جی ایس ٹی سامان اور خدمات پر اس جگہ لاگو ہوتا ہے، سپلائی چین میں فروخت یا خریداری کے ہر مرحلے پر ویلیو ایڈڈ سامان اور خدمات پر جی ایس ٹی جمع کیا جاتا ہے۔
سامان اور خدمات کی خریداری پر ادا کیا جانے والا جی ایس ٹی سامان یا خدمات کی فراہمی پر قابل ادائیگی کے مقابلے میں بند کیا جا سکتا ہے۔
کسی بھی پروڈکٹ یا سروس پر لگنے والا جی ایس ٹی ایف بی آر کو جاتا ہے، اس کے علاوہ خواتین سلون میں، ریسٹورنٹ اور اب ہر جگہ ہیجی ایس ٹی لیا جاتا ہے لیکن بہت سے لوگ یہ نہیں جانتے کہ جی ایس ٹی ہوتا کیا ہے اور وہ رقم کہا جاتا ہے۔
ماہر معاشیات خرم شہزاد نے اس حوالے سے بتایا کہ ٹیکس دو طرح کے ہوتے ہیں، کسی بھی طرح کے سروس استعمال کرنے پر لیے جانے والا ٹیکس صوبوں کے پاس جاتا ہے، جبکہ ہم جو چیز خریدتے ہیں جیسے کہ صابن، پانی یا دیگر اشیا سے ملنے والا ٹیکس وفاق حکومت جمع کرتی ہے۔
خرم شبیر نے بتایا کہ کسی بھی اسٹور پر گروسری کرنے کے بعد رسید ملتی ہے، جس میں جی ایس ٹی نمبر ہونا ضروری ہے اگر آپ کو اس میں جی ایس ٹی نمبر ملے تو وہ آپ ایف بی آر کی پیج پر اس نمبر کو چیک کریں کہ آیا آپ نے جو ٹیکس دیا ہے وہ صحیح جگہ پہنچ رہا ہے یا نہیں۔
انہوں نے بتایا کہ ہم ٹیکس دے رہے ہوتے ہیں لیکن وہ آگے نہیں جاتا، ہم کسی بھی جگہ جائیں اب پر چیز پر ٹیکس ہے، تو اگر آپ ٹیکس پے کررہے اور رسپٹ میں کوئی نمبر نہیں ہے تو اس کا مطلب آپ کا ٹیکس صحیح جگہ جمع نہیں ہورہا ہے۔
