بار یہ شوق کافی دلچسپ اور مہنگا ثابت ہوا۔

زمین سے ہزاروں فٹ بلندی پر جہاز سے چھلانگ لگا کر زمین تک کا پیراشوٹ میں سفر کرنا بہت سارے مہم جو لوگوں کا شوق ہے اور کبھی کبھار اسکائی ڈائیور اس مہم جوئی کے دوران اپنی جانوں سے بھی ہاتھ دھو بیٹھے۔

تاہم حال ہی میں ایک اسکائی ڈائیور کے ساتھ زمین سے 14 ہزار فٹ بلندی پر ایسا دلچسپ واقعہ پیش آیا جس کی ویڈیو دیکھ کر لوگ بھی حیران ہیں۔

غیر ملکی میڈیا کےمطابق 37 سالہ کیسی فلے نامی تجربہ کار اسکائی ڈائیور جو اس سے قبل کئی بار ہوائی جہاز سے چھلانگ لگا چکے ہیں تاہم اس بار جب انہوں نے 14 ہزار فٹ بلندی پر جہاز سے چھلانگ لگائی تو ان کے ساتھ ایسا کچھ ہوا، جو اس سے قبل کبھی بھی نہیں ہوا تھا۔

کیسی فلے نے جیسے ہی جہاز سے چھلانگ لگائی تو ان کے ٹراؤزر کی جیب سے موبائل فون نکل گیا۔ تاہم حیرت انگیز بات یہ ہے کہ جب وہ زمین پر اترے تو 14 ہزار فٹ کی بلندی سے گرنے کے باوجود وہ انہیں بالکل درست حالت میں مل گیا۔

رپورٹ کے مطابق پہلے تو وہ اپنی جیب میں سے موبائل گر جانے سے لاعلم تھے۔ تاہم جب زمین پر اترنے کے بعد انہوں نے موبائل فون نکالنے کے لیے جیب میں ہاتھ ڈالا تو وہاں فون نہیں تھا۔

کیسی فلے نے اس بارے میں جہاز میں موجود دیگر لوگوں سے معلوم کیا اور پھر ایک ایپ کے ذریعہ اپنا فون اس جگہ سے چار میل دور جنگل میں ٹریک کیا جہاں وہ اسکائی ڈائیونگ کے بعد اترے تھے۔

وہ جب وہاں پہنچے تو انہیں اپنا فون بالکل درست حالت میں ملا، جس کو دیکھ کر وہ بھی حیران رہ گئے۔

View this post on Instagram

A post shared by Fox News (@foxnews)

کسی علاقے میں ہر گھر میں گاڑی ہونا معمول ہے مگر دنیا میں ایک گاؤں ایسا بھی ہے جہاں ہر گھر میں ایک نہیں کئی جہاز ہیں اور وہ سودا سلف لینے بھی جہاز میں جاتے ہیں۔

انسان جیسے جیسے ترقی کرتا گیا سفری سہولیات بھی حاصل کرتا گیا۔ بیل گاڑی سے شروع ہونے والا سفر آج جیٹ طیاروں تک جا پہنچا ہے۔ قریبی علاقے میں سفر کے لیے لوگ کار، موٹر سائیکل وغیر کا استعمال کرتے ہیں لیکن دنیا میں ایک ایسا گاؤں بھی ہے، جہاں ہر گھر کی پارکنگ میں جہاز کھڑا ہوتا ہے، وہاں ہر شخص پائلٹ اور گھر کا سودا سلف لینے تک جہاز میں جاتے ہیں۔

جی ہاں یہ کوئی مذاق نہیں بلکہ حقیقت ہے اور یہ حیرت انگیز علاقہ امریکی ریاست کلیفورنیا میں واقع ایک چھوٹا سا گاؤں ہے۔

اگر کوئی کیلیفورنیا میں کیمرون ایئر پارک نامی اس گاؤں میں جائے تو وہاں اسے بہت چوڑی سڑکیں حیران کر دیں گی، لیکن اصل حیرانی اس وقت ہو گی جب وہ ہر گھر کے باہر گیراج نما ہینگر بنے ہوئے دیکھیں گے اور انہیں یہاں ہوائی جہاز کھڑے نظر آئیں گے۔ یہ منظر دیکھ کر شاید اس کو خود اپنی آنکھوں پر یقین نہیں آئے گا، لیکن حقیقت یہی ہے۔

اس گاؤں کا ہر شخص پائلٹ ہے جو جہاز اڑانا بخوبی جانتا ہے۔ ہوائی جہاز وہاں کی معمول کی سواری ہے۔ انہیں سبزی یا گھر کا کوئی سودا سلف بھی لانا ہو تو وہ گھر سے باہر نکلتے ہیں اور جہاز اڑا کر نکل جاتے ہیں۔

اس گاؤں کو ایک قسم کی فلائی ان کمیونٹی کہا جاتا ہے۔