Tag: جے شاہ

 آئی سی سی کے چیئرمین جے شاہ، کرکٹ آسٹریلیا کے چیئرمین مائیک بیئرڈ اور انگلینڈ بورڈ کے چیئرمین رچرڈ تھامپسن کے درمیان اس ماہ کے آخر میں ملاقات کا امکان ہے۔

ملاقات میں ٹیسٹ کرکٹ کا نیا دو رویہ اسٹرکچر ایجنڈے میں شامل ہے، ٹیسٹ کرکٹ میں دو رویہ کا پلان موجودہ 2027 تک کے ایف ٹی پی کے بعد عمل میں لایا جائے گا۔

میڈیا رپورٹس کے مطابق ٹیسٹ کرکٹ اسٹرکچر میں تبدیلی سے ورلڈ ٹیسٹ چیمپئن شپ مزید ایک اور سائیکل تک جاری رہ سکے گی، انگلینڈ ٹیم کے کپتان بین اسٹوکس ڈبلیو ٹی سی پر پہلے ہی تنقید کرچکے ہیں

دو ڈویژن ٹیسٹ کرکٹ کا پلان 2016 میں آئی سی سی میں زیرِ بحث آیا تھا، 2016 کے پلان کے مطابق 7 ملک ٹاپ ڈویژن جب کہ 5 سیکنڈ رینک میں مقابلہ کریں گے، 2016 میں تب بھارتی کرکٹ بورڈ نے 2 ڈویژن سسٹم کے خلاف ووٹ دیا تھا۔

اس وقت بی سی سی آئی نے کہا تھا کہ 2 ڈویژن سسٹم سے چھوٹے بورڈز کا مالی نقصان ہوگا۔

بگ تھری کے درمیان زیادہ کرکٹ سے براڈ کاسٹرز کے بھی مفادات جڑے ہیں، براڈ کاسٹرز بھی چاہتے ہیں کہ تینوں ملکوں کے درمیان زیادہ سے زیادہ میچز ہوں۔

اس حوالے سے براڈ کاسٹرز کا کہنا ہے کہ جتنے زیادہ میچز ہوں گے اُتنا زیادہ اچھا ہے

بھارتی کرکٹ بورڈ کے سیکریٹری جے شاہ نے کہا ہے کہ ویرات کوہلی اور روہت شرما جیسے پلیئرز کو دلیپ ٹرافی کھیلنے کے لے مجبور نہیں کیا جاسکتا۔

دلیپ ٹرافی کا بھارت میں جلد انعقاد ہونے والا ہے جس میں بھارت کے کئی سپر اسٹار کرکٹرز حصہ لیں گے، پہلے ممکنہ طور پر اس ایونٹ میں حصہ لینے کے ویرات کوہلی اور روہت شرما کے نام بھی سامنے آئے تھے، تاہم اب فائنل اسکواڈ میں دونوں پلیئرز کا نام موجود نہیں ہے۔

بھارتی کرکٹ کے بڑے ناموں میں سے چند قابل ذکر نام جن میں کپتان روہت شرما، ویرات کوہلی اور جسپریت بمراہ شامل ہیں وہ اس ڈومیسٹک ایونٹ سے غیر حاضر ہونگے۔

ڈومیسٹک ایونٹ کے لیے جب ٹیم اے، ٹیم بی، ٹیم سی اور ٹیم ڈی کے لیے اسکواڈ کا اعلان کیا گیا تو بھارتی ٹیم کے دونوں سینئر ترین کھلاڑیوں کے نام موجود نہیں تھے۔

بی سی سی آئی کے سیکریٹری جے شاہ کے مطابق ان کی ترجیح اس بات کو یقینی بنانا ہے کہ روہت اور کوہلی اس سال کے آخر میں آسٹریلیا میں ہونے والی پانچ میچوں کی ٹیسٹ سیریز کے لیے فٹ ہوں۔

انھوں نے کہا کہ ہمیں دلیپ ٹرافی میں کھیلنے کے لیے روہت اور ویرات جیسے کھلاڑیوں پر زور نہیں ڈالنا چاہیے، ان کے انجرڈ ہونے کا خطرہ ہوسکتا ہے۔

اگر آپ نے غور کیا ہو تو آسٹریلیا اور انگلینڈ میں ہر انٹرنیشنل کھلاڑی ڈومیسٹک کرکٹ نہیں کھیلتا۔ ہمیں کھلاڑیوں کے ساتھ عزت کے ساتھ پیش آنا ہوگا۔

جے شاہ نے کہا کہ ایونٹ میں کوہلی اور روہت کے علاوہ باقی سب کھیل رہے ہیں، آپ کو اس چیز کی تعریف کرنی چاہیے، اس کے علاوہ ایشان کشن اور شریاس آئر بوچی بابو ٹورنامنٹ میں کھیل رہے ہیں۔

بی سی سی آئی کے سیکریٹری جے شاہ نے طاقتور بھارتیوں کی فہرست میں اسٹار کرکٹرز کوہلی، دھونی اور روہت شرما کو بھی پیچھے چھوڑ دیا۔

بورڈ آف کنٹرول فار کرکٹ ان انڈیا کے سربراہ مشہور کرکٹرز سے بھی زیادہ طاقتور شخصیت کے طور پر سامنے آئے ہیں۔ دی انڈین ایکسپریس کی ’’100 سب سے زیادہ طاقتور ہندوستانیوں‘‘ کی 2024 کی فہرست میں انھیں ویرات کوہلی، ایم ایس دھونی اور بھارتی کپتان سے اوپر رکھا گیا ہے۔

اس لسٹ میں جے شاہ کو 35 ویں نمبر پر رکھا گیا ہے جبکہ کوہلی 38 ویں نمبر پر براجمان ہیں۔ سابق بھارتی کپتان دھونی 58 ویں نمبر پر موجود ہیں، اس کے علاوہ موجودہ کپتان روہت طاقتور بھارتیوں میں 68 واں نمبر دیا گیا ہے۔

بی سی سی آئی سربراہ کے دور میں 2023 میں ویمنز پریمیئر لیگ کا آغاز بھی ہوا ہے۔ اس کے علاوہ بھارت نے پہلی بار مکمل طور پر ون ڈے ورلڈ کپ کی میزبانی بھی کی۔

جے شاہ نے 128 سال بعد اولمپکس میں کرکٹ کو واپس لانے میں بھی اہم کردار ادا کیا۔ کرکٹ ان مختلف کھیلوں میں شامل ہوگا جو 2028 میں لاس اینجلس میں کھیلے جائیں گے۔

انڈین ایکسپریس کی جانب سے 35 سالہ جے شاہ کو عالمی کرکٹ کا سب سے طاقتور آدمی بھی قرار دیا گیا ہے۔

اخبار کا اپنے تجزیے میں مزید کہنا تھا کہ شاہ پہلے ہی سب سے کم عمر ایشین کرکٹ کونسل (اے سی سی) کے سربراہ بن چکے ہیں جبکہ وہ انٹرنیشنل کرکٹ کونسل (آئی سی سی) کے چیئرمین بننے کے لیے بھی مضبوط امیدوار ہیں۔

انھوں نے آئی سی سی کی آمدنی میں بی سی سی آئی کے حصہ کو تقریباً دوگنا کرنے میں اہم کردار ادا کیا ہے، جو کہ 22.8 فیصد سے بڑھ کر 38.5 فیصد تک ہوگیا ہے۔

بی سی سی آئی کو اب کرکٹ کے بین الاقوامی ادارے سے سالانہ 231 ملین ڈالرز ملیں گے۔ اس وقت جے شاہ کا بی سی سی آئی پر بے مثال کنٹرول ہے جہاں کبھی طاقت کے حصول کے لیے شدید گروپ بندی اور لڑائیاں ہوتی تھیں۔

بھارتی کرکٹ بورڈ کے سربراہ جے شاہ نے کہا ہے کہ اگر سلیکٹرز نے کھلاڑیوں کو ڈومیسٹک کرکٹ کھیلنے کا کہنا ہے تو انھیں ایسا کرنا پڑیگا۔

بی سی سی آئی کے سیکریٹری جے شاہ نے سینٹرل کنٹریکٹ یافتہ بھارتی کرکٹرز پر واضح کیا ہے کہ جب بھی وہ دستیاب ہوں گے تو انھیں ڈومیسٹک سرکٹ میں ٹیسٹ میچز کھیلنا پڑیں گے۔

ان کا مزید کہنا تھا کہ اگر سلیکشن کمیٹی یا کپتان اور ہیڈ کوچ کی سربراہی میں ٹیم مینجمنٹ کی جانب سے کسی پلیئر کو ڈومیسٹک سطح پر ریڈ بال کرکٹ کھیلنے کا کہا جائے تو اسے ایسا کرنا ہوگا۔

ہیڈ کوچ راہول ڈریوڈ کی طرف سے واضح ہدایت کے باوجود بھارتی کرکٹر ایشان کشن ڈومیسٹک کرکٹ سے مسلسل غیرحاضر ہیں۔

ڈریوڈ نے کہا تھا کہ ایشان ٹیم میں واپسی چاہتے ہیں تو ڈومیسٹک کرکٹ یا کسی بھی شکل کی کرکٹ کھیلیں جبکہ یہ موضوع کافی عرصے سے انڈین میڈیا میں زیربحث بھی رہا ہے۔

ایشان کشن نے جنوبی افریقہ کے دورے کے وسط میں ٹیم سے کچھ وقت کی چھٹی مانگی تھی اس کے بعد سے انھوں نے کوئی مسابقتی کرکٹ نہیں کھیلی حالانکہ وہ ہاردک اور کرونل پانڈیا کے ساتھ باقاعدگی سے ٹریننگ کر رہے ہیں۔

راجکوٹ میں بھارت اور انگلینڈ کے درمیان تیسرے ٹیسٹ سے قبل میڈیا سے بات چیت میں جے شاہ نے کہا کہ اگر کوئی کھلاڑی ٹیم انتظامیہ کی طرف سے دی گئی ہدایت ماننے سے انکار کرتا ہے تو چیف سلیکٹرز کو خود ہی اس پلیئر کے بارے میں فیصلہ لینے کا اختیار حاصل ہے۔

انھوں نے کہا کہ پلیئرز کو پہلے ہی فون پر مطلع کر دیا گیا ہے اور میں خط بھی لکھنے جا رہا ہوں کہ اگر آپ کے چیف سلیکٹر، آپ کے کوچ اور آپ کے کپتان آپ کو ریڈ بال کرکٹ کھیلنے کا کہہ رہے ہیں تو آپ کو اس طرز کی کرکٹ کھیلنی ہوگی۔‘‘

سری لنکا کے ورلڈکپ فاتح کپتان ارجنا راناٹنگا سیکرٹری بھارتی کرکٹ بورڈ جے شاہ کی حرکتوں پر پھٹ پڑے، سری لنکن کرکٹ کو تباہ کرنے کا الزام عائد کردیا۔

غیرملکی میڈیا رپورٹس کے مطابق ان کا کہنا تھا کہ اس وقت جے شاہ سری لنکا کی کرکٹ چلا رہے ہیں۔ بھارتی کرکٹ بورڈ کے سربراہ کے پریشرکی وجہ سے سری لنکا کی کرکٹ تباہ ہوئی، سری لنکا کی کرکٹ وہ شخص چلا رہا ہے جو کہ بھارت میں بیٹھا ہے۔

ارجنا رانا ٹنگا نے کہا کہ جے شاہ کے والد بھارتی وزیر ہیں اور ان کے اثر و رسوخ کی وجہ سے وہ طاقتور ہیں۔ بی سی سی آئی سمجھتا ہے وہ سری لنکن کرکٹ بورڈ کو کنٹرول کرسکتا ہے۔

سری لنکن ٹیم کی کارکردگی بھارت میں منعقدہ ورلڈکپ میں انتہائی مایوس کن رہی، اپنے 9 میچز میں سے سری لنکا صرف 2 میچز میں فتح حاصل کر سکی۔

موجودہ عالمی کپ میں سری لنکن کرکٹ ٹیم کی کارکردگی کافی خراب رہی جس پر سری لنکن وزیر کھیل نے پورے بورڈ کو فارغ کردیا تھا۔ ان حالات کے پیش نظر حکومتی مداخلت کے بعد آئی سی سی نے سری لنکا کی رکنیت معطل کردی تھی۔