ARYNews.tv | Urdu – Har Lamha Bakhabar

Tag: جی ایچ کیو

  • آرمی چیف کی زیر صدارت فارمیشن کمانڈرز کانفرنس، وطن کی خدمت کے عزم کا اعادہ

    آرمی چیف کی زیر صدارت فارمیشن کمانڈرز کانفرنس، وطن کی خدمت کے عزم کا اعادہ

    راولپنڈی: جی ایچ کیو میں سالانہ فارمیشن کمانڈرز کانفرنس منعقد ہوئی، جس کی صدارت آرمی چیف جنرل قمر جاوید باجوہ نے کی۔

    پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ کی زیر صدارت فوج کے جنرل ہیڈکوارٹر راولپنڈی میں سالانہ فارمیشن کمانڈرز کانفرنس منعقد ہوئی۔

    آئی ایس پی آر نے بتایا کہ فارمیشن کمانڈرز کانفرنس میں تمام جنرل آفیسرز نے شرکت کی، کانفرنس میں جیو اسٹرٹیجک صورت حال اور قومی سلامتی سے متعلق امور پر تبادلۂ خیال کیا گیا۔

    شعبہ تعلقات عامہ نے کہا کہ کانفرنس میں داخلی سیکورٹی کے معاملات، ملک کو در پیش چیلنجز اور ان سے نمٹنے کے لیے جوابی حکمت عملی پر بھی گفتگو کی گئی۔

    کانفرنس سے خطاب کرتے ہوئے آرمی چیف جنرل قمر جاوید باجوہ نے کہا کہ پاک فوج ہر قسم کے خطرے سے نمٹنے کے لیے تیار ہے، مادر وطن کے دفاع کی بھرپور صلاحیت موجود ہے۔

    آرمی چیف نے کہا کہ آپریشن رد الفساد کی کام یابیوں کو آگے بڑھایا جائے گا، امن و استحکام کو تقویت دینے کے لیے کام یابیوں کو رائیگاں نہیں جانے دیں گے۔

    اجلاس کے شرکا نے وطن کی خدمت کے لیے ہر اقدم بروئے کار لانے کے عزم کا اعادہ کیا۔

  • آرمی چیف سے نیٹو کے افغانستان کے لیے سینئر نمائندے کی ملاقات

    آرمی چیف سے نیٹو کے افغانستان کے لیے سینئر نمائندے کی ملاقات

    اسلام آباد: آرمی چیف جنرل قمر جاوید باجوہ سے نیٹو کے افغانستان کے لیے سینئر نمائندے سر نکولس کی ملاقات ہوئی۔ ملاقات کے دوران خطے میں امن و امان کی صورتحال اور افغان مفاہمتی عمل پر بات چیت ہوئی۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کے مطابق نیٹو کے افغانستان کے لیے سینئر نمائندے سر نکولس نے جی ایچ کیو کا دورہ کیا۔

    اس موقع پر آرمی چیف جنرل قمر جاوید باجوہ سے نیٹو نمائندے کی ملاقات بھی ہوئی۔ ملاقات کے دوران خطے میں امن و امان کی صورتحال اور افغان مفاہمتی عمل پر بات چیت ہوئی۔

    آرمی چیف سے نیٹو نمائندے کی ملاقات میں پاک افغان بارڈر مینجمنٹ پر بھی تبادلہ خیال کیا گیا۔

    اس سے قبل آرمی چیف سے ازبکستان کے نائب وزیر اعظم الیور گنیف نے بھی ملاقات کی تھی۔ ملاقات میں باہمی دلچسپی کے امور، علاقائی سیکیورٹی اور روابط کے فروغ پر تبادلہ خیال کیا گیا۔

    آرمی چیف جنرل قمر جاوید باجوہ کا کہنا تھا کہ ازبکستان پاکستان کا دوست ملک ہے، باہمی تعلقات سے خطے میں امن و استحکام کی فضا بہتر ہوگی، باہمی تعاون اور اقتصادی استحکام کو بھی تقویت ملے گی۔

    ازبک نائب وزیر اعظم الیور گنیف نے کہا تھا کہ دہشت گردی کے خاتمے کے لیے پاک فوج کا کردار قابل تقلید ہے، خطے میں امن کے لیے پاک فوج کی کوششیں قابل قدر ہیں۔

  • آرمی چیف جنرل قمر جاوید باجوہ سے سعودی نائب وزیر دفاع کی ملاقات

    آرمی چیف جنرل قمر جاوید باجوہ سے سعودی نائب وزیر دفاع کی ملاقات

    راولپنڈی: آرمی چیف جنرل قمر جاوید باجوہ سے سعودی نائب وزیر دفاع نے ملاقات کی، جس میں باہمی دل چسپی کے امور پر گفتگو کی گئی۔

    پاک فوج کے شعبہ تعلقات عامہ (آئی ایس پی آر) کے مطابق سعودی نائب وزیرِ دفاع محمد بن عبداللہ العائش نے آرمی چیف جنرل قمر جاوید باجوہ سے ملاقات کی ہے۔

    ملاقات میں دونوں ممالک کے درمیان باہمی دل چسپی کے امور، دفاعی اور سلامتی کے سلسلے میں تعاون پر تبادلہ خیال کیا گیا۔

    آئی ایس پی آر اعلامیے کے مطابق ملاقات میں خطے کی مجموعی سیکورٹی صورتِ حال پر بھی بات چیت کی گئی۔

    یہ بھی پڑھیں:  آرمی چیف سے تاجکستان کے وزیر دفاع کی ملاقات

    یاد رہے کہ 11 اپریل کو تاجکستان کے وزیر دفاع جنرل شیر علی مروز نے آرمی چیف جنرل قمر جاوید باجوہ سے ملاقات کی تھی، ملاقات میں علاقائی سیکورٹی اور باہمی دل چسپی کے امور پر تبادلہ خیال کیا گیا تھا۔

    آرمی چیف جنرل قمر جاوید باجوہ کا کہنا تھا کہ تاجکستان پاکستان کا دوست ملک ہے، باہمی تعاون سے خطے میں امن و استحکام کو تقویت ملے گی۔

  • آرمی چیف سے تاجکستان کے وزیر دفاع کی ملاقات

    آرمی چیف سے تاجکستان کے وزیر دفاع کی ملاقات

    اسلام آباد: آرمی چیف جنرل قمر جاوید باجوہ سے تاجکستان کے وزیر دفاع جنرل شیر علی مرزو نے ملاقات کی، ملاقات میں علاقائی سیکیورٹی اور باہمی دلچسپی کے امور پر تبادلہ خیال کیا گیا۔

    تفصیلات کے مطابق پاک فوج کے شعبہ تعلقات عامہ آئی ایس پی آر کے مطابق تاجکستان کے وزیر دفاع جنرل شیر علی مرزو نے جی ایچ کیو کا دورہ کیا۔ اس موقع پر آرمی چیف جنرل قمر جاوید باجوہ سے انہوں نے ملاقات کی۔

    ملاقات میں علاقائی سیکیورٹی اور باہمی دلچسپی کے امور پر تبادلہ خیال کیا گیا۔ آرمی چیف جنرل قمر جاوید باجوہ کا کہنا تھا کہ تاجکستان پاکستان کا دوست ملک ہے، باہمی تعاون سے خطے میں امن و استحکام کو تقویت ملے گی۔

    تاجک وزیر دفاع کا کہنا تھا کہ خطے میں امن و استحکام کے لیے پاکستان کا کردار قابل قدر ہے۔

    وزیر خارجہ سے ملاقات

    آرمی چیف سے ملاقات کے بعد تاجکستان کے وزیر دفاع وزارت خارجہ پہنچے۔ وزیر خارجہ شاہ محمود قریشی نے تاجک وزیر دفاع کا خیر مقدم کیا۔

    تاجک وزیر دفاع اور وزیر خارجہ شاہ محمود قریشی کے درمیان ملاقات کے دوران دو طرفہ تعلقات، سیاسی و عسکری تعاون سمیت اہم امور پر تبادلہ خیال کیا گیا۔

    وزیر خارجہ کا کہنا تھا کہ دو طرفہ تعلقات کو قدر کی نگاہ سے دیکھتے ہیں، وزیر دفاع کے دورے سے تعلقات اور عسکری تعاون مزید مستحکم ہوگا۔

    تاجک وزیر دفاع نے کہا کہ علاقائی امن کے لیے پاکستان کی کوششوں کو سراہتے ہیں۔ دونوں رہنماؤں کے درمیان تجارتی، اقتصادی، سفارتی اور توانائی کے شعبوں میں تعاون کے فروغ پر اتفاق ہوا۔

    ملاقات میں دو طرفہ عسکری تعلقات کی موجودہ نوعیت پر اطمینان کا اظہار بھی کیا گیا جبکہ پاکستان کی جانب سے تاجکستان کی سیاسی و عسکری قیادت کے لیے نیک خواہشات کا اظہار کیا گیا۔

  • ملک میں امن و استحکام شہدا اورغازیوں کی مرہون منت ہے، آرمی چیف

    ملک میں امن و استحکام شہدا اورغازیوں کی مرہون منت ہے، آرمی چیف

    راولپنڈی: آرمی چیف جنرل قمر جاوید باجوہ نے کہا ہے کہ مادر وطن کے دفاع کے لیے جان سے بڑھ کر کوئی قربانی نہیں ہے، ملک میں امن و استحکام شہدا اورغازیوں کی مرہون منت ہے۔

    پاک فوج کے شعبہ تعلقات عامہ (آئی ایس پی آر) کے مطابق شہیدوں، غازیوں کو اعزازات دینے کے لیے جی ایچ کیو میں تقریب کا انعقاد کیا گیا، آرمی چیف نے شہدا کی قربانیوں اور بہادری کو سراہا، جنرل قمر جاوید باجوہ نے قوم کے تعاون، جرأت کی بھی تعریف کی۔

    آرمی چیف جنرل قمر جاوید باجوہ نے کہا کہ مادر وطن کو خراج عقیدت پیش کرنے کے لیے جمع ہوئے ہیں، لوگ پوچھتے ہیں دہشت گردی کے خلاف کیسے کامیابی حاصل کی، ہمارے شہدا اور غازی ہی اصل ہیروز ہیں۔

    انہوں نے کہا کہ اپنے شہیدوں کو بھولنے والی قومیں مٹ جایا کرتی ہیں، ملک میں امن و استحکام شہدا اور غازیوں کی مرہون منت ہے، شہدا کی قربانیاں رائیگاں نہیں جائیں گی۔

    آرمی چیف نے شہدا کے اہل خانہ کی جرأت اور بہادری کو سلام پیش کیا، آئی ایس پی آر کے مطابق شہدا کے لواحقین نے اعزازات وصول کیے۔

  • آرمی چیف سے بحرین کے وزیر خارجہ کی ملاقات

    آرمی چیف سے بحرین کے وزیر خارجہ کی ملاقات

    اسلام آباد: آرمی چیف جنرل قمر جاوید باجوہ سے بحرین کے وزیر خارجہ شیخ خالد بن احمد بن محمد الخلیفہ نے ملاقات کی، ملاقات میں باہمی دلچسپی کے امور اور خطے میں سیکیورٹی صورتحال پر بات چیت ہوئی۔

    تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ بحرین کے وزیر خارجہ شیخ خالد بن احمد بن محمد الخلیفہ نے جی ایچ کیو کا دورہ کیا، اس دوران آرمی چیف جنرل قمر جاوید باجوہ سے ان کی ملاقات ہوئی۔

    ملاقات میں باہمی دلچسپی کے امور اور خطے میں سیکیورٹی صورتحال پر بات چیت ہوئی۔ بحرین کے وزیر خارجہ نے خطے میں کشیدگی کم کرنے کے لیے پاکستان کے کردار کی تعریف کی۔

    بحرین کے وزیر خارجہ اور آرمی چیف کے درمیان ملاقات میں مختلف شعبوں میں باہمی تعاون کو مزید وسعت دینے پر بھی زور دیا گیا۔

    خیال رہے کہ گزشتہ روز آرمی چیف سے امریکی وفد نے بھی ملاقات کی تھی جس کی قیادت سینٹ کام کے کمانڈر جنرل کینتھ میکنزی نے کی تھی۔

    ملاقات میں جیو اسٹریٹجک صورتحال، علاقائی سیکیورٹی، افغانستان کی صورتحال اور پاک بھارت کشیدگی پر بھی بات چیت کی گئی۔

  • آرمی چیف کی دعوت پردفاعی کمیٹی 4 اپریل کوجی ایچ کیوکا دورہ کرے گی

    آرمی چیف کی دعوت پردفاعی کمیٹی 4 اپریل کوجی ایچ کیوکا دورہ کرے گی

    راولپنڈی: پاک فوج کے سربراہ جنرل قمر جاوید باجوہ پارلیمنٹ کی دفاعی کمیٹی کو بھارت کے ساتھ کشیدگی وسرحدی صورت حال پر 4 اپریل کو بریفنگ دیں گے۔

    تفصیلات کے مطابق آرمی چیف جنرل قمر جاوید باجوہ کی دعوت پر امجد خان کی سربراہی میں قومی اسمبلی کی دفاعی کمیٹی 4 اپریل کو جی ایچ کیو کا دورہ کرے گی۔

    پاک فوج کے سربراہ دفاعی کمیٹی کو کنٹرول لائن، ورکنگ باؤنڈری اور انٹرنیشنل بارڈرز کی صورت حال پر بریفنگ دیں گے۔

    قومی اسمبلی کی 21 رکنی دفاعی کمیٹی میں تمام پارلیمانی جماعتوں کے اراکین شامل ہوں گے جنہیں بھارتی جارحیت اور اشتعال انگیزیوں پر پاک فوج کے جوابی اقدام کے بارے میں بھی آگاہ کیا جائے گا۔

    دفاعی کمیٹی کو جی ایچ کیو اور مسلح افواج کے امور پربھی اعتماد میں لیا جائے گا، کمیٹی اراکین یادگار شہدا پر بھی حاضری دیں گے۔

    ہائبرڈ جنگ میں پاکستان جیت گیا،بھارت کے سابق کور کمانڈرکا اعتراف

    یاد رہے کہ دو روز قبل بھارت کے سابق کور کمانڈر لیفٹیننٹ جنرل عطا حسنین نے اعتراف کیا تھا کہ آئی ایس پی آر نے کشمیریوں کو بھارتی فوج اور بھارتی قوم سے دور کر دیا، ہائبرڈ جنگ میں پاکستان جیت گیا۔

    بھارتی فوج کے سابق کور کمانڈر کا کہنا تھا کہ پاک فوج کے شعبہ تعلقات عامہ (آئی ایس پی آر) نے ہمیں سکھایا کہ معلومات کی فراہمی کیا ہوتی ہے، بھارتی حکومت کی غلط پالیسیوں کی وجہ سے کشمیری عوام اٹھ کھڑے ہوئے۔

  • آرمی چیف سے یورپی کمیشن کی نمائندہ خصوصی کی ملاقات

    آرمی چیف سے یورپی کمیشن کی نمائندہ خصوصی کی ملاقات

    راولپنڈی: یورپی کمیشن کی نمائندہ خصوصی برائے خارجہ و سیکورٹی پالیسی نے جی ایچ کیو کا دورہ کر کے آرمی چیف جنرل قمر جاوید باجوہ سے ملاقات کی۔

    آئی ایس پی آر سے جاری اعلامیے کے مطابق آرمی چیف سے یورپی یونین کی نمائندہ خصوصی فیڈریکا موگرینی نے جی ایچ کیو میں ملاقات کی ہے۔

    پاک فوج کے شعبہ تعلقات عامہ نے کہا ہے کہ ملاقات میں باہمی دل چسپی اور علاقائی سیکورٹی صورتِ حال پر تبادلۂ خیال کیا گیا۔

    آئی ایس پی آر کے مطابق فیڈریکا موگرینی نے علاقائی امن و استحکام کے لیے پاکستان کے مثبت کردار کو قابل تعریف قرار دیا۔

    خیال رہے کہ یورپی یونین کی خارجہ امور کی سربراہ فیڈریکا موگرینی آج ہی پاکستان پہنچی ہیں، پاکستان دورے کے دوران ان کی وزیر اعظم عمران خان سے بھی ملاقات متوقع ہے۔

    قبل ازیں وزیر خارجہ شاہ محمود قریشی سے انھوں نے ملاقات کی جس میں پاکستان اور یورپی یونین میں نئے اسٹریٹجک تعلقات کا معاہدہ طے پا گیا۔

    یہ بھی پڑھیں:  پاکستان اور یورپی یونین میں نئے اسٹریٹجک تعلقات کا معاہدہ طے پاگیا

    وزیر خارجہ نے کہا کہ یورپی یونین اور تحریک انصاف حکومت کی پالیسیوں میں مماثلت ہے، ملاقات میں نیشنل ایکشن پلان، انتہا پسندی اور افغان امن عمل سے متعلق بات ہوئی۔

    فیڈریکا موگرینی نے کہا کہ اسلامو فوبیا صرف مسلمانوں کے لیے نہیں ہمارے لیے بھی خطرہ ہے، اسلامو فوبیا پر نہ صرف او آئی سی بلکہ اقوام متحدہ میں بھی کام کرنے کو تیار ہیں۔

  • پاک فوج مادر وطن کے دفاع کے لئے چوکس اور تیار ہے: آرمی چیف

    پاک فوج مادر وطن کے دفاع کے لئے چوکس اور تیار ہے: آرمی چیف

    راولپنڈی: آرمی چیف جنرل قمر جاوید باجوہ نے کہا ہے کہ کسی بھی خطرے یا رکاوٹ کے باعث ہمیں ترقی سے روکا نہیں جا سکتا.

    ان خیالات کا اظہار انھوں نے کور کمانڈرز کانفرنس میں‌کیا. پاک فوج کے شعبہ برائے تعلقات عامہ (آئی ایس پی آر) کے مطابق آرمی چیف کی زیر صدارت ہونے والے اس اجلاس میں‌ نیشنل ایکشن پلان پر حکومتی فیصلوں پرمن وعن عمل کرنے کے عزم کا اعادہ کیا گیا۔

    [bs-quote quote=”نیشنل ایکشن پلان پ رعمل درآمدکے لئے تمام ریاستی اداروں سےمکمل تعاون کیاجائے گا۔” style=”style-8″ align=”left” author_name=”شرکا”][/bs-quote]

    کانفرنس میں نیشنل ایکشن پلان عمل درآمد اور پیش رفت کاجائزہ لیاگیا، شرکا کا کہنا تھا کہ نیشنل ایکشن پلان سےمتعلق حکومتی اقدامات پرمن وعن عمل کیاجائے گا۔ نیشنل ایکشن پلان پر عمل درآمدکے لئے تمام ریاستی اداروں سےمکمل تعاون کیاجائے گا۔

    اس موقع پر آرمی چیف جنرل قمر جاوید باجوہ نے کہا کہ پاکستان میں امن استحکام اورترقی مثبت سمت میں  رواں دواں ہے، کوئی بھی خطرہ یا رکاوٹ ہمیں ترقی سے نہیں روک سکتی۔ طاقت کا استعمال صرف ریاست کااستحقاق ہے۔

    آرمی چیف جنرل قمرجاویدباجوہ نے مزید کہا کہ اللہ کےفضل وکرم سےپاک فوج مادروطن کےدفاع کے لئےچوکس اور تیار ہے۔

    آرمی چیف نےمسلح افواج کےبلندعزم وحوصلےاورقوم کےجذبےکوسراہا۔

  • گورنر تبوک شہزادہ فہد بن سلطان السعود کا جی ایچ کیو کا دورہ

    گورنر تبوک شہزادہ فہد بن سلطان السعود کا جی ایچ کیو کا دورہ

    راولپنڈی: پاک فوج کے شعبہ تعلقات عامہ کا کہنا ہے کہ گورنر تبوک شہزادہ فہد بن سلطان بن عبد العزیز السعود نے جی ایچ کیو کا دورہ کیا۔

    آئی ایس پی آر کے مطابق آرمی چیف جنرل قمر جاوید باجوہ سے جی ایچ کیو میں گورنر تبوک شہزادہ فہد بن سلطان السعود نے ملاقات کی۔

    جی ایچ کیو میں ہونے والی ملاقات میں باہمی دل چسپی اور علاقائی سلامتی کی صورتِ حال پر تبادلۂ خیال کیا گیا۔

    یاد رہے کہ 20 دسمبر کو ترک وزیر قومی دفاع نے بھی جی ایچ کیو کا دورہ کرتے ہوئے آرمی چیف جنرل قمر جاوید باجوہ سے ملاقات کی تھی جس میں علاقائی سیکورٹی کی صورتِ حال پر بھی تبادلہ خیال کیا گیا۔

    یہ بھی پڑھیں:  ترک وزیر قومی دفاع کا جی ایچ کیو کا دورہ، آرمی چیف سے ملاقات

    آئی ایس پی آر کے مطابق ملاقات میں باہمی دل چسپی بہ شمول دفاعی سیکورٹی تعاون پر بات چیت کی گئی۔ ترک وزیر دفاع نے دہشت گردی کے خلاف پاکستان کی کوششوں اور قربانیوں کو بھی سراہا۔