ARYNews.tv | Urdu – Har Lamha Bakhabar

Tag: جی ایچ کیو

  • پاکستانی عوام کے بہترین مفادمیں اداروں کی حمایت کی جائےگی، آرمی چیف

    پاکستانی عوام کے بہترین مفادمیں اداروں کی حمایت کی جائےگی، آرمی چیف

    راولپنڈی : آرمی چیف کی زیرصدارت کورکمانڈرزکانفرنس کا انعقاد کیا گیا ، کانفرنس میں افغان مفاہمتی عمل کی کامیابی کےلیےامیدکااظہار کیا اور  افغان جنگ کےپرامن اختتام کیلئےاسٹیک ہولڈرزکی حمایت کی، آرمی چیف نے کہا پاکستانی عوام کےبہترین مفادمیں اداروں کی حمایت کی جائے گی۔

    پاک فوج کے شعبہ تعلقات عامہ آئی ایس پی آر سے جاری بیان کے مطابق آرمی چیف جنرل قمر جاوید باجوہ کی زیر صدارت 216 کور کمانڈرزکانفرنس جنرل ہیڈ کوارٹر (جی ایچ کیو ) میں منعقد کی گئی ، کانفرنس میں جیواسٹریٹجک انوائرمنٹ پرغور کیا گیا۔

    آئی ایس پی آر کا کہنا تھا کہ کانفرنس نےایل اوسی سمیت مشرقی اورمغربی سرحدوں کی صورتحال کاجائزہ لیا اور داخلی سیکیورٹی سےمتعلق جاری آپریشنز پر  پیشرفت پر بھی تبادلہ خیال کیا گیا۔

    ترجمان کے مطابق کانفرنس میں شرکاء نے دہشت گردی کو جڑ سے اکھاڑنے کے لئے علاقائی سوچ کی اہمیت کواجاگرکیا اور افغانستان میں قیام امن کیلئے تمام فریقین کی حمایت پر اتفاق کیا کہ افغان جنگ کےاختتام کیلئےتمام فریقین کی حمایت کی جائے گی ۔

    کانفرنس میں ملک کوتمام خطرات سےمحفوظ بنانےکےعزم کااعادہ کیا اور دہشت گردی کے خاتمہ کے لئے علاقائی کوششوں کو فروغ دینے پر زور دیا گیا۔

    اس موقع پر آرمی چیف نے کہا پاکستان کےعوام کی خوشحالی اولین ترجیح ہے، پاکستانی عوام کےبہترین مفادمیں اداروں کی حمایت کی جائےگی اور ملک کی ترقی،امن وخوشحالی کےلیےتمام اداروں کی حمایت جاری رکھیں گے۔

  • آرمی چیف کی متحدہ عرب امارات کی لینڈ فورس کے کمانڈر سے ملاقات

    آرمی چیف کی متحدہ عرب امارات کی لینڈ فورس کے کمانڈر سے ملاقات

    راولپنڈی : آرمی چیف جنرل قمر جاوید باجوہ نے متحدہ عرب امارات کی لینڈ فورس کمانڈر سے ملاقات کی، میجر جنرل صالح محمد صالح نے دہشت گردی کیخلاف جنگ میں پاک فوج کی کوششوں کو سراہا۔

    پاک فوج کے شعبہ تعلقات عامہ آئی ایس پی آر کے مطابق متحدہ عرب امارات کی لینڈ فورس کے کمانڈر میجرجنرل صالح محمد صالح میگرن ال امیری پاک فوج کے ہیڈ کوارٹر
    (جی ایچ کیو ) پہنچے تو پاک فوج کے چاق و چوبند دستے نے انھیں سلامی دی۔

    آرمی چیف جنرل قمر جاوید باجوہ سے متحدہ عرب امارات کی لینڈ فورس کے کمانڈر میجر جنرل صالح محمدصالح میگرن ال امیری کی جی ایچ کیو میں ملاقات ہوئی، ملاقات میں علاقائی سلامتی اورباہمی دلچسپی کے امورپرتبادلہ خیال کیا گیا۔

    آئی ایس پی آر کے مطابق ملاقات میں دونوں ملکوں کی افواج کے درمیان دفاع، سیکیورٹی اور فوجی تربیت کے شعبوں میں باہمی تعاون پر بھی غور ہوا۔

    لینڈ فورس کے کمانڈر میجرجنرل صالح محمدصالح نے دہشت گردی کیخلاف جنگ میں پاک فوج کی کوششوں کو سراہا۔

    معزز مہمان نے جی ایچ کیو میں یادگارشہداءپر حاضری بھی دی اور پھول چڑھائے۔

  • آرمی چیف جنرل قمرجاوید باجوہ سے ترک سفیر کی ملاقات

    آرمی چیف جنرل قمرجاوید باجوہ سے ترک سفیر کی ملاقات

    راولپنڈی : آرمی چیف جنرل قمرجاوید باجوہ سے ترک سفیر نے ملاقات کی، ملاقات میں باہمی دلچسپی اور علاقائی صورتحال پر گفتگو کی گئی۔

    پاک فوج کے شعبہ تعلقات عامہ آئی ایس پی آر کے مطابق ترکی کے سفیر احسان مصطفیٰ نے پاک فوج ہیڈ کوارٹر جی ایچ کیو کا دورہ کیا اور آرمی چیف جنرل قمرجاویدباجوہ سے ملاقات کی، ملاقات میں باہمی دلچسپی اورعلاقائی سیکیورٹی کے امور پر تفصیلی تبادلہ خیال کیا گیا۔

    یاد رہے گذشتہ ماہ ترک وزیر خارجہ نے اعلیٰ سطح کے وفد کے ہمراہ پاکستان کا دورہ کیا تھا ، جہاں انھوں نے وزیر خارجہ شاہ محمود قریشی ، وزیراعظم عمران خان سے ملاقاتیں کیں تھیں۔

    آرمی چیف جنرل قمر جاوید باجوہ سے ترک وزیر خارجہ میولوت چاؤش اوغلو نے پاک فوج کے ہیڈکوارٹر جی ایچ کیو میں ملاقات کی تھی،جس میں پاک ترک تعلقات اور خطے کی سیکیورٹی کی صورتحال بالخصوص مشرق وسطیٰ کی صورتحال پر تبادلہ خیال کیا گیا تھا۔

    آئی ایس پی آر کے مطابق ترک وزیر خارجہ نے خطے میں امن کیلئے پاکستان کی کوششوں کو سراہا اور دونوں ممالک میں سکیورٹی تعاون کے فروغ پر بھی بات چیت ہوئی۔

    ترجمان کا کہنا تھا کہ ترک وزیر خارجہ میولوت چاؤش اوغلو نے مل کر کام کرنے پر پاکستان کو سراہا۔

  • آرمی چیف کی ترک وزیرخارجہ سے ملاقات ، پاک ترک تعلقات پر تبادلہ خیال

    آرمی چیف کی ترک وزیرخارجہ سے ملاقات ، پاک ترک تعلقات پر تبادلہ خیال

    راولپنڈی : آرمی چیف جنرل قمر جاوید باجوہ نے ترک وزیر خارجہ سے ملاقات کی ، ملاقات میں ترک وزیرخارجہ نے خطےمیں امن کے لئے کوششوں اور مل کر کام کرنے پر پاکستان کو سراہا۔

    پاک فوج کے تعلقات عامہ کے شعبے (آئی ایس پی آر)کے مطابق آرمی چیف جنرل قمر جاوید باجوہ سے ترک وزیر خارجہ میولوت چاؤش اوغلو کی پاک فوج کے ہیڈکوارٹر جی ایچ کیو میں ملاقات کی ،جس میں پاک ترک تعلقات اور خطے کی سیکیورٹی کی صورتحال بالخصوص مشرق وسطیٰ کی صورتحال پر تبادلہ خیال کیا گیا۔

    آئی ایس پی آر کے مطابق ترک وزیر خارجہ نے خطے میں امن کیلئے پاکستان کی کوششوں کو سراہا اور دونوں ممالک میں سکیورٹی تعاون کے فروغ پر بھی بات چیت ہوئی۔

    ترجمان کا کہنا تھا کہ ترک وزیر خارجہ میولوت چاؤش اوغلو نے مل کر کام کرنے پر پاکستان کو سراہا۔

    اس سے قبل ترک وزیر خارجہ اعلیٰ سطح کے وفد کے ہمراہ دفتر خارجہ پہنچے تھے، جہاں وزیر خارجہ شاہ محمود قریشی نے ترک ہم منصب کا استقبال کیا۔

    ترک وزیر خارجہ نے وزیر خارجہ شاہ محمود قریشی سے ملاقات کی ، ملاقات کے بعد پاکستان اور ترکی کے درمیان وفود کی سطح پر مذاکرات ہوئے، مذاکرات میں باہمی تعلقات، تجارت اور اقتصادی تعاون پر بات چیت کی گئی۔

    مزید پڑھیں : نئے لوگ اور نئی حکومتیں آتی رہتی ہیں مگر اصل دوستی عوام سے ہے، ترک وزیرخارجہ

    مشترکہ پریس کانفرنس کرتے ہوئے پاکستان کے دورے پر آئے ترک وزیر خارجہ کا کہنا تھا کہ نئے لوگ اور نئی حکومتیں آتی رہتی ہیں مگر اصل دوستی عوام سے ہے۔ ہمارے تعلقات میں سر فہرست دفاعی اور تجارتی تعلقات ہیں، ناموس رسالت کیلئے ہر قدم پر پاکستان کے ساتھ کھڑے ہیں۔ دونوں ممالک نے دہشت گردی کے خلاف جنگ میں بہت نقصانات اٹھائے ہیں۔

    چاؤش اوغلو کا کہنا تھا کہ آج ہمارے مذاکرات دونوں ممالک میں اسٹریٹیجک تعلقات پر تھے، انشا اللہ مذاکرات میں طے پانے والے معاملات کو عملی جامہ پہنائیں گے۔ ترک سرمایہ کاروں کو پاکستان میں سرمایہ کاری کی طرف راغب کریں گے، ’ترک سرمایہ کار پاکستان میں اپنے کاروبار کو مزید وسعت دیں گے‘

    خیال رہے کہ ترک وزیر خارجہ آج صبح اسلام آباد پہنچے۔ وہ پاکستانی قیادت سے بھی ملاقاتیں کریں گے، چاؤش اوغلو نئی پاکستانی قیادت کو ترک صدر کا پیغام پہنچائیں گے۔

  • قوم آج یوم دفاع پاکستان ملی جوش وجذبے سے منارہی ہے

    قوم آج یوم دفاع پاکستان ملی جوش وجذبے سے منارہی ہے

    راولپنڈی : ملک بھر میں یوم دفاع پاکستان اور یوم شہدا بھرپور قومی جوش وجذبے سے منایا جا رہا ہے۔

    تفصیلات کے مطابق ملک بھر میں یوم دفاع پاکستان بھرپورجوش وخروش اور ملی جذبے کے ساتھ منایا جا رہا ہے ہے۔ آج 1965ء کی جنگ کے شہدا کی لازوال قربانیوں کو خراج عقیدت پیش کرنے کا دن ہے۔

    یوم دفاع کے موقع پر دن کا آغاز وفاقی دارالحکومت میں 31 اور صوبائی دارالحکومتوں میں 21،21 توپوں کی سلامی سے ہوا مساجد میں نماز فجر کی ادائیگی کے بعد ملک کی ترقی وخوشحالی کے لیے خصوصی دعائیں مانگی گئیں۔

    لاہور میں مزار اقبال پر گیریژن کمانڈر میجر جنرل عامر نے حاضری دی، پھول چڑھائے اور فاتحہ خوانی کی۔

    پاک فوج کے چاق وچوبند دستے نے اس موقع پرسلامی بھی دی، گیریژن کمانڈر میجر جنرل عامر نے مہمانوں کی کتاب میں اپنے تاثرات قلمبند کیے۔

    یوم دفاع کے سلسلے میں مزار قائد پر گارڈز کی تبدیلی کی پُروقار تقریب منعقد ہوئی، ایئروائس مارشل ندیم صابر نے مزار قائد پر پھول چڑھائے اور فاتحہ خوانی کی۔

    اصغر خان اکیڈمی کے 73 کیڈٹس نے پاک بحریہ کے دستوں کو تبدیل کیا جن میں 5 خواتین بھی شامل ہیں۔

    یوم دفاع کی مرکزی تقریب آج جی ایچ کیو راولپنڈی میں منعقد کی جائے گی جس میں وزیراعظم عمران خان بطور مہمان خصوصی شرکت کریں گے۔ قوم اپنے شہدا کو خصوصی خراج عقیدت پیش کرے گی اور ان کی قربانیاں اجاگر کی جائیں گی۔

    تقریب میں تینوں مسلح افواج کے سربراہان، چیئرمین جوائنٹ چیفس آف اسٹاف کمیٹی جنرل زبیر محمود حیات، وزرا، سینیٹرز، ارکان قومی اسمبلی، سفارت کار، فوجی اور سول حکام سمیت مختلف شعبہ ہائے زندگی سے تعلق رکھنے والے افراد شرکت کریں گے۔

    پاک فوج کے سربراہ جنرل قمرجاوید باجوہ نے یوم دفاع وشہدا کے موقع پر اپنے پیغام میں کہا ہے کہ شہید کی جو موت ہے وہ قوم کی حیات ہے۔

    پاک فوج کے شعبہ تعلقات عامہ نے یوم دفاع وشہدائے پاکستان کے حوالے سے خصوصی پرومو جاری کیا ہے۔ پرومو میں آرمی چیف شہدا کے لواحقین سے اظہار ہمدری اور یکجہتی کررہے ہیں۔

    آئی ایس پی آر کے دوسرے پرومو میں شہدا جدوجہد آزادی کشمیر کو سلام پیش کیا ہے۔ حریت کمانڈر شہید برہان وانی بھی اس پرومو کا حصہ ہیں۔

    یوم دفاع کے موقع پر پاک فوج کے شعبہ تعلقات عامہ آئی ایس پی آر کی جانیب سے خصوصی نغمہ بھی جاری کیا گیا ہے جس میں شہدا اور غازیوں کو خراج عقیدت پیش کیا گیا ہے۔

    واضح رہے کہ یوم دفاع کے سلسلے میں ریلوے اسٹیشنز اور ایئرپورٹس سمیت نمایاں مقامات پرشہدا کی تصاویر آویزاں کی گئی ہیں۔

  • یوم دفاع وشہدا آج ملی جوش و جذبے سے منایا جائے گا، یادگاروں پر پھول رکھے جائیں گے

    یوم دفاع وشہدا آج ملی جوش و جذبے سے منایا جائے گا، یادگاروں پر پھول رکھے جائیں گے

    اسلام آباد : آج ملک بھر میں یوم دفاع وشہدا ملی جوش و جذبے سے منایا جارہا ہے، آج شہداء یادگاروں پر پھول رکھے جائیں گے۔ غازیوں اور شہداء کے ساتھیوں کے گھر جاکر ان سے محبت کا اظہار کیا جائے گا۔

      مرکزی تقریب رات آٹھ بجے جی ایچ کیو میں ہوگی جس کے مہمان خصوصی وزیر اعظم عمران خان ہوں گے، چھ ستمبر ملکی سرحدوں کے دفاع اور تجدید عہد وفا کا دن ہے،  وہ دن جب دشمن ناپاک ارادوں کے ساتھ ارض پاک میں گھسا۔

    وہ دن جب پاک فوج نے دشمن کے ناپاک قدموں کو پسپا کردیا۔ اس سلسلے میں ہمیں پیار ہے پاکستان کے نام سے آئی ایس پی آر کی خصوصی مہم جاری ہے۔

    شہیدوں اور ان کے اہل خانہ کو ملک بھر میں خراج تحسین دینے کا سلسلہ جاری ہے، آج شہداء یادگاروں پر پھول رکھے جائیں گے۔ غازیوں اور شہداء کے ساتھیوں کے گھر جاکر ان سے محبت کا اظہار کیا جائے گا۔

    واضح رہے کہ چھ ستمبر انیس سوپینسٹھ وہ دن ہے جب دشمن نے اُس قوم کو للکارا جس کی اساس شجاعت اور بہادری ہے۔ بھارت کی پندرہویں بکتر بند ڈویژن رات کی تاریکی میں پاکستان پر حملہ آور ہوئی۔

    طاقت کے نشے میں چور بھارتی فوج نے بے خبری میں حملہ اور صبح تک لاہور میں ناشتہ کا دعویٰ کیا لیکن انہیں معلوم نہ تھا کہ سرحدوں کی رکھوالی خالد بن ولید اور ٹیپو سلطان کے جانشین کررہے تھے۔

    پاک فوج نے اپنے سے کہیں بڑی فوجی طاقت کا غرور خاک میں ملادیا۔ بھارت چونڈہ کا مقام کبھی نہیں بھولے گا جسے پاک فوج کے جوانوں نے بھارتی ٹینکوں کا قبرستان بنایا۔

    بی آر بی کے مقام پر میجر راجہ عزیز بھٹی شہید نے دشمن کی صفوں میں گھس کر انہیں بھاگنے پر مجبور کیا۔ کوہ میں دشت میں صحرا میں پاک فوج کے جوان ہر محاذ پر بہادری سے لڑے، پاک فضائیہ کے مٹھی بھر جنگی جہازوں نے ملک کی فضاؤں کو محفوظ بنایا۔

    ایم ایم عالم کو کیسے کوئی بھول سکتا ہے۔ تیس سیکنڈ میں دشمن کےچھ جہاز ڈھیر کردیئے، جنہیں لاہور میں ناشتہ کرناتھا وہ اپنے علاقے بھی چھوڑ کر بھاگ رہے تھے۔

    غیر ملکی اخباروں میں پاک فوج کے کارنامے بیان کیے جارہے تھے۔ پاکستانی قوم بھی وطن کے دفاع کے لیے فوج کے شانہ بشانہ کھڑی تھی، شہریوں کا ڈنڈے اٹھائے سرحدوں پر جانا، چندے اکٹھے کرنا اور نور جہاں کا ریڈیو پر ملی نغموں سے سے جوانوں کا جذبہ بڑھانا، یہ وہ سترہ دن تھے جب اٹھارہ سال پہلے بننے والے ملک نے ایک قوم بن کر اور یک جان ہوکر اپنا دفاع کیا۔

     

  • وزیراعظم عمران خان کا جی ایچ کیو کا دورہ

    وزیراعظم عمران خان کا جی ایچ کیو کا دورہ

    راولپنڈی : وزیراعظم عمران خان پاک فوج کے ہیڈکوارٹر جی ایچ کیو پہنچ گئے، جہاں ان کو دفاع اور سیکیورٹی صورتحال پر بریفنگ دی جارہی ہے۔

    تٖفصیلات کے مطابق ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر بیان میں کہا کہ وزیراعظم عمران خان نے جی ایچ کیو پہنچے ، جہاں آرمی چیف جنرل قمر جاوید باجوہ نے وزیراعظم کا استقبال کیا۔

    ڈی جی آئی ایس پی آر کا کہنا تھا کہ جی ایچ کیو میں وزیراعظم کو دفاع، داخلی سیکیورٹی اور پیشہ ورانہ امور پر بریفنگ دی جارہی ہے۔

    میجر جنرل آصف غفور نے مزید کہا کہ وزرائے دفاع پرویز خٹک ، وزیر خارجہ شاہ محمود قریشی ، وزیرخزانہ اسد عمر، وزیراطلاعات فواد چودھری اور وزیر مملکت داخلہ بھی وزیراعظم عمران خان کے ہمراہ ہیں۔

    مزید پڑھیں : وزیر اعظم عمران خان سے آرمی چیف کی ملاقات

    یاد رہے 3 روز قبل  وزیراعظم عمران خان نے پاک فوج کے سربراہ جنرل قمر جاوید باجوہ سے ملاقات کی تھی، ملاقات میں ملک میں پائیدار امن اور استحکام کے عزم کا اظہار کیا گیا جبکہ خطےمیں امن کے لیے کوششیں جاری رکھنے کے عزم کا اعادہ بھی کیا گیا تھا۔

    خیال رہے کہ پاکستان تحریک انصاف کے الیکشن جیتنے، نئی حکومت بننے اور عمران خان کے بطور وزیر اعظم حلف اٹھانے کے بعد دونوں شخصیات کی یہ پہلی باضابطہ ملاقات تھی۔

  • جنرل (ر) اسد درانی کا نام ای سی ایل میں ڈال دیا گیا، ذرائع وزارت داخلہ

    جنرل (ر) اسد درانی کا نام ای سی ایل میں ڈال دیا گیا، ذرائع وزارت داخلہ

     اسلام آباد: کتاب لکھنے کے معاملے پر سابق ڈی جی آئی ایس آئی جنرل (ر) اسد درانی کا نام ای سی ایل میں ڈال دیا گیا، ذرائع وزارت داخلہ کا کہنا ہے کہ اسد درانی کے خلاف اعلیٰ سطح کی تحقیقات ہوں گی۔

    تفصیلات کے مطابق آرمی چیف جنرل قمرجاوید باجوہ کے حکم پر سابق ڈائریکٹر جنرل آئی ایس آئی کو ان کی کتاب کے سلسلے میں آج جی ایچ کیو طلب کیا گیا تھا۔

    آئی ایس پی آر کے مطابق جنرل ریٹائرڈ اسد درانی سے متعلق عدالتی تحقیقات لیفٹیننٹ جنرل کی سربراہی میں کی جائیں گی، سابق ڈی جی آئی ایس آئی اس سلسلے میں جی ایچ کیو میں پیش ہوچکے ہیں۔

    ذرائع کا کہنا ہے کہ پاک فوج کی جانب سے جنرل (ر) اسد درانی کی کتاب پر تحفظات کا اظہار کیا گیا تھا، جی ایچ کیو میں ان سے وضاحت طلب کی گئی۔

    ذرائع کے مطابق اسد درانی سے جی ایچ کیو میں وضاحت طلب کیے جانے کے بعد فوری ایکشن لیا گیا اور ان کا نام ای سی ایل میں ڈالنے کے لیے درخواست دے دی گئی۔

    لیفٹیننٹ جنرل ریٹائرڈ اسد درانی آج جی ایچ کیومیں پیش ہوں گے

    ذرائع نے بتایا کہ اسد درانی کی کتاب میں بیان کردہ متعدد موضوعات حقائق کے برعکس ہیں، اپنی کتاب میں انھوں نے ملٹری کوڈ آف کنڈکٹ کی خلاف ورزی کی ہے۔

    واضح رہے کہ لیفٹیننٹ جنرل اسد درانی اگست 1990 سے مارچ 1992 تک آئی ایس آئی کے سربراہ رہے ہیں جنہوں نے سابق را چیف اے ایس دلت کے ساتھ مل کر ایک کتاب ’دی اسپائے کرونیکلز: را، آئی ایس آئی اینڈ دی الوژن آف پیس‘ لکھی ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • لیفٹیننٹ جنرل ریٹائرڈ اسد درانی آج جی ایچ کیومیں پیش ہوں گے

    لیفٹیننٹ جنرل ریٹائرڈ اسد درانی آج جی ایچ کیومیں پیش ہوں گے

    اسلام آباد: سابق آئی ایس آئی چیف لیفٹیننٹ جنرل ریٹائرڈ اسد درانی آج جنرل ہیڈکوارٹرز (جی ایچ کیو) راولپنڈی میں پیش ہوں گے، اسد درانی سے کتاب پران کے خیالات کی وضاحت لی جائے گی۔

    تفصیلات کے مطابق آرمی چیف کی طلبی پرسابق ڈی جی آئی ایس آئی لیفٹیننٹ جنرل ریٹائرڈ اسد درانی آج جی ایچ کیو راولپنڈی میں پیش ہوں گے جہاں وہ اپنی کتاب ’دی اسپائے کرونیکلز: را، آئی ایس آئی اینڈ دی الوژن آف پیس‘ میں درج مندرجات پروضاحت دیں گے۔

    جنرل (ر) اسد درانی کی کتاب پرپاک فوج کے تحفظات، 28 مئی کو جی ایچ کیو طلب

    خیال رہے کہ 25 مئی کو ڈی جی آئی ایس پی آر میجرجنرل آصف غفور نے ٹویٹرپراپنے پیغام میں کہا تھا کہ لیفٹیننٹ جنرل ریٹائرڈ اسد درانی کو 28 مئی کوجی ایچ کیو طلب کیا گیا ہے، ملٹری کوڈ آف کنڈکٹ کی خلاف ورزی پر پوزیشن واضح کرنا ہوگی۔

    ڈی جی آئی ایس پی آر کا مزید کہنا تھا کہ ملٹری کوڈ آف کنڈکٹ تمام حاضراور ریٹائرڈ فوجیوں پرلاگو ہوتا ہے۔

    واضح رہے کہ لیفٹیننٹ جنرل اسد درانی اگست 1990 سے مارچ 1992 تک آئی ایس آئی کے سربراہ رہے ہیں جنہوں نے سابق را چیف اے ایس دلت کے ساتھ مل کرایک کتاب ’دی اسپائے کرونیکلز: را، آئی ایس آئی اینڈ دی الوژن آف پیس‘ لکھی ہے۔

    کتاب میں جن معاملات پر روشنی ڈالی گئی، اُن میں کارگل آپریشن، ایبٹ آباد میں امریکی نیوی سیلز کا اسامہ بن لادن کو ہلاک کرنے کا آپریشن، کلبھوشن یادیو کی گرفتاری، حافظ سعید، کشمیر، برہان وانی اور دیگر معاملات شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فاٹا میں امن بحال ہوا تو کچھ لوگوں نے نئی تحریک شروع کردی، آرمی چیف

    فاٹا میں امن بحال ہوا تو کچھ لوگوں نے نئی تحریک شروع کردی، آرمی چیف

    راولپنڈی: آرمی چیف آف اسٹاف جنرل قمر جاوید باجوہ نے کہا ہے کہ  کچھ لوگ باہر اور اندر سے پاکستان کی سالمیت کے درپے ہیں، فاٹا میں امن بحال ہوئے ابھی کچھ ہی دن گزرے تھے کہ کچھ لوگوں نے نئی تحریک شروع کردی۔

    ان خیالات کا اظہار انہوں نے جی ایچ کیو میں منعقدہ مادروطن کے لیے قربانیاں دینے والےشہداکےاعزازمیں تقریب سے خطاب کرتے ہوئے کیا، جنرل قمر جاوید باجوہ کا کہنا تھا کہ  مادر وطن کیلئے جانیں نچھاور کرنے والوں کو خراج عقیدت اور شہداکی ماؤں کوسلام پیش کرتا ہوں۔

    اُن کا کہنا تھا مادر ورطن کے لیے زندگی داؤ پر لگانے والے شہداء ہی ہمارے اصل ہیروز ہیں اور ملک کا امن انہی کی مرہون منت ہے، جوقومیں اپنے ہیروز کو فراموش کردیں وہ مٹ جاتی  ہیں اس لیے ہم شہدا کے لواحقین کا بھرپور خیال رکھنے کی پوری کوشش کررہےہیں۔

    مزید پڑھیں: جی ایچ کیو: مادر وطن کیلئے قربانیاں دینے والےشہدا کےاعزازمیں تقریب

    سپہ سالار کا کہنا تھا کہ شہداء اور غازیوں کی قربانیوں کی وجہ سے آج ہم ترقی کی طرف گامزن ہیں، پاکستان نے دہشت گردوں کو اٹھا کر باہر پھینک دیا اور اب ملک آہستہ آہستہ امن و ترقی کی طرف جارہا ہے۔

    آرمی چیف کا کہنا تھا کہ  پاکستان مشکل حالات سے باہر نکل چکا اس کے باوجود کچھ لوگ ملک کی سالمیت کے درپے ہیں،  جب تک فوج کے پیچھے قوم کھڑی ہے ملک کی حفاظت کو یقینی بنائیں گے کیونکہ پاک فوج د نیاکی بہترین فوج ہے اور ہم شہداء کی وجہ سے ہی امن حاصل کررہے ہیں۔

    اُن کا مزید کہنا تھا کہ کچھ لوگ باہر اور اندر سے پاکستان کے خلاف سازش کررہے ہیں، فاٹا میں ابھی امن بحال ہوئےکچھ دن ہی گزرےکہ کچھ لوگوں نے نئی تحریک شروع کردی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔