Tag: جہانگیر ترین

لاہور: پاکستان تحریک انصاف کے رہنما جہانگیر ترین کا کہنا ہے کہ نوازشریف کے بیرون ملک علاج پرعدالت فیصلہ کرے گی۔

تفصیلات کے مطابق لاہور میں میڈیا سے گفتگو کرتے ہوئے پی ٹی آئی رہنما جہانگیر ترین نے کہا کہ بلاول اورنواز شریف ملاقات کوئی سیاسی گٹھ جوڑ نہیں۔

جہانگیرترین نے کہا کہ پاکستان میں علاج کی بہترین سہولتیں ہیں، نوازشریف کو پاکستان میں علاج کرا لینا چاہیے۔

پی ٹی آئی رہنما نے کہا کہ ڈاکٹرجو کہیں گے حکومت پورا کرے گی، نوازشریف کے بیرون ملک علاج پرعدالت فیصلہ کرے گی، حکومت اس میں فریق نہیں بنے گی۔

جہانگیرترین نے کہا کہ ہم سب عمران خان کے وژن کے مطابق یہاں موجود ہیں، ایک بلین ٹری ہم نے کامیابی سے خیبرپختونخوا میں لگائے۔

انہوں نے کہا کہ درخت کاٹے گئے لیکن کسی نے اس پرتوجہ نہیں دی، شہرمیں صرف کنکریٹ کے جنگل نہیں ہونے چاہئیں۔

پاکستان تحریک انصاف کے رہنما جہانگیر ترین نے مزید کہا کہ رواں سال لودھراں میں ایک لاکھ درخت لگاؤں گا۔

وزیر اعظم عمران خان کا نواز شریف کی صحت یابی کے لیے نیک تمناؤں کا اظہار

یاد رہے کہ دو روز قبل وزیرِاعظم عمران خان نے نواز شریف کی صحت یابی کے لیے نیک تمناؤں کا اظہار کیا تھا، وزیرِ اعظم نے وزیرِاعلیٰ پنجاب کو سابق وزیراعظم کے لیے طبی سہولیات یقینی بنانے کی ہدایت کی تھی۔

لودھراں : پاکستان تحریک انصاف کے رہنما جہانگیرترین کا کہنا ہے کہ یکم جولائی سے جنوبی پنجاب میں پبلک سیکریٹریٹ بن جائے گا۔

تفصیلات کے مطابق لودھراں میں میڈیا سے گفتگو کرتے ہوئے پاکستان تحریک انصاف کے رہنما جہانگیر ترین نے کہا کہ جنوبی پنجاب صوبہ پی ٹی آئی دورمیں ہی بنےگا، کام جاری ہے۔

انہوں نے کہا کہ جنوبی پنجاب صوبہ بننے میں بہت سے مسائل ہیں، پانی کی تقسیم، این ایف سی ایوارڈ کی سینیٹ میں منظوری لی جائے گی۔

پی ٹی آئی رہنما جہانگیر ترین کا کہنا تھا کہ یکم جولائی 2019 سے جنوبی پنجاب میں پبلک سیکریٹریٹ بن جائے گا۔

جہانگیر ترین کا مزید کہنا تھا کہ مسلم لیگ ن نے گنے کے کاشت کاروں کا استحصال کیا تھا، گنے کا ریٹ 180روپے فی من ملے گا۔

مسلم لیگ ن کے قائد سے متعلق پی ٹی آئی رہنما کا کہنا تھا کہ نوازشریف فیصلہ خلاف آنے پرکس بنیاد پرعوامی مہم چلائیں گے، نوازشریف کے خلاف ریفرنس اربوں کا ہیرپھیرتھا، 24 دسمبرکوفیصلہ ہوگا۔

جہانگیر ترین کا کہنا تھا کہ احتساب کا گھیرا تنگ ہورہا ہے اسی لیے تو سیاسی دباؤ ڈالاجا رہا ہے، اپوزیشن کے ہاتھوں بلیک میل نہیں ہورہے، چاہتے ہیں اسمبلی چلے، اپوزیشن کواسمبلی چلانے میں دلچسپی ہی نہیں ہے۔

پاکستان تحریک انصاف کے رہنما کا کہنا تھا کہ کیمرہ مین پرظلم ہوا ہے ن لیگ نے اپنی پرانی عادتیں نہیں چھوڑیں، نوازشریف کے گارڈزکے خلاف پوری طرح سے ایکشن ہورہا ہے۔

اسلام آباد: پاکستان تحریکِ انصاف کے رہنما جہانگیر ترین نے سپریم کورٹ کے نا اہلی سے متعلق فیصلے پر ردِ عمل ظاہر کرتے ہوئے کہا کہ انھیں عدالت کے فیصلے پر مایوسی ہوئی۔

تفصیلات کے مطابق سپریم کورٹ سے تا حیات نا اہلی کے فیصلے پر جہانگیر ترین نے نظرِ ثانی کی درخواست دائر کی تھی جسے سپریم کورٹ نے مسترد کرتے ہوئے نا اہلی کا فیصلہ برقرار رکھا۔

[bs-quote quote=”نئے پاکستان کے لیے اپنا مکمل کردار ادا کیا: جہانگیر ترین” style=”style-7″ align=”left” color=”#dd3333″][/bs-quote]

جہانگیر ترین نے سپریم کورٹ کے فیصلے کو مایوس کن قرار دیتے ہوئے کہا ’میری خواہش تھی کہ پیش کردہ حقائق کا تفصیلی جائزہ لیا جاتا، مجھے سپریم کورٹ کے فیصلے سے مایوسی ہوئی۔‘

پی ٹی آئی رہنما نے مزید کہا کہ ’میں نے نئے پاکستان کے لیے اپنا مکمل کردار ادا کیا، اپنے لیڈر کے مشن کو پایۂ تکمیل تک پہنچانے کی ہر ممکن کوشش کی۔‘

سپریم کورٹ سے تا حیات نا اہل جہانگیر ترین کا کہنا تھا کہ انھیں اللہ‎ کی ذات پر بھروسا ہے، مشکل سے سرخرو ہو کر نکلوں گا۔

یہ بھی پڑھیں:  جہانگیرترین کی نظرثانی کی درخواست مسترد، نااہلی برقرار

واضح رہے کہ تین دن قبل سپریم کورٹ نے جہانگیرترین کی نظرِ ثانی کی درخواست مسترد کر دی اور نا اہلی کا فیصلہ برقرار رکھا، چیف جسٹس نے کہا جو دستاویز آپ سے پہلے مانگ رہے تھے، وہ بعد میں ملی تو کیا نظرِ ثانی کا جواز ہے؟

چیف جسٹس نے کہا کہ ٹرسٹ ڈیڈ بھی آپ نے کیس کے آخری لمحے میں دی تھی، ہم اسے درست نہیں تسلیم نہیں کرتے، سب کا سب فراڈ ہے، ہم مقدمے کو از سرِ نو نہیں سن رہے، مہربانی کر کے از سرِ نو مقدمہ نہ لڑیں اجازت نہیں ملے گی۔