Tag: جہانگیر ترین

اسلام آباد: جہانگیر ترین نا اہلی کیس کی سماعت کے دوران چیف جسٹس کا کہنا تھا کہ جہانگیر ترین کےجواب میں بے ایمانی نظر نہیں آتی۔ جواب کے مطابق غیر ملکی کرنسی قانون کے مطابق خریدی گئی۔

تفصیلات کے مطابق سپریم کورٹ میں تحریک انصاف کے رہنما جہانگیر ترین کی نااہلی کیس کی سماعت ہوئی۔

جہانگیر ترین کے وکیل سکندر بشیر نے اپنے دلائل میں کہا کہ اسٹیٹ بینک اور ٹیکس حکام نے کبھی ٹرانزیکشنز پر اعتراض نہیں کیا۔

درخواست گزار حنیف عباسی کے وکیل نے دریافت کیا کہ جہانگیر ترین نے کروڑوں روپے بچوں کوتحفے میں دیے جس پر سکندر بشیر نے کہا کہ تحائف کی رقم پر بھی ٹیکس ادا کیا گیا۔ جہانگیر ترین نے تحفے بذریعہ کراس چیک دیے۔

چیف جسٹس نے اپنے ریمارکس میں کہا کہ بینک ریکارڈسے تو ثابت ہوگیا کہ منی لانڈرنگ نہیں ہوئی۔ درخواست گزار کا کیس بیرون ملک گھر ظاہر نہ کرنا تھا، جہانگیر ترین کے مطابق گھر ان کا نہیں آف شور کمپنی کا ہے۔ ان کے جواب میں بے ایمانی نظر نہیں آتی۔

درخواست گزار حنیف عباسی کے وکیل نے نکتہ اٹھایا کہ لندن میں جہانگیر ترین کا گھر بے نامی ہے جس پر چیف جسٹس نے کہا کہ اگر بے نامی ہو بھی تو فرق نہیں پڑتا۔ سوال یہ ہے کہ جائیداد کی خریداری میں بے ایمانی تو نہیں ہوئی۔ بےنامی جائیداد کا مالک بے نامی دار ہی ہوتا ہے، رقم دینے والا نہیں۔

چیف جسٹس نے مزید کہا کہ بے نامی ٹرانزیکشنز کو پاکستان میں قانونی تحفظ حاصل ہے۔ باپ بیٹے کو زمین فروخت کرے تو یہ ٹرانزیکشن فراڈ ہوتی ہے۔ جہانگیر ترین کے جواب کے مطابق غیر ملکی کرنسی قانون کے مطابق خریدی گئی۔

عدالت کا جہانگیر ترین کے وکیل سے مکالمے میں کہنا تھا کہ آپ کا کیس لیز پر لی گئی زمین پر کمزور ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اسلام آباد: جہانگیر ترین نااہلی کیس کی سماعت کے دوران سپریم کورٹ کا کہنا تھا جہانگیر ترین نے مکمل زرعی آمدنی الیکشن کمیشن کو نہیں بتائی۔ لیز زمین پر ٹیکس لاگو ہونے پر فی الحال آپ مطمئن نہیں کر سکے۔ جہانگیر ترین کو زرعی آمدن پر پانچ فیصد کے اعتبار سے ٹیکس دینا تھا۔

تفصیلات کے مطابق سپریم کورٹ میں جہانگیر ترین نا اہلی کیس کی سماعت ہوئی۔ جہانگیر ترین کے وکیل نے تحریری معروضات عدالت میں پیش کردیں۔

چیف جسٹس نے استفسار کیا کہ کوئی لیز زمین سے 10 ارب کما لے تو کیا ٹیکس سے مستثنیٰ ہوگا؟ ایسی صورت میں وہ شخص الیکشن فارم میں کیا لکھے گا۔ جہانگیرترین کے وکیل نے کہا کہ ایسی صورت میں وہ شخص نل لکھے گا، لیز زمین پر ٹھیکیدار پر ٹیکس لاگو نہیں ہوتا۔

درخواست گزار حنیف عباسی کے وکیل نے کہا کہ جعلی لیز تیار کر کے منی لانڈرنگ کی گئی۔

عدالت نے دریافت کیا ہے کہ اگر کوئی ٹیکس کم دے تو اس کے لیے کیا سزا ہوگی؟ فرض کریں لیز کی زمین پر ٹیکس بنتا تھا اور جہانگیر ترین نے نہیں دیا تو کیا ہوگا؟ وکیل نے کہا کہ جہانگیر ترین اس بنیاد پر نااہل نہیں ہوسکتے۔ وہ باقاعدگی سے مکمل ٹیکس ادا کرتے ہیں۔

وکیل کے مطابق انتخابی فارم میں کہیں جھوٹ نہیں بولا گیا، کاغذات نامزدگی میں بھی کچھ نہیں چھپایا گیا۔

عدالت نے ریمارکس دیے کہ جہانگیر ترین نے مکمل زرعی آمدنی الیکشن کمیشن کو نہیں بتائی۔ لیز زمین پر ٹیکس لاگو ہونے پر فی الحال آپ مطمئن نہیں کر سکے۔ جہانگیر ترین کو آمدن مل رہی تھی، قانون کے تحت کاشت کار کو آمدنی ٹیکس دینا ہے۔

معزز عدالت نے کہا کہ آپ کے مؤکل نے زرعی آمدن پر 5 فیصد کے اعتبار سے ٹیکس دینا تھا۔ ابھی ہم قانون کو سمجھنے کی کوشش کر رہے ہیں، عدالت اپنی حتمی رائے نہیں دے رہی۔

عدالت کے استفسار پر جہانگیر ترین کے وکیل نے کہا کہ کوشش کروں گا 2 سماعتوں میں دلائل مکمل کرلوں۔

جہانگیر ترین نااہلی کیس کی مزید سماعت منگل تک ملتوی کردی گئی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اسلام آباد: جہانگیر ترین نااہلی کیس میں سپریم کورٹ کا کہنا ہے کہ لیز پر لی گئی زمین کا ثبوت مانگا تھا، محکمہ مال کا ریکارڈ کہاں ہے۔ سوال یہ ہے کہ جنہیں ادائیگیاں ہوئیں وہ مالک تھے یا نہیں۔

تفصیلات کے مطابق جہانگیر ترین نا اہلی کیس کی سماعت سپریم کورٹ کے بینچ نے کی۔ وکیل صفائی سکندر مہمند نے دلائل دیتے ہوئے کہا کہ جہانگیر ترین کی لیز والی زمین کا ریکارڈ حاصل کرلیا ہے۔ 18 ہزار 6 سو ایکڑ اراضی سنہ 2010 میں لیز پر لی گئی۔

عدالت نے سوال کیا کہ عدالت نے لیز پر لی گئی زمین کا ثبوت مانگا تھا، لیز کے معاہدے رجسٹرڈ نہیں ہیں، محکمہ مال کا ریکارڈ کہاں ہے؟ وکیل نے کہا کہ لیز زمین کی ادائیگیاں کراس چیک کے ذریعے کی گئیں۔

عدالت نے کہا کہ سوال یہ ہے کہ جنہیں ادائیگیاں ہوئیں وہ مالک تھے یا نہیں؟ محکمہ مال کاریکارڈ دیں اس کی تصدیق محکمہ مال سے کروا سکتے ہیں۔

وکیل صفائی کا کہنا تھا کہ زمین مالکان محکمہ مال کے ریکارڈ میں کاشت کار کا نام نہیں لکھنے دیتے۔ ان علاقوں میں لیز پر کاشت کار زمین پر قبضہ کرلیتے ہیں۔

عدالت نے ریمارکس میں کہا کہ لیز معاہدوں پرمالک کی زمین کا نہیں لکھا کہ کتنی اور کدھر ہے۔ مطمئن کرنا ہوگا کہ جن سے زمین لیز پر لی وہ زمین کے مالک تھے یا نہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔