Tag: جی ایچ کیو حملہ کیس

راولپنڈی : جی ایچ کیو حملہ کیس کی سماعت کے پیش نظر اڈیالہ جیل جانے والا راستہ پولیس نے رکاوٹیں لگا کر بند کردیا۔

تفصیلات کے مطابق پولیس نے اڈیالہ جیل جانے والاراستہ رکاوٹیں لگا کر بند کردیا، جیل میں آج 9 مئی جی ایچ کیو حملہ کیس کی سماعت مقرر ہے۔

پولیس نے بتایا کہ اڈیالہ جیل جانے والا راستہ سیکیورٹی وجوہات کے باعث بند کیا، کسی بھی مسافریا عدالت پیش ہونے والے ملزم کو نہیں روکا۔

پولیس نے ٹریفک کی روانی کیلئے سنگل لائن راستہ کھول دیا ہے ، پی ٹی آئی لیگل ٹیم کا کہنا تھا کہ راستہ بند کرنے سے متعلق عدالت کو آگاہ کریں گے، ہم عدالت پیش ہونے آئےہیں لیکن جانے نہیں دیا جارہا۔

خیال رہے انسداد دہشت گردی کی خصوصی عدالت میں جی ایچ کیو حملہ کیس کی سماعت آج ہوگی ، جس میں بانی پی ٹی آئی سمیت 119 نامزد ملزمان پر آج فرد جرم عائد کئے جانے کی کارروائی کا امکان ہے۔

بانی بی ٹی آئی سمیت شاہ محمود قریشی کو کمرہ عدالت میں پیش کیا جائے گا ، جیل میں سماعت کے موقع پر مقدمے کے دیگرملزمان کو بھی طلب کیا گیا ہے۔

گزشتہ سماعت بانی پی ٹی آئی وکلا کی سیکشن 23 اے ٹی اے کی دائر درخواست کے باعث ملتوی ہوئی تھی جبکہ طلبی کے باوجود پیش نہ ہونے پر علی امین گنڈا پور سمیت 47 ملزمان کے وارنٹ گرفتاری جاری ہیں۔

راولپنڈی: جی ایچ کیو حملہ کیس میں اپوزیشن لیڈر عمر ایوب کی بریت کی درخواست پر محفوظ فیصلہ آج سنائے جانے کا امکان ہے۔

تفصیلات کے مطابق جی ایچ کیو حملہ کیس میں اپوزیشن لیڈر عمر ایوب کی بریت کی درخواست پر سماعت ہوگی۔

انسداد دہشت گردی کی خصوصی عدالت کے جج امجد علی شاہ سماعت کریں گے، جس میں اپوزیشن لیڈر کی بریت کی درخواست پر محفوظ فیصلہ آج سنائے جانے کا امکان ہے۔

گزشتہ روز درخواست پرعمر ایوب کی جانب سے بابر اعوان اور پراسیکیوشن کی جانب سے ظہیر شاہ نےبریت کی درخواست پر دلائل مکمل کئے، دونوں جانب سے دلائل مکمل ہونے پر فاضل عدالت نے فیصلہ محفوظ کیا تھا۔

دوسری جانب جی ایچ کیو کیس کی اے ٹی سی کے دائرہ اختیار کو چیلنج کئے جانے کی دو درخواستوں پر سماعت بھی آج ہوگی۔

بانی پی ٹی آئی کے وکلا فیصل ملک، بابر اعوان اور فیصل چوہدری ودیگر وکلا آج درخواست پردلائل دیں گے، عدالت نے فریقین کو درخواست پر دلائل مکمل کرنے کیلئے آج تک کا وقت دیا تھا۔

راولپنڈی : جی ایچ کیو حملہ کیس میں وزیراعلیٰ کے پی علی امین گنڈاپور سمیت 46ملزمان کے ناقابل ضمانت وارنٹ گرفتاری جاری کردیئے گئے۔

تفصیلات کے مطابق راولپنڈی کی انسداد دہشت گردی کی عدالت میں جی ایچ کیو حملہ کیس کی سماعت ہوئی، مسلسل غیر حاضری پر وزیراعلیٰ خیبرپختونخوا کے ناقابل ضمانت وارنٹ گرفتاری جاری کردیئے گیے

کیس میں دیگر46 ملزمان کے بھی وارنٹ گرفتاری جاری گئے ، جس میں راجہ بشارت، زرتاج گل، بلال اعجاز اور دیگر شامل ہیں، پراسیکیوٹرز  نے مسلسل غیر حاضری پر ضمانتوں کی منسوخی اور وارنٹ اجرا کی استدعا کی تھی۔

انسداد دہشت گردی عدالت نے ملزمان کو گرفتار کرکے پیش کرنے کا حکم دے دیا، جج امجد علی شاہ نے ملزمان کے تحریری وارنٹ گرفتاری جاری کیے

ملزمان کےخلاف جی ایچ کیوحملےکامقدمہ تھانہ آراےبازارمیں درج ہے اور ملزمان پر توڑ پھوڑ، جلاؤ گھیراؤ، ہنگامہ آرائی اور کار سرکار میں مداخلت کا الزام ہے۔

یاد رہے گذشتہ روز جی ایچ کیو حملہ کیس میں بانی پی ٹی آئی اور شاہ محمود قریشی سمیت دیگر پر فرد جرم عائد کرنے کی کارروائی چھٹی بار ملتوی کردی گئی تھی۔

دوران سماعت میں وکلا صفائی نے انسداد دہشت گردی عدالت کے دائرہ اختیار کو چیلنج کیا تھا، وکلا کا موقف تھا کہ عدالتی دائرہ اختیار کی درخواست پر فیصلہ ہونے تک ملزمان پر فرد جرم عائد نہ کی جائے۔

بانی پی ٹی ائی کے وکیل محمد فیصل ملک کی جانب سے انسداد دہشت گردی عدالت کے دائرہ اختیارکو چیلنج کیا گیا تھا۔

راولپنڈی : جی ایچ کیو حملہ کیس میں بانی پی ٹی آئی اور شاہ محمود قریشی سمیت دیگر پر فرد جرم عائد کرنے کی کارروائی چھٹی بار ملتوی کردی گئی۔

تفصیلات کے مطابق راولپنڈی کی انسدادِ دہشت گردی کی خصوصی عدالت میں جی ایچ کیو حملہ کیس کی سماعت ہوئی۔

۔بانی پی ٹی آئی اورشاہ محمودقریشی سمیت تمام چھیاسٹھ ملزمان کواڈیالہ جیل میں قائم انسداد دہشت گردی کی خصوصی عدالت میں پیش کیا گیا۔

بابر اعوان کی جانب سے کیس میں عدالت کے دائرہ اختیار کو چیلنج کیا گیا اور بابراعوان نے عدالتی دائرہ اختیار سے متعلق درخواست پر بحث مکمل کی

جس کے بعد عدالت نے بابراعوان کی سیکشن تیئس اے ٹی اے کی درخواست پر فیصلہ محفوظ کرلیا ، جس پر انسداد دہشت گردی عدالت میں فرد جرم عائد کیے جانے کی کارروائی نہ ہو سکی۔

بانی پی ٹی آئی اور شاہ محمودقریشی سمیت دیگر پر فرد جرم عائد کرنےکی کارروائی چھٹی بار ملتوی کرتے ہوئے سماعت پانچ دسمبر تک ملتوی کردی گئی۔

نوید ملک اسپیشل پبلک پراسیکیوٹر نے میڈیا سے گفتگو کرتے ہوئے کہا کہ وکلاصفائی کی جانب سے اس مقدمے کو طول دیا جا رہا ہے، ہمارےپاس سی سی ٹی وی فوٹیجزسمیت تمام دستاویزی ثبوت موجود ہیں، ویڈیواور دستاویزی ثبوت عدالت میں جمع کیے جاچکے ہیں۔

پراسیکیوٹر کا کہنا تھا کہ 26سماعتیں ہو چکی ہیں لیکن ابھی تک فردجرم عائدنہیں ہوئی، وکلا صفائی نے آج 3 درخواستیں دائر کی ہیں، ایک درخواست 23 اے ٹی اے کے تحت دائر کی گئی، دوسری درخواست ’’کے‘‘ 265کے تحت عمر ایوب نے دائر کی، تیسری درخواست فواد چوہدری کی جانب سے دائر کی گئی۔

راولپنڈی : جی ایچ کیو حملہ کیس میں بانی پی‌ ٹی آئی سمیت تمام ملزمان پرآج فردِ جرم عائد کیے جانے کا امکان ہے۔

تفصیلات کے مطابق سانحہ 9 مئی جی ایچ کیو حملہ کیس کی سماعت آج ہوگی، انسداد دہشت گردی کی خصوصی عدالت کے جج امجد علی شاہ اڈیالہ جیل میں سماعت کریں گے۔

انسداد دہشتگردی کی خصوصی عدالت نے بانی پی ٹی ائی سمیت تمام ملزمان کو اڈیالہ جیل طلب کر لیا ہے اور ملزمان کو اڈیالہ جیل میں پیش ہونے کا حکم جاری ہے۔

آج کی سماعت میں بانی پی ٹی آئی سمیت 119 نامزد ملزمان پر فرد جرم عائد کیے جانے کی کاروائی کیے جانے کا امکان ہے تاہم عدم حاضری پر ملزمان کے وارنٹ گرفتاری جاری ضمانت منسوخ کیے جانے کا امکان ہے۔

بانی پی ٹی آئی سمیت شاہ محمودقریشی پر فرد جرم کی کارروائی جیل میں مکمل کی جائے گی ، پراسیکیوشن کی جانب سے ظہیر شاہ پیش ہوں گے۔

دوسری جانب اپوزیشن لیڈر عمر ایوب کی جانب سے مقدمہ سے بریت کی درخواست کی سماعت بھی آج ہوگی۔

یاد رہے جی ایچ کیوحملہ کیس میں فردجرم کی کارروائی گزشتہ سماعت پرپانچویں بارملتوی ہوئی تھی۔

پراسیکیوٹرز کی جانب سے عدالت میں ملزمان کے پیش نہ ہونے پر ان کی ضمانتیں منسوخ کر کے وارنٹ جاری کیے جانے کی استدعا کی تھی۔

راولپنڈی : سانحہ نو مئی کے جی ایچ کیو حملہ کیس میں بانی پی ٹی آئی سمیت دیگر ملزمان پر فرد جرم پانچویں بار مؤخر ہوگئی۔

تفصیلات کے مطابق راولپنڈی انسداد دہشت گردی کی خصوصی عدالت کے جج امجد علی شاہ نے جی ایچ کیو حملہ کیس کی سماعت کی۔

ملزمان کی کم حاضری کے باعث فرد جرم عائد کرنے کی کارروائی ملتوی کردی گئی اور پیش ہونے والے ملزمان کو حاضری لگا کرجانے کی اجازت دے دی گئی۔

پراسیکیوٹر نوید ملک کا کہنا تھا کہ ہمارے پاس مکمل ثبوت ہیں، کوئی نہیں کہہ سکتا کہ جی ایچ کیو پر حملہ نہیں ہوا۔

نوید ملک نے استدعا کی ملزموں کے خلاف تمام شواہد اور گواہان موجود ہیں، تاخیری حربے استعمال کیے جا رہے ہیں، ضمانت منسوخ کر کے گرفتاری کا حکم دیا جائے۔

اے ٹی سی کی خصوصی عدالت نے فرد جرم کی کارروائی آئندہ سماعت کے لئے مقرر کرتے ہوئے کیس کی سماعت 2 دسمبر تک ملتوی کردی۔

مقدمے میں بانی پی ٹی آئی کے علاوہ شاہ محمود قریشی، شیخ رشید، شیریں مزاری، شبلی فراز، عمرایوب، زرتاج گل اور راجہ بشارت سمیت ایک سو انیس ملزمان نامزد ہیں۔

دوران سماعت بابراعوان نے مقدمے سے عمر ایوب کی بریت کی درخواست بھی دائر کی جبکہ شیری مزاریں کی حاضری سے استثنی کی درخواست دائرکردی گئی۔

خیال رہے جی ایچ کیو حملہ کیس عدالت نے 23 ملزمان کو اشتہاری قرار دےرکھا ہے اور نامزد ملزمان پربیرون ممالک جانے پرپابندی بھی عائد کر رکھی ہے۔

راولپنڈی : جی ایچ کیو حملہ کیس میں بانی پی ٹی آئی پر فرد جرم عائد کیے جانے کی کارروائی ملتوی کردی گئی۔

تفصیلات کے مطابق راولپنڈی کی انسداد دہشت گردی کی خصوصی عدالت نے جی ایچ کیو حملہ کیس کی سماعت ہوئی، خصوصہ عدالت کے جج امجد علی شاہ نے سماعت کی۔

بانی پی ٹی آئی کے وکیل عدالت ، شبلی فراز،شیخ رشید،عمرایوب،راجہ بشارت،سمابیہ طاہر عدالت میں پیش ہوئے جبکہ 11 ملزمان کی جانب سے حاضری کی استثنیٰ کی درخواست دائر کی گئی۔

عدالت نے بانی پی ٹی ائی سمیت تمام ملزمان پر فرد جرم عائد کیے جانے کی کارروائی ملتوی کردی گئی۔

ملزمان کی حاضری مکمل نہ ہونے کے باعث فرد جرم عائد کی جانے کی کارروائی ملتوی کی گئی۔

انسداد دہشت گردی کی خصوصی عدالت نے بانی پی ٹی آئی کی حاضری بذریعہ ویڈیو لنک کروانے کے احکامات جاری کئے تھے۔

اڈیالہ جیل انتظامیہ کو عدالت کے احکامات موصول ہوئے ، جس کے بعد امکان ظاہر کیا جارہا تھا کہ بانی پی ٹی ائی کی ویڈیو لنک کے ذریعے عدالت میں حاضری ہوگی۔

انسداددہشتگردی کی خصوصی عدالت میں آج فردجرم عائد کیے جانے کی کارروائی مقرر تھی۔

گزشتہ سماعت پر ملزمان میں چالان کی نقول تقسیم کی گئی تھیں تاہم مقدمہ میں نامزد23ملزمان میں چالان کی نقول تقسیم کرنے کا عمل مکمل نہ ہوسکا۔

انسداد دہشت گردی کی عدالت نے آج ملزمان کو پیش ہونے کا حکم جاری کیا گیا تھا۔

سابق صوبائی وزیرراجہ بشارت کی انسداددہشتگردی نے خصوصی عدالت کے باہر گفتگو میں کہا تھا کہ ہمیں بتایاگیاہے آج فرد جرم عائد کئےجانےکی کارروائی کا امکان ہے۔

صحافی نے سوال کیا کہ آپ پر کتنے مقدمات ہیں صبح اس عدالت میں،شام اس عدالت میں کیسےمینج کرتےہیں؟ تو رہنما پی ٹی آئی کا کہنا تھا کہ لمحہ فکریہ ہےہمارے اور حکمرانوں کیلئے،مجھے 28 مقدمات میں نامزد کیا گیا ہے، ضمانت پر ہوں،جس طرح ہمیں انہوں نے مصروف رکھا ہے تو کل ان کا بھی وقت آئے گا۔

اسلام آباد : نو مئی اور جی ایچ کیو حملہ کیس میں بانی پی ٹی آئی پر آٹھ نومبرکو فردجرم عائدکی جائے گی۔

تفصیلات کے مطابق اسلام آباد کی انسداد دہشت گردی کی عدالت میں 9 مئی واقعات اور جی ایچ کیو حملہ کیس کی سماعت ہوئی۔

انسداد دہشت گردی کی عدالت میں آج تمام ملزمان میں چالان کی نقول تقسیم کرنے کا عمل مکمل کرلیا گیا۔

جس کے بعد جج امجد علی شاہ نے آئندہ سماعت اڈیالہ جیل میں مقررکردی اور کہا بانی پی ٹی ائی سمیت تمام ملزمان پر 8 نومبر کو فرد جرم عائدکی جائے گی۔

بعد ازاں اے ٹی سی کی خصوصی عدالت نےسماعت 8 نومبر تک ملتوی کردی

دوسری جانب انسداد دہشت گردی کی عدالت میں جناح ہاؤس اورعسکری ٹاورحملہ سمیت 9مئی کے دیگرمقدمات کی سماعت ہوئی۔

پی ٹی آئی رہنماؤں اورکارکنان کی عبوری ضمانتوں پرسماعت کی گئی، عمر ایوب، زین قریشی،علیمہ خان اورعظمیٰ خان نے حاضری معافی کی درخواست دائر کی۔

درخواست میں کہا گیا کہ عمر ایوب اے ٹی سی راولپنڈی اوراے ٹی سی فیصل آباد میں پیشی کیلئےگئےہیں ، علیمہ خان اورعظمیٰ خان اے ٹی سی اسلام آباد میں حاضری کیلئےگئی ہیں اور زین قریشی اے ٹی سی راولپنڈی پیشی کیلئےگئےہیں۔

درخواست میں استدعا کی گئی کہ عدالت ان رہنماؤں کی ایک روزہ حاضری معافی کی درخواست منظورکرے۔