Tag: جی بی

گلگت: وزیر اعظم عمران خان آج گلگت کا دورہ کریں گے، ذرایع کا کہنا ہے کہ وزیر اعظم گلگت بلتستان کابینہ کی تقریب حلف برداری میں شرکت کریں گے۔

اے آر وائی نیوز کے مطابق گلگت دورے کے دوران وزیر اعظم جی بی گورنر اور وزیر اعلیٰ سمیت کابینہ سے بھی ملاقات کریں گے، ذرایع کا کہنا ہے کہ دورے کے حوالے سے تمام انتظامات مکمل کر لیے گئے ہیں۔

دورے کے موقع پر چیف آرگنائزر سیف اللہ، علی امین گنڈاپور بھی وزیر اعظم کے ہم راہ ہوں گے، وزیر اعظم کے مشیر برائے ماحولیاتی تبدیلی امین اسلم بھی ہم راہ جائیں گے۔

واضح رہے کہ گلگت بلتستان انتخابات میں پیپلز پارٹی اور مسلم لیگ ن کو شکست دینے کے بعد پی ٹی آئی کی جانب سے وزیر اعلیٰ جی بی کے عہدے کے لیے خالد خورشید کو نامزد کیا گیا تھا جو دو دن قبل وزیر اعلیٰ جی بی منتخب ہو گئے ہیں۔

وزیراعلیٰ گلگت بلتستان کا اپنے اور کابینہ کے اخراجات میں نمایاں کمی کرنے کا اعلان

وزیر اعلیٰ کے چناؤ کے عمل میں 31 اراکین اسمبلی نے حصہ لیا، خالد خورشید کو 22 اور پیپلز پارٹی کے امجد ایڈووکیٹ کو 9 اراکین کی حمایت حاصل ہوئی، جس کے بعد امجد ایڈووکیٹ اپوزیشن لیڈر منتخب ہوئے۔

منتخب ہونے کے بعد نو منتخب وزیر اعلیٰ خالد خورشید نے کہا کہ آئندہ 5 سال عوام کو پی ٹی آئی کی صاف و شفاف حکومت نظر آئے گی، اپوزیشن کو دعوت دیتے ہیں کہ آئیں اور ہمارا بازو بنیں۔

اسلام آباد: پی ٹی آئی کی رہنما فردوس عاشق اعوان نے کہا ہے کہ عوام ووٹ کے ذریعے نئے گلگت بلتستان کی بنیاد رکھنے جا رہے ہیں، اپوزیشن نتائج کو لے کر بد امنی پھیلانے کی کوشش کر سکتی ہے۔

اے آر وائی نیوز کے مطابق وزیر اعلیٰ پنجاب کی معاون خصوصی فردوس عاشق اعوان نے کہا ہے کہ اپوزیشن جی بی انتخابی نتائج کو لے کر بدامنی پھیلانے کی کوشش کر سکتی ہے، مریم کے منصوبے کے مطابق ن لیگ کے جیتنے والے حلف نہیں اٹھائیں گے۔

ان کا کہنا ہے کہ دھاندلیوں کا واویلا کر کے جی بی میں بدانتظامی کی کوشش کی جائے گی، بیرون ملک بیٹھے مخالفین بھی اس بدامنی میں شامل ہو سکتے ہیں۔

واضح رہے کہ گلگت بلتستان قانون ساز اسمبلی کے انتخابات میں تحریک انصاف، پیپلز پارٹی اور ن لیگ میں کانٹے کا مقابلہ جاری ہے، انتخابی جائزوں کے مطابق پی ٹی آئی کی پوزیشن مضبوط ہے، تیر اور شیر پر بلا بھاری دکھائی دے رہا ہے۔

گلگت بلتستان میں عام انتخابات کے لیے پولنگ جاری، عوام میں جوش و خروش

گلگت بلتستان میں 23 نشستوں پر 320 امیدوار میدان میں ہیں، حلقہ 3 گلگت میں امیدوار کے انتقال کر جانے کے باعث الیکشن ملتوی ہوئے، ووٹرز میں جوش و خروش ہے، پولنگ اسٹیشنز پر ووٹرز کی قطاریں لگ چکی ہیں، پولنگ بغیر کسی وقفے کے شام پانچ بجے تک جاری رہے گی۔

پولنگ عملے کی عدم موجودگی کے باعث دیامر حلقہ ون میں پولنگ تاخیر کا شکار ہے، گلگت بلتستان میں سیکورٹی کے بھی کڑے انتظامات کیے گئے ہیں، 415 پولنگ اسٹیشنز انتہائی حساس قرار دیے گئے۔

اسکردو: زلفی بخاری نے گلگت بلستان کے عوام کے لیے بڑے اعلانات کر دیے، انھوں نے کہا ہے کہ ہم یہاں 10 سیاحتی زون بنائیں گے، 11 ہوٹلز تعمیر کریں گے، اور انٹرنیٹ کے لیے موبائل ٹاورز لگائیں گے۔

یہ اعلانات زلفی بخاری نے اسکردو میں جلسے سے خطاب کرتے ہوئے کیے، وزیر اعظم کے معاون خصوصی نے کہا جی بی میں سیاحت کے لیے 10 جگہوں کی فیزیبلٹی بن رہی ہے، دیامر، غذر، ہنزہ، گلگت میں سیاحت زون بنائیں گے، اور وہاں تمام سہولتیں فراہم ہوں گی، اگلے 18 ماہ میں ہم جی بی میں 11 ہوٹلز بھی بنا کر دیں گے۔

زلفی بخاری نے وعدہ کیا کہ بہت جلد جی بی میں انٹرنیٹ کے لیے موبائل ٹاورز لگائے جائیں گے، سیاحتی زونز اور ہوٹلز بننے سے یہاں روزگار کے مواقع پیدا ہوں گے، سیاحت وزیر اعظم عمران خان کی ترجیح ہے، جی بی میں حکومت بنتے ہی ہم سب سے پہلے جی بی کو صوبہ بنائیں گے۔

انھوں نے کہا بلاول بھٹو جی بی میں سب سے پہلے صوبہ بننے کے خلاف تھا، سیاحت سے متعلق اجلاس میں سندھ کی طرف سے کوئی نمائندگی نہیں کرتا، گیلپ اور دیگر سرویز میں پی ٹی آئی کی جیت واضح ہو چکی ہے، جو حال بلاول نے اپنے حلقے لاڑکانہ کا کیا ہے وہ آپ کو کیا دے گا، بلاول بھٹوگلگت میں آ کر میاؤ میاؤ کر رہا ہے۔

زلفی بخاری نے مزید کہا کہ گلگت بلتستان کی جدوجہد کو ہم ایک میوزیم کے ذریعے اجاگر کریں گے، ہم جی بی کے لیے 3 ڈویژنل اسپورٹس کمپلیکس بھی منظور کرا چکے ہیں، وعدہ کرتا ہوں حکومت بنتے ہی جی بی کے لیے ووکیشنل ٹریننگ سینٹر بنائیں گے، 3 ماہ کے اندر ٹریننگ سینٹر اور بیرون ملک روزگار کوٹہ بھی فراہم کریں گے۔

گلگت: جی سپریم اپیلٹ کورٹ نے وفاقی وزرا اور سینیٹرز کو علاقہ بدر کرنے کا جی بی چیف کورٹ کا فیصلہ معطل کر دیا۔

اے آر وائی نیوز کے مطابق جی بی چیف کورٹ نے وفاقی وزرا اور سینیٹرز کو گلگت بلتستان چھوڑنے کا حکم سنایا تھا، تاہم سپریم اپیلٹ کورٹ جی بی نے یہ فیصلہ 12 نومبر تک معطل کر دیا۔

سپریم اپیلٹ کورٹ جی بی نے 12 نومبر کو فریقین کی طلبی کے نوٹس بھی جاری کر دیے۔

واضح رہے کہ پیپلز پارٹی نے وفاقی وزرا، حکومتی عہدے داروں اور ارکان پارلیمنٹ کو گلگت بلتستان میں انتخابی مہم چلانے سے روکنے کے لیے جی بی چیف کورٹ میں ایک پٹیشن دائر کی تھی۔

بلاول اپنی ہی پٹیشن پر فیصلے کےخلاف ہو گئے

پی پی کی پٹیشن پر چیف کورٹ نے فیصلہ سناتے ہوئے وفاقی وزرا، حکومتی عہدیداران اور ارکان پارلیمنٹ کو 3 دن کے اندر گلگت بلتستان چھوڑنے کا حکم سنا دیا۔

تاہم، اپنی ہی دائر کردہ پٹیشن پر فیصلہ آنے کے بعد پی پی چیئرمین بلاول بھٹو نے یو ٹرن لیتے ہوئے اس فیصلے کو ماننے سے انکار کر دیا، بلاول بھٹو نے کہا کہ گرفتار ہی کیوں نہ کر لیا جائے، وہ گلگت نہیں چھوڑیں گے۔

یہ درخواست پیپلز پارٹی جی بی کے سینئر نائب صدر جمیل احمد نے دائر کی تھی اور گلگت بلتستان چیف کورٹ نے درخواست گزار ہی کے حق میں فیصلہ سنایا تھا۔