Tag: جہلم

جہلم: پولیس نے سامِعَہ قتل کیس کامعمہ حل کرکے نیا مقدمہ درج کرلیا ہے جس میں برطانوی نژاد پاکستانی خاتون کے والد اورسابق شوہرپرقتل کےالزام میں نامزد کرلیا ہے۔

بین الاقوامی خبررساں ادارے اے ایف پی کے مطابق سامعہ شاہد کے قتل کیس کی تحقیقات کرنے والی ٹیم کے سربراہ ڈپٹی انسپکٹر جنرل (ڈی آئی جی) ابوبکر خدا بخش نے بتایا ہے کہ سامعہ قتل کیس میں پولیس نے تحقیقات مکمل کرلی ہیں اوراس نتیجے پر پہنچے ہیں کہ سامعہ کے سابق شوہرچوہدری شکیل اوروالد چوہدری شاہد خاتون کے قتل میں ملوث ہیں۔

برطانوی نژاد خاتون سامعہ کا جہلم میں قتل،آٹھ روز بعد بھی معمہ حل طلب

ڈی آئی جی نے میڈیا دے بات کرتے ہوئے مزید بتایا کہ انھوں نے مزید بتایا کہ سامعہ کے سابق شوہر چوہدری شکیل نے اپنی سابقہ بیوی سامعہ کو قتل کرنے سے پہلے اُسے خواب آور دوا بلا کرزنا بالجبر کیا جس کے شواہد ڈی این اے رپورٹ سے مل گئے ہیں بعد ازاں ملزم نے مقتولہ کا گلا دبا کر موت کے گھاٹ اُتار دیا۔

پڑھیے : سامعہ قتل کیس کا ٹرنگ پوائنٹ،ایس ایچ او گرفتار

انہوں نے مزید بتایا کہ مقتولہ کے والد چوہدری شاہد نے قتل میں معاونت کی ہے جس کے شواہد جمع کر رہے ہیں گو کہ مرکزی ملزم مقتولہ کے والد کو بچانے کی پو ری کر رہا ہے لیکن پولیس اس نتیجے پرپہنچی ہے کہ مقتولہ کے والد بھی اپنی بیٹی کے قتل میں ملوچ ہیں۔

اس کے علاوہ پولیس نے نئے مقدمے میں سامعہ کی والدہ اوربہن پر قتل کے لیے اکسانے کے جرم میں نامزد کیا ہے تا ہم وہ دونوں برطانیہ واپس جانے میں کامیاب ہو گئی ہیں۔

سامعہ قتل کا ڈراپ سین کیس کے تفتیشی افسر اور مقامی پولیس اسٹیشن کے ایس ایچ او عقیل عباس کا گرفتار ہونا ثابت ہوا جس نے مبینہ طور پرمقتولہ کے سابق شوہر اور والد سے رقم کے عوض شواہد ختم کرنے اور تحقیقات کا رخ موڑنے میں مدد کی۔

تفتیشی ٹیم کے سربراہ ڈی آئی جی ابوبکر خدا بخش نے گرفتار ایس ایچ اوعقیل عباس کے خلاف محکمہ جاتی کارروائی کے احکامات بھی جاری کردیے ہیں۔

جہلم : پنجاب پولیس نے منگلہ کے علاقے میں پاکستانی نژاد برطانوی خاتون سامعہ شاہد قتل کے مقدمے میں مقامی تھانے کے انچارج کو گرفتار کرلیا ہے۔

ذرائع کے مطابق انسپکٹرعقیل عباس کو اس قتل کے حقائق چھپانے اور ملزمان کی مدد کرنے کے الزام میں گرفتار کیا گیا ہے،پولیس انسپکٹر عقیل عباس کو گرفتار کر کے تفتیش کے لیے نامعلوم مقام پر منتقل کردیا گیا ہے۔

مقامی پولیس ذرائع کے مطابق سامعہ شاہد قتل کے مقدمے کی تفتیشی ٹیم نے ملزم انسپکٹرعقیل عباس کو اس مقدمے کے سلسلے میں دو تین مرتبہ طلب کیا اور ان سے اس قتل کے بارے میں ابتدائی تفتیش کے بارے میں مختلف سوالات کیے جن کا پولیس انسپکٹر تسلی بخش جواب نہ دے سکا۔

ابتدائی تفتیش سے ثابت ہوا کہ متعقلہ تھانے کے ایس ایچ او انسپکٹر عقیل عباس نے جو جوابات تفتیشی ٹیم کو دیے تھے وہ گرفتار ملزمان مقتولہ کا پہلا شوہر محمد شکیل اور مقتولہ کا والد محمد شاہد کے بیان سے متصادم تھے۔

واضح رہے سامعہ شاہد قتل کے مقدمے میں ضابطہ فوجداری کی دفعہ 207 کا بھی اضافہ کر دیا گیا ہے جو پولیس اہلکار کے بقول حقائق چھپانے اور ملزمان کی بے جا مدد کرنے کے زمرے میں آتا ہے۔

اس مقدمے میں پانچ ملزمان نامزد ہیں جن میں سے تین ان دنوں جیل میں ہیں گرفتار ہونے والوں میں مقتولہ کا باپ محمد شاہد اور اس کا پہلا شوہر محمد شکیل شامل ہے۔

جہلم : بورے والا قومی اسمبلی کے حلقہ 63 اور پنجاب اسمبلی کے حلقہ 232 میں ضمنی انتخابات کے لئے پولنگ کا عمل جاری ہے، دونوں سیٹوں پر مسلم لیگ ن اور تحریک انصاف کے درمیان کانٹے کا مقابلہ ہے۔

تفصیلات کے مطابق جہلم سے ن لیگ کے کن قومی اسمبلی اقبال مہدی کے انتقال کے باعث خالی ہونے والی نشست پر مسلم لیگ ن نے ان کے بیٹے کو میدان میں اتارا ہے جب کہ تحریک انصاف کے فواد چودھری ان کے مد مقابل ہیں۔

حلقہ میں رجسٹرڈووٹرز کی تعداد4 لاکھ 28 ہزار 2سو 57 ہے  جن میں سے خواتین ووٹرزکی تعداد1 لاکھ 98 ہزار 9 سو جب کہ مردووٹرزکی تعداد 2 لاکھ 29 ہزار 3 سو 57 ہے۔

اسی سے متعلق : جہلم : انتخابی ضابطہ اخلاق کی خلاف ورزی پرعمران خان کی طلبی

دوسری طرف ن لیگ کے رکن صوبائی اسمبلی یوسف کسیلیہ کی جانب سے غلط اثاثہ جات جمع کرانے پر پنجاب اسمبلی کی نشست پی پی 232پر بورے والا پر بھی ضمنی الیکشن ہورہے ہیں ۔یہاں کل 11امیدوارمیدان میں ہیں تاہم اصل مقابلہ ن لیگ کے یوسف کیسلیہ اور تحریک انصاف کی عائشہ نذیر کے درمیان ہے۔

اس حلقے میں ایک لاکھ اکیانوے ہزار بانوے ووٹر اپنا حق رائے دہی استعمال کریں گے جن کے لئے ایک سو ستاون پولنگ اسٹیشن قائم کیے گئے ہیں۔