اسلام آباد : اقتصادی رابطہ کمیٹی نے یوریاکی بوری پر جی آئی ڈی سی ختم کرنے کا فیصلہ کرلیا ، جی آئی ڈی سی ختم کرنے سے یوریا کی قیمت میں 20فیصد تک کمی آئے گی۔
تفصیلات کے مطابق ملک کے کسانوں کے لئے بڑی خبر آگئی ، وزیرِ اعظم عمران خان کی ہدایت پر اقتصادی رابطہ کمیٹی نے بڑا اقدام اٹھاتے ہوئے یوریا کی بوری پر جی آئی ڈی سی ختم کرنے کا فیصلہ کرلیا، وزیر اعظم سے وزیرنیشنل فوڈسیکیورٹی خسرو بختیار اور مشیر تجارت عبد الرزاق داؤد کی ملاقات ہوئی تھی۔
جی آئی ڈی سی ختم کرنے سے یوریا کی قیمت میں 20فیصد تک کمی آئے گی ، اس سے پہلے یہ اضافی رقم جی آئی ڈی سی کی مدمیں وصول کی جاتی تھی۔
وزیراعظم عمران خان نے کسانوں کوریلیف کے لئے ای سی سی کو ہدایت کرتے ہوئے کہا تھا کہ یوریا کی قیمتوں میں کمی کے لئے فوری اقدامات کئے جائیں۔
یاد رہے اقتصادی رابطہ کمیٹی نے ملک میں سستی کھاد کی فراہمی کیلئے اقدام اٹھاتے ہوئے کھاد کی بوری پرعائد400 روپے جی آئی ڈی سی کی چھوٹ دینے کی منظوری دی تھی۔
دوسری جانب پاکستان تحریک انصاف کے رہنما جہانگیرترین نے سماجی رابطے کی ویب سائٹ ٹوئٹر پر گیس انفراسٹر کچرڈ ویلپمنٹ سیس کا خاتمہ کرنے پر ای سی سی کو مبارکباد دیتے ہوئے کہا کسان دوست فیصلے سے یوریا فی بوری قیمت میں400روپے تک کمی ہوگی، فیصلہ پاکستان بھر کے کسانوں کے لیے خوشحالی کاباعث بنے گا۔
Congratulation to ECC for making an excellent decision by abolishing the Gas Infrastructure Development Cess on fertiliser. This landmark Farmer friendly move will result in a Rs 400 per bag decrease in price of urea Fertliser. A big relief for farmers across Pakistan 👍
— Jahangir Khan Tareen (@JahangirKTareen) January 20, 2020
