ARYNews.tv | Urdu – Har Lamha Bakhabar

Tag: جہانگیر ترین گروپ

  • پی ٹی آئی کے سابق وزیر کا جہانگیر ترین گروپ میں شمولیت کا اعلان

    پی ٹی آئی کے سابق وزیر کا جہانگیر ترین گروپ میں شمولیت کا اعلان

    لاہور : تحریک انصاف کے سابق رہنما مراد راس سمیت دیگر تین رہنماؤں نے جہانگیر ترین گروپ میں شمولیت کا اعلان کردیا۔

    تفصیلات کے مطابق تحریک انصاف کے سابق رہنمامراد راس نے جہانگیر ترین سے ملاقات کی، ملاقات جہانگیر ترین کی رہائش گاہ پر ہوئی۔

    ملاقات میں عبدالعلیم خان اور عون چوہدری بھی موجود تھے، جس میں مراد راس نے جہانگیر ترین گروپ میں شمولیت کا اعلان کیا۔

    دوسری جانب جہانگیرترین سے بہاولپور سے سجاد بخاری، تحسین گردیزی اور جہانزیب وارن کی ملاقات ہوئی، ملاقات میں ب مختلف شخصیات نے جہانگیر ترین گروپ میں شمولیت کا اعلان کیا۔

    تینوں رہنماؤں نے پی ٹی آئی چھوڑ کر جہانگیرترین گروپ میں شمولیت اختیار کی، جہانگیرترین نے ترین گروپ جوائن کرنے والے رہنماؤں کو خوش آمدید کہا۔

  • ن لیگ نے جہانگیر ترین گروپ کے زیادہ تر ارکان کو ہری جھنڈی دکھا دی

    ن لیگ نے جہانگیر ترین گروپ کے زیادہ تر ارکان کو ہری جھنڈی دکھا دی

    لاہور : مسلم لیگ ن نے جہانگیرترین گروپ کے زیادہ تر ارکان کو پارٹی میں لینے سے معذرت کرلی، گزشتہ دنوں جہانگیرترین گروپ کی کئی شخصیات ماڈل ٹاؤن گئیں تھیں۔

    تفصیلات کے مطابق جہانگیرترین گروپ کے متعدد ارکان کی ن لیگ سے رابطوں کی کوششیں جاری ہے، ن لیگ نے جہانگیرترین گروپ کے زیادہ تر ارکان کو پارٹی میں لینے سے معذرت کرلی۔

    جہانگیر ترین گروپ کے متعدد ارکان ن لیگ کے مرکز 180 ایچ ماڈل ٹاؤن کے چکر لگارہے تھے، گزشتہ دنوں جہانگیرترین گروپ کی کئی شخصیات ماڈل ٹاؤن گئیں تھیں۔

    ماڈل ٹاؤن میں موجود لیگی رہنماؤں نے ان شخصیات کی آمد پر ناپسندیدگی کا اظہار کیا جبکہ ن لیگ کے وفاقی وزیر ماڈل ٹاؤن آنے والے رہنماؤں سے مصروفیات کا کہہ کر چلے گئے۔

    ذرائع ن لیگ کا کہنا ہے کہ پارٹی پالیسی ہے، ضمنی الیکشن ہارنے والے ترین گروپ کے 90 فیصد ارکان کو نہیں لینا۔

    یاد رہے مسلم لیگ ن نے تحریک انصاف چھوڑنے والے صرف چند ارکان کو ن لیگ میں شامل کرنے کا فیصلہ کیا تھا، اس حوالے سے سینئرلیگی رہنما نے بتایا تھا کہ پنجاب کے 90 فیصد حلقوں میں ہم اپنے پرانے لوگوں کوہی پارٹی ٹکٹ دیں گے اور جن حلقوں میں ضروری سمجھا صرف وہیں پر ہی پی ٹی آئی چھوڑنے والوں کو شامل کریں گے۔

    ذرائع نے کہا تھا کہ جہانگیرترین گروپ کو بھی یہی کہا گیا ہے کہ سب کوپارٹی ٹکٹ نہیں دےسکتے۔

  • جہانگیر ترین گروپ ملکی سیاست میں دوبارہ متحرک

    جہانگیر ترین گروپ ملکی سیاست میں دوبارہ متحرک

    لاہور: جہانگیر ترین گروپ ملکی سیاست میں دوبارہ متحرک ہو گیا ہے، گروپ نے آئندہ سیاسی لائحہ عمل کے لیے سر جوڑ لیے۔

    تفصیلات کے مطابق جہانگیر ترین کی سربراہی میں ان کے گروپ نے آج پیر کو ایک اعلیٰ سطح کی مشاورتی اجلاس طلب کیا، جس میں قومی اسمبلی میں اپوزیشن لیڈر راجہ ریاض، عون چوہدری، نعمان لنگڑیال، اسحاق خاکوانی، اجمل چیمہ، پی ٹی آئی ترین گروپ کے سابق ارکا ن پنجاب و قومی اسمبلی نے شرکت کی، پی ٹی آئی سے تعلق رکھنے والے نئے چہرے بھی اجلاس میں شریک ہوئے۔

    جہانگیر ترین کی جانب سے گروپ کے اعزاز میں افطار ڈنر دیا گیا، اجلاس میں ترین گروپ نے ملکی سیاست میں دوبارہ فعال کردار ادا کرنے کا فیصلہ کیا، کچھ ارکان نے’’پی ٹی آئی نظریاتی‘‘ کے نام سے سیاسی شناخت بنانے کی تجویز دے دی۔

    ترین گروپ نے پی ٹی آئی کے مزید سابق ارکان اسمبلی اور رہنماؤں سے رابطوں کا بھی فیصلہ کیا، اجلاس میں اس نکتے پر اتفاق رائے کیا گیا کہ ملکی سیاست میں ترین گروپ اپنا بھرپور کردار ادا کرے گا۔

    شرکا کی رائے تھی کہ عمران خان کی پالیسیوں نے پارٹی کو تباہی سے دوچار کر دیا ہے، جس کی وجہ سے بڑی تعداد میں پارٹی رہنما عمران خان کی سیاست سے علیحدگی اختیار کرنا چاہتے ہیں۔

    ترین گروپ نے اندرونی مشاورت کو جاری رکھنے پر اتفاق کیا، ذرائع کا کہنا ہے کہ ترین گروپ ملکی سیاست پر نظر رکھتے ہوئے مزید اجلاس بھی کرے گا۔

  • حکومت نے جہانگیر ترین گروپ کو منانے کی کوششیں مزید تیز کردیں

    حکومت نے جہانگیر ترین گروپ کو منانے کی کوششیں مزید تیز کردیں

    لاہور : حکومت نے ترین گروپ کو منانے کی کوششیں تیز کردی، ترین گروپ کل مراد راس سے ملاقات میں مطالبات پرہونے والی پیشرفت کا دریافت کرے گا۔

    تفصیلات کے مطابق پنجاب میں وزیراعلیٰ کے خلاف عدم اعتماد کے معاملے پر ترین گروپ کا نمائندہ وفد کل وزیراعلیٰ کے نمائندے مراد راس سے ملاقات کرے گا۔

    ذرائع کا کہنا ہے کہ ملاقات میں ترین گروپ 6 روزقبل کی ملاقات کی سفارشات میں پیش رفت پرپوچھے گا ، جس پر وزیراعلیٰ آفس نے ترین گروپ کےمسائل پرخصوصی ڈیسک قائم کرنے کی ہدایات دے دیں۔

    لاہور:ترین گروپ اورمراد راس کی گزشتہ ملاقات میں پرویز خٹک کو بھی اعتماد میں لیا گیا

    ذرائع ترین گروپ کا کہنا ہے کہ مائنس بزدار سمیت تمام آپشنز پر مشاورت سے فیصلہ کریں گے، رہنما ترین گروپ عبدالحئی دستی نے کہا معاملات جوں کے توں ہیں پیشرفت نہیں ہوئی۔

    ذرائع نے کہا کہ آخری ملاقات میں ترین گروپ کوممکنہ وسائل فراہم کرنے کی یقین دہانی کرائی ، ترین گروپ نے وفاقی محکموں کے حوالے سے بھی تحفظات پرنمائندوں کو آگاہ کیا۔

    ذرائع کے مطابق حکومتی نمائندے ترین گروپ کو مائنس بزدار فارمولے سے ہٹانےکی کوشش کریں گے۔

    گذشتہ روز ترین گروپ کے اہم ایم پی اے رفاقت گیلانی کی وزیراعلیٰ پنجاب عثمان بزدار سے ملاقات ہوئی تھی۔

    ذرائع کا کہنا تھا کہ ترین گروپ کے 6 ایم پی ایز 3 روز میں عثمان بزدارسےملاقات کرچکےہیں، ترین گروپ میں ٹوٹ پھوٹ کی وجہ ن لیگ کی ٹکٹ کی گارنٹی نہ ملنا ہے۔

  • حکومت کی جہانگیر ترین گروپ کو بڑی پیشکش

    حکومت کی جہانگیر ترین گروپ کو بڑی پیشکش

    لاہور: وزیراعظم عمران خان کی ہدایت پر وزیر تعلیم مراد راس نے ترین گروپ کو پیشکش کی ہے کہ آئیں بیٹھ کر غلط فہمیاں دور کرتے ہیں، گلے شکوے دور کرنے کو تیار ہیں۔

    تفصیلات کے مطابق حکومت کی جانب ترین گروپ کو منانے کی کوششیں جاری ہے ، وزیراعظم عمران خان کی ہدایت پر وزیر تعلیم مراد راس نے ترین گروپ سے رابطہ کیا ، ترین گروپ کے رہنما صوبائی وزیر نعمان لنگڑیال نے رابطے کی تصدیق کر دی۔

    وزیر تعلیم ڈاکٹر مراد راس نے ترین گروپ سے ملاقات کی ، یہ ابتدائی ملاقات کی نشست دو گھنٹے تک جاری رہی ، جس میں ترین گروپ کے 6 سے زائد ارکان شریک ہوئے۔

    مراد راس نے ترین گروپ کو پیشکش کی کہ آئیں بیٹھ کر غلط فہمیاں دور کرتے ہیں، ترین گروپ کے ارکان پارٹی کا حصہ ہیں، گلے شکوے دور کرنے کو تیار ہیں۔

    جس پر نعمان لنگڑیال نے کہا کہ ہمیشہ پارٹی قیادت کے حوالے سے مثبت رویہ اختیار کیا، جس پر وزرا کا کہنا تھا کہ ہم بیٹھ کر تمام ایشوز پر بات کر سکتے ہیں۔

    ملاقات میں ترین گروپ کے ارکان نے کہا کہ تمام فیصلوں کا اختیار جہانگیر ترین کے پاس ہے۔

    اس سے قبل وفاقی وزیر دفاع پرویز خٹک کا جہانگیر ترین گروپ کے اہم رہنما عون چوہدری سے رابطہ ہوا تھا۔

    عون چوہدری نے حکومت سے رابطے کی تصدیق کرتے ہوئے بتایا کہ رات گئے پرویز خٹک سے رابطہ ہوا، انہوں نے بتایا کہ پرویز خٹک نے ترین گروپ سےفوری طور پر انتہائی قدم نہ اٹھانے کی درخواست کی۔

    پرویز خٹک نے عون چوہدری سے کہا تھا کہ اہم فیصلے روک لیں،جلد اہم ہیش رفت سے آگاہ کریں گے۔

  • جہانگیر ترین گروپ کو منانے کی حکومتی کوششیں موثر ثابت نہ ہوسکیں

    جہانگیر ترین گروپ کو منانے کی حکومتی کوششیں موثر ثابت نہ ہوسکیں

    لاہور : جہانگیر ترین گروپ کو منانے کی حکومتی کوششیں موثر ثابت نہ ہوسکیں،  ترین گروپ نے آئندہ کسی حکومتی شخصیات سے ملاقات نہ کرنے کا فیصلہ کرلیا۔

    تفصیلات کے مطابق ترین گروپ کو منانے میں حکومتی کوششیں موثر ثابت نہ ہوئیں، ذرائع نے بتایا کہ گورنر سندھ عمران اسماعیل نے جہانگیر ترین کو منانے کے لیے فون کیا تھا تاہم فون پر رابطے کی کوشش بھی کارآمد نہ ہوسکی۔

    ذرائع نے بتایا کہ جہانگیر ترین گروپ کے حکومت مخالف شخصیات سے رابطے ہیں اور جہانگیرترین گروپ نے آئندہ کسی حکومتی شخصیات سے ملاقات نہ کرنے کا فیصلہ کیا ہے۔

    دوسری جانب ترین گروپ کا اجلاس آج شام جہانگیر ترین کی ماڈل ٹاؤن رہائش گاہ پرہوگا، مشاورتی اجلاس میں پنجاب کی موجودہ اور مستقبل کی سیاسی صورتحال پر تبادلہ کیا جائے گا۔

    ذرائع کا کہنا تھا کہ اجلاس میں تمام ارکان پنجاب کی سیاسی صورتحال پر مستقبل کی حکمت عملی پر تجاویز دیں گے۔

    ذرائع کے مطابق اجلاس میں جہانگیر ترین ویڈیو لنک پر شریک ہوں گے جبکہ سابق سینیئر صوبائی وزیر عبدالعلیم خان ترین گروپ کے اجلاس میں شریک نہیں ہوں گے۔

    اجلاس میں حمزہ شہباز اور پرویز الہی سے ہونے والی ملاقاتوں سمیت اسلام آباد میں تیزی سے بدلتی صورتحال پر تفصیلی تبادلہ خیال ہوگا

  • جہانگیر ترین گروپ کو بڑا جھٹکا ، ساتھی ساتھ چھوڑنے لگے

    جہانگیر ترین گروپ کو بڑا جھٹکا ، ساتھی ساتھ چھوڑنے لگے

    لاہور : ترین گروپ میں ایک کے بعد ایک ساتھی ساتھ چھوڑنے لگا، صوبائی وزیرصمصام بخاری،صوبائی وزیر ہاشم ڈوگر نے بھی ترین گروپ سےعلیحدگی کااعلان کردیا۔

    اے آر وائی نیوز کے نمائندے خواجہ نصیر کے مطابق ترین گروپ کی مشکلات میں اضافہ ہوگیا ، صوبائی وزراء اختر ملک اور میاں خالد کے بعد آصف نکئی ،صمصام بخاری اور صوبائی وزیر ہاشم ڈوگر بھی الگ ہوگئے۔

    صوبائی وزیر ہاشم ڈوگر نے کہا کہ عمران خان میرے لیڈرہیں ، پارلیمانی اجلاس میں شرکت کروں گا، ترین گروپ سےاستدعاہےکہ اجلاس کا بائیکاٹ مت کریں۔

    صوبائی وزیرصمصام بخاری نے بھی وزیراعظم سےملاقات کااعلان کرتے ہوئے کہا اپنے کپتان کےساتھ ڈٹ کر کھڑاہوں۔

    صوبائی وزیرآصف نکئی بھی آج وزیر اعظم سے ملاقات کریں گے، ان کا کہنا تھا کہ پارلیمانی اجلاس کے بائیکاٹ کا فیصلہ مسترد کرتاہوں، سو فیصد عمران خان کے ساتھ ہوں۔

    آصف نکئی تین روز قبل ترین گروپ میں شمولیت اختیار کی تھی جبکہ اختر ملک اور صوبائی وزیر خالد بھی ترین گروپ چھوڑ کر وزیراعلیٰ سے ملاقات کرچکے ہیں۔

  • فواد چوہدری سے ملاقات، جہانگیر ترین گروپ نے عمران خان کی قیادت پر اعتماد کا اظہار کر دیا

    فواد چوہدری سے ملاقات، جہانگیر ترین گروپ نے عمران خان کی قیادت پر اعتماد کا اظہار کر دیا

    لاہور: جہانگیر ترین گروپ نے عمران خان کی قیادت پر اعتماد کا اظہار کر دیا ہے۔

    اے آر وائی نیوز کے مطابق جہانگیر ترین گروپ نے عمران خان کی قیادت پر اعتماد کا اظہار کر دیا ہے، وفاقی وزیر فواد چوہدری سے ملاقات میں ترین گروپ نے رپورٹ پبلک کرنے کی بھی تجویز دے دی۔

    وفاقی وزیر اطلاعات فواد چوہدری کہا ہم سب متحد ہیں، پارٹی میں کوئی گروپنگ نہیں، اختلافات ختم ہو چکے ہیں، جہانگیر ترین کو بھی علم ہے کہ عمران خان ان کی ناجائز سفارش نہیں کریں گے، علی ظفر پر بھی فریقین کو اعتماد ہے۔

    ملاقات کے بعد میڈیا سے گفتگو میں ترین گروپ کے رکن نعمان لنگڑیال نے کہا میں چوہدری صاحب اور عامر کیانی کا شکر گزار ہوں کہ وہ پنجاب تشریف لائے، دو بھائی تشریف لائے ہم ان پر اور وزیر اعظم پر اعتماد کا اظہار کرتے ہیں، دریں اثنا، ترین گروپ نے کہا کہ جہانگیر ترین پر جو رپورٹ بنائی گئی ہے اس کو پبلک ضرور کیا جائے، ہم اس رپورٹ کو تن من دھن سے قبول کریں گے۔

    فواد چوہدری نے کہا ہم ایک خاندان کی طرح ہیں، ہمارے درمیان سیاسی رابطے کی ضرورت تھی، ہم وزیر اعظم کی ہدایت پر آئے اور ان کا نقطہ نظر تحمل سے سنا، جس میں بڑا وزن ہے، بڑی چھوٹی باتیں ہوتی رہتی ہیں اس میں رخنہ بھی آ جاتا ہے، تاہم نعمان لنگڑیال، نوانی اور چیمہ صاحب نے وزیر اعظم کی قیادت پر اظہار اطمینان کیا ہے۔

    ان کا کہنا تھا کہ ساتھ بیٹھ کر ذاتی اور اجتماعی مسائل تنظیمی طریقے سے حل کریں گے، وزیر اعظم عمران خان کی قیادت میں ہم سب اکٹھے ہیں، جہانگیر ترین کو توقع نہیں ہے عمران خان ان کی ناجائز سفارش کریں گے، وزیر اعظم کا یہ مزاج بھی نہیں ہے، اپوزیشن کو جلد غلط فہمیاں ہو جاتی ہیں اور وہ دو تین دن سے لڈیاں ڈال رہی ہے، لیکن اختلافات سے متعلق معاملات اب ختم ہو چکے ہیں۔

    فواد چوہدری نے نیب کے بار میں کہا کہ وہ اپنے آپ کو اتنا وسیع نہ کرے کہ کیس کو منطقی انجام تک نہ پہنچا سکے۔

  • بڑا بریک تھرو ، جہانگیر ترین گروپ کا وزیراعلیٰ پنجاب کی قیادت پر مکمل اعتماد کا اظہار

    بڑا بریک تھرو ، جہانگیر ترین گروپ کا وزیراعلیٰ پنجاب کی قیادت پر مکمل اعتماد کا اظہار

    لاہور : جہانگیرترین گروپ کے اراکین نے وزیراعلیٰ پنجاب سردار عثمان بزدار کی قیادت پر مکمل اعتماد کا اظہار کیا، رکن سعیداکبرنوانی نے کہا ہم ایک تھے،ایک ہیں اور ایک رہیں گے۔

    تفصیلات کے مطابق وزیر اعلیٰ پنجاب عثمان بزدار سے جہانگیر ترین گروپ کے وفد کی ملاقات ہوئی ، سعید اکبر نوانی، اجمل چیمہ، نعمان لنگڑیال،زوار وڑائچ،نذیر چوہان ، عمر آفتاب اور عون چوہدری جہانگیرترین گروپ کے وفد میں شامل تھے۔

    وفد نے وزیراعلیٰ پنجاب عثمان بزدار کو تحفظات سے آگاہ کرتے ہوئے بیوروکریسی،حلقوں کےمسائل اور پالیسی سازی پرمؤقف پیش کیا۔

    جہانگیرترین گروپ کے اراکین نے وزیراعلیٰ پنجاب سردار عثمان بزدار کی قیادت پر مکمل اعتماد کا اظہار کیا، رکن سعیداکبرنوانی نے کہا ہم ایک تھے،ایک ہیں اور ایک رہیں گے ، آپ کی قیادت پر پورا اعتماد ہے۔

    سعید اکبر نوانی کا کہنا تھا کہ آپ ہمارے وزیراعلیٰ ہیں اور آپ کے پاس مسائل کےحل کیلئےآئےہیں، پی ٹی آئی ہماری جماعت ہے اور اس سےغیر مشروط وابستگی برقراررہے گی۔

    اس موقع پر وزیراعلیٰ پنجاب نے کہا میرے دروازے آپ سب کےلیے کھلے ہیں ، وزیر اعظم عمران خان کی قیادت میں متحد ہیں ، کبھی کسی سے ناانصافی نہیں کی اور نہ کریں گے۔

    عثمان بزدار کا کہنا تھا کہ انتقام کی سیاست ہمارا شیوہ نہیں ، آپ کے جائز تحفظات کا ازالہ کیا جائے گا ، پارٹی کانام تحریک انصاف ہے اورہم انصاف کی عملداری پر یقین رکھتے ہیں۔

  • بجٹ اجلاس: حکومت اور جہانگیر ترین گروپ کے درمیان معاملات طے

    بجٹ اجلاس: حکومت اور جہانگیر ترین گروپ کے درمیان معاملات طے

    اسلام آباد: ذرائع کا کہنا ہے کہ بجٹ اجلاس کے سلسلے میں حکومت اور جہانگیر ترین گروپ کے درمیان معاملات طے پا گئے ہیں۔

    تفصیلات کے مطابق سینئر وفاقی وزرا نے جہانگیر ترین سے رابطہ کر کے جہانگیر ترین گروپ کے ساتھ بجٹ اجلاس سے متعلق معاملات طے کر لیے۔

    ذرائع نے بتایا کہ جہانگیر ترین گروپ بجٹ اجلاس کا بائیکاٹ نہیں کرے گا، ہم خیال گروپ کے ارکان بجٹ میں حکومت کو ووٹ دیں گے، جب کہ جہانگیر ترین کے پنجاب حکومت سے متعلق اعتراضات دور کیے جائیں گے۔

    ذرائع نے کہا ہے کہ جہانگیر ترین نے گروپ کے ارکان کو سیاسی انتقام کا نشانہ نہ بنانے کا مطالبہ کیا ہے، حکومت اور جہانگیر ترین گروپ کے درمیان جلد ملاقات کا بھی امکان ہے۔

    خیال رہے کہ ذرائع نے اس سے قبل خبر دی تھی کہ جہانگیر ترین گروپ کے ارکان میں اسمبلی میں الگ نشستوں پر بیٹھنے کی رائے تقسیم ہو گئی ہے، کچھ ارکان اپنی اپنی نشست پر بیٹھنے کے حق ہیں جب کہ کچھ ارکان کی رائے ہے کہ الگ بینچز پر بیٹھا جائے۔

    جہانگیر ترین گروپ کے ارکان کی رائے تقسیم ہونے لگی

    ذرائع کا کہنا تھا کہ چند ارکان ایوان نمبر کے حساب سے اپنی اپنی نشست پر بیٹھنے کے حق میں ہیں اور ارکان نے اسپیکر کو الگ بینچز کے لیے درخواست نہ دینے کی تجویز دی ہے، اور کہا کہ پارٹی میں تحفظات پر ایوان میں تقسیم نظر نہیں آنی چاہیے۔

    گزشتہ روز جہانگیر ترین کے حمایتی ارکان نے پنجاب اسمبلی میں الگ نشستوں پر بیٹھنے کا فیصلہ کیا تھا، ذرائع کا کہنا تھا کہ پارلیمانی لیڈر سعید نوانی و دیگر ارکان الگ نشستوں کے لیے اسپیکر سے ملاقات کریں گے، سعید اکبر نوانی کو پنجاب اسمبلی میں جہانگیر ترین گروپ کا پارلیمانی لیڈر بھی مقرر کیا گیا تھا۔