Tag: جیل بھرو تحریک

لاہور : پاکستان تحریک انصاف کی جیل بھرو تحریک میں 22فروری سےیکم مارچ تک روزانہ 200کارکنان گرفتاریاں دیں گے۔

تفصیلات کے مطابق کے مطابق پاکستان تحریک انصاف نے جیل بھرو تحریک کا شیڈول جاری کر دیا۔

جس کے تحت 22 فروری سے یکم مارچ تک روزانہ 200کارکنان گرفتاریاں دیں گے۔

سابق اراکین قومی وصوبائی اسمبلی کا6رکنی گروپ بھی گرفتاری دےگا ، گرفتاریاں نہ ہونے کی صورت میں کارکنان،ارکان مقررہ مقام پردھرنا دیں گے۔

شیڈول کے مطابق 22 فروری کو شاہراہِ قائداعظم لاہور پر ، 23فروری کو پشاور 24 کو راولپنڈی ، 25فروری کو ملتان اور 26 فروری کو گوجرانوالہ کے کارکنان گرفتاری دیں گے۔

شیڈول میں بتایا گیا کہ 27 فروری کو سرگودھا ،28 فروری کوساہیوال اور یکم مارچ کو فیصل آباد میں کارکنان کی جانب سے رضاکارانہ گرفتاری دی جائےگی۔

22 فروری کو لاہورمیں رضاکارانہ گرفتاری کے لیے کارکنان کی فہرست تیار کرلی گئی ہے ، لاہورمیں عمرسرفرازچیمہ،ارکان اسمبلی کے گروپ کے ہمراہ گرفتاری دیں گے۔

لاہور سے تعلق رکھنے والے سابق ارکان کےناموں پر مشاورت جاری ہے ، رضاکارانہ گرفتاری دینےوالے ارکان کےناموں کی حتمی منظوری عمران خان دیں گے۔

لاہور : خواتین بھی عمران خان کی جیل بھرو تحریک کا حصہ بننے اور گرفتاریاں دینے کو تیار ہے، خواتین قائدین کا کہنا ہے کہ قوم کی مائیں، بہنیں اور بیٹیاں تحریک میں قائدکے شانہ بشانہ ہیں۔

تفصیلات کے مطابق چیئرمین تحریک انصاف عمران خان سے خواتین قائدین و کارکنان کے بڑے وفد کی ملاقات ہوئی۔

جس میں خواتین نے جیل بھرو تحریک میں صفِ اوّل میں کردار ادا کرنے اور گرفتاریاں دینے کا حلف اٹھایا۔

خواتین قائدین نے کہا کہ قوم کی مائیں، بہنیں اور بیٹیاں تحریک میں قائدکے شانہ بشانہ ہیں،25مئی کےلانگ مارچ میں خواتین نےریاستی جبر کاہمت سے سامنا کیا، ہمیشہ کیطرح جیل بھرو تحریک میں بھی صف اوّل میں کردار ادا کرنا چاہیں گی۔

اس موقع چیئرمین تحریک انصاف نے خواتین کارکنان کے جوش و جذبے کوسراہتے ہوئے کہا پرامن جمہوری جدوجہد سےملک کو بحرانوں سے نکالنے کی کوشش کررہے ہیں ،خواتین کارکنان نے سیاسی جدوجہد کے ہر مرحلے پر نہایت مؤثر کردار ادا کیا۔

عمران خان کا کہنا تھا کہ قومی سطح پر ذہن سازی،مکالمے میں خواتین کا کردار کلیدی حیثیت کا حامل ہے، خواتین کارکنان حقیقی آزادی کا پیغام گھر گھر لیکر جائیں، خواتین کارکنان قوم کو قانون کی بالادستی کیلئے تیار کریں۔

پاکستان تحریک انصاف (پی ٹی آئی) کے رہنما فواد چوہدری نے کہا ہے کہ عمران خان کی طبیعت ٹھیک ہوتے ہی جیل بھرو تحریک شروع کرنگے۔

ایک بیان میں  پی ٹی آئی کے رہنما فواد چوہدری کا کہنا تھا کہ پی ٹی آئی نے کرپشن فری حکومت کی ہے، کسی پر بھی کرپشن کا کوئی الزام نہیں ہے۔

انہوں نے کہا کہ پیپلز پارٹی اور ن لیگ کے لوگوں کو شرم آنی چائیے، بغیر وارنٹ کے لوگوں کو گرفتار کیا جا رہا ہے، اس وقت بے شرم لوگوں کی حکومت ہے۔

فواد چوہدری کا کہنا تھا کہ اسمبلی ٹوٹے 20 دن ہو گئے، آئین کے مطابق الیکشن ہونے ہیں لیکن اعلان نہیں کئے جا رہے، الیکشن روکنے کیلئے کوئی بھی اپنی رائے دے گا تو اس پرآرٹیکل 6  لگے گا۔