لاہور : جہانگیر ترین سے پی ٹی آئی چھوڑنے والے فیاض الحسن چوہان نے ملاقات کی اور ترین گروپ میں شمولیت کا عندیہ دے دیا۔
تفصیلات کے مطابق جہانگیر ترین کی پی ٹی آئی چھوڑنے والے رہنماؤں سے ملاقاتیں جاری ہے، اب تک پچاس کے قریب سابق ارکان قومی و صوبائی اسمبلی ملاقاتیں کرچکے ہیں۔
پی ٹی آئی چھوڑنے والے فیاض الحسن چوہان نے جہانگیر ترین سے ملاقات کی ، جس میں مستقبل کے سیاسی لائحہ عمل پر تبادلہ خیال کیا گیا۔
فیاض الحسن چوہان نے جہانگیر خان ترین گروپ میں شمولیت کا عندیہ دیتے ہوئے کہا عدم تشدد اور بدعنوانی سے پاک سیاست پر یقین رکھتے ہیں۔
دوسری جانب پنجاب کے سابق وزیر اوقاف سید سعید الحسن نے بھی جہانگیر ترین سے ملاقات کی، جس میں انہوں نے جہانگیر ترین گروپ میں شمولیت کا اعلان کیا۔
جہانگیرترین آج سابق وزیراعظم آزادکشمیر سردار تنویر الیاس سے بھی ملاقات کریں گے۔۔
