ARYNews.tv | Urdu – Har Lamha Bakhabar

Tag: جہاز رانی

  • پاک بحریہ جہاز رانی کی صنعت کےفروغ کے لیے تعاون کے عزم کا اعادہ کرتی ہے،نیول چیف

    پاک بحریہ جہاز رانی کی صنعت کےفروغ کے لیے تعاون کے عزم کا اعادہ کرتی ہے،نیول چیف

    کراچی: پاک بحریہ کے سربراہ ایڈمرل ظفر محمود عباسی کا کہنا ہے کہ پاک بحریہ جہاز رانی کی صنعت کےفروغ کے لیے تعاون کے عزم کا اعادہ کرتی ہے۔

    تفصیلات کے مطابق ورلڈ میری ٹائم ڈے 2020 پر پاک بحریہ کے سربراہ نے اپنے پیغام میں کہا کہ سمندرکی اہمیت،تحفظ پرتوجہ مبذول کرانے کے لیے ورلڈ میری ٹائم ڈے منایاجاتا ہے۔

    نیول چیف نے کہا کہ اس سال میری ٹائم کے عالمی دن کا موضوع مستحکم کرہ ارض کے لیے مستحکم جہاز رانی ہے،عالمی معیشت کا زیادہ انحصار جہاز رانی سے متعلقہ سرگرمیوں پر ہے۔انہوں نے کہا کہ قدرت نے پاکستان کو ایک ہزار کلومیٹر سے زائدساحلی پٹی سے نوازا ہے۔

    ایڈمرل ظفر محمود عباسی کا کہنا تھا کہ پاک چین اقتصادی راہداری سے بھرپور استفادہ کے لیے بحری شعبے کی ترقی ناگزیر ہے،حکومت کی جانب سے 2020 کو بلیو اکانومی کا سال قرار دینا مثبت قدم ہے۔

    پاک بحریہ کے سربراہ نے کہا کہ سمندری تحفظ کے روایتی،غیر روایتی چیلنجز کے ساتھ بڑھتی سمندری آلودگی ایک سنگین مسئلہ ہے، تمام ساحلی ممالک کی جانب سے مشترکہ کوششوں کی ضرورت ہے۔

    نیول چیف کا کہنا تھا کہ ریجنل میری ٹائم سیکیورٹی پٹرول کے ذریعے سمندری تحفظ یقینی بنانےمیں کردار ادا کر رہی ہے،پاک بحریہ سمندری دفاع کےساتھ میری ٹائم شعبے سے متعلق آگاہی اور بلیو اکانومی کے فروغ کے لیے سرگرم ہے۔

    ایڈمرل ظفر محمود عباسی نے کہا کہ بندرگاہوں کی صفائی،سمندرمیں تیل کے رساؤ کی روک تھام کے لیے اہم کردار ہے،مینگرووز کی شجرکاری سمندری ماحولیاتی نظام کے تحفظ کے لیے پاک بحریہ کے اہم اقدامات ہیں۔

    پاک بحریہ کے سربراہ نے اپنے پیغام میں مزید کہا کہ پاک بحریہ جہاز رانی کی صنعت کے فروغ کے لیے تعاون کے عزم کا اعادہ کرتی ہے۔

  • خلیج میں جہاز رانی کو محفوظ بنانے کے مشن میں آسٹریلیا کی شمولیت

    خلیج میں جہاز رانی کو محفوظ بنانے کے مشن میں آسٹریلیا کی شمولیت

    سڈنی : آسٹریلیا کے وزیراعظم اسکوٹ موریسن نے کہاہے کہ ان کا ملک خلیج میں جہاز رانی کو محفوظ بنانے کے لیے امریکا کے زیر قیادت سمندری فورس میں شامل ہو گا۔

    تفصیلات کے مطابق موریسن نے بدھ کے روز بتایا کہ آسٹریلیا اس فورس میں ایک فریگیٹ، ایک پی ایٹ (نگرانی کرنے والے) طیارے اور سپورٹ اسٹاف کے ساتھ شریک ہو گا۔

    امریکا کے وزیر دفاع مارک ایسپر اور وزیر خارجہ مائیک پومپیو نے رواں ماہ اپنے سڈنی کے دورے میں مطالبہ کیا تھا کہ آسٹریلیا خلیج میں اُن گشتی سیکورٹی دستوں میں حصہ لے جو آبنائے ہرمز سے گزرنے کے دوران کارگو جہازوں کو سیکورٹی فراہم کریں گے۔

    غیر ملکی خبر رساں ادارے لکا کہنا تھا کہ جون میں خلیج کے علاقے میں کئی کارگو جہازوں کو حملوں کا نشانہ بنائے جانے کے بعد امریکا نے اس بین الاقوامی سمندری فورس کو تشکیل دینے کا آئیڈیا پیش کیا تھا۔

    غیر ملکی خبر رساں ادارے کا کہنا تھا کہ واشنگٹن نے مذکورہ حملوں کا ذمے دار ایران کو ٹھہرایا جب کہ تہران ان کارروائیوں میں ملوث ہونے کی تردید کرتا ہے۔

  • جہاز رانی میں رکاوٹ ایران کو مشکل سے دوچار کردے گی، جیریمی ہنٹ

    جہاز رانی میں رکاوٹ ایران کو مشکل سے دوچار کردے گی، جیریمی ہنٹ

    لندن /تہران : برطانوی وزیر دفاع جیریمی ہنٹ نے جاری بیان میں کہا ہے کہ ایران کی جانب سے تیل بردار جہاز کوقبضے میں لینے کے بعد اب کوئی ٹھوس لائحہ عمل اختیارکریں گے۔

    تفصیلات کے مطابق برطانوی وزیر خارجہ جیریمی ہنٹ نے ایران کی جانب سے برطانیہ کا تیل بردار بحری جہاز قبضے میں لینے کے اقدام کے بعد ایران کو اس کے سنگین نتائج پر خبردار کیا ہے اور کہا ہے کہ تیل بردار جہاز کو قبضے میں لینا معمولی بات نہیں، ایران کو اس کی بھاری قیمت چکانا پڑ سکتی ہے۔

    برطانوی وزیر خارجہ نے کہا کہ ایران کی جانب سے تیل بردار جہاز قبضے میں لینے کے بعد لندن سوچ سمجھ کر مگر کوئی ٹھوس لائحہ عمل اختیارکرے گا۔ انہوں نے ایران کو خبردار کیا کہ عالمی جہاز رانی میں رکاوٹ ڈالنے سے تہران کو نقصان پہنچے گا۔

    غیر ملکی خبر رساں ادارے کا کہنا تھا کہ اس سے قبل برطانوی وزیر خارجہ نے اپنے امریکی ہم منصب مائیک پومپیو سے بھی ٹیلیفون پر بات چیت کی اور انہیں صورت حال سے آگاہ کیا، توقع ہے کہ وہ اپنے ایرانی ہم منصب محمد جواد ظریف سے بھی رابطہ کریں گے۔

    جیریمی ہنٹ کا کہنا تھا کہ تیل بردار جہاز روکنے کے بعد ایران کے خلاف ہم سوچ سمجھ کر مگر ٹھوس رد عمل ظاہر کریں گے۔

    ان کا کہنا تھا کہ ہم ایران کے خلاف کسی قسم کی فوجی مہم جوئی کے حق نہیں اور مسائل کو بات چیت اور سفارتی ذرائع سے حل کرنا چاہتے ہیں،اس کے باوجود اگر ایران نے عالمی جہاز رانی کی راہ میں رکاوٹ ڈالنے کی کوشش کی تو سب سے زیادہ نقصان ایران کا ہوگا۔

  • گوٹیرس کا تمام ممالک سے خلیج میں جہاز رانی کی آزادی یقینی بنانے کا مطالبہ

    گوٹیرس کا تمام ممالک سے خلیج میں جہاز رانی کی آزادی یقینی بنانے کا مطالبہ

    نیویارک:اقوام متحدہ کے سیکرٹری جنرل انتونیو گوٹیرس نے تمام ممالک پر زور دیا ہے کہ وہ خلیج کے علاقے میں جہاز رانی کی آزادی کو یقینی بنائیں، اس بات کا اعلان گوٹیرس کے ترجمان فرحان حق نے کیا۔

    تفصیلات کے مطابق اس حوالے سے فرحان کا کہنا تھا کہ سیکریٹری جنرل کا مطالبہ بالکل واضح ہے، انہوں نے تمام ممالک پر زور دیا ہے کہ جہاز رانی کی آزادی کو ہر جگہ یقینی بنایا جائے جس میں آبنائے ہرمز بھی شامل ہے۔

    غیر ملکی خبر رساں ادارے کا کہنا تھا کہ گوٹیرس اس بات کی تصدیق چاہتے ہیں کہ تمام ممالک خلیج کے علاقے میں جارحیت کم کرنے کی کوششیں کر رہے ہیں۔

    غیر ملکی میڈیا کا کہنا ہے کہ گوٹیرس ایسے کسی بھی اقدامات سے گریز کے خواہاں ہیں جن سے مستقبل میں کشیدگی میں مزید اضافہ ہو،خلیج کے علاقے میں کشیدگی میں اضافہ جاری ہے۔ امریکا کی جانب سے خلیج عربی میں بحری کمک کی دوسری کھیپ ارسال کرنے کا اعلان کیا گیا ہے۔

    خبر رساں ادارے کا کہنا تھا کہ یہ پیش رفت ایران کی جانب سے ایک برطانوی تیل بردار جہاز کو تحویل میں لینے کی ناکام کوشش کے بعد سامنے آئی ہے۔ اس دوران ایرانی ذمے داران اپنے ایک تیل بردار جہاز کے حراست میں لیے جانے پر بہت جلد برطانیہ کے خلاف انتقامی کارروائی کی دھمکی دے چکے ہیں۔