Tag: جی 20 اجلاس

نئی دلی : بھارت میں جی ٹوئنٹی اجلاس کےچندگھنٹے بعد ہی کانگریس رہنماؤں بھارتی وزیراعظم نریندرمودی کو آڑے ہاتھوں لے لیا اور شدید تنقید کا نشانہ بنایا۔

تفصیلات کے مطابق جی 20 اجلاس کے اختتام کے بعد بھارتی وزیراعظم نریندرمودی کو کانگریس رہنماؤں نے آڑے ہاتھوں لے لیا۔۔بھارت میں جی ٹوئنٹی اجلاس کےچندگھنٹےبعدہی کانگریس رہنماؤں نے ہفتہ کےروز اتفاق رائےسےمسودہ جاری کیا، جس میں مودی سرکار کو شدیدتنقید کانشانہ بنایا گیا ہے۔

مسودے میں کانگریسی رہنماؤں نے لکھا کہ مودی سرکارنفرت انگیزتقاریر،ٹارگٹ کلنگ،مقدس مقامات پر حملوں پرخاموش رہی، مودی کی پارٹی نے ہریانہ ،اترا کھنڈ ریاستوں میں منظم پولرائزیشن مہم چلاتے ہوئے ملک کے سماجی تانے بانے کو سبوتاژ کیا، نریندرمودی کی سمٹ میں ماحولیاتی تحفظ پر گفتگو ان کےاقدامات کے برعکس اور متصادم تھی۔

کانگرس لیڈرنے مودی حکومت پر ہندوستان کےماحولیاتی تحفظات کو مکمل طور پر ختم کرنے کا الزام لگاتے ہوئے کہا کہ مودی سرکار نے جنگلات پر انحصار کرنےوالی کمزوربرادریوں جیسے آدیواسیوں کے حقوق بھی چھینےہیں۔

کانگرس رہنما کا کہنا تھا کہ جی ٹوئنٹی اورعالمی سطح پر دیگرسربراہی اجلاسوں میں وزیراعظم کےبیانات سراسرمنافقت پرمبنی ہیں، جی ٹوئنٹی اجلاس میں مودی نےیوکرین کیخلاف جارحیت کی واضح طورپر مذمت کیوں نہیں کی۔

ساشی تھرور نے اس سمٹ کو مودی کے اگلے انتخابات میں کامیابی کا ایک مہرہ قرار دیا۔

ایمنسٹی انٹرنیشنل کے مطابق مودی حکومت جی ٹوئنٹی اجلاس کو اثاثے کے طور پر استعمال کرے گا، جی ٹوئنٹی اجلاس دراصل مودی کی انتخابات میں کامیابی کے لئے ہتھکنڈا ہے۔

فرانسیسی صدر اور دیگر یورپی صدور کے مطابق بھارت جی ٹوئنٹی اجلاس میں رکن ممالک کے بیچ کشیدگی اور تلخی کوختم کرنےمیں ناکام رہا، یہ اجلاس حقیقی عالمی مسائل اجاگر کرنے میں ناکام رہا۔

نئی دہلی میں جی 20 اجلاس کے مقام پر بارش کا پانی جمع ہوگیا، انتظامیہ کی جانب سے پانی کی فوری نکاسی میں ناکامی کے باعث وینیو تالاب بن گیا۔

تفصیلات کے مطابق برسات کے بعد نئی دہلی میں جی 20 اجلاس کا مقام تالاب کا منظر پیش کرنے لگا ہے۔ اربوں روپے کی لاگت سے تیار ہونے والا وینیو معمولی بارش بھی برداشت نہیں کرسکا۔

عالمی رہنماؤں کے سامنے شرمندگی پر اپوزیشن کے ساتھ ساتھ بھارتی میڈیا بھی پھٹ پڑا۔ کانگریس کی جانب سے مودی پر کڑی تنقید کرتے ہوئے کہا گیا ہے کہ کھوکھلی ترقی بے نقاب ہوگئی۔

کانگریس کا کہنا تھا کہ جی 20 کے لیے 2 ہزار 700 کروڑ روپے سے وینیو تیار کیا گیا تھا۔ ایک ہی بارش میں وینیو میں پانی جمع ہوگیا ہے۔

واضح رہے کہ دارالحکومت نئی دہلی میں جی ٹوئنٹی اجلاس شروع ہو گیا ہے، جس میں شرکت کے لیے رکن ممالک کے سربراہان کی آمد جاری ہے، امریکی صدر جوبائیڈن سمیت کینیڈا، آسٹریلیا، جاپان، چین، ترکی سمیت دیگر ممالک کے سربراہان مملکت نئی دہلی پہنچ گئے ہیں۔

مودی سرکار نے دارالحکومت کو چھاؤنی میں تبدیل کر دیا ہے، شہر میں لاک ڈاؤن لگا دیا گیا ہے، اور ہر طرف ہُو کا عالم ہے، دکانیں اور بازار بند ہونے سے لوگ پریشان ہیں۔

اجلاس سے قبل تبتی کمیونٹی کی جانب سے احتجاج کیا گیا تھا ، انتظامیہ نے فسادات کا الزام لگاتے ہوئے کئی مسلمانوں کے گھر بھی مسمار کیے، نوجوانوں کو گرفتار کیا گیا جب کہ تشدد سے ایک نوجوان جاں بحق بھی ہوا۔

بھارت میں جی 20 اجلاس کے موقع پر معروف بھارتی صحافی اور ناول نگار ارون دھتی رائے نے بھی مودی سرکار کی پالیسی پر شدید تنقید کی ہے۔

نئی دہلی : بھارت میں ستمبر میں ہونے والے جی 20 اجلاس سے پہلے ہی فسادات شدت اختیار کرگئے، جی 20اجلاس میں امریکا سمیت کئی ممالک کے سربراہوں نے شرکت کرنی ہے۔

تفصیلات کے مطابق نئی دلی میں جی 20اجلاس سے پہلے ہندو عیسائی فسادات میں شدت آگئی ، ستمبر میں ہونے والے جی20 اجلاس سے پہلے ہی فسادات شدت اختیارکرتے جا رہے ہیں۔

جی 20اجلاس میں امریکا سمیت کئی ممالک کے سربراہوں نے شرکت کرنی ہے، سوال یہ اٹھتا ہے کیا ایسےماحول میں جی 20اجلاس میں شرکت کرنامناسب ہے؟

عیسائیوں پر ہونیوالا تشدد منی پور سے شروع ہوا اور اب نئی دلی تک پھیل گیا ہے ، 20 اگست کو نئی دلی میں عبادت میں مصروف عیسائیوں پر35 سے 40 مسلح افراد کا حملہ ہوا ، مسلح حملہ آورتلواروں،ڈنڈوں اور سریوں سے لیس تھے، حملہ آوروں کاتعلق آر ایس ایس،وی ایچ پی،بجرنگ دل جیسی ہندوانتہا پسند تنظیموں سے تھا۔

ہندو انتہا پسندوں نے چرچ کے احاطےمیں توڑ پھوڑ کی اور مقدس اوراق کو بھی پھاڑ دیا ، ناصرف مرد عیسائیوں پرتشددکیا گیا بلکہ کچھ خواتین کوبرہنہ بھی کیا گیاجو شرمناک فعل تھا، حملہ آوروں کادعویٰ تھا بھارت ہندو ملک ہے دوسرے مذاہبِ کی سرگرمیوں کی اجازت نہیں۔

ہندو انتہا پسندوں نےمسیحی برادری پر ہندوؤں کےمذہب کی تبدیلی کی کوششوں کاالزام لگایا اور مسیحی برادری پرہندو اکثریتی علاقے میں ان کی عبادات پر اعتراض کیا۔

جس کے بعد عیسائی برادری نےتھانےمیں شکایت درج کرائی تو 300انتہا پسندوں نے تھانےکے باہر احتجاج کیا۔

رواں سال بھارت میں عیسائیوں کیخلاف 400 حملے ریکارڈ کیے جا چکے ہیں اور تشدد میں اضافے کا رجحان ہے ، بھارت میں اقلیتوں اور خواتین کےعدم تحفظ کایہ تازہ واقعہ ایک عرصےسےجاری سلسلے کی کڑی ہے۔

منی پور میں بھی ہندوؤں کی پُرتشدد کارروائیوں سے سیکڑوں عیسائی جاں بحق اور متعددچرچ تباہ ہوچکے ہیں، ہندو انتہا پسندوں کی بڑھتی کارروائیوں سے بھارت کی مسلمان،عیسائی،سکھ اوربیشتراقلیتیں نشانہ بن رہی ہیں۔

بھارت اقلیتوں کیلئےمکمل غیر محفوظ ملک بن چکا ہے ، جس کی جی 20اجلاس میں بھی بھرپور مذمت ہونی چاہیے۔