Tag: جے یو آئی (ف )

اسلام آباد : سابق اسپیکرقومی اسمبلی اسد قیصر اور جے یو آئی ف کے سربراہ مولانا فضل الرحمان کے درمیان دو سے تین خفیہ ملاقاتوں کا انکشاف سامنے آیا۔

تفصیلات کے مطابق حکومت مخالف تحریک کیلئے پی ٹی آئی اور جے یو آئی ف کے درمیان رابطے جاری ہیں۔

ذرائع نے بتایا کہ سابق اسپیکرقومی اسمبلی اسد قیصر کی مولانا فضل الرحمان سے دو سے تین خفیہ ملاقاتوں کا انکشاف ہوا ہے۔

ذرائع کا کہنا تھا کہ ملاقاتوں میں اسد قیصر نے مولانا فضل الرحمان کو ساتھ چلنے کی دعوت دی، بانی پی ٹی آئی کی خصوصی ہدایت پر اسد قیصر نے مولانا فضل الرحمان سے ملاقات بھی کی۔

اسد قیصر اور مولانا فضل الرحمان کے درمیان ملاقات کو آف دی ریکارڈ رکھا گیا جبکہ پی ٹی آئی اور اور اپوزیشن رہنماؤں کی فضل الرحمان سے آن ریکارڈ ملاقات بھی شیڈول ہیں

آئندہ 3سے 4روز میں پی ٹی آئی ،اپوزیشن وفد فضل الرحمان سے انکی رہائشگاہ پر ملےگا، ملاقات میں حکومت مخالف تحریک کا ایجنڈا اور مل کر تحریک چلانے پر غور ہوگا۔

حکومت مخالف تحریک پی ٹی آئی پلیٹ فارم گرینڈ الائنس یا نئے پلیٹ فارم سے چلانے کا فیصلہ کیا جائے گا، پی ٹی آئی اور جے یوآئی کے درمیان مختلف تجاویز پر اتفاق رائے بھی قائم ہوچکا ہے۔

چیئرمین پی ٹی آئی بیرسٹر گوہر کہتے ہیں کہ مولانا فضل الرحمان کےساتھ گفتگوجاری ہےامیدہےمولانافضل الرحمان جلد ہمارے اتحاد کاحصہ بن جائیں گے۔

اسلام آباد : جمعیت علمائے اسلام ( ف) کے مرکزی رہنما حافظ حمد اللہ نے کمشنرراولپنڈی کے اعترافی بیان پر الیکشن کالعدم قرار دے کر دوبارہ انتخابات کرانے کا مطالبہ کردیا۔

تفصیلات کے مطابق جمعیت علمائے اسلام ( ف) کے مرکزی رہنما حافظ حمداللہ نے اے آر وائی نیوز سے خصوصی گفتگو میں کمشنر راولپنڈی لیاقت چھٹہ کے اعتراف پر ردعمل دیتے ہوئے کہا کہ مولانا فضل الرحمان کے موقف کی تائیدہوگئی، کمشنرراولپنڈی نے ایمانداری اور غیرت کامظاہرہ کیا، ان کی غیرت کو دیکھ کر تمام آراوز لیاقت چٹھہ کی تائید کریں۔

جے یو آئی ف کے رہنما کا کہنا تھا کہ کمشنر صاحب یہ بھی بتائیں ان کے اوپر کس کا پریشر تھا،خود کوجمہوری کہلانے والی جماعتوں میں جمہوریت ہے توآوازاٹھائیں، جتوانے والے کون ہیں، ہروانے والے کون سامنے آنا چاہیے۔

حافظ حمداللہ نے مطالبہ کیا کہ الیکشن کو کالعدم قرار دیکر دوبارہ انتخابات کرائے جائیں اور عدالت اس معاملے پر سوموٹو لے۔

ان کا کہنا تھا کہ جب دارالحکومت کے پڑوس میں یہ ہوسکتا ہے توبلوچستان،کےپی،سندھ میں کیا ہوا ہوگا، صرف 2جماعتیں کہتی ہیں کہ الیکشن شفاف ہوئے ہیں، باقی تمام جماعتیں کہہ رہی ہیں کہ الیکشن میں جعل سازی ہوئی،حافظ حمداللہ

رہنما جے یو آئی نے بتایا کہ مولانا نے بھی کہا ہےچیف الیکشن کمشنرمستعفی ہوں، کمشنرراولپنڈی کا بیان پوری فلم کا صرف ٹریلر ہے۔

یاد رہے کمشنر راولپنڈی لیاقت علی چٹھہ نے عام انتخابات میں دھاندلی کا اعتراف کرتے ہوئے کہا تھا کہ الیکشن ٹھیک نہیں کرواسکا،عہدے سے استعفیٰ دیتاہوں۔

لیاقت علی چٹھہ کا کہنا تھا کہ راولپنڈی کی ایم این اے کی تیرہ نشستوں پر ہارے ہوئے لوگوں کو جتوایا، جعلی مہریں لگا کر ستر ستر ہزارووٹوں کی لیڈ والوں کوہروایا، میں ماتحت ریٹرننگ افسران سے معذرت چاہتا ہوں، انھیں غلط کام کیلئے کہہ رہا تھا اور وہ نہیں کرنا چاہتے تھے۔

کمشنر راولپنڈی نے کہا تھا کہ اس وقت بھی راولپنڈی میں جعلی مہریں لگائی جارہی ہیں۔ جو کام میں نے کئے وہ مجھے زیب نہیں دیتے، تمام غلط کاموں کی ذمہ داری میں خود لیتا ہوں، میں نے جو ظلم کیا اس کی سزا مجھے ملنی چاہیے۔

ان کا کہنا تھا کہ اس کام میں چیف الیکشن کمشنربھی ملوث ہیں، میں نے ملک کی پیٹھ پرچھراگھونپا،اس میں ملوث لوگوں کوبھی سخت سزا ملنی چاہیے۔

لیاقت علی چٹھہ نے بتایا تھا کہ دھاندلی پر پہلے خود کشی کا سوچا پھر سوچاحرام کی موت کیوں مروں، کیوں نہ ساری چیزیں عوام کےسامنےلاؤں، اپنے ملک اور دین کے ساتھ اتنی بڑی غداری اور بے ضمیری نہیں کرنی چاہئے۔

کراچی : ایم کیو ایم کے بعد ن لیگی قیادت کی بیٹھک آج جے یو آئی ف کیساتھ ہوگی، جس میں دونوں جماعتوں میں ورکنگ ریلشن شپ،سیٹ ایڈجسٹمنٹ پر بات چیت ہوگی۔

تفصیلات کے مطابق عام انتخابات اور سندھ میں سیٹ ایڈجسٹمنٹ کا معاملے میں ن لیگ کی کوششوں میں تیزی آگئی، ایم کیو ایم کے بعد ن لیگی قیادت کی بیٹھک آج جے یو آئی ف کیساتھ ہوگی۔

ذرائع نےکہا کہ جمعیت علمائے اسلام (ف) کا وفد آج مسلم لیگ ہاؤس جائے گا، ملاقات میں جے یو آئی (ف) کی جانب سے حمداللہ شاہ اور اکبر شاہ شامل ہوں گے جبکہ ن لیگ سے نہال ہاشمی، علی اکبر گجر، ناصر محمود، خواجہ شعیب اور سعد شفیق شامل ہوں گے۔

ذرائع کے مطابق ن لیگ اورجے یو آئی میں ورکنگ ریلشن شپ اور سیٹ ایڈجسٹمنٹ پر بات چیت ہوگی ساتھ ہی دونوں جماعتیں اندرون سندھ جلسوں اور پی پی مخالف ووٹوں کو یکجا کرنے پر تجاویز دیں گی۔

ذرائع کا مزید کہنا تھا کہ ملاقات میں سندھ میں متفقہ امیدواروں کو اتارنے کے فارمولے پر بھی بات ہوگی۔

گذشتہ روز جی ڈی اے کا سندھ میں ہرنشست پر امیدوار کھڑے کرنے کا فیصلہ کیا تھا ، پیر پگارا نے کہا تھا کہ جی ڈی اے اکثریت سے کامیاب ہوکر سندھ کی تقدیر بدلے گی، ملک نازک دور سے گزر رہا، شفاف انتخابات ضروری ہیں، اگر انتخابات شفاف نہ ہوئے تو حالات مزید خراب ہوسکتے۔

کراچی : جمعیت علماء اسلام ( ف ) کے سربراہ مولانا فضل الرحمان نے فلسطینی مزاحمتی تحریک حماس کے رہنما خالد مشعل سے الوداعی ملاقات کی

ترجمان جے یو آئی (ف) کے مطابق قطر میں ہونے والی ملاقات میں غزہ کی صورتحال پر تفصیلی گفتگو کی گئی۔

رہنماؤں نے مسلم امہ اور خصوصاً مسلم حکمرانوں سے غزہ کی حالیہ صورتحال میں اپنا بھرپور کردار ادا کرنے کی اپیل کی۔

مولانا فضل الرحمان کا کہنا تھا کہ امت مسلمہ کو اسرائیل جیسے ناسور کا مقابلہ کرنا ہوگا ، جانوروں کے حقوق کی باتیں کرنے والا مغرب فلسطین میں جانوروں کا کردار ادا کرتا ہے۔

ان کا کہنا تھا کہ اسرائیل قبلہ اول کو ہیکل میں بدلنے کی مذموم کوشش کررہا ہے جبکہ فلسطینی صرف اپنی زمین نہیں امت کی طرف سے قبلہ اول کی آزادی کی جنگ لڑ رہے ہیں اور اب وقت آگیا ہے امت مسلمہ عملی میدان میں فلسطینی بھائیوں کے شانہ بشانہ کھڑی ہو۔

جے یو آئی سربراہ مولانا فضل الرحمان کی حماس رہنماؤں خالد مشعل اور اسماعیل ہانیہ سے ملاقات

جے یو آئی سربراہ مولانا فضل الرحمان وفد کے ہمراہ گذشتہ روز قطر پہنچے ۔اسلم غوری

مسئلہ فلسطین پر رہنماؤں میں تفصیلی تبادلہ خیال ہوا ۔اسلم غوری

اسرائیل فلسطین میں ظلم وستم کرکے قبلہ اول… pic.twitter.com/LATsqZvZSK

— Jamiat Ulama-e-Islam Pakistan (@juipakofficial) November 5, 2023

ملاقات کے دوران حماس رہنما اسماعیل ہنیہ کا کہنا تھا کہ امت مسلمہ کا فرض ہے کہ وہ اسرائیلی مظالم کے خلاف متحد ہو جائے، انسانی حقوق کے دعویدار ممالک ہتھیاروں سے بھرے جہاز تل ابیب بھیج رہے ہیں۔

اسماعیل ہنیہ نے کہا کہ امت مسلمہ بھی اپنے فلسطینی بھائیوں کی حمایت کے لئے میدان میں نکلے اور مسلمان ممالک بھی اپنی فلسطینی ماؤں بہنوں اور بھائیوں کی مدد کریں۔

ترجمان جے یو آئی اے اسلم غوری کے مطابق مولانا فضل الرحمان وفد کے ہمراہ ہفتے کے روز قطر پہنچے تھے جہاں انہوں نے حماس کے رہنماؤں خالد مشعل اور اسماعیل ہنیہ سے ملاقات کی۔

ملاقات کے دوران سیکرٹری جنرل جے یو آئی سندھ مولانا راشد محمود سومرو اور مفتی ابرار احمد بھی موجود تھے۔

کراچی : ایم کیو ایم اور جے یو آئی ف کے درمیان اہم ملاقات آج ہوگی ، ملاقات میں سیاسی امور سمیت سندھ کی نگراں حکومت کے قیام پر گفتگو کی جائے گی۔

تفصیلات کے مطابق سندھ میں پیپلز پارٹی کو ٹف ٹائم دینے اور مستقبل کی حکمت عملی بنانے کے معاملے پر ایم کیو ایم اور جے یو آئی ف کے درمیان اہم ملاقات آج ہوگی۔

ایم کیو ایم کا اعلی سطح وفد جے یو آئی رہنما راشد سومرو کی قیادت میں جے یو آئی وفد سے ملاقات کرے گا ، ایم کیو ایم وفد کی قیادت خواجہ اظہار الحسن کریں گے۔

ذرائع کا کہنا ہے کہ ملاقات میں سیاسی امور ، سندھ کی نگراں حکومت کے قیام پر گفتگو ہوگی جبکہ شہری و دیہی سندھ کے علاقوں کے مسائل، انکے حل اور مستقبل میں ورکنگ ریلیشن شپ بڑھانے پر بھی مشاورت ہوگی۔

ذرائع کے مطابق ملاقات میں عام انتخابات میں سندھ سے پیپلز پارٹی مخالف مضبوط اتحاد ، حکمت عملی اور پی پی کے 15 سالہ دور اقتدار میں عوامی محرومیوں کے خاتمے کے حوالے سے حکمت عملی مرتب کی جائے گی۔