Tag: جینیفر لوپیز

  • جینیفر لوپیز کو استنبول کے اسٹور میں داخل ہونے سے روک دیا گیا، ویڈیو وائرل

    جینیفر لوپیز کو استنبول کے اسٹور میں داخل ہونے سے روک دیا گیا، ویڈیو وائرل

    معروف امریکی گلوکارہ و اداکارہ جینیفر لوپیز کو سیکورٹی گارڈز نے ترکی کے شہر استنبول میں واقع معروف فیشن برانڈ کے اسٹور میں داخلے سے روک دیا۔
    
    غیر ملکی ذرائع ابلاغ کے مطابق جینیفر لوپیز سے اسٹور کے سیکیورٹی گارڈز کا کہنا تھا کہ اندر جگہ موجود نہیں ہے اور گلوکارہ کو اندر جانے سے روک دیا جس پر اداکارہ نے پرسکون انداز میں جواب دیا، ”ٹھیک ہے، کوئی بات نہیں،” اور وہاں سے چلی گئیں۔

    ایک مداح نے واقعے کی ویڈیو ریکارڈ کر کے سوشل میڈیا پر وائرل کردی، جو دیکھتے ہی دیکھتے وائرل ہوگئی۔ بعد ازاں جب اسٹور کے عملے کو اپنی غلطی کا احساس ہوا تو انہوں نے لوپیز کو واپس اسٹور وزٹ کرنے کی دعوت دی، مگر لوپیر نے صاف منع کردیا۔

    جینیفر لوپیز ایک بار پھر قانونی تنازعے کا شکار، مقدمہ درج

    
    رپورٹس کے مطابق جینیفر لوپیز نے اس کے بعد دیگر معروف برانڈز سے خریداری کی اور روانہ ہوگئیں۔ واضح رہے کہ گلوکارہ ترکی میں اپنی ”اپ آل نائٹ: لائیو” کنسرٹ ٹور کے سلسلے میں موجود ہیں، جس کا اختتام 12 اگست کو ہوگا۔

    اداکارہ نے حال ہی میں اپنی 56ویں سالگرہ منائی اور انسٹاگرام پر اپنے چاہنے والوں کے لئے تصاویر شیئر کرتے ہوئے ان کا شکریہ ادا کیا۔

  • جینیفر لوپیز ایک بار پھر قانونی تنازعے کا شکار، مقدمہ درج

    جینیفر لوپیز ایک بار پھر قانونی تنازعے کا شکار، مقدمہ درج

    امریکا کی مشہور و معروف گلوکار اور اداکارہ جینیفر لوپیز ایک بار پھر قانونی تنازعے کی زد میں آگئی ہیں، جس کے باعث ان کے خلاف مقدمہ درج کرلیا گیا ہے۔

    غیر ملکی میڈیا کا اس حوالے سے کہنا ہے کہ فوٹوگرافر ایڈون بلانکو اور فوٹو ایجنسی بیک گرڈ نے جینیفر لوپیز کے خلاف مقدمہ دائر کیا ہے، جس میں ان پر بغیر اجازت لی گئی تصاویر سوشل میڈیا پر پوسٹ کرنے کا الزام عائد کیا گیا ہے۔

    مقدمے کے مطابق یہ تصاویر گولڈن گلوبز ویک اینڈ کے دوران بنائی گئی تھیں جنہیں بعد میں لوپیز نے انہیں انسٹاگرام اور ایکس پر ”GG Weekend Glamour” کے کیپشن کے ساتھ شیئر کیا۔

    مدعیان کا کہنا ہے کہ جینیفر نے یہ تصاویر تجارتی مقاصد کے لیے استعمال کیں، جن کا مقصد لوپیز کی ذاتی تشہیر اور برانڈ کے شراکت داروں کو فروغ دینا تھا۔ ان تصاویر کو بعد میں متعدد مداحوں اور فیشن پیجز پر بھی شیئر کیا گیا تھا۔

    قانونی دستاویزات کے مطابق ہر تصویر کے لیے کاپی رائٹ کے تحت 150,000 ڈالرز تک ہرجانہ طلب کیا جا رہا ہے۔

    یاد رہے کہ ایسا پہلی بار نہیں ہوا ہے کہ امریکی گلوکار کو اس نوعیت کے مقدمے کا سامنا ہے، وہ اس سے قبل بھی غیر مجاز فوٹو شیئرنگ پر مقدمات کا سامنا کرچکی ہیں۔

    اس سے قبل ہالی ووڈ کی مشہور اداکارہ کا اپنے بیان میں کہنا تھا کہ وہ اداکار بین ایفلیک سے طلاق کے بعد وہ زیادہ‘مضبوط اور بہتر’ہوگئی ہیں۔

    حال ہی میں بین ایفلیک سے طلاق کے بعد لوپیز نے اپنے بچوں کے ساتھ کیے گئے وعدوں کے حوالے سے انکشاف کیا ہے، بینگ پریمیئر کی رپورٹ کے مطابق ایل پیس اخبار کو انٹرویو میں انھوں نے بتایا کہ بین ایفلیک سے انتہائی مشہور طلاق کو وہ کس طرح ہینڈل کرپائیں۔

    جینیفر کے 17 سالہ جڑواں بچے میکس اور ایمے ہیں جن کے والد ان کے سابق شوہر مارک انتھونی ہیں، تاہم اب حال ہی میں ان کی بین سے بھی طلاق ہوئی ہے۔

    مشن امپاسیبل 8، نے امریکا میں ریلیز سے قبل ہی 12 ملین ڈالرز کمالیے

    انھوں نے بتایا کہ میں نے اپنے بچوں سے کہا تھا کہ یہ ایک مشکل وقت ہے لیکن میں تم سے وعدہ کرتی ہوں کہ تم لوگ دیکھو گے کہ میں اس چیز سے مضبوط اور بہتر طور پر باہر آؤں گی۔

  • بین ایفلیک سے طلاق کے بعد زیادہ مضبوط اور بہتر ہوں، جینیفر لوپیز

    بین ایفلیک سے طلاق کے بعد زیادہ مضبوط اور بہتر ہوں، جینیفر لوپیز

    ہالی ووڈ کی مشہور اداکارہ جینیفر لوپیز نے کہا ہے کہ وہ اداکار بین ایفلیک سے طلاق کے بعد وہ زیادہ ‘مضبوط اور بہتر’ ہوگئی ہیں۔

    حال ہی میں بین ایفلیک سے طلاق کے بعد جینیفر لوپیز نے اپنے بچوں کے ساتھ کیے گئے وعدوں کے حوالے سے انکشاف کیا ہے، بینگ پریمیئر کی رپورٹ کے مطابق ایل پیس اخبار کو انٹرویو میں انھوں نے بتایا کہ بین ایفلیک سے انتہائی مشہور طلاق کو وہ کس طرح ہینڈل کرپائیں۔

    جینیفر کے 17 سالہ جڑواں بچے میکس اور ایمے ہیں جن کے والد ان کے سابق شوہر مارک انتھونی ہیں، تاہم اب حال ہی میں ان کی بین سے بھی طلاق ہوئی ہے۔

    انھوں نے بتایا کہ میں نے اپنے بچوں سے کہا تھا کہ یہ ایک مشکل وقت ہے لیکن میں تم سے وعدہ کرتی ہوں کہ تم لوگ دیکھو گے کہ میں اس چیز سے مضبوط اور بہتر طور پر باہر آؤں گی۔

    جینیفر لوپیز نے کہا کہ "میں نے ان سے یہ وعدہ کیا تھا اور میں نے یہ کرکے دکھایا”، اداکارہ نے زور دیتے ہوئے کہا کہ اور میرے بچے اسے محسوس کر رہے ہیں اور اس سے مجھے اپنی زندگی میں بہت سکون ملا ہے۔

    ان کا مزید کہنا تھا کہ میں اب زیادہ خوش ہوں کہ میں ایک سال پہلے، دو سال پہلے یا تین سال پہلے کے مقابلے میں ایک قدم آگے ہوں۔

  • جینیفر لوپیز  نے طلاق مانگ لی، وجہ کیا بنی؟

    جینیفر لوپیز نے طلاق مانگ لی، وجہ کیا بنی؟

    ہالی وڈ کی معروف اداکارہ اور گلوکارہ جینیفر لوپیز نے شادی کے دو سال بعد بین ایفلیک سے طلاق مانگ لی، اس سلسلے میں انہوں نے عدالت سے رجوع کرلیا۔

    میڈیا رپورٹس میں بتایا گیا ہے کہ اداکارہ جنیفر لوپیز نے طلاق کے کاغذات لاس اینجلس کاؤنٹی سپیریئر کورٹ میں جمع کرادیئے ہیں۔

    یاد رہے کہ یہ جوڑا جولائی 2022 میں لاس ویگس میں شادی کے بندھن میں بندھا تھا، ہالی وڈ کی یہ مشہور جوڑی 2000 کی دہائی میں ”بینیفر“ کے نام سے مشہور ہوئی تھی۔

    سحر خان نے ہراسانی کے واقعات سے پریشان ہوکر اہم قدم اٹھا لیا

    اداکارہ کی تین شادیاں اس سے قبل طلاق پر ختم ہو چکی ہیں۔ اداکارہ کی طرح بین ایفلیک کی بھی ایک شادی 2018 میں طلاق پر ختم ہوئی تھی۔

  • جینیفر لوپیز اور بین ایفلیک نے پھر سے منگنی کر لی

    جینیفر لوپیز اور بین ایفلیک نے پھر سے منگنی کر لی

    مشہور گلوکارہ جینیفر لوپیز اور ہالی ووڈ اداکار بین ایفلیک نے پھر سے منگنی کر لی ہے۔

    52 سالہ گلوکارہ جینیفر لوپیز نے تصدیق کی ہے کہ انھوں نے 49 سالہ بین ایفلیک سے منگنی کر لی ہے، اس سلسلے میں جینیفر نے اپنے سوشل میڈیا اکاؤنٹ پر ایک مختصر ویڈیو شیئر کی ہے، جسے انھوں نے عنوان دیا ‘بڑا اعلان!’

    انھوں نے ویڈیو میں کہا میرے پاس شیئر کرنے کے لیے واقعی ایک دل چسپ اور بہت خاص کہانی ہے۔ انھوں نے سبز رنگ کی ہیرے کی انگوٹھی پر نظریں جماتے ہوئے کہا تم پرفیکٹ ہو۔

    یاد رہے کہ گِگلی میں ایک ساتھ اداکاری کرنے والی اس جوڑی نے 2002 میں منگنی کی تھی۔

    اس سے قبل جینیفر لوپیز کی تین شادیاں طلاق پر ختم ہوئیں جب کہ انھوں نے اداکار بین ایفلیک سمیت دیگر چند اداکاروں سے شادی کرنے سے قبل ہی منگنیاں ختم کی تھیں، جینیفر لوپیز کی طرح بین ایفلیک کی بھی ایک شادی 2018 میں طلاق پر ختم ہوئی تھی۔

    دو دہائیوں بعد دوبارہ تعلقات استوار ہونے سے قبل بین ایفلیک اور جینیفر لوپیز کے درمیان ابتدائی طور پر 2001 میں تعلقات استوار ہوئے تھے اور دونوں نے منگنی بھی کی تھی مگر ان کے درمیان 2003 کے اختتام پر علیحدگی ہوگئی تھی۔

    انڈسٹری کی دونوں شخصیات کے درمیان دوبارہ تعلقات ایک سال قبل استوار ہوئے تھے، جب مارچ 2021 میں چوتھی شادی کے بندھن میں بندھنے سے قبل جینیفر نے منگنی ختم کر دی تھی، اور پھر جون میں پرانے ساتھی اداکار بین ایفلیک کے ساتھ ان کی قربتوں کی خبریں میڈیا کی زینت بننے لگیں۔

  • جینیفر لوپیز کی مصر میں نازیبا پرفارمنس، مصری وکیل نے شکایت درج کروادی

    جینیفر لوپیز کی مصر میں نازیبا پرفارمنس، مصری وکیل نے شکایت درج کروادی

    قاہرہ : مصری وکیل نے جینیفر لوپیز کے خلاف اٹارنی جنرل کے پاس شکایت درج کروا دی، جس میں کہا گیا ہے کہ معروف اداکارہ و گلوکارہ نے الامین شہر میں منعقدہ کنسرٹ میں برہنہ حالت میں پرفارم کیا۔

    تفصیلات کے مطابق ادھیڑ عمری میں بھی کسی خوبرو لڑکی کی طرح پرفارمنس کرنے والی گلوکارہ، موسیقار، اداکارہ و لکھاری جینیفر لوپیز پر مصر کے ایک وکیل نے فحش پرفارمنس کرنے کا الزام لگاتے ہوئے ملک میں ان کے داخلے پر پابندی عائد کرنے کا مطالبہ کیا ہے۔

    غیر ملکی خبر رساں ادارے کا کہنا تھا کہ جینیفر لوپیز نے حال ہی میں اپنی 50 ویں سالگرہ کے جشن منانے کے طور پر مصر، اسرائیل، اٹلی اور روس میں خصوصی میوزک کنسرٹ کا انعقاد کیا تھا۔

    خاص ممالک میں منعقد کیے جانے والے ان میوزک کنسرٹ میں اگرچہ لاکھوں افراد کو ٹکٹ نہیں دیئے گئے، تاہم ان کنسرٹ میں 5 سے 10 ہزار افراد شامل رہے،ان میوزک کنسرٹ میں جہاں گلوکارہ کے عام مداح شامل رہے، وہیں ان کنسرٹ میں گلوکارہ کے متعلقہ ممالک کی حکومتی عہدیدار بھی شریک ہوئے۔

    غیر ملکی میڈیا کے مطابق جینیفر لوپیز نے اپنی 50 ویں سالگرہ کے موقع پر مختلف ممالک میں منعقد کئے جانے والے کنسرٹس کو ’ یہ میری پارٹی‘ ہے کا نام دیا تھا، جس میں انہوں نے اپنے سب سے زیادہ مشہور گانوں پر بولڈ، نیم عریاں اور جذباتی پرفارمنس کی۔

    جینیفر لوپیز نے تل ابیب، ماسکو، اناطولیہ اور مصر کے شہر الامین میں بھی پرفارمنس کی،مصری شہر الامین میں جینیفر لوپیز کی پرفارمنس میں حکومتی وزراء، مصری شوبز، موسیقی، فیشن و میڈیا انڈسٹری کی معروف شخصیات سمیت مجموعی طور پر 2 ہزار افراد شریک ہوئے۔

    مصر کے شہر الامین میں جینیفر لوپیز کی پرفارمنس کے بعد مصر کے معروف وکیل سمیر صابری نے امریکی گلوکارہ پر فحش پرفارمنس کا الزام لگاتے ہوئے ملک کے اٹارنی جنرل کے پاس شکایت درج کروادی۔

    سمیر صابری نے مصر کے اٹارنی جنرل کے ہاں شکایت درج کرواتے ہوئے دعویٰ کیا کہ جینیفر لوپیز نے الامین میں منعقد کنسرٹ میں انتہائی نازیبا اور نیم عریاں پرفارمنس کی جو مصر کے اسلامی اقدار کے خلاف تھی۔

    شکایت میں مزید لکھا گیا گیا کہ جینیفر لوپیز کا میوزک کنسرٹ ایک ایسے موقع پر منعقد کیا گیا جب کہ کچھ دن قبل ہی مصر میں دہشت گردی کا واقعہ ہوا اور اس میں کئی انسانی جانوں کا ضیاع ہوا اور ایسے میں فحش پرفارمنس کے کنسرٹ میں حکومتی وزیروں کی شرکت ملک کے لیے باعث شرم ہے۔

    مصری وکیل نے اپنی شکایت میں یہ بھی لکھا کہ امریکی گلوکارہ کا فحش کنسرٹ ایک ایسے موقع پر منعقد کیا گیا جب کہ دنیا بھر کے مسلمان میدان عرفات میں فریضہ حج کی ادائیگی کر رہے تھے اور ایسے موقع پر جینیفر لوپیز کی عریاں پرفارمنس قابل مذمت ہے۔

    اطلاعات کے مطابق مصری وکیل سمیر صابری نے اپنی شکایت میں یہ دعویٰ بھی کیا کہ جینیفر لوپیز نے الامین شہر میں کنسرٹ میں کپڑوں کے بغیر بھی پرفارمنس کی،تاہم میوزک کنسرٹ میں شرکت کرنے والے چند افراد کے مطابق جینیفر لوپیز نے برہنہ پرفارمنس نہیں کی تھی البتہ ان کا لباس اس طرح تھا کہ وہ نیم عریاں دکھائی دے رہی تھیں۔

    سمیر صابری نے مصر کے اٹارنی جنرل سے شکایت میں مطالبہ کیا کہ جینیفر لوپیز پر مصر میں پابندی عائد کی جائے اور آئندہ ان کے میوزک کنسرٹ کا انعقاد نہ کیا جائے۔