Tag: جیل

  • گوانتا نامو جیل کے بعد: دکھ اور اذیت ناک یادوں کی داستان

    گوانتا نامو جیل کے بعد: دکھ اور اذیت ناک یادوں کی داستان

    کابل: ان 2 افغان دوستوں نے بدترین اور اذیت ناک مظالم کے حوالے سے جانی جانے والی بدنام زمانہ امریکی جیل گوانتا نامو میں ایک ساتھ دن گزارے، ایک جیسے مظالم سہے، ایک جیسی اذیتوں سے گزرے، لیکن رہائی کے بعد دونوں نے الگ الگ انتہاؤں پر واقع دو مختلف راستے چنے۔

    ایک دوست نے داعش میں شمولیت اختیار کرلی، جبکہ دوسرا امریکی سرپرستی میں سرگرم اس افغان فوج میں شامل ہوگیا جو شدت پسندوں کی سرکوبی کے لیے برسر پیکار ہے۔

    یہ کہانی حاجی غالب اور عبد الرحیم مسلم دوست نامی دو دوستوں کی ہے۔ 5 سال تک گوانتا نامو میں قید رہنے والا حاجی غالب بھیگی آنکھوں کے ساتھ کہتا ہے، ’گوانتا نامو اس زمین پر بدترین جگہ ہے‘۔

    وہ کہتا ہے، ’ہر روز میں اپنے آپ سے وہی سوالات بار بار پوچھتا ہوں، مجھے کیوں قید کیا گیا تھا؟ میری زندگی کے 5 قیمتی سال کیوں برباد کیے گئے؟ کیا اس کا کوئی انصاف، کوئی کفارہ ہوسکتا ہے‘؟

    مزید پڑھیں: افغان قیدی خواتین کی دردناک داستان

    سنہ 2003 تک غالب افغان پولیس میں اپنی خدمات سر انجام دے رہا تھا۔ وہ ایک طالبان دشمن کمانڈر کے طور پر مشہور تھا۔ پھر اچانک اس پر کچھ مشکوک سرگرمیوں اور باغیوں سے رابطوں کا الزام لگایا گیا۔

    افغان حکام نے نہایت ذلت آمیز طریقے سے غالب کو اس کی نوکری سے برخاست کیا، اس کا یونیفارم سر عام پھاڑ کر اتارا گیا اور بعد ازاں اسے گوانتا نامو بھیج دیا گیا۔ سال پر سال گزرتے گئے، یہاں تک کہ سنہ 2007 میں امریکی فوج کو یقین ہوگیا کہ غالب کا طالبان یا القاعدہ سے کوئی تعلق نہیں۔

    afghan-2

    جب وہ آزاد فضا میں واپس آیا تو منتقم جذبات کے ساتھ اس نے ان کے خلاف لڑنے کا فیصلہ کیا جو اس کی اصل بربادی کے ذمہ دار تھے، یعنی طالبان اور داعش۔ اس کی غیر موجودگی میں داعش نامی عفریت بھی افغانستان میں اپنی جڑیں مضبوط کر رہا تھا۔

    غالب کو پتہ چلا کہ 2 سال قبل رہا کیا جانے والا اس کا دوست عبد الرحیم اب افغان صوبے ننگر ہار میں داعش کا اعلیٰ عہدے دار تھا۔

    عبد الرحیم کے ساتھ گوانتا نامو میں گزارے گئے دنوں کو یاد کرتے ہوئے غالب بتاتا ہے، ’عبد الرحیم میں خداد قائدانہ صلاحیتیں موجود تھیں۔ قید کے دوران اس کا زیادہ تر وقت عبادت کرتے ہوئے اور قیدیوں کو جہاد کی تعلیم دیتے ہوئے گزرتا تھا۔ اس کا وعظ سن کر قیدی زار زار روتے تھے‘۔

    مزید پڑھیں: داعش کے ظلم کا شکار عراقی خاتون اقوام متحدہ کی خیر سگالی سفیر

    غالب کے مطابق عبد الرحیم شاعر بھی تھا۔ جیل میں لکھنے کے لیے کوئی شے میسر نہیں تھی، لہٰذا عبد الرحیم چائے کے کپوں پر اپنے اشعار لکھا کرتا تھا۔

    عبد الرحیم جیسے اور بھی کئی قیدی تھے جو شاعری کیا کرتے تھے۔ ایک امریکی پروفیسر مارک فالکوف نے ان کی شاعری کو جمع کر کے ایک کتاب ’پویمز آف گوانتا نامو‘ بھی ترتیب دی۔

    اس کتاب میں عبد الرحیم کا ایک شعر درج ہے، ’غور کرو! کوئی شخص اپنے آپ کو یا کسی دوسرے کو مارنے پر کیوں مجبور ہوتا ہے؟ کیا جبر، جبر کرنے والے کے خلاف انتقام پر مجبور نہیں کرتا‘؟

    غالب کا ایک اور عزیز اس کے ساتھ گوانتا نامو میں قید تھا۔ وہاں سے آزادی حاصل کرنے کے بعد اب وہ اپنے آبائی پیشے زراعت کی طرف لوٹ چکا ہے۔ وہ کہتا ہے، ’گوانتا نامو دہشت گردی کی کیاری ہے۔ یہ عبدالرحیم جیسے جنونیوں کے جنون کے مہمیز کرنے اور انہیں منطقی بنانے کا سبب بنتی ہے‘۔

    گوانتا نامو کے بے گناہ قیدی

    سنہ 2002 میں قائم کیے جانے والے اس قید خانے میں نصف سے زائد قیدی افغان ہیں۔ ان قیدیوں پر غیر انسانی ظلم و ستم کے پہاڑ توڑے جانے کے بعد معلوم ہوا کہ ان میں سے اکثر کسی غلط فہمی یا محض شک کی بنا پر اٹھائے گئے تھے۔ کچھ ایسے بھی تھے جن کے دیرینہ دشمنوں نے ذاتی دشمنی کی بنا پر حکام کو گمراہ کن معلومات فراہم کیں کہ ان کا طالبان سے رابطہ ہے۔

    گو سابق صدر بارک اوباما نے گوانتا نامو کو بند کرنے کا اعلان کیا تھا تاہم موجودہ صدر ٹرمپ ایسا کوئی ارادہ نہیں رکھتے، بلکہ وہ اس جیل خانے میں مزید توسیع کر کے اس میں نئے قیدی بھرنا چاہتے ہیں۔

    غالب کہتے ہیں، ’امریکا بے شک گوانتا نامو جیل کو ایک ضرورت سمجھتا ہو، لیکن اسے محب وطن افراد اور شدت پسندوں کے درمیان فرق کو سمجھنا ہوگا۔ ہر افغان محب وطن اپنے ملک میں غیر ملکی مداخلت کو ناپسند کرتا ہے، لیکن ضروری نہیں کہ وہ دہشت گردی کی بھی حمایت کرتا ہو‘۔

    afghan-3

    خود غالب بھی طالبان سے سخت نفرت کرتا ہے اور وہ ان کے خلاف لڑنے والی ہر طاقت کا ساتھ دینے کو تیار ہے۔ لیکن اس عزم کی اسے نہایت المناک قیمت چکانی پڑی۔

    سنہ 2013 میں طالبان نے اس کے بھائی کو اس وقت قتل کردیا جب وہ صوبہ ننگر ہار میں ایک ہائی وے پروجیکٹ کی نگرانی پر معمور تھا۔ اس کے صرف چند ہفتوں بعد جب ایک دن اس کا خاندان اس کے بھائی کی قبر پر جمع تھا، طالبان کی جانب سے وہاں نصب کیا ہوا بم پھٹ گیا جس میں غالب کی 2 بیویوں سمیت اس کے خاندان کے 18 افراد مارے گئے۔

    وہ کہتا ہے، ’عبدالرحیم اور اس جیسے افراد غیر ملکیوں کے خلاف لڑ رہے ہیں، لیکن وہ افغانیوں کو ہی ختم کر رہے ہیں۔ میرا جب بھی اس سے سامنا ہوگا، میں اسے زندہ نہیں جانے دوں گا‘۔

  • جرائم سے پاک ملک کا جیلوں کو بند کرنے کا فیصلہ

    جرائم سے پاک ملک کا جیلوں کو بند کرنے کا فیصلہ

    کسی بھی ملک میں جیلوں کا قیام اس ملک کے امن و امان کو قائم رکھنے کے لیے ضروری ہوتا ہے۔ لیکن کیا کوئی ملک ایسا بھی ہے جسے جیلوں کی کوئی ضرورت ہی نہیں کیونکہ اس ملک میں مجرم ہی موجود نہیں؟

    دنیا میں ایک ملک ضرور ایسا ہے جہاں اس قدر امن و امان ہے کہ وہ ملک اپنی جیلوں کو بند کرنے جارہا ہے۔ یہ کام یورپی ملک نیدر لینڈز میں کیا جارہا ہے۔

    prison-2

    ایک طرف تو یورپ کا ہی ملک برطانیہ اپنی جیلوں میں رش سے پریشان ہے اور نئی جیلیں بنانے پر غور کر رہا ہے۔ مگر دوسری طرف یورپ کے ہی ملک نیدر لینڈز میں جرائم کی سطح صفر سے بھی کم ہوگئی ہے اور وہاں کی تمام جیلوں کو مکمل طور پر بند کیا جارہا ہے۔

    اس کام کا آغاز سنہ 2009 سے شروع کیا گیا جب پہلے مرحلے میں 8 جیلوں کو بند کیا گیا۔ اس کے بعد سنہ 2014 میں 19، اور گزشتہ برس 2016 میں 5 جیلوں کو بند کیا گیا۔

    ملک میں مجرموں اور جرائم کا خاتمہ ایک مثالی صورتحال تو ہے لیکن اس اقدام سے نیدر لینڈز کی ان جیلوں میں کام کرنے والے 19 سو ملازمین بھی بے روزگار ہوجائیں گے۔

    prison-3

    نیدر لینڈز کی حکومت انصاف کا کہنا ہے کہ معاشرتی لحاظ سے یہ بہترین پہلو ہے، لیکن اگر آپ جیلوں میں کسی قسم کی نوکری کرتے ہیں تو ظاہر ہے یہ آپ کے لیے افسوس ناک امر ہے۔

    واضح رہے کہ نیدر لینڈز اس سے قبل اپنی جیلوں میں بہترین سہولیات دینے کے حوالے سے مشہور ہے۔ نیدر لینڈز کی اکثر جیلیں قیدیوں کو بہترین رہائش، کھانا پینا اور دیگر تمام سہولیات فراہم کرتی تھیں تاہم اب اس سلسلے کو ختم کیا جارہا ہے۔

  • برازیل، جیل میں دو گروہ میں تصادم، 27 قیدی جاں بحق

    برازیل، جیل میں دو گروہ میں تصادم، 27 قیدی جاں بحق

    برازیل: برازیل کی جیل میں قیدیوں کے 2 گروہوں کے درمیان خوفناک جھڑپ کے نتیجے میں27 سے زائد قیدی ہلاک ہوگئے ہیں۔

    غیرملکی خبر رساں اداے کے مطابق برازیل کی شمال مشرقی ریاست کے شہر نٹال کی جیل میں قید 2 گروہوں کے درمیان ہفتے کی رات شروع ہونے والے خونی تصادم کے نتیجے میں 27 سے زائد قیدی ہلاک ہوگئے جب کہ تین قیدیوں کے سر بھی قلم کئے گئے ہیں۔

    جیل حکام کے مطابق دو الگ الگ منشیات فروش گروہوں کے ارکان جیل کے مختلف حصوں سے باہر آئے اور آپس میں جھگڑ پڑے، دونوں جانب سے چھریوں، لاٹھیوں اور لوہے کی راڈوں کے آزادانہ استعمال کے باعث جیل میدان جنگ کا منظر پیش کرنے لگا۔

    جیل حکام 14 گھنٹے تک خونی تصادم کو روکنے میں یکسر ناکام رہے تاہم 14 گھنٹوں بعد اضافی نفری کی مدد سے پولیس نے حالات پر قابو پالیا اور شدید زخمی ہونے والے قیدیوں کو سخت حفاظتی حصار میں اسپتال منتقل کیا جب کہ معمولی زخمیوں کو جیل میں ہی طبی امداد دی گئی۔

    ذرائع کے مطابق زخمیوں کی حالت نہایت نازک ہے جس کے باعث ہلاکتوں میں اضافے کا خدشہ ظاہر کیا جا رہا ہے ، پولیس نے مقدمہ درج کر کے واقعے کی تحقیقات کا آغاز کردیا گیا ہے۔

  • امریکی باکسر کوہنگامہ آرائی کرنے پرجیل بھیج دیاگیا

    امریکی باکسر کوہنگامہ آرائی کرنے پرجیل بھیج دیاگیا

    واشنگٹن :عالمی باکسنگ چیمپیئن ٹیرنس بڈ کروفرڈ کو گاڑیوں کی ورکشاپ میں ہنگامہ کرنے پرجیل بھیج دیاگیا۔

    تفصیلات کےمطابق گزشتہ روز امریکی باکسر کے مقدمے کی سماعت ہوئی،جہاں جج نے عالمی باکسنگ چیمپیئن کو 3 ماہ قید کی سزا سنائی اور اس کے ساتھ انہیں کمیونٹی سروس کے لیے120 گھنٹے صرف کرنے کاحکم دیا۔

    امریکی باکسر کے مقدمے کی سماعت کے دوران جج کا کہناتھا کہ آپ مسلسل ایسا برتاؤ کررہے ہیں جیسے آپ قانون سے بالاتر ہیں لیکن ایسا نہیں ہے۔

    خیال رہے کہ امریکی باکسر نے رواں سال اپریل میں نیبراسکا میں واقع ایک ورکشاپ کے مالک کے ساتھ جھگڑا کیا تھا جب ان کی گاڑی کو پینٹ کیا جا رہا تھا۔

    انہوں نےگاڑی پر پینٹ کروانے کے بعد یہ کہہ کر ورکشاپ کے مالک کو پوری رقم ادا نہیں کہ وہ ورکشاپ کی سروس سے خوش نہیں تھے۔

    واضح رہے کہ امریکی باکسر نے اپنی سزا سے صرف پانچ دن پہلے جان ملینا کو شکست دے کر ڈبلیو بی سی اور ڈبلیو بی او کے ٹائٹلز کا دفاع کیا تھا۔

  • فیصل رضاعابدی کوجوڈیشل ریمانڈ پر جیل بھیج دیا گیا

    فیصل رضاعابدی کوجوڈیشل ریمانڈ پر جیل بھیج دیا گیا

    کراچی : پیپلزپارٹی کے سابق رہنماوسینیٹر فیصل رضاعابدی کو انیس نومبر تک جوڈیشل ریمانڈ پر جیل بھیج دیا گیا۔

    تفصیلات کےمطابق جمعے کی شب کراچی کے علاقےرضویہ سوسائٹی سے قانون نافذ کرنے والے اداروں نے فیصل رضا عابدی کو گرفتار کیا تھا۔ اور آج صبح انہیں کراچی کی جوڈیشل مجسٹریٹ ملیر کی عدالت میں میں پیش کیا گیا۔

    عدالت نےپیپلزپارٹی کے سابق رہنماوسینیٹر فیصل رضا عابدی کو 19 نومبر تک کے لیے جوڈیشل ریمانڈ پر جیل بھیج دیا۔

    پولیس حکام کے مطابق فیصل رضا عابدی کے گھرسے ملنے والے اسلحے میں سے ایک ایس ایم جی لائسنس پیش نہیں کیا گیاجس کا مقدمہ تھانہ سچل میں درج کیا گیا ہے۔

    مزید پڑھیں:قانون نافذ کرنے والےاداروں کی کارروائی،علامہ مرزا یوسف زیرحراست

    واضح رہے کہ گزشتہ شب کراچی کے علاقے ناظم آباد میں سیکیورٹی اداروں نےجامعہ مسجد نو رِ ایمان کےخطیب علامہ مرزا یوسف حسین کو بھی حراست میں لے لیا تھا اور انہیں تفتیش کےلیے نامعلوم مقام پر منتقل کردیاگیاتھا۔

     

  • ہیٹی میں جیل سے174قیدی فرار

    ہیٹی میں جیل سے174قیدی فرار

    پورٹ او پرنس: ہیٹی حکومت کا کہنا ہے کہ دارالحکومت پورٹ او پرنس سے 45 کلو میٹر مسافت پر واقع جیل سے 174 قیدی فرار ہو گئے۔

    تفصیلات کےمطابق ہیٹی حکام کا کہنا ہے کہ ان قیدیوں نے جیل سے فرار ہونے سے پہلےاسلحہ چرایا اور فائرنگ کرکے ایک سیکورٹی اہلکار کو ہلاک کردیاجبکہ جوابی فائرنگ میں ایک قیدی بھی مارا گیا۔

    h1

    ہیٹی حکومت کےمطابق جیل سے فرار ہونے والے قیدیوں کی تلاش کا کام اقوم متحدہ کے امن اہلکاروں کے تعاون سے جاری ہے اور بہت جلد مفرور قیدی پولیس کی گرفت میں ہوں گیں۔

    h2

    سماجی رابطے کی ویب سائٹ ٹوئٹر پر حکومت نے اپنے پیغام میں قیدیوں کے جیل سے فرارہونے کی مذمت کی ہے۔

    h3

    وزیر انصاف کیملے ایڈورڈ جونیئر کا کہناہےکہ ایک اہلکار واقعے کے دوران مارا گیا جبکہ تین قیدی زخمی ہوئے جن میں سے ایک زخموں کی تاب نہ لاتے ہوئے ہلاک ہو گیا۔انہوں نے مزید کہا کہ فرار ہونے والے قیدیوں میں سے گیارہ کودوبارہ گرفتار کیا جاچکا ہے۔

    h4

  • کبھی نہیں چاہوں گا سلمان خان جیل جائے،سنجے دت

    کبھی نہیں چاہوں گا سلمان خان جیل جائے،سنجے دت

    ممبئی: بالی وڈ اداکار سنجے دت اور سلمان خان کی دوستی دشمنی میں تبدیل ہونے کی خبریں ایک طویل عرصے سے میڈیا میں گردش کررہی ہیں تاہم سنجے دت نے ان تمام کی خبروں کی تردید کرتے ہوئے کہا کہ جیل کی زندگی آسان نہیں اور کبھی نہیں چاہوں گا سلمان جیل جائے.

    تفصیلات کے مطابق بالی ووڈ اسٹار سنجے دت کا اپنی 57 ویں سالگرہ کے موقع پر سلمان خان کو اپنا چھوٹا بھائی بولتے ہوئے کہنا تھا کہ ’سلمان میرے چھوٹے بھائی کی طرح ہیں،خدا نے انہیں زندگی میں بےحد ترقی دی ہے،میں لوگوں سے گزارش کرتا ہوں کہ غلط خبریں نہ پھیلائیں،ہم دونوں اپنے کام میں مصروف ہیں‘.

    SANJAY DUTT POST 1

    سنجے دت نے کہا کہ جیل کی زندگی آسان نہیں اور میں کبھی نہیں چاہوں گا کہ سلمان جیل جائے جب کہ اس کے مقدمات سے بری ہونے پرخوش ہوں.

    *ممبئی : سلمان خان میرا چھوٹا بھائی ہے،سنجے دت

    اس سے قبل گزشتہ دنوں بالی ووڈ میں سنجو بابا کے نام سے مشہور اداکار سنجے دت نے سلمان خان سے اختلافات کی تمام خبروں کی تردید کرتے ہوئے کہا تھا کہ بالی ووڈ کے سلطان ان کے چھوٹے بھائی ہیں.

    یاد رہے کہ حال ہی میں سلمان خان کو 1998 میں قائم کیے گئے نایاب ہرن کے شکار کے مقدموں سے باعزت بری کردیا گیا.

    واضح رہے کہ 56 سالہ سنجے دت کو 1993 کے ممبئی حملہ کیس میں غیر قانونی ہتھیار رکھنے کا الزام ثابت ہونے پرمارچ 2013 میں ہندوستان کی سپریم کورٹ کی جانب سے پانچ سال قید کی سزا سنائی گئی تھی، تاہم یرواڈا کی جیل انتظامیہ کے ساتھ اچھے رویے کے باعث سنجے کو رواں برس 25 فروری کو رہا کردیا گیا تھا.

  • بالی ووڈ کے 10 ایسے ستارے جو جیل کی ہوا کھا چکے ہیں

    بالی ووڈ کے 10 ایسے ستارے جو جیل کی ہوا کھا چکے ہیں

    شہرت اور پُرتعیش زندگی کو ہضم ہر کسی کے بس کی بات نہیں، یہی وجہ ہے جب کوئی مشہور اور انتہائی دولت مند ہوتا ہے تو اصل رنگ دکھانے لگتا ہے۔ کچھ ایسے ہی بالی ووڈ کے 10متنازعہ سٹار ز کے بارے میں آپ کے بتاتے ہیں جنہیں جیل کی ہوا کھانی پڑی ۔

    اکشے کمار

    Bollywood

    بالی ووڈ سپر سٹار اکشتے کمار کو مارچ 2009 میں ایک تقریب کے دوران بیہودہ حرکات کرنے پر گرفتار کیا گیا تھا ۔مارچ 2009 میں لکمی فیشن ویک کے دوران سر عام اکشے کمار کی بیوی ٹونکل اپنے شوہر کی پینٹ کے بٹن کھو ل رہی تھی جس فوٹو گرافرز اور مووی میکرز نے کیپچر کر لیا تھا ۔ اس بیہودگی پر اکشے کو گرفتاری دینا پڑی تھی ۔
    سونالی بندرے

    Bollywood

    سونالی بندرے کو ایک میگزین کے لئے نامناسب پوز دے کر ہندوﺅں کے مذہبی جذبات کو ٹھیس پہنچانے پر جیل جانا پڑا تھا ۔

    فردین خان
    Bollywood

    اوم جے جگدیش اور جنگل سمیت متعدد بالی ووڈ فلموں میں بطور ہیرو اداکاری کرنے والے فرید خان کو کوکین رکھنے کے جرم میں گرفتار کیا گیا ۔ فردین خان کو کوکین برآمد ہونے پر کچھ عرصہ علاج بھی کروانا پڑا ۔

    جان ابراہیم
    Bollywood

    ہیوی بائیک کے شوقین جان ابراہیم کو 2010میں بری ڈرائیونگ اور دو لوگوں کو زخمی کرنے کے جرم میں سزا کا سامنا کرنا پڑا۔ جان کو پندرہ روز جیل میں بیتانے کے بعد ضمانت پر رہائی مل گئی تھی ۔

    شانی اہوجا

    Bollywood
    فلم ’گینگسٹر‘ کے اداکار کو اپنی ملازمہ سے زیادتی کرنے کے جرم میں 7سات قید کی سزا ہوئی ہے ۔ اس گھناﺅنے جرم نے اس ادکار کا سارا کیریئر بھی تباہ کر دیا۔

    سلمان خان

    Bollywood
    بھارتی ریاست راجستھان میں ایک فلم کی شوٹنگ کے دونوں کے دوران دبنگ خان نے ہرنوں کا شکار کیا جس کے نتیجے میں انہیں جیل کی یاترا کرنا پڑی ۔

    سنجے دت

    Bollywood
    1993 میں ممبئی سلسلہ وار بم دھماکوں کے کیس میں سنجے دت کو سزا ہوئی ۔ بالی ووڈ کے کھل نائیک پر ممبئی بم دھماکوں میں استعمال ہونے والا اسلحہ خرید نے کا الزام تھا۔

    سیف علی خان

    Bollywood
    بالی ووڈ کے نواب کو ایک پوش ریسٹونٹ میں کھانے کے دوران ایک شخص کو مکا مارنے پر حراست میں لیا گیا تھا ۔ سیف اس وقت کرینہ کپور اور اس کی بہن کرشمہ کپور کے ساتھ ڈنر کر رہا تھا جب یہ ناگوشگوار واقعہ رونما ہوا۔

    مدوبالا

    Bollywood
    انڈین فلم انڈسٹری کی سب سے خوبرو اداکارہ مدو بالا کو 1957 میں ایک فلم میں اداکاری کا معاہدہ کرنے کے بعد اس میں کام سے انکار پر سزا کا سامنا ہوا ۔ دلیپ کمار بھی اس وقت مدو بالا کے خلاف ہو گئے تھے اور ان میں ان بن چل رہی تھی جس کا فائدہ یہ ہوا کہ دلیپ کمار نے بھی عدالت میں فلم ڈائریکٹر کے حق میں بیان دیا ۔

    مونیکا بیدی

    Bollywood
    90کی دہائی کی اداکارہ مونیکا بیدی کو 2006 میں فرضی نام سے پاسپورٹ بنانے کے جرم میں گرفتار کیا گیا ۔ نومبر 2010 میں بھارتی عدالت عظمیٰ نے فیصلہ برقرار رکھا تاہم سزا میں کمی کر دی کیونکہ اداکارہ پہلے ہی جیل کاٹ رہی تھی ۔

  • سکھر جیل میں 2مجرموں کو صبح 5 بجے پھانسی دی جائے گی

    سکھر جیل میں 2مجرموں کو صبح 5 بجے پھانسی دی جائے گی

    سکھر : سینٹرل جیل سکھر میں قید دو مجرموں عبدالرزاق چوہان اور جلیل عرف جلال موریجو کو صبح ساڑھے پانچ بجے پھانسی دی جائے گی۔

    مجرم جلیل عرف جلال موریجونے انیس سو ستانوے میں اپنے رشتے دارکو قتل کیا تھا ،جلیل موریجو کا تعلق نوشہرو فیروز کے گائوں دریا خان مری سے ہے ۔

    مجرم عبدالرزاق چوہان نے پندرہ سال قبل ساتویں جماعت کے طالب علم اقرار عرف آفتاب میرانی کو بے دردی سے گلا کاٹ کر قتل کیا تھا۔دونوں مجرموں کی ورثاءسے آخری ملاقاتیں کرا دی گئی ہیں۔

  • کچھ نئے چہروں کیلئے جیلوں میں صفائی کروارہے ہیں،منظور وسان

    کچھ نئے چہروں کیلئے جیلوں میں صفائی کروارہے ہیں،منظور وسان

    کراچی : سندھ کے وزیربرائے جیل خانہ جات منظور وسان نے کہا ہے کہ کچھ دنوں میں نئے چہرے بڑے گھر یعنی جیل آرہے ہیں جس کیلئے جیلوں میں صفائی کرارہے ہیں۔

    اپنے دفتر میں میڈیا سے بات کرتے ہوئے منظور وسان کاکہنا تھا کہ وہ وزیراعلیٰ سندھ کو ایک سمری ارسال کریں گے جس میں نئے چہروں کو بی کلاس دینے کی درخواست کی جائے گی۔

    ایک سوال کے جواب میں ان کا کہنا تھا کہ بلاول بھٹو زرداری کی مسلم لیگ میں شمولیت کا مذاق کرنے والے لوگ خود  ایک عرصے سے پیپلزپارٹی میں شمولیت کیلئے درخواستیں لیکر کھڑے ہوئے ہیں۔

    منظور وسان کاکہنا تھا کہ دو ہزارپندرہ امن کا سال ہوگا جس میں اپوزیشن کی شدت ختم ہوگی تاہم دو ہزار سولہ میں مشکلات بڑھ سکتی ہیں۔

    ان کاکہنا تھا کہ  سیکورٹی صورتحال کو بہتر بنانے کیلئے کراچی، حیدرآباد اورسکھر کی جیلوں کو بم پروف کیا جارہا ہے۔