ARYNews.tv | Urdu – Har Lamha Bakhabar

Tag: جہانگیر ترین

  • عمران خان کی جدوجہد انشااللہ کل کامیابی میں بدلے گی، جہانگیر ترین

    عمران خان کی جدوجہد انشااللہ کل کامیابی میں بدلے گی، جہانگیر ترین

    اسلام آباد: پاکستان تحریک انصاف کے رہنما جہانگیرترین کا کہنا ہے کہ کل ہم انشااللہ اکثریت سے کامیابی حاصل کریں گے اور انشااللہ عمران خان کی جدوجہد کامیابی میں بدلے گی۔

    تفصیلات کے مطابق پی ٹی آئی رہنما جہانگیرترین نے سماجی رابطے کی ویب سائٹ ٹوئٹر پر اپنے پیغام میں کہا کہ انشااللہ عمران خان کی جدوجہد کامیابی میں بدلے گی اور ہم انشااللہ اکثریت سے کامیابی حاصل کریں گے۔

    جہانگیرترین کا کہنا تھا کہ ووٹرز کی موبلائزیشن اہم ہے، ہرٹکٹ ہولڈراورہرورکرپولنگ اسٹیشنزمیں ووٹرزکا پہنچنا یقینی بنائے،انصافیو! میں اس آخری کوشش کی ضرورت ہے۔

    خیال رہے کہ ملک بھر میں عام انتخابات کی تیاریاں مکمل کرلی گئی ہے، کل دس کروڑ پچپن لاکھ سے زائد ووٹرز حق رائے دہی استعمال کریں گے ۔

    قومی اورصوبائی اسمبلیوں کی نشستوں کےلیےآزادامیدواروں سمیت مختلف سیاسی جماعتوں کے گیارہ ہزار سے زائد امیدواروں کے درمیان مقابلہ ہے۔

    پولنگ صبح آٹھ بجے سے بلا تعطل شام 6 بجے تک جاری رہے گی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

  • جہانگیر ترین اورمیں مل کر پی ٹی آئی کی مہم چلائیں گے: شاہ محمد قریشی

    جہانگیر ترین اورمیں مل کر پی ٹی آئی کی مہم چلائیں گے: شاہ محمد قریشی

    ملتان: پاکستان تحریک انصاف کے سینئر رہنما شاہ محمود قریشی نے کہا ہے کہ عوام سے درخواست ہے کہ عمران خان کا ساتھ دیں.

    ان خیالات کا اظہار انھوں نے ملتان میں‌ میڈیا سے گفتگو کرتے ہوئے کیا. ان کا کہنا تھا کہ میری دعا ہے کہ اللہ عمران خان کو وزیر اعظم بنائے.

    [bs-quote quote=”جہانگیر ترین کا پی ٹی آئی میں اہم رول تھا اور رہے گا، سیاسی جماعتوں میں سب لوگ ساتھ چلتے ہیں” style=”style-2″ align=”left” author_name=”شاہ محمود قریشی”][/bs-quote]

    سابق وزیر خارجہ کا کہنا تھا کہ ہم پرانے نظریاتی ساتھیوں کوبھی عزت دیتے ہیں، نئے ساتھیوں کے آنے سے پارٹی مضبوط ہوگی.

    پارٹی کے نائب صدر نے کہا کہ جہانگیر ترین کا پی ٹی آئی میں اہم رول تھا اور رہے گا، سیاسی جماعتوں میں سب لوگ ساتھ چلتے ہیں، جہانگیرترین اور میں مل کرمہم چلائیں گے.

    شاہ محمودقریشی نے کہا کہ تحریک انصاف نے عوام کو زبان دی ہے، خان صاحب سے ملوں گا، اعجاز جنجوعہ کے لئے بات کروں گا.

    یاد رہے کہ ایک طویل عرصے سے جہانگیر ترین اور شاہ محمود قریشی کے درمیان اختلافات کی خبریں‌ گردش کر رہی ہیں.

    کچھ روز قبل پارٹی اجلاس میں دونوں میں‌ تلخ کلامی کی اطلاعات موصول ہوئی تھیں، بعد ازاں ایک پریس کانفرنس میں بھی شاہ محمود کے الفاظ بھی وجہ تنازع بنے، البتہ اب انھوں نے واضح کیا ہے کہ وہ اور جہانگیر ترین مل کر مہم چلائیں گے.

    شاہ محمود قریشی کروڑوں روپے کے مالک، اثاثوں کی تفصیل سامنے آگئی

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شریف خاندان اب ناک آؤٹ ہوگیاہے، اب جوبھی سیاست ہوگی وہ شریفوں کے بغیرہوگی ،جہانگیرترین

    شریف خاندان اب ناک آؤٹ ہوگیاہے، اب جوبھی سیاست ہوگی وہ شریفوں کے بغیرہوگی ،جہانگیرترین

    ملتان : پاکستان تحریک انصاف کے رہنما جہانگیر ترین کا کہنا ہے کہ شریف خاندان اب ناک آؤٹ ہوگیاہے، اب جوبھی سیاست ہوگی وہ شریفوں کے بغیر ہوگی، کے پی اور وفاق میں پی ٹی آئی حکومت بنائے گی، علی ترین محنت کرکے پارٹی میں خودجگہ بنائے گا۔

    تفصیلات کے مطابق پی ٹی آئی رہنما جہانگیر ترین نے ملتان میں میڈیا گفتگو کرتے ہوئے کہا کہ اب جوبھی سیاست ہوگی وہ شریفوں کےبغیرہوگی،شریف خاندان اب ناک آؤٹ ہوگیاہے، شریف خاندان عدالتوں میں کوئی ثبوت پیش نہیں کر سکا، شریف خاندان کیخلاف ثبوت زیادہ ہیں اب چھوٹابھی جائے گا، عدالت جوبھی فیصلہ کرےگی اڈیالہ جیل وہ ہی جائے گا۔

    جہانگیر ترین کا کہنا تھا کہ جنوبی پنجاب کاصوبہ کوئی پارٹی بنائےگی تووہ پی ٹی آئی ہی ہوگی، جنوبی پنجاب صوبہ تحریک انصاف کے منشور کا حصہ ہے، علاقے کی عوام اپنی قسمت اپنے ہاتھ میں لےیہ منشورکاحصہ ہے، آئینی طر یقہ کار اپنایا جائے گا، صوبہ بننے سے اب کوئی طاقت نہیں روک سکتی، 70 سال سے جنوبی پنجاب کی محرومیوں کودور کرنےکاوقت آگیا۔

    مزید پڑھیں :  ہم نے ایک نیا پاکستان کیسے بنانا ہے ،29اپریل کو بتائیں گے، جہانگیر ترین

    رہنما پی ٹی آئی نے کہا کہ 29اپریل کومینارپاکستان میں جلسہ تمام ریکارڈ توڑدےگا، پہلی دفعہ کسی پارٹی نےایم پی ایزکوپارٹی سےنکالا، کمیٹی بنادی گئی ہے، وہ ایم پی ایزسےمتعلق حتمی فیصلہ کرے گی، نجاب ، کے پی اور وفاق میں پی ٹی آئی حکومت بنائے گی، علی ترین محنت کرکےپارٹی میں خودجگہ بنائے گا۔

    ان کا کہنا تھا کہ چیف جسٹس کیخلاف بیان کی مذمت کرتاہوں، میرےخلاف فیصلہ تکنیکی فیصلہ ہے، میراکیس مضبوط ہے، پر امید ہوں نا اہلی ختم ہوگی ، نواز شریف اورمیرے خلاف فیصلے میں بڑا فرق ہے

    جہانگیر ترین نے کہا کہ ہم نےایک ووٹ بھی نہیں خریدایہ ہماری پالیسی نہیں، ووٹ بیچنےکاسلسلہ ختم نہ ہواتونظام میں بہتری نہیں آئےگی، فوزیہ قصوری نے سینیٹر  نہ بننے پرپارٹی چھوڑی، چوہدری سرور نے ایک ووٹ بھی نہیں خریدا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • جج پرحملہ ایک خطرناک عمل کی شروعات لگ رہی ہے، جہانگیر ترین

    جج پرحملہ ایک خطرناک عمل کی شروعات لگ رہی ہے، جہانگیر ترین

    اسلام آباد: پاکستان تحریک انصاف کے رہنما جہانگیر ترین نے کہا کہ جج پرحملہ ایک خطرناک عمل کی شروعات لگ رہی ہے، یہ سلسلہ بڑھا توملک اورآزاد عدلیہ کے لئے بہت خطرناک ہوگا،ہم نے ایک نیا پاکستان کیسے بنانا ہے ،29اپریل کو بتائیں گے۔

    تفصیلات کے مطابق پی ٹی آئی رہنما جہانگیرترین نے انسداددہشت گردی عدالت کے باہر میڈیا سے گفتگو کرتے ہوئے کہا کہ پی ٹی آئی میں عوام بڑی تعدادمیں شامل ہورہی ہے، کل جج کےگھرپرحملے کی پرزورمذمت کرتاہوں، جج پرحملہ ایک خطرناک عمل کی شروعات لگ رہی ہے،مسلم لیگ ن اس طرح کے حملے پہلےبھی کرتی رہی ہے۔

    جہانگیرترین کا کہنا تھا کہ حملوں کا سلسلہ یہیں پررک جاناچاہیے، سخت اقدامات کیےجائیں مستقبل میں ایسانہ ہو، یہ سلسلہ بڑھاتوملک اورآزادعدلیہ کےلئےبہت خطرناک ہوگا، نااہلی کیس میں نظر ثانی اپیل پراللہ خیر کرے گا۔

    انھوں نے کہا کہ میرےخلاف2014 کی جھوٹی ایف آئی آربنائی گئی تھی، ہم پرسیاسی بنیادوں پرکیس کیا گیا تھا، مجھےخوشی ہےآج ضمانت کنفرم ہوئی ہے۔

    رہنما پی ٹی آئی کا کہنا تھا کہ 29اپریل کوپی ٹی آئی کا عظیم جلسہ ہونےجارہاہے، جلسےمیں ہم بتائےگےہماری کیاپالیسی ہوگی، ہم نے ایک نیا پاکستان کیسے بنانا ہے ،29اپریل کو بتائیں گے۔

    جہانگیرترین نے کہا کہ جو ن لیگ سے نالاں ہیں وہ ہمارے پاس ہی آئیں گے، جنوبی پنجاب کے رہنما بھی پی ٹی آئی شامل ہوں گے، ہمارےمنشور کےتحت جنوبی پنجاب کوصوبہ بنانےکافیصلہ کیا۔

    ان کا مزید کہنا تھا کہ میں نوازشریف کی طرح اپنی جماعت کےپیچھےنہیں چھپا، 70سالوں میں جنوبی پنجاب وہیں باقی سب کہاں چلےگئےہیں، جنوبی پنجاب کے رہنمااسمبلی میں ہے یا نہیں ہماراساتھ دیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • سپریم کورٹ کے وہ بڑے فیصلے جو جمعے کے روز سنائے گئے

    سپریم کورٹ کے وہ بڑے فیصلے جو جمعے کے روز سنائے گئے

    اسلام آباد: ملکی تاریخ میں سپریم کورٹ آف پاکستان کی جانب سے  جمعے کے روز بڑے فیصلے سنائے گئے آئیے ان پر ایک مختصر نظر ڈالتے ہیں۔

    تفصیلات کے مطابق گذشتہ 10 برسوں کے دوران عدالت عظمیٰ (سپریم کورٹ آف پاکستان) کی جانب سے ویسے تو کئی فیصلے سنائے گئے تاہم ان میں سے ملکی تاریخ کے 6 بڑے فیصلے درج ذیل ہیں۔

    20 جولائی 2007               

    تین رکنی بینچ نے سابق صدر جنرل (ر) پرویز مشرف کی جانب سے افتخار چوہدری کو بطور چیف جسٹس عہدے سے ہٹانے کے فیصلے کو کالعدم قرار دیا اور انہیں سپریم کورٹ کا سربراہ مقرر کرنے کے احکامات جاری کیے۔

    31 جولائی 2009

    سپریم کورٹ آف پاکستان نے سابق آرمی چیف جنرل (ر) پرویز مشرف کی جانب سے 3 نومبر 2007 کو لگائے جانے والے مارشل لاء کو غیر آئینی اور غیر قانونی قرار دیتے ہوئے سابق صدر کو ملزم نامزد کیا۔

    28 جولائی 2017

    سپریم کورٹ آف پاکستان کے پانچ رکنی بینچ نے پاناما کیس کا تاریخی فیصلہ بھی جمعے کے روز سنایا اور نوازشریف کو بطور وزیراعظم عہدے سے ہٹانے کے ساتھ عوامی عہدہ پر نااہل کرنے کے احکامات جاری کیے۔

    15 دسمبر 2017

    سپریم کورٹ میں جسٹس مشیرعالم کی سربراہی میں تین رکنی بینچ نے حدیبیہ پیپرملزکیس  دوبارہ کھولنے سے متعلق دائر کی سماعت کی، سپریم کورٹ کے3رکنی بینچ نے مختصرفیصلہ سناتے ہوئے نیب کی اپیل مسترد کردی اور کہا کہ عدالت نیب کےدلائل سےمطمئن نہیں ہوئی جبکہ درخواست مسترد کرنے کی وجہ تحریری فیصلےمیں بتائی جائےگی۔

    15 دسمبر 2017

    جمعے کے روز ہی سپریم کورٹ نے مسلم لیگ ن کے رہنماء حنیف عباسی کی جانب سے دائر عمران خان اور جہانگیر ترین کی نااہلی کے خلاف دائر درخواست پر فیصلہ سناتے ہوئے جہانگیر ترین کو اثاثے ظاہر نہ کرنے پر عوامی عہدے سے نااہل قرار دیا۔

    13 اپریل 2018

    سپریم کورٹ آف پاکستان نے آج یعنی 13 اپریل بروز جمعے کے دن آئین کے آرٹیکل 62 (1) ایف کے تحت نوازشریف اور جہانگیر ترین کو تاحیات عوامی عہدے کے لیے نااہل قرار دیا، عدالتی فیصلے میں لکھا گیا ہے کہ ’صادق اور امین نہ رہنے والا شخص عوامی عہدہ رکھنے اور پارلیمنٹ کا رکن بننے کا اہل نہیں ہے‘۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • میرے اور نواز شریف کے کیس میں زمین آسمان کا فرق ہے: جہانگیر ترین

    میرے اور نواز شریف کے کیس میں زمین آسمان کا فرق ہے: جہانگیر ترین

    اسلام آباد: پاکستان تحریک انصاف کے رہنما جہانگیر ترین کا کہنا ہے کہ میرے اور نواز شریف کے کیس میں زمین آسمان کا فرق ہے۔ میں نے کوئی چیز نہی چھپائی، میرا کاروبار شفاف ہے۔

    تفصیلات کے مطابق سپریم کورٹ کے فیصلے کے بعد پاکستان تحریک انصاف کے رہنما جہانگیر ترین نے اے آر وائی نیوز سے گفتگو کرتے ہوئے کہا کہ میرے اور نواز شریف کے کیس میں فرق ہے۔ میں نے کوئی چیز نہیں چھپائی، میرا کاروبار شفاف ہے۔

    ان کا کہنا تھا کہ میں نے اپنے تمام اثاثے ظاہر کردیے تھے۔ ’میرے خیال میں میری اپیل ابھی زیر سماعت ہے۔ مجھے امید ہے کہ نظر ثانی اپیل میں میرے حق میں فیصلہ آئے گا‘۔

    خیال رہے کہ آج سپریم کورٹ آف پاکستان نے آئین کے آرٹیکل 62 ون ایف کے تحت ہونے والی نااہلی کی مدت کے حوالے سے فیصلہ سناتے ہوئے نااہلی کو تاحیات قرار دے دیا ہے۔

    فیصلے کے بعد سابق وزیر اعظم نواز شریف اور پاکستان تحریک انصاف کے رہنما تاحیات نا اہل ہوگئے ہیں۔

    سپریم کورٹ نے پاناما کیس سے متعلق 28 جولائی 2017 کے فیصلے میں سابق وزیر اعظم نواز شریف کو نااہل قرار دیا تھا، جس کے بعد وہ وزیر اعظم کے عہدے سے سبکدوش ہوگئے تھے۔

    بعد ازاں عدالت عظمیٰ‌ نے 15 دسمبر 2017 کو پاکستان تحریک انصاف کے رہنما جہانگیر ترین کو بھی آرٹیکل 62 ون ایف کے تحت نااہل قرار دیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • چوہدری نثارسے 48گھنٹے تو کیا 100گھنٹوں میں بھی ملاقات نہیں ہوئی،جہانگیرترین

    چوہدری نثارسے 48گھنٹے تو کیا 100گھنٹوں میں بھی ملاقات نہیں ہوئی،جہانگیرترین

    اسلام آباد : پاکستان تحریک انصاف کے رہنما جہانگیر ترین کا کہنا ہے کہ پارٹی میں بھی چوہدری نثارسےمتعلق کوئی بات نہیں سنی اڑتالیس گھنٹے توکیا سو گھنٹوں میں بھی ان سے کوئی ملاقات نہیں ہوئی۔

    تفصیلات کے مطابق پی ٹی آئی کے رہنما جہانگیر ترین نے چوہدری نثارسے ملاقات کی تردید کرتے ہوئے کہا کہ اڑتالیس گھنٹے تو کیا سو گھنٹوں میں بھی ان کوئی ملاقات نہیں ہوئی، پارٹی میں بھی چوہدری نثارسے متعلق کوئی بات نہیں سنی۔

    جہانگیر ترین کا کہنا تھا کہ چوہدری نثار کا کوئی پرانا دوست انکی عیادت کو گیا تو وہ غیرسیاسی ملاقات ہوگی۔

    یاد رہے اس سے قبل بھی  ترجمان پی ٹی آئی نے اپنے وضاحتی بیان میں کہا تھا کہ پی ٹی آئی وفد کی چوہدری نثار سےملاقات ہوئی ہے اور نہ ہی ان کی رہائش گاہ پر ملاقات کیلئے جانےکا ارادہ ہے۔

    مزید پڑھیں : چوہدری نثارکے تحریک انصاف میں شمولیت کے امکانات، ذرائع

    چوہدری نثار علی خان عنقریب تحریک انصاف میں شمولیت اختیار کر سکتے ہیں۔  اس حوالے سے رہنماؤں کے بیک ڈور رابطے جاری ہیں۔

    ذرائع کے مطابق  توقع ہے کہ چیئرمین پی ٹی آئی عمران خان بہت جلد چوہدری نثار کی رہائش گاہ جاکر ان سے ملاقات کریں گے اور ملاقات کے بعد چوہدری نثار پی ٹی آئی میں شمولیت کا باقاعدہ اعلان کریں گے۔

    ذرائع کا مزید کہنا تھا کہ چوہدری نثار کی پی ٹی آئی رہنماؤں سے اب تک دو ملاقاتیں ہوچکی ہیں جبکہ پی ٹی آئی کی جانب سے چوہدری نثار کی شمولیت سے متعلق مختلف آپشنز زیر غور ہیں.

    اس حوالے سے ذرائع نے بتایا کہ راولپنڈی میں بڑا جلسہ رکھ کر انہیں پی ٹی آئی میں خوش آمدید کہنے پربھی غور کیا جارہا ہے۔

    دوسری جانب پی ٹی آئی نے چوہدری نثار سے رابطوں کی تردید کردی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شہبازشریف کا غصہ بتا رہا ہے کہ وہ پکڑے گئے ہیں: جہانگیر ترین

    شہبازشریف کا غصہ بتا رہا ہے کہ وہ پکڑے گئے ہیں: جہانگیر ترین

    لاہور: پاکستان تحریک انصاف کے سینئر رہنما جہانگیر ترین نے کہا ہے کہ آج شہباز شریف نے شدید غصے میں پریس کانفرنس کی.

    ان خیالات کا اظہار انھوں نے لاہور میں‌ پریس کانفرنس کرتے ہوئے کیا. جہانگیر ترین کا کہنا تھا کہ شہبازشریف کےغصےسے لگ رہاتھا کہ وہ پریشان ہیں اور کسی چیز میں پکڑے گئے ہیں.

    پی ٹی آئی کے سینئر رہنما کا کہنا تھا کہ چینی ادارے نے فیصل سبحان سے انٹرویو لیا تھا، اگر فیصل سبحان نہیں ہے، تو انٹرویو کیسے ہوا، فیصل سبحان کے انٹرویو کا باقاعدہ ریکارڈ رکھا گیا ہے. فیصل سبحان نے بیان دیا کہ معاہدہ کرنے والے کمپنی کے اصل مالکان شریف خاندان ہے.

    انھوں‌ نے عمران خان کا موقف دہراتے ہوئے کہا کہ فیصل سبحان شہبازشریف کا فرنٹ مین ہے، پیراگون تعمیرانی کمپنی میں ندیم ضیا کو چھپا دیا گیا ہے، نیب ایک ہفتے سے ندیم ضیا کے لیے چھاپے مارر ہی ہے.

    حکومت میں آ کر سینیٹ کے براہ راست الیکشن کروائیں گے: عمران خان

    انھوں‌ نے الزام عائد کیا کہ وزیر اعلیٰ پنجاب اپنے فرنٹ مین کو بچانے کی کوشش کر رہے ہیں. شہباز شریف نے 9 ہزار ارب کا ترقیاتی فنڈ خرچ کیا ہے، نیب شہباز شریف کو بلائے اور فیصل سبحان کا پوچھے.

    یاد رہے کہ آج وزیر اعلیٰ پنجاب نے عمران خان پر کڑی تنقید کرتے ہوئے انھیں فیصل سبحان سے متعلق اپنے الزامات ثابت کرنے کا چیلینج کیا تھا. ان کا کہا تھا کہ سپرپیم کورٹ الزامات پرفل بینچ بنا دے، قصوروار ٹھہرا، تو قوم سے معافی مانگ کر گھرچلا جاؤں گا.

    عمران خان الزام ثابت کریں یامنہ بند رکھیں، سپریم کورٹ ان کے الزامات پر فل بینچ بنائے: شہباز شریف

    واضح رہے کہ عمران خان نے الزام لگایا تھا کہ کیپٹل انجینئرنگ نامی کمپنی کے سربراہ فیصل سبحان نے ملتان میٹرو منصوبے میں کرپشن کی تحقیقات کرنے والے چینی حکام کے سامنے اعتراف کیا ہے کہ شہباز شریف اور ان کے خاندان کے بیرون ملک اکاؤنٹس میں بھاری کمیشن منتقل کیا گیا۔

    ان الزامات کا جواب دیتے ہوئے شہباز شریف نے کہا تھا کہ میں‌ خود عدالتوں‌ میں‌ گیا، کسی اور کو کیوں‌ بچائوں‌ گا، عمران خان 48 گھنٹوں میں‌ ثبوت پیش کریں.

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

  • عدالت نے نواز شریف کو مافیا قرار دیتے ہوئے نا اہل کیا ہے: جہانگیر ترین اور فواد چوہدری کا ردعمل

    عدالت نے نواز شریف کو مافیا قرار دیتے ہوئے نا اہل کیا ہے: جہانگیر ترین اور فواد چوہدری کا ردعمل

    لاہور: شریفوں کی لودھراں سے نئی محبت بھی جھوٹی ہے، نوازشریف آئینی وقانونی طورپراب وزیر اعظم نہیں بن سکتے، ن لیگ نے لودھراں میں بے حساب پیسہ چلایا.

    ان خیالات کا اظہار پاکستان تحریک انصاف کی اعلیٰ قیادت کی جانب سے سابق نااہل وزیر اعظم کی لودھراں‌ میں‌ تقریر کے ردعمل میں‌ کیا گیا.

    یاد رہے کہ آج لودھراں میں‌ خطاب کرتے ہوئے سابق وزیر اعظم نے کہا تھا کہ عوام نے ثابت کیا ہے کہ فیصلے امپائر کی انگلی نہیں، عوام کے انگوٹھے کرتے ہیں۔ لودھراں نے مجھے خرید لیا۔ 2018 کے الیکشن میں پاکستان کا ہر حلقہ لودھراں بن جائے گا۔ جلسے میں‌ شہباز شریف نے بھی پی ٹی آئی کو شدید تنقید کا نشانہ بناتے ہوئے کہا کہ عوام نے اے ٹی ایم مشین کو دریا میں غرق کر دیا۔

    شریف برادران کے بیانات کے جواب میں‌ پی ٹی آئی رہنما فواد چوہدری اور جہانگیر ترین کی جانب سے سخت ردعمل سامنے آیا ہے.

    شریفوں کی لودھراں سے نئی محبت بھی جھوٹی ہے: جہانگیر ترین

    پی ٹی آئی رہنما جہانگیر ترین کا کہنا ہے کہ شریفوں کی لودھراں سے نئی محبت بھی جھوٹی ہے، 2015 میں بھی دونوں بھائیوں نے بے شمارجھوٹے وعدے کئے تھے.

    انھوں نے شہباز شریف کو مخاطب کرتے ہوئے کہا کہ مسٹرشوباز، عوام وہ سب جانتے ہیں جو میں نے ان کے لئےکیا، آپ کے سفید جھوٹ عوام کو دھوکے میں نہیں ڈال سکتے، لودھراں کے عوام آپ کو فراڈیے کے طور پر جانتے ہیں.

    انھوں‌ نے کہا کہ میرے خلاف ن لیگ کے الزامات کی حیثیت جھوٹے قطری خط سے زیادہ نہیں، میری وجہ سے دونوں بھائیوں کو پنجاب میں لودھراں دکھائی دینے لگا، ورنہ وہ اس کے غافل تھے.

    ملک میں اس وقت حکومت نام کی کوئی چیز نہیں: فواد چوہدری

    دوسری جانب فواد چوہدری کا کہنا ہے کہ علی ترین نے بہترین اور اچھی انتخابی مہم چلائی، ہم لودھراں میں دھڑےبازی کی وجہ سے انتخاب ہارے، ن لیگ نے لودھراں میں بے حساب پیسہ چلایا.

    ان کا کہنا تھا کہ نوازشریف کو وزیر اعظم بننے کا شوق ہے تو ہمیں اعتراض نہیں، نوازشریف دیوارپر لکھ دیں کہ وہ وزیراعظم ہیں،  مگر ایک بات سمجھ لیں‌ کہ وہ آئینی وقانونی طورپراب وزیر اعظم نہیں بن سکتے، عدالت نے انہیں چور اور مافیا قرار دیتے ہوئے نااہل کیا ہے.

    پی ٹی آئی کے ترجمان فواد چوہدری نے کہا ہے کہ ملک میں اس وقت حکومت نام کی کوئی چیز نہیں، شاہد خاقان عباسی کاغذی وزیر اعظم ہیں.

    ثابت ہوگیا فیصلے امپائر کی انگلی نہیں عوام کے انگوٹھے کرتے ہیں : نواز شریف

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • جہانگیر ترین کی نشست پر بیٹے علی ترین کے کاغذات نامزدگی جمع

    جہانگیر ترین کی نشست پر بیٹے علی ترین کے کاغذات نامزدگی جمع

    لاہور: صوبہ پنجاب کے ضلع لودھراں سے پاکستان تحریک انصاف کے سابق سیکریٹری جنرل جہانگیر ترین کی نااہلی کے بعد ضمنی انتخاب کے لیے ان کے بیٹے علی ترین نے اپنے کاغذات نامزدگی جمع کروا دیے۔

    یاد رہے کہ گزشتہ روز جہانگیر ترین نے اعلان کیا تھا کہ پارٹی رہنماؤں کی مشاورت اور رضا مندی سے وہ اپنی خالی نشست این اے 154 پر اپنے بیٹے علی ترین کو ضمنی انتخاب میں کھڑا کر رہے ہیں۔

    اس موقع پر علی ترین کا کہنا تھا کہ لوگوں نے ہمیں کہا کہ چھوڑ دیں سیاست کو، سیاست نے آپ کو کچھ نہیں دیا، ’لیکن ہمیں لودھراں کے عوام نے بہت محبت دی لہٰذا ہم ان کا ہاتھ نہیں چھوڑیں گے‘۔

    علی ترین نے لودھراں کے عوام کے لیے دل و جان سے خدمت کرنے کا وعدہ بھی کیا۔

    آج صبح جہانگیر ترین اور علی ترین ریلی کی صورت میں الیکشن کمیشن پہنچے جہاں جہانگیر ترین کی نشست پر بیٹے علی ترین کے کاغذات نامزدگی جمع کروا دیے گئے۔

    الیکشن کمیشن کے شیڈول کے مطابق مذکورہ حلقے میں ہونے والے ضمنی انتخاب کے امیدواروں کی حتمی فہرست 29 دسمبر کو جاری کی جائے گی جبکہ کاغذات کی اسکروٹنی کا عمل 5 جنوری تک مکمل کرلیا جائے گا۔

    این اے 154 پر ضمنی انتخاب 12 فروری کو منعقد ہوں گے۔

    خیال رہے کہ چند روز قبل سپریم کورٹ نے مسلم لیگ ن کے رہنما حنیف عباسی کی درخواست پر جہانگیر ترین کو آف شور کمپنی اور اس کے اثاثے چھپانے پر نااہل قرار دیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔