Tag: جہلم

جہلم: وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ وزیراعظم عمران خان کی وجہ سے صدیوں سے پیاسی دھرتی کو پانی مل رہا ہے۔

تفصیلات کے مطابق جہلم میں وفاقی وزیر فواد چوہدری نے تقریب سے خطاب کرتے ہوئے کہا کہ جہلم کی تمام نشستوں سے تحریک انصاف کامیاب ہوئی، ضلع بھر سے ہزاروں لوگ آج اس تقریب میں شریک ہیں، وزیراعظم عمران خان کا علاقے کا یہ تیسرا دورہ ہے۔

وفاقی وزیر فواد چوہدری نے کہا کہ وزیراعظم عمران خان کی وجہ سے صدیوں سے پیاسی دھرتی کو پانی مل رہا ہے، اس منصوبے سے ایک لاکھ 72 ہزارایکڑ زمین سیراب ہوگی۔

انہوں نے کہا کہ تونسہ شریف اور ڈی جی خان بھی ہمارے ہی شہر ہیں، نہر سے عوام کو پینے کا صاف پانی بھی میسر ہوگا، ماضی کے حکمرانوں نے ان علاقوں کو نظرانداز کیا، شہبازشریف نے پنجاب کے ساتھ زیادتی کی۔

وفاقی وزیر نے کہا کہ جہلم کی صنعت 300 ارب روپے قومی خزانے میں ڈالتی ہے، جہلم بائیو ٹیکنالوجی پارک کا منصوبہ پاکستان کو سلیکون ویلی بنا دے گا۔ انہوں نے وزیراعلیٰ پنجاب سے گزارش کی کہ جہلم کو فیوچرسٹی کے تحت ترقی دی جائے۔

واضح رہے کہ منصوبہ سنہ 2024 تک مکمل ہوگا جس پر 48 ارب روپے کی لاگت آئے گی۔ 274 ملین ڈالر ایشین ڈیولپمنٹ بینک فراہم کرے گا۔

جہلم : وزیراعظم عمران خان آج پنڈدادن خان کا دورہ کریں گے، جہاں وہ جلال پور کینال منصوبے کا سنگ بنیاد رکھیں گے، منصوبے پر 32 ارب 72 کروڑ روپے لاگت آئے گی۔

تفصیلات کے مطابق پنڈدادن خان میں جلالپور کینال منصوبے کے سنگ بنیاد کی تقریب آج ہوگی۔ وزیراعظم 117 کلو میٹرطویل جلالپور ایری گیشن کینال کا سنگ بنیاد رکھیں گے۔

جلال پورایری گیشن کینال منصوبے پر 32ارب72کروڑ روپے لاگت آئے گی۔ منصوبے کے تحت 30 رابطہ نہروں او ر 16 برساتی نالوں کی تعمیر بھی ہوگی، منصوبے سے 1 لاکھ 70 ہزار ایکڑ بارانی رقبے کو نہری پانی کی فراہمی ممکن ہوگی۔ منصوبے سے جہلم، خوشاب کے 80 سے زائد دیہات کے 4 لاکھ کاشتکارمستفید ہوں گے۔

منصوبہ سنہ 2024 تک مکمل ہوگا جس پر 48 ارب روپے کی لاگت آئے گی۔ 274 ملین ڈالر ایشین ڈیولپمنٹ بینک فراہم کرے گا۔

مذکورہ منصوبہ سنہ 1898 میں شروع کیا جانا تھا تاہم فنڈز کی عدم دستیابی کے باعث کام شروع نہ ہو سکا۔ سابق صدر پرویز مشرف نے سنہ 2007 میں منصوبے پر کام شروع کروایا تاہم 2008 میں منصوبہ پھر رک گیا۔

وفاقی وزیر فواد چوہدری نے جلسہ گاہ کا معائنہ اور انتظامات کا جائزہ لیا۔ پنڈال میں اراکین قومی و صوبائی اسمبلی ، لوگوں کی آمد، سیکیورٹی کے سخت انتظامات کیے گئے ہیں، جلسہ گاہ کے اطراف غیرمتعلقہ گاڑیوں کا داخلہ بند کر دیا گیا۔

اس موقع پر فواد چوہدری کا کہنا تھا کہ وزیراعظم عمران خان کچھ دیر بعد تقریب میں پہنچیں گے پنڈدادن خان کےعوام آج اپنے لیڈرکا بھرپوراستقبال کریں گے

اسلام آباد: وزیر اعظم عمران خان آیندہ ہفتے جہلم کا دورہ کریں گے، ذرایع کا کہنا ہے کہ وزیر اعظم 26 دسمبر کو پنڈدادن خان میں جلسے سے خطاب کریں گے۔

تفصیلات کے مطابق وزیر اعظم آیندہ ہفتے جہلم کا دورہ کریں گے اور پنڈادن خان میں ایک جلسے سے خطاب کریں گے، ذرایع کا کہنا ہے کہ جہلم کے بعد ملک کے دیگر علاقوں میں بھی جلسے منعقد کیے جائیں گے۔

وزیر اعظم عمران خان جلسوں میں ترقیاتی کاموں کے سلسلے میں اہم اعلان کریں گے اور حکومتی کارکردگی پر عوام کو اعتماد میں لیں گے۔

یہ بھی پڑھیں:  کسان کو فصل کی جائز قیمت اور منڈی تک رسائی دلائیں گے: وزیر اعظم

یاد رہے کہ گزشتہ روز وزیر اعظم عمران خان نے کہا تھا کہ کسان کو فصل کی جائز قیمت اور منڈی تک رسائی دلائی جائے گی، احساس پروگرام کے تحت کسانوں کے لیے صحت کارڈ کی سہولت اور تعلیمی وظائف بھی یقینی بنایا جائے گا۔

وزیر اعظم عمران خان نے سماجی رابطے کی ویب سائٹ ٹویٹر پر یوم کسان پر کسانوں کو سہولتیں فراہم کرنے کا عزم دہرایا، اس سے قبل وزیر اعظم یہ کہہ چکے ہیں کہ زرعی شعبے کا فروغ، چھوٹے کسانوں کو ریلیف دینا حکومت کی پہلی ترجیح ہے۔

خیال رہے کہ حکومت ترقیاتی کاموں پر بھرپور توجہ دینے لگی ہے، گزشتہ ماہ وفاقی حکومت نے کراچی میں ترقیاتی منصوبوں کے لیے ساڑھے 8 ارب کی رقم جاری کی تھی، جاری کردہ رقم 162 ارب کے ترقیاتی گرانٹ کا حصہ ہے، مذکورہ رقم سندھ انفرا اسٹرکچر ڈویلپمنٹ کمپنی کے ذریعے استعمال کی جائے گی۔

لاہور: خدشہ ہے کہ بھارت کی طرف سے دریائے چناب کے بعد دریائے جہلم میں بھی پانی چھوڑا جا رہا ہے، مظفر آباد آزاد کشمیر کی ضلعی انتظامیہ نے اس سلسلے میں الرٹ جاری کر دیا ہے۔

تفصیلات کے مطابق بھارت کی جانب سے دریائے چناب کے بعد دریائے جہلم میں پانی چھوڑنے کا خدشہ ہے، آزاد کشمیر کی ضلعی انتظامیہ نے فلڈ الرٹ جاری کرتے ہوئے ہدایت کی ہے کہ عوام دریا کے کنارے پر جانے سے اجتناب کریں۔

ضلعی انتظامیہ کے مراسلے میں کہا گیا ہے کہ تمام محکمے عوام کے جان و مال کے تحفظ کے لیے اقدامات بروئے کار لائیں۔

ادھر دریائے سندھ میں طغیانی کے باعث وسیع علاقے زیر آب آ گئے ہیں، روجھان میں سینکڑوں ایکڑ پرکپاس اور مونگی کی فصل تباہ ہو گئی ہے، کئی گھر زیر آب آ چکے ہیں، دوسری طرف سیلابی علاقوں میں فلڈ ریلیف کیمپ بھی قائم نہیں ہو سکے ہیں۔

یہ بھی پڑھیں:  لاہور : بھارت کی آبی دہشت گردی : دریائے چناب میں پانی چھوڑ دیا گیا

واضح رہے کہ گزشتہ روز بھارت نے آبی دہشت گردی کرتے ہوئے دریائے چناب میں پانی چھوڑ دیا تھا، جس کے باعث دریائے چناب میں درمیانے درجے کا سیلاب آیا۔

فلڈ فار کاسٹنگ ڈویژن کے ترجمان کا کہنا تھا کہ دس گھنٹے کے دوران ہیڈ مرالہ کے مقام پر پانی کی آمد میں ایک لاکھ کیوسک اضافہ ہوا۔

خیال رہے کہ بھارت فورسز کی جانب سے ایل او سی پر بھی جارحیت کا سلسلہ جاری رہے، حال ہی میں بھارت نے ایل او سی کے اِس پار شہریوں پر کلسٹر بم بھی پھینکے تھے۔