ARYNews.tv | Urdu – Har Lamha Bakhabar

Tag: جیت لی

  • کراچی: فل میراتھون پشاور کے اسرار خٹک نے جیت لی

    کراچی: فل میراتھون پشاور کے اسرار خٹک نے جیت لی

    کراچی میں ہونے والی فل میراتھون 42 اعشاریہ ایک نو پانچ کلو میٹر پشاور کے اسرار خٹک نے جیت لی۔

    تفصیلات کے مطابق اسرار خٹک نے فل میراتھون میں پہلی پوزیشن حاصل کی ہے جنہوں نے فاصلہ دو گھنٹے 29 منٹ اور 58 سیکنڈز میں طے کیا۔

    فل میراتھون میں بہاولپور محمد ریاض دوسرے نمبر پر رہے، محمد ریاض نے فاصلہ دو گھنٹے 32 منٹ 10 سیکنڈز میں طے کیا، اس کے علاوہ ہاف میراتھون ساہیوال کے محمد اختر نے جیتی، محمد اختر نے 21 اعشاریہ پانچ کل 2 میٹر ایک گھنٹے 12 منٹ آٹھ سیکنڈ میں فاصلہ طے کیا۔

    ہاف میراتھون میں سیالکوٹ کے محمد قاسم نے دوسری پوزیشن حاصل کی، انہوں نے ایک گھنٹہ 12 منٹ 53 سیکنڈ فاصلہ طے کیا ان کے علاوہ اٹک کے محمد عثمان نے تیسری پوزیشن لی، محمد عثمان نے ایک گھنٹہ 14 منٹ 13 سیکنڈ میں طے فاصلہ کیا۔

    اس کے علاوہ گلگت کی ممتاز نعمت نے گرلز ٹائٹل جیت لیا، ممتاز نعمت نے 21 اعشاریہ 5 کلو میٹر کا فاصلہ ایک گھنٹہ 43 منٹ میں طے کیا۔

     واضح رہے کہ کراچی میں عالمی طور پر تسلیم شدہ میراتھون کا انعقاد سی ویو میں نشان پاکستان پر کیا گیا، میراتھون میں ورلڈ ایتھلیٹکس کی منظوری بھی حاصل ہے۔

  • پاکستان ویمنز ٹیم نے نیوزی لینڈ کے خلاف ٹی ٹوئنٹی سیریز جیت لی

    پاکستان ویمنز ٹیم نے نیوزی لینڈ کے خلاف ٹی ٹوئنٹی سیریز جیت لی

    پاکستان کی ویمنز ٹیم نے نیوزی لینڈ ویمنز ٹیم کے خلاف ٹی ٹوئنٹی سیریز دو ایک سے اپنے نام کرلی۔

    پاکستان اور نیوزی لینڈ ویمنز کرکٹ ٹیم کے درمیان کھیلا جانے والا تیسرا اور آخری ٹی ٹوئنٹی میچ ڈک ورتھ لوئس میتھڈ کے تحت کیویز نے اپنے نام کیا لیکن سیریز دو ایک سے پاکستان ویمن ٹیم نے جیت لیا۔

     بارش کے باعث یہ میچ مکمل نہ ہو سکا تیسرے اور آخری ٹی ٹوئنٹی میں نیوزی لینڈ ویمنز نے چھ رنز سے کامیابی حاصل کی۔

    پاکستان ویمنز نے پہلے کھیلتے ہوئے مقررہ اوورز میں پانچ وکٹ پر 137 رنز بنائے، 138رنز کے ہدف کے تعاقب میں نیوزی لینڈ ویمنز نے 15 اوورز میں دو وکٹ پر ایک سو ایک رنز بنائے۔

    لیکن خراب موسم اور بارش کے باعث میچ کو پہلے ختم کرنا پڑا، میچ کا فیصلہ ڈی ایل سسٹم کے تحت ہوا جس میں نیوزی لینڈ ویمنز ٹیم کو 6 رنز سے فتح حاصل ہوئی۔

    نیوزی لینڈ کی کھلاڑی سوزی بیٹس پلیئر آف دی میچ قرار پائیں جب کہ پاکستانی بولر فاطمہ ثنا نے پلیئر آف دی سیریز کا ایوارڈ حاصل کیا۔

  • 71 سالہ بھارتی خاتون نے 10 لاکھ ڈالر کی لاتری جیت لی

    71 سالہ بھارتی خاتون نے 10 لاکھ ڈالر کی لاتری جیت لی

    دبئی :اماراتی ریاست کے عالمی ہوائی اڈے پر لاٹری کا ٹکٹ خریدنے والی 71 سالہ بھارتی خاتون نے دس لاکھ امریکی ڈالر (15 کروڑ سے زائد پاکستانی روپے) انعام میں جیت لیے۔

    تفصیلات کے مطابق برسوں پہلے متحدہ عرب امارات کی ریاست دبئی میں آکر بس گئی تھیں، بھارتی خاتون نے ڈیوٹی فری لکی ڈرا ملینیئم ملینئر ٹکٹ سے خریدی گئی لاٹری سے ہی 10 لاکھ امریکی ڈالر زائد پاکستانی روپے اپنے نا م کرلیے۔

    اماراتی خبر رساں ادارے کا کہنا ہے کہ بھارتی جیادتّا منگل کے روز ٹکٹ نمبر0993سے انعام میں لاکھوں امریکی ڈالر تر م رقم جیت پر کروڑ پتی بنی تاہم انہیں اس بات پر یقین نہیں آرہا تھا اور دبئی لاٹری فری ٹکٹ انتظامیہ کے نمائندے کی کال پر کہا کہ ’کیا یہ سچ ہے کہ میں جیت گئی‘۔

    جیا دتّا کا کہنا تھا کہ ’میں دبئی میں ملینیئم ملینئر ٹکٹ ڈیوٹی فری لاٹری کمپنی کی شکر گزار ہوں، میں نے متعدد بار ٹکٹ خریدا ، پھر مجھے خیال آیا کہ شاید میں بد نصیب ہوں لیکن ہھر بھی مسلسل ٹکٹ خریدتی رہی ہوں اور اب دعاؤں نے مجھے جیت وایا ہے‘۔

    جیا نے بتایا کہ میں سنہ1993 میں دبئی آئی تھی اور سنہ 1993 میں دبئی ڈیوٹی فری لاٹری کا آغاز ہونے کے بعد سے مسلسل لاٹری خرید رہی ہوں، مجھے یقین نہیں آرہا تھا، میں بہت جذباتی ہوں۔

    ان کا کہنا تھا کہ میں ایک میٹنگ کے دوران پانی پہنے اٹھی تو میرے موبائل پر ڈی ڈی ایف کے عملے کی کال آئی، مجھے لگا جیسے مذاق ہورہا ہےلیکن اس شخص نے دعویٰ کیا کہ میں دس لاکھ امریکی ڈالر جیت چکی ہوں۔

    یہ لمحہ میرے لیے ناقابل برداشت تھا، میں نے فوراً اپنے شوہر کو ممبئی میں موجود ہیں اور لاٹری سے متعلق آگاہ کیا۔

    انہوں نے بتایا کہ میں نے اپنی والدہ کو کال نہیں کی لیکن میں اسی ماہ بھارت کا دورہ کروں گی تاکہ اپنی والدہ کواپنی والدہ کو اپنی جیت سے آگاہ کرسکوں۔

  • دو غیر ملکیوں‌ نے دبئی میں 10 لاکھ ڈالر کی لاٹری جیت لی

    دو غیر ملکیوں‌ نے دبئی میں 10 لاکھ ڈالر کی لاٹری جیت لی

    دبئی انٹرنیشنل ایئرپورٹ پر دو غیر ملکی شہریوں نے دس لاکھ امریکی ڈالر کی (12 کروڑ سے زائد پاکستانی روپے) لاٹری جیت لی۔

    تفصیلات کے مطابق روزگار کے لیے بیرون ملک مقیم آئرش اور کینیڈین شہری نے دبئی انٹرنیشنل ایئر پورٹ کے ڈیوٹی فری لکی ڈرا سے خریدی گئے لاٹری ٹکٹ سے 10 لاکھ امریکی ڈالر کی انعامی رقم اپنے نام کرلی۔

    اماراتی خبر رساں ادارے کا کہنا ہے کہ قسمت بدلنے کا لاٹری ٹکٹ 37 سالہ مختار نامی کینیڈین نے ٹینس ولیج سے دبئی ڈیوٹی فری ٹینس چیمپیئن شپ کے دوران خرید تھا۔

    مقامی میڈیا کا کہنا ہے کہ گزشتہ 27 برسوں سے دبئی کے رہائشی کینیڈین مختار پر دس لاکھ امریکی ڈالر جیتنے کی خبر سن کر بیک وقت تذبذب اور خوشی کے حالت طاری تھی۔

    اماراتی میڈیا کا کہنا ہے کہ مختار دبئی میں رئیل اسٹیٹ کا کام کرتے ہیں اور گزشتہ دس برسوں مسلسل لاٹری کا ٹکٹ خرید رہے تھے۔

    مختار کا کہنا تھا کہ ’شکریہ دبئی ڈیوٹی فری حیرت انگیز سنانے پر‘میں گزشتہ 10 سال سے آپ کی پروموشن کا حصّہ بن رہا ہوں اور یہ میرے لیے سب سے اچھا سرپرائز ہے، مجھے یقین نہیں آرہا کہ باالاآخر میں جیت گیا‘۔

    ایک ملین ڈالر کے مالک بننے والے دوسرے خوش نصیب آئرش شہری مائیکل مکگنلی ہیں جنہیں دبئی ڈیوٹی فری کے آغاز سے اب تک ایک ملین ڈالر جیتنے والے آئرش شہری ہونے کا اعزاز حاصل ہوا ہے۔

    مزید پڑھیں : دبئی : اردن کے شہری نے 10 لاکھ امریکی ڈالر کی لاٹری جیت لی

    یاد رہے کہ دو ماہ قبل ملازمت کے سلسلے میں متحدہ عرب امارات کا سفر کرنے والے اردنی شہری نے 19 برس بعد دبئی کے عالمی ہوائی اڈے پر ڈیوٹی فری ملینیئر لاٹری سے 10 لاکھ امریکی ڈالر جیتے تھے۔

    اماراتی میڈیا کا کہنا ہے کہ 48 سالہ مروان طہٰ جب بھی دبئی کا سفر کرتا تھا ڈیوٹی فری ریفل لاٹری کا ٹکٹ خریدتا تھا اور سنہ 1999 سے اب تک 300 ٹکٹ خرید چکا تھا۔

  • برطانیہ: عمر رسیدہ جوڑے نے 5 کروڑ پاؤنڈ سے زائد کی رقم جیت لی

    برطانیہ: عمر رسیدہ جوڑے نے 5 کروڑ پاؤنڈ سے زائد کی رقم جیت لی

    لندن : برطانیہ کے شہری فریڈ ہیگنز  اور ان کی اہلیہ لیزلی ہیگنز نے اپنی ناقابل یقین قسمت کے باعث پھٹے ہوئے لاٹری ٹکٹ سے 5 کروڑ 79 لاکھ پاؤنڈ کی رقم جیت لی۔

    تفصیلات کے مطابق برطانوی ریاست اسکاٹ لینڈ کے شہر ابرڈین کے نزدیک واقع ایک گاؤں میں مقیم فریڈ ہیگنز اپنا لاٹری کا ٹکٹ چیک کروانے کے لیے قریبی سپراسٹور پر گئے، جہاں اسٹور پر موجود سائئن گرانٹ نامی 18 سالہ نوجوان اسٹنٹ نے ٹکٹ لاٹری مشین سے چیک کرنے کے بعد پھاڑ کر کچرے کے ڈبّے میں ڈال دیا۔

    غیر ملکی خبر رساں ادارے کا کہنا تھا کہ فریڈ نے لاٹری مشین اسٹنٹ سے ٹکٹ پھاڑنے کی وجہ پوچھی کو نوجوان نے بتایا کہ آپ کےٹکٹ پر کوئی انعام نہیں نکلا تاہم اسی دوران لاٹری مشین سے ایک کاغذ باہر نکلا جس پر تحریر تھا کہ مذکورہ ٹکٹ کو سنبھال کر رکھا جائے۔

    لاٹری مشین چلانے والے نوجوان نے پھٹا ہوا ٹکٹ کچرے کے ڈبّے سے نکال کر فریڈ کے حوالے کردیا،، جس کے اگلے روز فریڈ ہیگنز اور ان کی اہلیہ لیزلی ہیگنز کو 5 کروڑ 79 لاکھ 75 ہزار 367 سو پاؤنڈ کی خطیر جیتنے کی ناقابل یقین خوش خبری ملی۔

    غیر ملکی خبر رساں ادارے کا کہنا تھا کہ دی نیشنل نامی لاٹری کمپنی نے 67 سالہ فریڈ ہیگنز اور ان کی 57 سالہ اہلیہ لیزلی ہیگنز کو ایک تقریب کے دوران ان کی جیتی ہوئی رقم چیک کے ذریعے ہیگنز کے حوالے کی۔

    اوڈی کی سیلز ایڈمنسٹریشن سے ریٹائرڈ ہونے والے فریڈ ہیگنز کا کہنا تھا کہ ’مجھے یقین نہیں آرہا کہ میں اتنا خوش قسمت ہوں، جس نے گھر بیھٹے کروڑوں پاؤنڈ کما لیے‘۔

    غیر ملکی خبر رساں ادارے کے مطابق برطانوی شہری فریڈ ہیگنز کا کہنا ہے کہ ٹکٹ دو سے زیادہ حصّوں میں تقسیم ہوچکا تھا تاہم پھر بھی اس پر درج نمر واضح طور پر دیکھے جاسکتے تھے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • جمہوریہ چیک :اسپین کے دانی پیڈروسا نے موٹو جی پی ریس جیت لی

    جمہوریہ چیک :اسپین کے دانی پیڈروسا نے موٹو جی پی ریس جیت لی

    جمہوریہ چیک: اسپین کے دانی پیڈروسا نے جمہوریہ چیک میں ہونے والی موٹو جی پی ریس جیت لی، ہانڈا کے مارک مارکیوز چیمپئین شپ ٹیبل پر سرفہرست ہیں۔

    جمہوریہ چیک میں ہونے والی ریس کا آغاز چیمپئین شپ لیڈر اسپین کے مارک مارکیوز نے پولی پوزیشن سے کیا لیکن وہ مسلسل گیارہویں ریس میں کامیابی کے جھنڈے نہیں گاڑ سکے، لورینزو کے ہم وطن دانی پیڈروسا نے تمام حریفوں کو پیچھے چھوڑتے ہوئے ریس اپنے نام کی۔

    پیڈروسا نے مقررہ فاصلہ بیالیس منٹ سینتالیس اعشاریہ آٹھ سیکنڈز میں طے کیا، یاماہا کے جارج لورینزو دوسرے اور اٹلی کے ویلنٹینو روسی تیسرے نمبر پر رہے۔

    چوتھے نمبر پر آنے کے باوجود اسپین کے مارک مارکیوز چیمپئین شپ ٹیبل پر دو سو تریسٹھ پوائنٹس کے ساتھ لیڈ کررہے ہیں، سیزن کی ابتدائی دس موٹو جی پی میں مارکیوز کامیاب رہے۔