نئی دہلی : غیر ملکی رپورٹر نے جی ٹوئنٹی سمٹ کے پس منظرمیں مودی کے حقیقی مقاصد کا پول کھول دیا اور کہا سمٹ کا لوگو بی جےپی کے لوگو سے مشابہت رکھتا ہے جو مودی کے ایجنڈے کو عیاں کر رہا ہے۔
تفصیلات کے مطابق بھارت میں عالمی سطح کا سمٹ جاری ہے، جس میں 20 ممالک کے سربراہان اور نمائندگان نے شرکت کی، سمٹ کا مقصد عالمی اور ماحولیاتی مسائل زیر بحث لانا تھا لیکن مودی سرکار کا مقصد صرف اور صرف چند مہینوں میں ہونیوالے انتخابات میں کامیابی حاصل کرنا ہے۔
سمٹ میں موجود غیر ملکی رپورٹر نے اپنی آنکھوں دیکھا حال بیان کرتے ہوئے مودی کے اصل ایجنڈے کو عیاں کردیا۔
غیرملکی رپورٹر نے رپورٹ کیا کہ سمٹ کا انعقاد 8 سے 9 ماہ میں ہونیوالے بھارتی انتخابات کیلئے مودی کیمپین کو شروع کرنے کیلئے کیا گیا ہے۔
غیرملکی رپورٹر کا کہنا تھا کہ پوری تقریب میں ہر طرف ہزاروں کی تعداد میں پوسٹرز لگائے گئے ہیں، جن پرمودی کی چہرہ آویزاں ہے جبکہ سمٹ کا لوگو بھی بی جے پی کے لوگو سے مشابہت رکھتا ہے، جو مودی کے ایجنڈے کو عیاں کر رہا ہے۔
دنیا بھر سے لوگو پر مودی سرکار کو شدید تنقید کا سامنا ہے ، بھارت نے سمٹ کے دوران مقبوضہ کشمیر میں بھی تقریب کا انعقاد کیا، جس میں سعودی عرب، چائنہ، ترکی، عمان اور مصر نے شریک ہونے سے انکار کردیا۔
تجزیہ کار کا کہنا ہے کہ بھارت سمٹ کو عالمی مسائل کے بجائے اپنے ذاتی سیاسی مسائل کو حل کرنےکیلئے استعمال کر رہا ہے۔
دنیا بھر سے تجزیہ نگاروں نے کہا ہے کہ بھارت خود انسانی حقوق اور جارحیت پھیلانے میں سر فہرست ہے اور عالمی مسائل کوحل کروانےکی بات کررہا ہے، 24 اگست 2023 کو ایمنسٹی انٹزنیشنل میں بھی متعدد انسانی حقوق کی تنظیموں نے ایک مشترکہ خط شائع کیا ، جس میں جی 20 ممالک کی حکومتوں سے مطالبہ کیا گیا ہے کہ بھارتی حکومت کے سامنے کشمیر میں ہونیوالی انسانی حقوق کی خلاف ورزیوں کیلئے آواز اٹھائیں۔
مودی سرکار کا اپنے سیاسی عزائم کو حاصل کرنے کیلئے اوچھے ہتھکنڈوں کا سلسلہ مسلسل جاری ہے۔
