راولپنڈی: جی ایچ کیو راولپنڈی میں پروقار تقریب کے دوران آرمی چیف نے آپریشن ضرب عضب میں شاندار کارکردگی دکھانے والے جوانوں کو مختلف فوجی اعزازات سے نوازا ہے۔
آئی ایس پی آر کے مطابق جی ایچ کیو راولپنڈی میں منعقدہ تقریب میں آرمی چیف جنرل راحیل شریف نے آپریشن ضرب عضب میں شاندار کارکردگی دکھانے والے پاک فوج کے پنتیس افسروں اور جوانوں کو تمغہ بصالت سے نوازا ہے۔
اسی طرح پنتیس افسروں و جوانوں کو ستارہ امتیاز ملٹری جبکہ پانچ کو اقوام متحدہ میڈل سے نوازا گیا، شہداء کے میڈل ان کے لواحقین نے وصول کئے۔
راولپنڈی : چیف آف آرمی سٹاف جنرل راحیل شریف سے امریکی مشیرسلامتی امورسوزن رائس نے جی ایچ کیو میں ملاقات کی۔
ملاقات میں باہمی دلچسپی کے امورسمیت خطے میں سکیورٹی کی صورتحال پرتبادلہ خیال کیاگیا۔ ذرائع کے مطابق چیف آف آرمی سٹاف جنرل راحیل شریف سے امریکی مشیرسلامتی امورسوزن کی ملاقات دوگھنٹے تک جاری رہی۔
اس موقع پر امریکی مشیرسلامتی امور نے دہشت گردی کیخلاف پاک فوج کی قربانیوں اورکاوشوں کوخراج تحسین پیش کیا اورپاک فوج کی سنجیدہ کوششوں کوسراہا۔
ملاقات میں افغانستان کی صورتحال پربھی تبادلہ خیال کیاگیا۔ سوزن رائس نے افغانستان میں قیام امن اوراستحکام کیلئے پاکستان کے کردار کی تعریف کی اورتعاون جاری رکھنے کی یقیین دہانی کروائی۔
راولپنڈی: امریکی فوج کے سربراہ جنرل جان کیمبل نے پاک فوج کے سربراہ جنرل راحیل شریف سے ملاقات کی۔
آئی ایس پی آر اعلامیے کے مطابق جنرل ہیڈکوارٹرز راولپنڈی میں ہونے والی اس ملاقات میں خطے بالخصوص افغانستان کی سیکورٹی صورتحال پر بات چیت کی گئی۔
جنرل جان کیمبل نے آپریشن ضرب عضب کے نتائج کو سراہا۔ ملاقات میں دوطرفہ تعلقات اور باہمی دلچسپی کے امور پر بھی تبادلہ خیال کیا گیا۔
اس سے قبل آرمی چیف جنرل راحیل شریف نے آسٹریلین وزیر خارجہ جولی بشپ سے ملاقات کی ہے، ملاقات میں باہمی اور پیشہ ورانہ دلچسپی سمیت دفاعی تعاون کے امور پر گفتگو کی گئی۔
افواج پاکستان کے سربراہ سے ملاقات کے موقع پر آسٹریلوی وزیر خارجہ جولی بشپ نے کہا کہ آپریشن ضرب عضب میں کامیابیاں قابل قدر ہیں جولی بشپ کا کہنا تھا کہ علاقائی استحکام کے لیے پاکستانی سیکیورٹی اداروں کا کردار قابل قدر ہے ۔
راولپنڈی: آرمی چیف جنرل راحیل شریف کا کہنا ہے کہ دہشتگردوں کا خاتمہ یقینی بنایا جائے گا۔
پاک فوج کے سربراہ راحیل شریف کا کہنا ہے کہ دہشتگردوں کو کسی بھی قسم کی رعایت نہیں دی جائے گی، ان کا کہنا تھا کہ قوم کو گمراہ کرنے والوں پر کڑی نظر رکھنی ہوگی۔
آئی ایس پی آر کے مطابق کرم ایجنسی میں ہونے والے دو دھماکوں میں لیویز اہلکاروں نے قربانی دے کر بڑے نقصان سے بچالیا۔
آئی ایس پی آر کا کہنا تھا کہ خودکش حملہ آوروں نے میچ کے شائقین کو نشانہ بنانے کی کوشش کی تھی، روکے جانے پر خود کو دھماکے سے اڑا لیا، دوسرے خودکش حملہ آور کو لیویز اہلکاروں نے تعاقب کرنے کے بعد نشانہ بنایا۔
آئی ایس پی آر کے مطابق لیویز اہلکاروں نے اپنے اردگرد کے ماحول پر نظر رکھی ہوئی تھی۔
کوئٹہ: پاک فوج کےسربراہ جنرل راحیل شریف نے کہا ہے کہ غیرملکی خفیہ ایجنسیاں پاکستان کوغیرمستحکم کرنے سے بازر ہیں، ریاست کی رٹ کےلیےکسی بھی حدتک جاسکتےہیں۔
آرمی چیف نے کوئٹہ کے دورے میں گورنراوروزیراعلیٰ بلوچستان اورکمانڈرسدرن کمانڈ کی ملاقاتیں کی۔ جنرل راحیل نے کاتربت میں مزدورں کی ہلاکت پرافسوس کااظہارکیا۔
انہوں نے کہا کہ دہشت گردوں کےخاتمےکیلئےبلوچستان حکومت کی مدد کریں گے،آرمی چیف نے خبردارکیا کہ غیرملکی خفیہ ایجنسیاں پاکستان کوغیرمستحکم کرنےسےبازرہیں،دہشت گردوں کےخاتمےتک تعاقب جاری رکھیں گے،ان کی مدداورحمایت کرنےوالوں کوبھی نہیں بخشاجائےگا۔
جنرل راحیل شریف نے کہا کہ ملک دشمنوں کوچھپنےکی جگہ نہیں ملےگی،ریاست کی رٹ قائم کرنےکیلئے کسی بھی حد تک جاسکتے ہیں، بلوچستان میں قیام امن کی بہتری پرآرمی چیف نے ایف سی کی تعریف کی جبکہ سول اورفوجی قیادت کومربوط حکمت عملی اپنانےکی ضرورت پرزوردیا۔
راولپنڈی : جی ایچ کیو میں آرمی چیف کی جانب سے آپریشن ضرب عضب میں حصہ لینے والے افسران میں اعزازات کی تقسیم۔
تفصیلات کے مطابق آرمی چیف جنرل راحیل شریف نے فوج کے چونسٹھ افسروں اور جوانوں میں تمغے اور فوجی اعزازات تقسیم کئے۔
پاک وطن کی حفاظت کرتے ہوئے جرات اور بہادری کی مثالیں قائم کرنے والوں کو اعلیٰ اعزازات سے نوازا گیا ۔
اس حوالے سے جی ایچ کیو راولپنڈی میں آپریشن ضرب عضب کے افسران میں تقسیم اعزازات کی تقریب منعقد ہوئی۔
آئی ایس پی آر کے مطابق تقریب میں آرمی چیف جنرل راحیل شریف نے پاک فوج کے تیس افسروں اور جوانوں کو تمغہ بسالت، تینتیس افسران کو ستارہ امتیاز اور ایک سپاہی کو اقوام متحدہ میڈل دیا۔
تقریب میں فوجی افسران ، شہداء اور غازیوں کے اہل خانہ نے شرکت کی۔ اس موقع پر شہداء کے اعزازات ان کے لواحقین نے وصول کئے۔
راولپنڈی : آرمی چیف جنرل راحیل شریف نےکہا ہےکہ مسلح افواج کا ہدف دہشت گردی کا خاتمہ ہے، اس پر توجہ مرکوز رکھی جائے۔
نتائج پانے کیلئے قومی لائحہ عمل پرعملدرآمدضروری ہے۔ جی ایچ کیو راولپنڈی میں کور کمانڈرز کانفرنس سے صدارت خطا ب کرتے ہوئے جنرل راحیل شریف کا کہنا تھا کہ شدت پسندی کا خاتمہ یقینی بنایا جائے گا۔
آرمی چیف نے آپریشن ضرب عضب میں اہم کامیابیوں پر اطمینان کا اظہار اور شدت پسندی کا خاتمہ یقینی بنانے کے عز م کا اظہار کیا ۔
انہوں نے کہا کہ دہشت گردی کے خاتمے کیلئےخفیہ اطلاعات کی بنیاد پر آپریشن تیز کئے جائیں۔مطلوبہ مقاصد پانے کیلئے قومی لائحہ عمل پرعملدرآمدضروری ہے۔
کانفرنس میں خطے میں سیکیورٹی کی صورتحال اور دہشت گردوں کیخلاف آپریشن کا جائزہ لیا گیا ۔اجلاس میں مشرق وسطیٰ بالخصوص یمن کی صورتحال بھی زیر غور آئی۔
کانفرنس میں کہا گیا کہ یمن بحران جاری رہنے سے خطے کی سلامتی پر گہرے اثرات پڑیں گے۔
لاہور: پاک فوج کے سربراہ جنرل راحیل شریف نے کہا ہے کہ عالمی برادری دیرینہ اور تصفیہ طلب مسائل کے حل کے لیے فوری اقدامات کرے تاکہ عالمی امن کو استحکام مل سکے۔
لاہور میں انفنٹری ڈویژن کے قیام کی سوسالہ تقریبات سے خطاب کرتے ہوئے انہوں نے فن سپاہ گری کو بھرپور انداز سے خراج تحسین پیش کیا اور کہا کہ سوسال قبل پہلی جنگ عظیم کے دوران انفنٹڑی ڈویژن کی اہمیت کو مدنظر رکھتے ہوئے اس کا قیام عمل میں لایا گیا۔
انہوں نے کہا کہ تنازعات کے فوری حل پر عدم توجہ کی بنا پر سو سال پہلی جنگ عظیم اول ہوئی، دفاعی صلاحیت اور پیشہ ورانہ تیاریوں کا مقصد محض جنگ ہی نہیں بلکہ امن کو مستحکم کرنا بھی ہے۔
انہوں نے عالمی برادری پر زور دیا پہلی جنگ عظیم کے سوسال کے بعد اب پھر صورتحال اس بات کی متقاضی ہے کہ دیرینہ تصفیہ طلب تنازعات کا فوری حل یقینی بنایا جائے۔
راولپنڈی : پاک فوج کے سربراہ جنرل راحیل شریف سے پاکستان کے دورے پر آئے ہوئے آسٹریلین چیف آف سٹاف ، ائیر چیف مارشل مارک ڈونلڈ بنسکن نے ملاقات کی۔
جنرل ہیڈ کوارٹرز ( جی ایچ کیو ) راولپنڈی میں ہونے والی اس ملاقات کے دوران باہمی اور پیشہ وارانہ دلچسپی کے امور پر تبادلہ خیال کیا گیا جبکہ ملاقات میں دفاع اور سکیورٹی کے شعبوں میں تعاون کے مزید فروغ اور استحکام دینے کیلئے اقدامات پر اتفاق کیا گیا۔
قبل ازیں آسٹریلین چیف آف سٹاف ، ائیر چیف مارشل مارک ڈونلڈ بنسکن جب جنرل ہیڈ کوارٹرز ( جی ایچ کیو ) راولپنڈی پہنچے تو پاک فوج کے ایک چاک و چوبند دستے کی جانب سے انہیں گارڈ آف آنر پیش کیا گیا۔
بعد ازاں جس کے بعد آسٹریلوی چیف آف ڈیفنس نے یادگار شہداء پر پھولوں کی چادر چڑھائی۔
راولپنڈی: آئی ایس پی آر کا کہنا ہے کہ آرمی چیف جنرل راحیل شریف سے ملاقات کے دوران افغان چیف آف جنرل اسٹاف اور کمانڈر ایساف نے دہشت گردی کے خلاف بھرپور تعاون کی یقین دہانی کرائی ہے۔
ڈی جی آئی ایس پی آر کے مطابق افغان چیف آف جنرل اسٹاف اور کمانڈر ایساف نے جی ایچ کیو راولپنڈی کا دورہ کیا اور آرمی چیف جنرل راحیل شریف سے ملا قات کی،ملاقات کے دوران افغان چیف آف جنرل اسٹاف اور ایساف کمانڈر نے سانحہ پشاور پردلی ہمدردی اور افسوس کا اظہار کیا۔
اُنہوں نے آرمی چیف جنرل راحیل شریف کو دہشت گردی کے خلاف بھرپور تعاون کی یقین دہانی کرائی۔۔ افغان چیف آف جنرل اسٹاف نے کہا کہ افغان سرزمین سے دہشت گردوں کاخاتمہ یقینی بنایاجائے گا،ایساف کمانڈر کا کہنا تھا کہ آپریشن ضرب عضب سےدہشت گردنیٹ ورک کوشدیدنقصان پہنچا ہے۔
پاکستان آرمی کے سربرہ جنرل راحیل نے اس موقع پر پاک افغان بارڈر پرافغان فورسز کی طالبان کے خلاف کارروائی کوسراہااور سرحدی معاملات پر کنٹرول کومزید موثر بنانے پرزوردیا۔پاک افغان سرحدی روابط بڑھانے سےمتعلق امورپربحث ہوئی۔