Tag: جیکولین فرنینڈس

جیل سے نکلتے ہی سلمان خان ریس تھری کے سیٹ پر پہنچ گئے

ممبئی: بالی ووڈ سپر اسٹار سلمان خان نے جیل سے باہر آتے ہی فلمی دنیا کا رخ کرلیا، اداکارہ جیکولین فرنینڈس کے ساتھ ریس 3 کی شوٹنگ شروع کردی۔

تفصیلات کے مطابق سلمان خان ایک ہفتہ قبل ہی نایاب کالے ہرن شکار کیس میں جیل سے ضمانت پر رہا ہوئے ہیں، ممبئی اسٹوڈیو میں اپنی آنے والی فلم کی شوٹنگ کے سلسلے میں انھیں ساتھی ادارکاراؤں جیکولین اور ڈیزی شاہ کے ساتھ دیکھا گیا۔

’ریس‘ بالی ووڈ کی سپر ہٹ ایکشن تھرلر سیریز ہے جس کی پہلی دو فلموں میں سیف علی خان اور انیل کپور نے مرکزی کردار ادا کیے تھے، جن کی ڈائریکشن عباس مستان نے دی تھی، ریس تھری کے ہدایت کار ریمو ڈی سوزا ہیں۔

ریس تھری میں سلمان خان کے ساتھ ساتھی اداکاروں میں انیل کپور، بوبی دیول، جیکولین فرنینڈس، ڈیزی شاہ اور ثاقب سلیم شامل ہیں۔ فلم کی شوٹنگ انڈیا سے باہر ہونی تھی لیکن سلمان کے کیس کی وجہ سے فلم سازوں نے اس کی شوٹنگ انڈیا منتقل کرنے کا فیصلہ کیا، ریس تھری کی ریلیز عید کے آس پاس متوقع ہے۔

اداکار سلمان خان کی ضمانت منظور، جیل سے رہا کردیا گیا

واضح رہے کہ نایاب کالے ہرن شکار کیس میں بالی ووڈ سپر اسٹار کو پانچ سال قید کی سزا سنائی گئی تھی لیکن ضمانت منظور ہونے کے بعد انھیں جودھ پور جیل سے رہا کردیا گیا تھا، سات مئی کو کیس کی اگلی سماعت کے سلسلے میں انھیں پھر جودھ پور میں حاضر ہونا ہے۔

فلم کک سے مشہور ہونے والی سلمان اور جیکولین کی جوڑی نے ریس تھری کے لیے ممبئی میں پہلا شیڈول مکمل کرلیا ہے جس میں ٹائٹل ٹریک اللہ دہائی ہے کی شوٹنگ بھی شامل ہے۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

اپریل 14, 2018
مختلف طرح کے کردار ادا کرنا چاہتی ہیں، جیکولین

ممبئی: بالی ووڈ کی معروف اداکارہ اور سابق مس سری لنکا جیکولین فرنینڈس فلموں میں مختلف طرح کے کردار ادا کرنا چاہتی ہیں۔

بالی ووڈ کی دلکش و معروف اداکارہ جیکولین فرنینڈس کا کہنا ہے کہ وہ اب تک کے ادا کئے گئے اپنے کرداروں سے ہٹ کر کچھ مختلف کردار میں نظر آئیں گی۔

بالی ووڈ اداکارہ جیکولین نے کہا "امید ہے کہ جلد ہی ایسا ہوگا، ایک فلم ہے لیکن اس بارے میں بات کرنا جلد بازی ہوگی پر ہاں میں اپنی اگلی فلم میں کچھ مختلف اور کچھ دلیری بھرے کام کرتی نظر آؤں گی۔

جیکولین فرنینڈس نے بالی ووڈ میں اپنے کیریئر کا آغاز سال 2009 میں آئی فلم علاالدین سے کیا تھا لیکن انہیں اصل شہرت 2014 میں سلمان خان کے ساتھ فلم کک سے ملی ہے۔

واضح رہے کہ جیکولین کی حالیہ فلم ڈھشوم ریلیز ہوئی ہے، جیکولین اب آنے والی فلم ‘اے فلائنگ جٹ’ کی ریلیز کا بے صبری سے انتظار کر رہی ہیں، ریمو ڈی سوزا کی ہدایت کاری میں بنی اس فلم میں جیکولین کے ساتھ ٹائیگر شراف نے اہم کردار ادا کیا ہے۔

اگست 17, 2016
شاہ رخ خان کے مقابلے میں سلمان خان بہترین جج ہیں،فرح خان

ممبئی : بالی ووڈ ڈائریکٹر فرح خان خان کا کہنا ہے کہ جج کرنےمیں بالی ووڈ کے سلطان سلمان خان کی سمجھ عضب کی ہے اور وہ شاہ رخ سے بہترین جج ہیں.

تفصیلات کے مطابق بالی ووڈ میں رقص اور ہدایت کاری کی مہارت کے علاوہ فرح خان اپنے بے باک بیانات کے لیے بھی کافی سرخیوں میں رہتی ہیں،اور فرح خان اس بار ٹی وی پر نشر ہونے والے معروف رقص شو’جھلک دکھلا جا‘ سیزن 9 کے لیے جج متعین کی گئی ہیں.

بالی ووڈ ڈائریکٹر فرح خان نے میڈیا سے بات چیت کے دوران جھلک دکھلا جا کے گذشتہ چار سیزن کے جج رہنے والے کرن جوہر کو بوڑھا کہہ دیا،اتناہی نہیں، کسی بھی ریئیلٹی شو کو جج کرنے کے معاملے میں فرح نے کنگ خان شاہ رخ کو بطور جج بےکار اور بالی ووڈ کے سلطان سلمان خان کو بہتر کہا ہے.

فرح خان کے مطابق کرن جوہر اب کسی بھی شو میں جج کی ذمہ داری نبھانے میں ماہر ہو چکے ہیں لیکن اس معاملے میں شاہ رخ اپنی دریا دلی دکھاتے ہوئے کسی کو بھی 10 میں سے 10 نمبر تک دے دیتے ہیں۔

ان کامزید کہنا تھا کہ منصفی کے معاملے میں سلمان کی سمجھ غضب کی ہے، ’وہ ایمانداری سے کام لیتے ہیں اور جذباتی ہوئے بغیر شو کو جج کرتے ہیں۔‘

ٹی وی پر رقص سے متعلق کئی پروگرام کی جج رہنے والی فرح کا کہنا ہے کہ ’جب بھی کوئی رقص ریئیلٹی شو ٹی وی چینلز پر آتا ہے تو میں اسے ضرور دیکھتی ہوں،اس شو میں جو بھی غلطیاں یا تجاویز ہوتی ہیں،میں انہیں چینل یا شو کے جج سے ضرور شیئر کرتی ہوں۔‘

بالی ووڈ ڈائریکٹر فرح خان کہتی ہیں کہ وہ ’اس کے علاوہ بگ باس بھی دیکھتی ہیں اور اپنی رائے سلمان خان سے شیئر کرتی ہیں۔‘

واضح رہے اس بار’جھلک دکھلا جا‘ سیزن 9 میں اداکارہ جیکولین فرنینڈس بھی بطور جج اپنا ہنر دکھاتی نظر آئیں گی.

اگست 6, 2016
اکشے کمار جیکولین فرنینڈس کو کامیڈی کی ٹریننگ دینے لگے

ممبئی: جیکولین فرنینڈس نے اپنی نئی آنے والی فلم ’’ہاؤس فل 3‘‘ میں کامیڈی کردار ادا کرنے کے لیے ٹریننگ شروع کردی ہے۔

بھارتی میڈیا کے مطابق جیکولین فرنینڈس نے انکشاف کیا ہے کہ ان کی یہ ٹریننگ بالی ووڈ اداکار اکشے کمار کررہے ہیں۔

فرنینڈس نے مزید کہا کہ میرے پاس بہترین ٹرینر اکشے کمار کی صورت میں موجود ہے، میں اگر اس فلم میں کامیڈی کردار کرنے میں کامیاب ہوگئی تو اس کا پورا سہرا اکشے کے سرہوگا۔

انہوں نے مزید کہا کہ بعض اوقات اداکار بنا تاثر کے کچھ ایسا بول دیتا ہے جو بہت مزاحیہ ہوتے ہیں، اگر آپ مزاحیہ کردار ادا کرنے وقت اپنے ساتھی اداکار کو صیح وقت پر جواب نہیں دیتے تو آپ کا کردار بے کار ہوسکتا ہے۔

انہوں نے مزید کہا کہ انہوں نے اکشے کمار کے ساتھ کئی سنجدہ فلموں میں کام کیا ہے، اکشے کے ہر کردار سے انہوں نے ہمیشہ سیکھنے کی کوشش کی ہے۔

واضح رہے ہدایتکار ساجد خان کی کامیڈی فلم باکس آفس کے پہلے دو پارٹ ریلیز کیے جاچکےہیں، جو مداحوں کی توجہ حاصل کرنے میں خاصی حد تک کامیاب رہے ہیں، ہاؤس فل ٹو میں سری لنکن حسینہ جیکولین فرنینڈس بھارتی اداکار جان ابراہم کے ساتھ کردارادا کرچکی ہیں۔

مئی 19, 2016
ورون دھون اور جان ابراہم کیساتھ کام کرنے کیلئے بے چین ہوں، جیکولین فرنینڈس

ممبئی: بالی ووڈ حسینہ جیکولین فرنینڈس اپنی نئی آنیوالی فلم ڈیشوم کی عکس بندی کیلئے 20 روز کیلئے ابو ظہبی جائینگی جہاں وہ پر ورن دھون کیساتھ رومانوی گانے کی شوٹنگ کریں گی۔

روہت دھون کی ہدایتکاری میں بنائی جانیوالی فلم میں ورون دھون اور جان ابراہم بھی مرکزی کردار میں ہیں فلم کی عکس بندی اگلے ماہ شروع ہونے کا امکان ہے۔

ایک انٹرویو میں جیکولین نے کہا کہ میں ورون دھون اور جان ابراہم کیساتھ کام کرنے کیلئے بے چین ہوں، انہوں نے کہا کہ میں فلم میں ورن دھون کیساتھ ایک اچھوتے اور بولڈ کردار میں ہوں۔

اداکارہ کا کہناتھا کہ فلم یں میرے اور ورون پرکچھ سین عکس بند ہوں گے جب کہ ریت کے ٹیلوں میں ایک گانا بھی فلمایا جائے گا۔

انہوں نے کہا کہ ہندی لب و لہجے پر مکمل عبور حاصل کرنے کیلئے محنت کر رہی ہوں اور اس میں کافی حد تک کامیاب بھی ہو چکی ہوں۔

واضح رہے کہ 2009میں فلم الہ دین سے بالی ووڈ میں قدم رکھنے والی اداکارہ کی رواں برس کے دوران ایک فلم رائے ریلیز ہوچکی ہے جب کہ وہ اس وقت دو ہندی فلموں بنگستان اور ’’برادر‘‘ ایک ہالی ووڈ کی فلم ’‘’ڈیفینیشن آف فیر‘‘ اور ایک انگریزی فلم اکارڈنگ ٹو میتھیو میں کام کررہی ہیں اور انھیں رواں برس کے دوران ہی ریلیز کے جانے کا امکان ہے۔

اپریل 12, 2015