جیکب آباد: نوکری کے جھانسے میں آکر اغوا ہونے والا ایک نوجوان قتل اور دوسرا زخمی ہوگیا ، :دونوں نوجوانوں کا تعلق ملتان پنجاب سے ہے۔

تفصیلات کے مطابق جیکب آباد میں ڈاکوؤں نے نوکری دینے کا جھانسہ دیکر 2 نوجوانوں کو اغوا کرلیا۔

پولیس نے بتایا کہ اغوا کے بعد ڈاکوؤں نے ایک نوجوان کو قتل اور دوسرے کو زخمی کردیا، مقتول کی شناخت وحید احمد شیخ اور زخمی کی شناخت محمد لیمان کے نام سے ہوئی۔

حکام کا کہنا تھا کہ دونوں نوجوانوں کا تعلق ملتان پنجاب سے ہے، دونوں نوجوانوں کو زنجیروں میں جکڑ کر تیز دھار آلے سے وار کئے گئے۔

پولیس نے مزید کہا کہ لاش تعلقہ اسپتال ٹھل اورزخمی کو لاڑکانہ منتقل کردیا گیا ہے ، واقعہ تحصیل ٹھل کے سی سیکشن تھانے کی حدود میں پیش آیا۔

مزید پڑھیں : ڈاکوؤں نے کچے کے علاقے سے 3 افراد کو اغوا کرلیا

یاد رہے چند ماہ قبل ڈاکوؤں نے بچل شاہ میں کچےکےعلاقے سے 3 افراد کو اغوا کیا تھا۔

اس سے قبل پنجاب کے علاقے صادق آباد میں چک نمبر 149 کے رہائشی نوجوان علی کو چند روز قبل کچے کے ڈاکوؤں نے تھانہ صدر کی حدود سے اغوا کیا تھا اور اس کو اپنے ساتھ کچے میں لے گئے تھے۔

جیکب آباد : صحافی محمد شاہ کو فائرنگ کرکے قتل کردیا گیا، مبینہ ملزم نے محمد شاہ کو گھر سے بلوا کر قتل کیا۔

تفصیلات کے مطابق جیکب آباد میں مسلح افراد نےصحافی محمدشاہ کوفائرنگ کرکے قتل کردیا، واقعہ تھانہ گڑھی خیروکی حدودگاؤں الطاف شاہ میں پیش آیا۔

پولیس کا کہنا تھا کہ مبینہ ملزم عبدالحسین عمرانی نےصحافی محمد شاہ کو گھر سے بلواکر قتل کیا۔۔

حکام نے بتایا کہ ملزم عبدالحسین اس سے پہلے مختلف اوقات میں اپنی 2 بیویوں کو قتل کر چکا ہے تاہم محمد شاہ کے قتل کی وجہ معلوم نہیں ہوسکی، اس حوالے سے تحقیقات جاری ہیں۔

حکام کے مطابق لاش ضروری کارروائی کیلئے تعلقہ اسپتال گڑھی خیرو منتقل کردی ہے۔

مزید پڑھیں : خیرپور: صحافی کا تشدد کے بعد کلہاڑیوں کے وار سے قتل، لاش کھیت سے برآمد

گذشتہ ماہ خیرپور کے علاقے ٹھری میر واہ سے صحافی کی تشدد زدہ لاش ملی تھی، پولیس نے بتایاتھا کہ صحافی اے ڈی شر کو کلہاڑیاں مار کر قتل کیاگیا ، لاش کھیتوں سے ملی۔

نجی ٹی وی چینل کے ساتھ کام کرنے والے اے ڈی بلوچ کافی عرصے سے لاپتہ تھے، ان کا فون بھی بند تھا، گھر والوں سے کوئی رابطہ نہیں تھا۔

جیکب آباد : سوشل میڈیا پر وائرل ہونے کا جنون طالب علم کی جان لے گیا، طالب علم ویڈیو بنا رہا تھا کہ گولی چل گئی۔

تفصیلات کے مطابق جیکب آباد کی تحصیل گڑھی خیرو میں ٹک ٹاک ویڈیو بنانے کے جنون نے طالب علم کی جان لے لی۔

پولیس نے بتایا کہ طالب علم قادر ملغانی پستول سے سے ٹک ٹاک ویڈیو بنا رہا تھا کہ گولی چل گئی۔

پولیس کا کہنا تھا کہ واقعہ تھانہ تاجوڈیروکی حدودگاؤں چاکرملغانی میں پیش آیا، گولی لگنے سے زخمی طالب علم کو اسپتال منتقل کیا گیا، جہاں وہ دم توڑگیا۔

یاد رہے چند ماہ قبل نوجوان سوشل میڈیا ویڈیو بناتے ہوئے پانی میں ڈوب کرجاں بحق ہوگیا تھام گارڈن ٹاؤن کا رہائشی احمد 12ویں کلاس کا طالب علم تھا۔

خیال رہے کہ ملک میں ٹک ٹاک بناتے ہوئے نوجوان لڑکوں کی اموات میں اضافہ دیکھا جا رہا ہے۔ حالیہ دنوں بھی متعدد واقعات سامنے آ چکے ہیں

جیکب آباد: سودخوروں سے تنگ آکر ٹیکنیکل کالج کے لیکچرار نے خودکشی کرلی، موقت سے قبل پولیس حکام کو خط بھی لکھا تھا۔

ٹیکنیکل کالج کے لیکچرار انور پنہیار کو سودخوروں نے اتنا تنگ کیا کہ انھوں نے زندگی کا خاتمہ کرنے میں ہی اپنی نجات جانی، پولیس نے بتایا کہ لیکچرار نے سودخوروں کی وجہ سے خودکشی کی جبکہ انورپنہیار نے مرنے سے پہلے ایس ایس پی کے نام خط بھی لکھا ہے۔

انور پنہیار نے خط میں لکھا کہ مجھے سودخوروں نے خودکشی کرنے پر مجبور کیا، مرحوم کالج لیکچرار نے مزید لکھا کہ لولو پٹھان، یونس اور ممتاز تنگ کررہے تھے۔

گزشتہ سال سندھ اسمبلی میں سودخوروں کے خلاف قانون منظور کیا گیا تھا، جس کے مطابق کوئی بھی شخص یا گروہ نقد رقم یا گاڑی وغیرہ سود پر نہیں دے سکے گا۔

قانون کے مسودے میں کہا گیا تھا کہ سودخوری میں ملوث ہونے پر عدالت جائداد ضبط کرنے کا حکم دے سکتی ہے، سودخور کو کم از کم 3 سال اور زیادہ سے زیادہ 10 سال سزا بھی ہو سکتی ہے۔

ایکٹ کے سیکشن 3 دفعہ 01 کے تحت سودخور کو 10 لاکھ روپے کا جرمانہ ہوگا جبکہ سودخور کے لیے سہولت کاری کرنے والے کو بھی قید اور جرمانے کی سزا ہوگی۔

قانون میں یہ بھی کہا گیا تھا کہ مقروض کو ہراساں کرنے میں ملوث شخص کو 5 سال قید کی سزا، اور 5 لاکھ روپے جرمانہ عائد کیا جائے گا۔

جیکب آباد : کنزیومر پروٹیکشن کورٹ نے گٹکا اسمگل کرنے کا جرم ثابت پر مجرم کو ایک سال تک نیم کے درخت لگانے کی سزا سناتے ہوئے ان کا خیال رکھنے کے ساتھ دولاکھ روپے جرمانہ کا حکم دے دیا۔

تفصیلات کے مطابق جیکب آباد کی عدالت نے گٹکا اسمگل کرنے کا جرم ثابت ہونے پر ملزم کو انوکھی سزا سنادی ۔

عدالے نے ملزم کو ایک سال تک نیم کے پودے اگانے کی سزا سنائی اور ان کی دیکھ بھال کرنے کے ساتھ دولاکھ روپےجرمانے ادا کرنےکا بھی حکم دیا۔

عدالت نے محکمہ فاریسٹ کے حکام کو ہدایت کرتے ہوئے کہا کہ وہ مجرم کی جانب سے درخت لگانے اور ان کا خیال رکھنے کی نگرانی کریں اور ہر مہینے اپنی رپورٹ دیں۔

پولیس حکام نے بتایا کنزیومر کورٹ کے جج کی عدالت نےفیصلہ سنایا، پولیس نے رواں سال مئی کے ماہ میں ملزم کو بلوچستان سے سندھ پچھتر کلو گٹگا اسمگل کرتے ہوئے گرفتار کرکے مقدمہ درج کیا تھا۔

جیکب آباد: ایک اور بچی جنسی درندگی کی بھینٹ چڑھ گئی، سفاک ملزمان نے گیارہ سالہ بچی کوزیادتی کے بعد قتل کرکےلاش نہرمیں پھینک دی۔

تفصیلات کے مطابق جیکب آباد میں گیارہ سالہ بچی حسینہ کھوسو کا گھر سے باہر نکلناجرم بن گیا، جنسی درندوں نے ایک اور معصوم کلی کو کھلنےسےپہلےمسل دیا۔

بچی کے والد نےبتایا کہ بیٹی دودھ لینے گھر سے نکلی تھی ، واپس نہ آنے پر تلاش شروع کی تو اس کی تشدد زدہ لاش نہرسے ملی۔

والد ملزمان کی عدم گرفتاری پر جے یو آئی کا احتجاج رنگ لے آیا، پولیس نےمقدمہ درج کرکے مشتبہ افراد کوحراست میں لےلیا ہے۔

غم سےنڈھال حسینہ کھوسو کے اہل خانہ کی ایک ہی درخواست ہے کہ ان کی بیٹی کےقاتلوں کو گرفتار کرکےسخت سےسخت سزادی جائے۔