ARYNews.tv | Urdu – Har Lamha Bakhabar

Tag: جیت

  • دبئی میں بھارت کےخلاف جیتنے کےلیے کتنا ٹوٹل کافی ہوگا؟

    دبئی میں بھارت کےخلاف جیتنے کےلیے کتنا ٹوٹل کافی ہوگا؟

    چیمپئنزٹرافی میں پاکستان اور بھارت کے درمیان دبئی میں ہونے والے میچ میں جیت کے لیے کتنا ٹوٹل کافی ہوگا، سابق کرکٹر نے بتادیا۔

    سرکاری چینل پر پاکستان کرکٹ ٹیم کے سابق کپتان محمد حفیظ نے دبئی میں بننے والے ٹوٹل اسکور اور کس طرح وہاں رنز بنانے ہیں اس پر اظہار خیال کیا، ان کا کہنا تھا کہ آپ کو وہاں پر ہوشیاری سے کرکٹ کھیلنا پڑتی ہے، ٹیکنیکلی آپ کو وہاں تھوڑا سا ٹھہرنا پڑتا ہے، نیا بال اچھا آتا ہے۔

    محمد حفیظ نے کہا کہ جیسے ہی نئے بال کی سیم اندر جاتی ہے 15 اوور کے بعد تو بال بلے پر تھوڑا سلو آتا ہے، وہاں پر آپ کی فٹنس اور دوڑنے کی صلاحیت کافی اہم رول ادا کرتی ہے۔

    انھوں نے کہا کہ دبئی کا گراؤنڈ لگتا چھوٹا ہے مگر بڑا گراؤنڈ ہے، یہاں پر آپ کو ایک اچھا ٹوٹل بنانا ہوگا، آپ کو یہاں پر اتنی باؤنڈریز نہیں ملیں گی جتنی دنیا کے کسی اور گراؤنڈ میں ملتی ہیں۔

    سابق کپتان نے کہا کہ اگر آپ انڈیا اور بھارت میں کھیل رہے ہیں تو وہاں باؤنڈری پرسنٹیج زیادہ ہوگی مگر دبئی کے گراؤنڈ میں باؤنڈری کم لگتی ہے یہاں رننگ پرسنٹیج زیادہ ہوتی ہے تو مجھے لگتا ہے کہ یہاں 260 رنز ایک اچھا ٹوٹل ہونگے۔

    انھوں نے کہا کہ اگر آپ وہاں اسکور کو ٹچ کردیتے ہیں اور آپ کے پاس دو سے تین کوالٹی اسپن آپشن موجود ہیں تو آپ مخالف کو چیلنج کرتے ہیں۔

    محمد حفیظ نے کہا کہ دبئی کے گراؤںڈ میں کوئی بھی ٹیم اگر 260 رنز بنائے گی تو میرے خیال میں وہ دوسری ٹیم کو چیلنج کرسکتی ہے۔

  • پاکستان کیخلاف میچ جتوانے والے جنوبی افریقی آل راؤنڈر پولیس کی مدد سے اسٹیڈیم پہنچے

    پاکستان کیخلاف میچ جتوانے والے جنوبی افریقی آل راؤنڈر پولیس کی مدد سے اسٹیڈیم پہنچے

    جنوبی افریقہ نے پہلے ٹی 20 میچ میں پاکستان کو 11 رنز سے ہرا دیا میزبان ٹیم کو اس فتح میں پولیس کی بھی بلواسطہ مدد حاصل رہی۔

    جنوبی افریقہ نے گزشتہ روز ڈربن میں کھیلے گئے پہلے ٹی 20 میں پاکستان کو 11 رنز سے شکست دے کر تین میچوں کی سیریز میں ایک صفر کی برتری حاصل کر لی۔ میچ کے ہیرو آل راؤنڈر جارج لنڈے رہے جنہوں نے پہلے مڈل آرڈر میں 24 گیندوں پر 48 رنز کی اننگ کھیلی اور پھر چار پاکستانی کھلاڑیوں کو بھی آؤٹ کر کے بہترین کھلاڑی کا اعزاز حاصل کیا۔

    تاہم جنوبی افریقہ کی اس فتح کے پیچھے پولیس کی بھی بلواسطہ مدد شامل ہے جس کی دلچسپ کہانی اپنی ٹیم کو میچ جتوانے والے جارج لنڈے نے خود سنائی۔

    جارج نے میڈیا سے بات کرتے ہوئے انکشاف کیا کہ ان کی بس چھوٹ چکی تھی اور انتظامیہ انہیں ہوٹل چھوڑ کر اسٹیڈیم روانہ ہو گئی تھی۔

    جارج نے بتایا کہ ان کا ساتھ ایک غیر معمولی واقعہ پیش آیا۔ ان کا سیل فون نامعلوم وجہ کی بنا پر 15 منٹ پیچھے چل رہا تھا۔ میں انتظامیہ کے مقررہ وقت کے مطابق 4 بجے ہوٹل کے کمرے سے نیچے آیا تو ٹیم بس غائب تھی۔

    آل راؤنڈر نے کہا کہ تب مجھے انکشاف ہوا کہ میرا موبائل 15 منٹ پیچھے چل رہا تھا اور میں اسی وجہ سے دیر سے پہنچا تو دیکھا بس روانہ ہو چکی تھی۔

    جارج نے کہا کہ اس موقع پر پولیس سے مدد لی اور انہوں نے مجھے ٹیم بس تک چھوڑا اور یوں میں اسٹیڈیم پہنچا۔

    واضح رہے کہ دونوں ٹیموں کے درمیان سیریز کا دوسرا ٹی 20 میچ جمعہ کو سنچورین میں کھیلا جائے گا۔

    https://urdu.arynews.tv/shaheen-afridi-milestone-t20i-against-southafrica/

  • ہمیں اس جیت کی بہت ضرورت تھی: کپتان اظہرعلی

    ہمیں اس جیت کی بہت ضرورت تھی: کپتان اظہرعلی

    کراچی: قومی کرکٹ ٹیم کے کپتان اظہر علی نے کہا ہے کہ میچ کے دوران پریشر نہیں لیا، بھروسہ تھا کہ اچھا کھیل کر فتح اپنے نام کریں گے۔

    تفصیلات کے مطابق سری لنکا کے خلاف ٹیسٹ سیریز اپنے نام کرنے کے بعد کومنٹیٹر سے گفتگو کرتے اظہر علی کا کہنا تھا کہ سنچری بنا کر بہت اچھا لگا، ہمیں اس جیت کی بہت ضرورت تھی، سری لنکا کی ٹیم کا بھی بےحدشکر گزار ہوں۔

    انہوں نے یہ بھی کہا کہ میچ کے دوران ڈریسنگ روم کا ماحول بہت اچھا تھا۔

    دوسری جانب گورنرپنجاب چوہدری محمد سرور نے سری لنکا کے خلاف ٹیسٹ سیریز جیتے پر قومی ٹیم کو مبارکباد پیش کی، ان کا کہنا تھا کہ قومی ٹیم نے زبردست کھیل کا مظاہرہ کیا، 13 سال بعد ہوم گراؤنڈ پر ٹیسٹ سیریز میں فتح تاریخی ہے۔

    پاکستان نے سری لنکا کو 263 رنز سے شکست دے دی

    انہوں نے یہ بھی کہا کہ نوجوان کھلاڑی عابدعلی اور شان مسعود نے جیت میں اہم کردار ادا کیا، سری لنکا کی ٹیم اور مینجمنٹ کے پاکستان آنے پر شکر گزار ہیں۔ جبکہ کرکٹ کے مداحوں کی جانب سے بھی ٹیم کو مبارکباد پیش کی جارہی ہے۔

    وفاقی وزیر فواد چوہدری نے سماجی رابطے کی ویب سائٹ ٹوئٹر پر ٹوئٹ کیا کہ پاکستان کرکٹ ٹیم کا شکریہ ادا کرتا ہوں، دن کا اچھا آغاز ہوا۔ یاسرشاہ، نسیم شاہ اور شاہین آفریدی کو مبارکباد پیش کرتا ہوں، آپ لوگ پاکستان کا فخر ہیں۔

    خیال رہے کہ پاکستان نے 13 سال بعد ہوم گراؤنڈ پر ٹیسٹ میچ اپنے نام کرلیا، قومی ٹیم نے سری لنکا کو کراچی ٹیسٹ میں 263 رنز سے شکست دے دی، سری لنکا کے خلاف دوسرے ٹیسٹ میچ میں قومی ٹیم کے بولرز اور بلے باز دونوں چل گئے، سری لنکا کی بیٹنگ لائن ریت کی دیوار ثابت ہوئی، پاکستانی بولرز نے کسی کھلاڑی کو کریز پر ٹکنے نہیں دیا اور فتح اپنے نام کرلی۔

  • امریکی صدر کی جسٹن ٹروڈو کوعام انتخابات میں جیت پر مبارکباد

    امریکی صدر کی جسٹن ٹروڈو کوعام انتخابات میں جیت پر مبارکباد

    ٹورنٹو: امریکی صدر ڈونلڈ ٹرمپ نے کینیڈا کے وزیراعظم جسٹن ٹروڈو کو عام انتخابات میں جیت پر مبارکباد دیتے ہوئے کہا کہ میں دونوں ملکوں کی بہتری کے لیے آپ کے ساتھ کام کرنے کا منتظر ہوں۔

    تفصیلات کے مطابق سماجی رابطے کی ویب سائٹ ٹویٹر پر امریکی صدر ڈونلڈ ٹرمپ نے اپنے پیغام میں کینیڈ ا کے وزیراعظم جسٹن ٹروڈ و کوعام انتخابات میں جیت پر مبارکباد دی۔

    ڈونلڈ ٹرمپ نے کہا کہ میں دونوں ملکوں کی بہتری کے لیے آپ کے ساتھ کام کرنے کا منتظر ہوں۔

    کینیڈا میں انتخابات، جسٹن ٹروڈو کو برتری حاصل

    غیر ملکی خبررساں ادارے کے مطابق کینیڈا کے ایوان زیریں ہاؤس آف کامنز کی تین سواڑتیس نشستوں کے لیے پولنگ ہوئی اور اب ووٹوں کی گنتی کی جارہی ہے۔

    ابتدائی نتائج کے مطابق جسٹن ٹروڈو کی لبرل پارٹی کو برتری حاصل ہے، 338 میں سے 41 سیٹیں حاصل کرلی ہیں جبکہ کنزرویٹوپارٹی صرف 31 نشستیں حاصل کرنے میں کامیاب ہوئی ہے۔

    یاد رہے کہ اکتوبر2015 میں کینیڈا کے پارلیمانی انتخابات میں جسٹن ٹروڈو کی لبرل پارٹی نے حکمران جماعت کنزرویٹو پارٹی کو بھاری اکثریت سے شکست دی تھی۔

  • مودی کی جیت پر امریکی کامیڈین نے دورہ بھارت منسوخ کردیا

    مودی کی جیت پر امریکی کامیڈین نے دورہ بھارت منسوخ کردیا

    نئی دہلی/واشنگٹن : امریکی مزاحیہ اداکار نے دورہ بھارت سے متعلق ٹویٹر پر پیغام دیا کہ مودی کی جیت پر بھارت نہیں جاﺅں گا اس سے بہتر ہے پاکستان کا دورہ کرلوں۔

    تفصیلات کے مطابق بھارت میں حالیہ انتخابات میں بی جے پی کی جیت اور مودی کے ایک بار پھر وزیر اعظم نے جہاں بھارت کے اندر ہی پریشانی کھڑی کردی ہے وہیں بین الاقوامی سطح پر بھی اس کی باز گشت سنائی دے رہی ہے۔

    خبر رساں اداروں کا کہنا تھا کہ معروف امریکی کامیڈین جیریمی میک للن نے بھی مودی کی جیت پر سوشل میڈیا پر بڑا اعلان کرتے ہوئے اپنا دورہ بھارت منسوخ کردیا ہے۔

    سماجی ویب سائٹ پر جاری پیغام میں جیریمی کا کہنا تھا کہ مودی کی جیت پر وہ بھارت کا 5ہفتوں کا دورہ منسوخ کررہے ہیں اور اس سے بہتر ہے کہ وہ پاکستان کے دورے پر جائیں۔

    غیر ملکی خبر رساں ادارے کے مطابق جیریمی کے اس اقدام سے بھارتیوں کو آگ لگ گئی اور سوشل میڈیا پر کامیڈین کیخلاف مہم شروع کردی۔

    واضح رہے کہ بھارت میں لوک سبھا کے 17ویں انتخابات کے نتائج سامنے آنا شروع ہوگئے جس کے مطابق نریندر مودی کی جماعت بھارتیہ جنتا پارٹی (بی جے پی) واضح برتری حاصل کررہی ہے۔

    بھارتی میڈیا رپورٹس کے مطابق حکومتی اتحاد کو 342 نشستوں پر  برتری حاصل ہوگئی جس کے تحت بھارتیہ جنتا پارٹی دوبارہ حکومت بنانے کی پوزیشن میں آگئی۔

    مزید پڑھیں : ایک بار پھر مودی سرکار، بھارتی انتخابات میں بی جے پی کی واضح برتری

    اگر صرف بی جے پی کی بات کی جائے تو گزشتہ انتخابات کی نسبت انہوں نے 222 کے مقابلے میں 224 یعنی دو نشستیں زیادہ حاصل کیں، اسی طرح عام آدمی پارٹی کا بھی صفایا ہوگیا۔

    لوک سبھا کی 542 نشستوں پر ڈالے جانے والے ووٹ کی گنتی کا عمل بھی مکمل ہوگیا، غیر حتمی غیر سرکاری نتائج میں بتایا گیا کہ مودی اتحاد این ڈی اے کو 342 نشستوں پر برتری مل گئی جبکہ وزاعظم لانے کے لیے 272 نشستیں درکار ہوتی ہیں۔

  • پاکستانی شہری نے دبئی میں لاکھوں کی بائیک جیت لی

    پاکستانی شہری نے دبئی میں لاکھوں کی بائیک جیت لی

    دبئی : لاٹری ٹکٹ خریدنا ہر کسی کے لیے ممکن نہیں ہوتا لیکن جس نے ٹکٹ کی خریداری ممکن بنالی، اس کے لیے کچھ بھی ناممکن نہیں ہوتا، پاکستانی نوجوان نے دبئی میں لاکھوں کی بائیک جیت لی۔

    تفصیلات کے مطابق پاکستانی نژاد نوجوان محمد صدر نے اپنی قسمت آزمانے کےلیے پہلی مرتبہ ٹکٹ خریدا اور ان کی امید بر آئی اور ان کا قرعہ اندازی میں نام نکل آیا، یعنی اب وہ تقریباً 19 لاکھ روپے کی بائیک کے مالک بن گئے ہیں۔

    اماراتی میڈیا کا کہنا ہےکہ محمد صفدر نے بائیک تو جیت لیتاہم ابھی تک ان کا کچھ نہیں چلا، لاٹری انتظامیہ نے محمد صفدر کو تلاش کررہی ہے یہاں تک کہ اس نے اشتہار بھی دے دیا’کیا آپ محمد صفدر کو جانتے ہیں‘۔

    لاٹری انتظامیہ کے مطابق محمد نامی اس پاکستانی شہری کے ٹکٹ نمبر 0941 حال ہی میں ہونے والے لکی ڈرا میں انعام کا حقدار قرار پایا ہے۔

    محمد صدر گزشتہ کچھ سال سے ملازمت کے سلسلے میں دبئی میں مقیم ہیں۔ انہوں نے حال ہی میں اس لکی ڈرا میں اپنی قسمت آزمانے کا فیصلہ کیا تھا۔

    بھارتی لڑکی نے 10 لاکھ امریکی ڈالر جیت کر کروڑپتی بن گئی

    دوسری جانب بھارت سے تعلق رکھنے والی 9 سالہ لڑکی نے اپنی ناقابل یقین قسمت کے باعث دس لاکھ امریکی ڈالر کی لاتری جیت لی ہے، اس سے قبل اسی لڑکی نے 2013 میں بیش قیمت گاڑی لاٹری میں جیتی تھی۔

    یاد رہے کہ دبئی ڈیوٹی فری ریفل ٹکٹ کے نام سے جانے والے اس ٹکٹ کی قیمت ایک ہزار درہم ہے جبکہ بائیک کی قرعہ اندازی میں شامل ہونے کےلیے 250 درہم کا ٹکٹ خریدنا پڑتا ہے جو کہ دبئی میں مقیم کسی بھی پاکستانی کے لیے ایک زیادہ بڑی رقم نہیں ہے۔

  • طالبہ نے 10 لاکھ ڈالر جیت کرشامی پناہ گزینوں کے لیے وقف کردیے

    طالبہ نے 10 لاکھ ڈالر جیت کرشامی پناہ گزینوں کے لیے وقف کردیے

    دبئی انٹرنیشنل ایئرپورٹ پر اردن کی طالبہ نے دس لاکھ امریکی ڈالر (13 کروڑ سے زائد پاکستانی روپے) لاٹری جیت کر رقم اردن کے پناہ گزینوں وقف کردی۔

    تفصیلات کے مطابق سیاحت کی غرض سے متحدہ عرب امارات کی ریاست دبئی کا دورہ کرنے والی 20 سالہ اردنی طالبہ طلہٰ نے دبئی انٹرنیشنل ایئر پورٹ کے ڈیوٹی فری لکی ڈرا سے خریدی گئے لاٹری ٹکٹ سے 10 لاکھ امریکی ڈالر کی انعامی رقم گزشتہ روز جیتی تھی۔

    اماراتی خبر رساں ادارے کا کہنا ہے کہ قسمت بدلنے کا لاٹری ٹکٹ 20 سالہ طلہٰ نامی اردنی شہری نے اردن جانے سے قبل خریدا تھا۔

    اماراتی میڈیا کا کہنا ہے کہ اردنی طالبہ نے شامی پناہ گزینوں کو بہت جد و جہد کرتے دیکھا ہے اسی لیے طلہٰ نے فلاحی تنظیم کے ہمراہ رضاکارانہ طور پر اردن میں پناہ گزین شامیوں کیلئے تعلیم اور میڈیکل کی سہولیات فراہم کا ارادہ کیا۔

    خلیج ٹائم سے گفتگو کرتے ہوئے کہ طلہٰ کا کہنا تھا کہ ’مجھے اس بات سے نفرت ہے کہ وہ مصیبت میں ہیں اور خوشی اس بات کی ہے کہ آخر کار میں شامیوں کےلیے کچھ کرسکتی ہوں‘۔

    مزید پڑھیں : دبئی : اردن کے شہری نے 10 لاکھ امریکی ڈالر کی لاٹری جیت لی

    مجھے کو لوگوں کو تعلیم اور میڈیکل کی مد میں مدد کرنا چہت اچھا لگتا ہے، روزانہ ایک 10 سالہ بچے کو دیکھ کر میرا دل ٹوٹ جاتا ہے کہ جب وہ اسکول نہیں جاتا۔

    اماراتی خبر رساں ادارے کا کہنا ہے کہ 20 سالہ اردنی کے طالبہ طلہٰ دسویں اردنی شہری ہے جس نے سنہ 1999 کے بعد اب تک دبئی ڈیوٹی فری لاٹری جیتی ہے۔

  • جرمنی: سائبر کرائم کی ماہر تفتیش کار نے ملکہ حسن کا ٹائٹل جیت لیا

    جرمنی: سائبر کرائم کی ماہر تفتیش کار نے ملکہ حسن کا ٹائٹل جیت لیا

    برلن : جرمنی کے شہر رسٹ میں منعقدہ مقابلہ حسن میں سائنر کرائم کی ماہر پولیس افسر نے ملکہ حسن کا ٹائٹل اپنے نام کرلیا۔

    تفصیلات کے مطابق طویل مدت سے جرمنی میں منعقد ہونے والے مقابلہ حسن کے فائنل میں انتظامیہ نے جس 28 سالہ خاتون کو ملکہ حسن کے ٹائٹل سے نوازا ہے وہ جرمنی کی ایک قابل پولیس افسر ہے۔

    غیر ملکی میڈیا کا کہنا ہے کہ جرمن شہر رسٹ کے یوروپارک میں منعقدہ مقابلہ حسن کے فائنل میں 15 خواتین پہنچی تھیں جن میں نادین بیئرنیز نے کامیابی حاصل کی۔

    جرمنی کی ملکہ حسن کا خطاب اپنے نام کرنے کے بعد نادین بیئریر کا کہنا تھا کہ ’آج میرا خواب حقیقت میں تبدیل ہوا ہے‘ اب میں ادارے سے ایک برس چھٹی کی درخواست دوں گی تاکہ اس دوران بحیثیت مسز جرمنی خدمات سر انجام دے سکوں۔

    ان کا کہنا تھا کہ ’میں گزشتہ دس برس سے پولیس میں خدمات انجام دے رہی ہوں، لیکن مسز جرمنی منتخب ہونے والے صورتحال مختلف ہوگی کیوں فیشن کی دنیا میں معروف شخصیت بننے کےبعد کئیں بھی ذمہ داری انجام دینا آسان نہیں ہوگا‘۔

    غیر ملکی میڈیا کا کہنا ہے کہ نادین بیئریر کا انتخاب ججز کی چار رکنی ٹیم نے کیا جس میں معروف برطانوی ڈانسر نیکیٹا تھومسن بھی شامل تھیں۔

    مقامی میڈیا کے مطابق ملکہ حسن منتخب ہونے والی بیئریر کو ایک برس کےلیے انتظامیہ کی جانب سے ایک گاڑی، بلامعاوضہ سفر کی سہولت اور ملبوسات بھی فراہم کیے جائیں گے۔

    غیر ملکی میڈیا کا کہنا ہے کہ مقابلہ حسن میں دوسری پوزیشن حاصل کرنے والی 23 سالہ طالبہ پریسیلا کلائن کا تعلق ہیمبرگ سے ہے۔

  • کیپ ٹاؤن: جنوبی افریقا نے پاکستان کو باآسانی شکست دے کر ون ڈے سیریز جیت لی

    کیپ ٹاؤن: جنوبی افریقا نے پاکستان کو باآسانی شکست دے کر ون ڈے سیریز جیت لی

    کیپ ٹاؤن: پاکستان اور جنوبی افریقا کے درمیان کھیلے جانے والے پانچویں ون ڈے میچ میں جنوبی افریقا نے پاکستان کو 7 وکٹوں سے شکست دے کر سیریز اپنے نام کرلی، ڈی کوک میچ کے بہترین کھلاڑی قرار پائے، امام الحق کو مین آف دی سیریز کا ایوارڈ دیا گیا۔

    تفصیلات کے مطابق پانچویں ون ڈے میچ میں پاکستان کی جانب سے دیا جانے والا 241 رنز کا ہدف جنوبی افریقا نے 40 اوورز میں باآسانی 3 وکٹوں کے نقصان پر حاصل کرلیا اور سیریز میں 3-2 سے کامیابی حاصل کرلی۔

    ہدف کے تعاقب میں جنوبی افریقا کی پہلی وکٹ 39 رنز پر گری جب ہاشم آملہ شاہین شاہ آفریدی کی گیند پر وکٹ کیپر رضوان کے ہاتھوں کیچ آؤٹ ہوئے۔

    جنوبی افریقا کے ڈی کوک ایل بی ڈبلیو آؤٹ ہوئے لیکن شنواری کی گیند نو بال ہونے کے سبب انہیں چانس ملا، چانس ملنے کے بعد کوئن ٹن ڈی کوک نے جارحانہ انداز اپنایا اور صرف 58 گیندوں پر 83 رنز کی شاندار اننگز کھیلی، انہیں شنواری نے ہی حسن علی کے ہاتھوں کیچ آؤٹ کرایا۔

    ہینڈرکس کو محمد عامر نے آؤٹ کیا، وہ 34 رنز بناسکے، جنوبی افریقی کپتان فاف ڈوپلیسی اور وین در ڈوسن نے بالترتیب 50 اور 50 رنز کی ناقابل شکست اننگز کھیلی۔

    پاکستان کی جانب سے شاہین شاہ آفریدی، عثمان شنواری اور محمد عامر ایک، ایک وکٹ حاصل کرسکے۔

    قبل ازیں پاکستان اور جنوبی افریقا کے درمیان پانچویں اور آخری ون ڈے میچ میں پاکستان نے مقررہ اوورز میں 240 رنز بنائے اور جنوبی افریقا کو جیت کے لیے 241 رنز کا ہدف دے دیا، فخر زمان نے 70 رنز کی شاندار اننگز کھیلی۔

    جنوبی افریقی کپتان فاف ڈوپلیسی نے ٹاس جیت کر پہلے فیلڈنگ کا فیصلہ کیا تو امام الحق صرف 8 رنز بنا کر ڈیل اسٹین کی گیند پر آؤٹ ہوکر پویلین روانہ ہوگئے۔

    قومی ٹیم کی دوسری وکٹ 64 رنز پر گری جب بابر اعظم 24 رنز بنا کر کلین بولڈ ہوگئے، محمد حفیظ 17 رنز بنا کر فلک کوائیو کی گیند پر ڈی کوک کو کیچ دے بیٹھے۔

    فخر زمان نے 73 گیندوں پر 70 رنز کی اننگز کھیلی انہیں فلک کوائیو نے آؤٹ کیا، کپتان شعیب ملک 31 رنز پر رن آؤٹ ہوئے، وکٹ کیپر محمد رضوان 10 رنز بنا کر پویلین لوٹ گئے۔

    لیگ اسپنر شاداب خان 19 رنز بنا کر آؤٹ ہوئے، فاسٹ بولر محمد عامر کو 6 رنز پر ربادا نے کلین بولڈ کیا، آل راؤنڈر عماد وسیم نے 47 رنز کی ناقابل شکست اننگز کھیلی۔

    جنوبی افریقا کی جانب سے فلک کوائیو اور پیٹروئس نے دو، دو وکٹیں حاصل کیں، ڈیل اسٹین، ملڈر اور ربادا کے حصے میں ایک، ایک وکٹ آئی۔

    جنوبی افریقی کرکٹ ٹیم کے کپتان نے بتایا کہ ٹیم میں دو تبدیلیاں کی گئی ہیں۔

    پاکستان کی قومی کرکٹ ٹیم کے کپتان شعیب ملک کا کہنا ہے کہ پاکستانی ٹیم میں کوئی تبدیلی نہیں کی گئی، وکٹ اچھی لگ رہی ہے۔

    کپتان شعیب ملک کا کہنا ہے کہ جنوبی افریقہ کی ٹیم بڑا ہدف دے کر ٹیم کو دباؤ میں ڈال سکتی ہے۔

    اسکواڈ پاکستانی ٹیم

    قومی ٹیم محمد حفیظ، بابر اعظم، امام الحق، کپتان شعیب ملک، شاداب خان، فخر زمان، رضوان احمد، عثمان شنواری، محمد عامر، عماد وسیم اور شاہین آفریدی پر مشتمل ہے۔

    جنوبی افریقا ٹیم اسکواڈ

    دوسری جانب جنوبی افریقہ کی ٹیم میں کوئنٹن ڈی کوک، کپتان فاف ڈوپلیسی، ہاشم آملہ، ریزا ہینڈرک، ریسی وین دیر ڈیسن، اینڈلے فلکوایو، پی ڈبلیو اے مولڈر، ڈیل اسٹین، کگیسورا بادا، ڈی پریٹورئس، اور عمران طاہر پرمشتمل ہے۔

    چوتھا ون ڈے، پاکستان نے جنوبی افریقا کو 8 وکٹوں سے شکست دے دی

    یاد رہے کہ دو روز قبل پاکستان اور جنوبی افریقہ کے درمیان کھیلے جانے والے چوتھے ون ڈے میچ میں پاکستان نے جنوبی افریقا کو چوتھے ون ڈے میچ میں 8 وکٹوں سے شکست دی تھی، عثمان شنواری کو شاندار کارکردگی پر میچ کا بہترین کھلاڑی قرار دیا گیا تھا۔

  • سوشل میڈیا کے بغیرصدرنہیں بن سکتا تھا‘ ڈونلڈ ٹرمپ

    سوشل میڈیا کے بغیرصدرنہیں بن سکتا تھا‘ ڈونلڈ ٹرمپ

    واشنگٹن : امریکی صدر ڈونلڈ ٹرمپ نے کہا کہ سوشل میڈیا نے الیکشن جتوانے میں اہم کرار ادا کیا، اس کے استعمال کے بغیر وہ الیکشن نہیں جیت سکتے تھے۔

    تفصیلات کے مطابق امریکی خبررساں ادارے کو انٹرویو دیتے ہوئے ڈونلڈ ٹرمپ نے کہا کہ صدارتی الیکشن میں جیت کا سہرا سوشل میڈیا کو جاتا ہے اس کے بغیر ان کا صدر بننا بہت مشکل تھا۔

    ڈونلڈ ٹرمپ نے کہا کہ مجھے کچھ بھی کہنا ہو تو میں سوشل میڈیا کے ذریعے کہہ دیتا ہوں اور براہ راست پیغام بھیجنے سے غیرشفاف میڈیا کوریج سے بچ جاتا ہوں۔

    امریکی صدر نے کہا کہ میرے بارے میں کوئی کچھ بھی کہتا ہے تو میں اس کا فوراََ جواب دے دیتا ہوں۔ انہوں نے کہا کہ موجودہ دور میں سوشل میڈیا پیغام رسانی کا بہت زبردست پلیٹ فارم ہے۔

    ڈونلڈ ٹرمپ کے ٹویٹس سیاست میں افراتقری پھیلا رہے ہیں‘ جان کیری

    یاد رہے کہ دو روز قبل سابق امریکی وزیر خارجہ جان کیری کا کہنا تھا کہ امریکی صدر ڈونلڈ ٹرمپ کے ٹویٹس کے ذریعے اہم اعلانات اور پالیسی بیانات دینے سے سیاست میں افراتفری پھیل رہی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔