Tag: جہانگیر ترین

اسلام آباد: حکومتی رابطہ کمیٹی نے ایم کیو ایم پاکستان کی قیادت سے ملاقات کا فیصلہ کیا ہے، ذرایع کا کہنا ہے کہ حکومتی وفد وزیر اعظم عمران خان کی ہدایت پر رواں ہفتے ایم کیو ایم قیادت سے ملے گا۔

تفصیلات کے مطابق پی ٹی آئی کے سینئر رہنما جہانگیر ترین خان کی قیادت میں حکومتی رابطہ کمیٹی کا وفد متحدہ قومی موومنٹ پاکستان کے رہنماؤں سے رواں ہفتے ملاقات کرے گا، وزیر اعظم نے ہدایت کی ہے کہ ایم کیو ایم قیادت سے ملاقات کی جائے۔

ذرایع کا کہنا ہے کہ اس ملاقات میں ایم کیو ایم کے تحفظات اور سیاسی صورت حال پر بات ہوگی، ایم کیوایم کے فنڈز، بلدیاتی اختیارات کی واپسی اور دیگر امور پر بھی بات ہوگی، جب کہ اتحادیوں میں ورکنگ ریلیشن شپ سمیت تحریری معاہدے پر غور ہوگا۔

ایم کیو ایم پاکستان نے حکومت گرانے کی بلاول کی پیشکش مسترد کردی

خیال رہے کہ گزشتہ روز پی پی چیئرمین بلاول بھٹو نے ایم کیو ایم کو سندھ حکومت میں شمولیت کی مشروط پیش کش کی تھی، انھوں نے کہا تھا کہ ایم کیو ایم پاکستان تحریک انصاف سے اتحاد ختم کرے اور حکومت گرانے میں پیپلز پارٹی کا ساتھ دے۔

تاہم ایم کیو ایم پاکستان نے چیئرمین پیپلز پارٹی کی حکومت گرانے کی پیش کش مسترد کرتے ہوئے جواب دیا کہ وفاقی حکومت سے اتحاد کراچی کے مفاد کی خاطر کیا گیا ہے، وزارتوں کے لیے نہیں، اگرچہ وفاقی حکومت کی ڈیڑھ سالہ کارکردگی سے مطمئن نہیں ہیں، لیکن حکومت سے علیحدگی کا فیصلہ کسی کی خواہش پر نہیں کریں گے۔

کراچی: پی ٹی آئی کے سینئر رہنما جہانگیر ترین نے میئر کراچی وسیم اختر کو خوشخبری سنادی۔

تفصیلات کے مطابق پی ٹی آئی اور ایم کیو ایم رہنماؤں کے اعزاز میں گورنر ہاؤس میں ظہرانہ دیا گیا، گورنر سندھ کے ظہرانے میں جہانگیر ترین، پرویز خٹک، عمر ایوب، کنور نوید، فیصل سبزواری، وسیم اختر، خواجہ اظہار ودیگرنے شرکت کی۔

 ظہرانے کے بعد ایم کیو ایم، تحریک انصاف رہنماؤں کے درمیان ملاقات ہوئی، ملاقات میں صوبے کے مسائل، بلدیاتی اختیارات کے معاملات، تحریری معاہدے پر عملدرآمد اور فنڈز کے معاملات پر بھی تبادلہ خیال کیا گیا۔

ذرائع کا کہنا ہے کہ ایم کیو ایم نے کراچی پیکیج، نئی اسکیموں کا افتتاح اور فنڈز کے اجرا کا مطالبہ دہرایا، کنور نوید جمیل کا کہنا تھا کہ کراچی سمیت شہری سندھ میں ترقیاتی کاموں کی رفتار انتہائی سست ہے۔

مزید پڑھیں: ایسا لگتا ہے بھکاری کی طرح کراچی کا شیئر مانگ رہے ہیں، وسیم اختر

فیصل سبزواری کا کہنا تھا کہ صوبائی حکومت بالکل ساتھ نہیں دے رہی، وفاقی حکومت ترقیاتی منصوبوں کو جلد پورا کرے۔

میئر کراچی وسیم اختر نے شکوہ کیا کہ کراچی کے لیے 25، حیدرآباد کے لیے 5 ارب کا فنڈز تاحال نہیں ملا، بلدیاتی اختیارات کی واپسی پر کوئی اقدامات نہیں ہوئے ہیں۔

وسیم اختر کا کہنا تھا کہ اگر یہی اختیارات رہے تو الیکشن کی ضرورت نہیں، بغیر اختیارات کے کراچی نہیں چل سکتا۔

پی ٹی آئی سینئر رہنما جہانگیر ترین نے ایم کیو ایم کے مطالبات، تحفظات جلد دور کرنے کی یقین دہانی کراتے ہوئے کہا کہ بجٹ میں جو رقم رکھی گئی ہے جلد جاری ہوگی۔

تحریک انصاف کے سینئر رہنما جہانگیر ترین نے کہا کہ کراچی کے لیے 8 ارب کے بعد دوسری قسط بھی جلد ملے گی۔

اسلام آباد: پی ٹی آئی رہنما جہانگیر ترین نے بھی وفاقی وزیر مراد سعید کی کارکردگی کی تعریف کر دی ہے۔

تفصیلات کے مطابق جہانگیر ترین نے ٹویٹ کرتے ہوئے کہا ہے کہ نیشنل ہائی وے اتھارٹی (این ایچ اے) میں اصلاحات کے لیے مراد سعید نے زبردست محنت کی ہے، جس کی وجہ سے ادارے کی آمدن میں رواں سال 62 فی صد سے زائد اضافہ ہوا۔

جہانگیر ترین نے ٹویٹ میں لکھا کہ کرپشن کے خلاف مہم سے 11 اعشاریہ 7 ارب وصولی کی گئی، ادارہ جاتی اخراجات کم کر کے 24 کروڑ روپے بچائے گئے، نتائج مراد سعید اور ان کی ٹیم کی محنت کا منہ بولتا ثبوت ہیں۔

Murad Saeed has done a brilliant job to reform NHA. 62% increase in revenues, recoveries of Rs. 11.7 Billion & saving of Rs. 240 million via austerity measures, have all been made possible thanks to hard work & determination of Murad & his team. Well done all 👍 pic.twitter.com/RizvnfQrov

— Jahangir Khan Tareen (@JahangirKTareen) December 8, 2019

پی ٹی آئی رہنما نے سماجی رابطوں کی ویب سائٹ کے ذریعے وفاقی وزیر مراد سعید اور ان کی ٹیم کو کام یابی پر مبارک باد بھی پیش کی۔

یہ بھی پڑھیں:  وفاقی وزیر مواصلات مراد سعید نے بڑی کامیابی حاصل کرلی

یاد رہے کہ گزشتہ روز وزارت مواصلات نے 15 مہینے کی کارکردگی رپورٹ جاری کی تھی جس میں کہا گیا تھا کہ وزارت مواصلات کے ریونیو میں 24 ارب 42 کروڑ کا اضافہ ہوا ہے، جب کہ بڑے منصوبوں میں خورد برد کے 11 ارب 90 کروڑ روپے وصول کیے گئے، اسے وفاقی وزیر مواصلات مراد سعید کی بڑی کام یابی قرار دیا گیا۔

اے آر وائی نیوز کی رپورٹ کے مطابق ادارے نے قومی خزانے پر انحصار کی بجائے اپنے بزنس پروگرام کا آغاز بھی کر دیا ہے جب کہ پاکستان کے سب سے بڑے پبلک پرائویٹ پارٹنر شپ منصوبے کے آغاز کا بھی اعلان کیا جا چکا ہے۔

اسلام آباد: پاکستان تحریک انصاف کے سینئر رہنما جہانگیر ترین نے ٹویٹ کے ذریعے کہا ہے کہ وزیر اعظم عمران خان نے دلیرانہ انداز میں کشمیر کا مقدمہ لڑا۔

تفصیلات کے مطابق وزیر اعظم عمران خان کی امریکا سے وطن واپسی پر جہانگیر ترین نے ٹویٹ کرتے ہوئے کہا ہے وزیر اعظم کام یاب دورۂ امریکا کے بعد کل اسلام آباد پہنچ رہے ہیں۔

جہانگیر ترین نے کہا کہ آئیں ہم سب مل کر وزیر اعظم کا وطن واپسی پر شان دار استقبال کریں۔

PM IK fought Kashmir’s case like a true hero. His unequivocal speech at the UNGA helped transform Pakistan’s image globally. Let’s celebrate this win by giving him a hero’s welcome tomorrow. 5 p.m, at the New Islamabad Airport. Don’t forget to be there #WelcomeHomePMIK

— Jahangir Khan Tareen (@JahangirKTareen) September 28, 2019

ٹویٹ میں انھوں نے لکھا کہ اقوام متحدہ میں وزیر اعظم کی تقریر نے عالمی سطح پر پاکستان کا تشخص بدل کر رکھ دیا۔

واضح رہے کہ وزیر اعظم عمران خان نیویارک سے وطن واپسی کے لیے روانہ ہو چکے ہیں، وہ جدہ ایئرپورٹ پر اتریں گے، جہاں وہ تین گھنٹے قیام کریں گے، اور ان کا رائل ٹرمینل پر استقبال ہوگا۔

یہ بھی پڑھیں:  وزیر اعظم عمران خان کا یو این جنرل اسمبلی سے خطاب

وزیر اعظم نے اقوام متحدہ میں مقبوضہ کشمیر کا مقدمہ شان دار طریقے سے لڑ کر دنیا کو باور کرا دیا ہے کہ بھارت جموں و کشمیر میں لوگوں پر بے پناہ مظالم ڈھا رہا ہے اور دنیا کو اس صورت حال میں فوری ایکشن لینا چاہیے۔

کشمیریوں کے مؤقف کی درست ترجمانی کرنے، گزشتہ روز اقوام متحدہ کی جنرل اسمبلی میں وزیر اعظم عمران خان کے خطاب پر مقبوضہ کشمیر میں جشن بھی منایا گیا۔