Tag: جے یو آئی

جے یو آئی سربراہ فضل الرحمان نے کم عمر شادی قانون کو قرآن وسنت کے منافی قرار دیتے ہوئے اس کے خلاف ملک گیر احتجاج کا اعلان کر دیا ہے۔

اے آر وائی نیوز کے مطابق جمعیت علمائے اسلام کے سربراہ مولانا فضل الرحمان نے پشاور میں نیوز کانفرنس کرتے ہوئے کہا ہے کہ آئین پاکستان واضح ہے کہ قرآن وسنت کے منافی کوئی قانون سازی نہیں ہو سکتی لیکن اب 18 سال سے کم عمر بچوں کی شادی کے قانون پر یون این قرارداد کا حوالہ دیا جا رہا ہے۔ مغربی دنیا کو راضی کرنے کیلیے اقدامات کرنیوالے آئین اور عوام کے مجرم ہیں۔

فضل الرحمان نے کہا کہ پاکستان اسلام کے نام پر بنا تھا لیکن اس کی شناخت کو ختم کیا جا رہا ہے۔ حکمرانوں کی غلامانہ ذہنیت کی وجہ سے جمہوریت اپنا مقدمہ ہار رہی ہے اور پاکستان کے حکمرانوں کی وجہ سے پارلیمنٹ سے اعتماد اٹھ چکا ہے۔ اس بل کے خلاف تمام عملی اقدامات اور مختلف شہروں میں جلسے کریں گے۔ 29 جون کو ہزارہ ڈویژن میں بڑی کانفرنس منعقد کی جائے گی۔

ان کا کہنا تھا کہ اسلام دنیا کے ساتھ تصادم کرنے والا دین نہیں بلکہ ساتھ چلنے والا دین ہے۔ 18 سال سے کم عمر بچوں کی شادیوں کے بل کو اسلامی نظریاتی کونسل بھی مسترد کر چکی ہے۔ انہوں نے یہ بھی سوال اٹھایا کہ مدارس کی رجسٹریشن سے متعلق قانون سازی کیوں نہیں ہو رہی؟

جے یو آئی سربراہ نے مزید کہا کہ چین کی قیادت میں ایشیا اقتصادی ٹائیگر بننے جا رہا ہے۔ پاکستان اور افغانستان میں سفیر کی سطح پر تعلقات کی بحالی اہم پیشرفت ہے۔

انہوں نے یہ بھی کہا کہ مودی کی حماقتوں کی وجہ سے پاک بھارت کشیدگی بڑھی لیکن بھارتی جنگی جارحیت میں پاکستان کو عزت ملی۔ تاہم ہندوستان کی جانب سے اب بھی جارحیت کے خدشات موجود ہیں لیکن ہمیں پاکستان کی دفاعی قوتوں پر اعتماد ہے۔

مولانا فضل الرحمان نے کہا کہ پی پی کرپشن کے خلاف نہیں بلکہ کرپشن میں اپنا ریکارڈ ٹوٹنے پر احتجاج کر رہی ہے۔ ملک سے کرپشن اس وقت تک ختم نہیں ہو سکتی، جب تک جے یو آئی کی حکومت نہ آئے۔

https://urdu.arynews.tv/president-zardari-signs-bill-prohibiting-child-marriage-into-law/

اسلام آباد :جمیعت علما اسلام ف نے اپوزیشن اتحاد کا حصہ بننے سے انکار کردیا، سربراہ مولانا فضل الرحمان نے کہا بڑا اتحاد بنانے کیلئے پارٹی ابھی تیار نہیں ہے۔

تفصیلات کے مطابق جمیعت علما اسلام ف کے سربراہ مولانا فضل الرحمان نے پریس کانفرنس کرتے ہوئے کہا کہ پی ٹی آئی کیساتھ ماضی کے تعلقات کی نسبت اب فرق ہے، ماضی میں ہم بالکل ملاقات نہیں کرتے تھے اب ملاقاتیں بھی ہوتی ہیں، پی ٹی آئی والے رابطے بھی رکھتے ہیں اورایکشن ان کے اپنے ہوتے ہیں۔

فضل الرحمان کا کہنا تھا کہ پاکستان میں شفاف اور پرامن الیکشن کی ضرورت ہے تاہم پوزیشن کا بڑا اتحاد بنانے کیلئے پارٹی ابھی تیار نہیں ہے۔

انھوں نے کہا کہ اتحاد صرف حکومتی جماعتوں کا ہوتا ہے، اپوزیشن کا کوئی باقاعدہ اتحاد نہیں، ہماری جنرل کونسل کسی باقاعدہ اپوزیشن اتحاد کے لئے آمادہ نہیں۔

سربراہ جے یو آئی کا کہنا تھا کہ پی ٹی آئی کے ساتھ بات چیت ایک سال سے چل رہی ہے، پی ٹی آئی کے ساتھ تعلقات میں بہتری آئی ہے، ان سے پہلے ملتے نہیں تھےاب بے تکلفی سے مل رہے ہیں۔

موجودہ حکومت پر تنقید کرتے ہوئے فضل الرحمان نے کہا کہا دھاندلی سے بننے والی حکومتیں عوامی ترجمانی نہیں کررہیں، ہم اپنےہی پلیٹ فارم سےسیاسی جدوجہدجاری رکھیں گے، اصول تویہ ہےغیرجانبدارالیکشن کمیشن کی نگرانی میں شفاف الیکشن ہونے چاہئیں۔

انھوں نے بتایا کہ شکایت ہےکہ انتخابی عملےکی مرضی سےتعیناتی ہوتی ہے، الیکشن کمیشن کی جانبداری ہوتی ہےاورمن پسندنتائج حاصل کیےجاتےہیں۔

اپوزیشن جماعتوں کے حوالے سے سربراہ جے یو آئی کا کہنا تھا کہ اپوزیشن جماعتوں میں باہمی اتحادکوبرقراررکھیں گے، مذہبی جماعتوں کےرابطےقائم کرنامثبت کام ہے، ایک عرصہ ہو چکا تھا منصورہ نہیں جاسکاتھا، پروفیسرخورشیدکی وفات پرتعزیت کرنے منصورہ گیا تھا، علماکےاکٹھےبیٹھنےسےفائدہ اٹھاناچاہیے.

انھوں نے مزید کہا صوبوں کا حق چھینا جاتا ہے تو ہم صوبوں کے ساتھ کھڑےرہیں گے، مشترک امور پر اپوزیشن جماعتوں سےاشتراک عمل ہو تو شوریٰ فیصلہ کرے گی۔

اسلام آباد : جمعیت علماء اسلام (جے یو آئی) رہنماؤں نے پی ٹی آئی سے اتحاد کی مخالفت کردی اور حکومت کے خلاف تحریک خودچلانے کی تجویز دی۔

تفصیلات کے مطابق جمیعت علمائے اسلام کی مرکزی جنرل کونسل کا اجلاس مولانا فضل الرحمن کی زیرصدارت ہوا۔

ذرائع نے بتایا کہ جے یو آئی نے تحریک انصاف سےاتحاد کی مخالفت کردی اور تجویز دی گئی جمعیت علماء اسلام حکومت مخالف تحریک خود چلائے گی اور تمام جماعتوں سے رابطہ کیا جائے گا۔

مرکزی جنرل کونسل اجلاس میں مائنزاینڈ منرلز بل کی بھی مخالفت کی گئی اور بلوچستان اسمبلی میں بل کی حمایت کرنے والے جمعیت علماء اسلام اکان کو شوکاز دینے کا فیصلہ کیا گیا۔

ذرائع کا کہنا تھا کہ بل کی حمایت کرنے والے ارکان کو غیر تسلی بخش جواب پر پارٹی سے نکالنے کا بھی فیصلہ ہوا۔

ذرائع نے کہا کہ اجلاس میں فلسطین کے مسئلے پر تحریک چلانے کا فیصلہ کرتے ہوئے کہا کہ 27 اپریل کو لاہور میں غزہ ملین مارچ کیا جائے گا۔

پی ٹی آئی اور جے یو آئی کے رہنماؤں کی ملاقاتیں جاری ہیں دونوں جماعتوں میں اتحاد سے متعلق جمعیت علما اسلام کے سینیٹر کا اہم بیان آ گیا ہے۔

اے آر وائی نیوز کے مارننگ شو باخبر سویرا میں گفتگو کرتے ہوئے جمعیت علمائے اسلام کے سینیٹر کامران مرتضیٰ نے کہا ہے کہ جے یو آئی کسی اتحاد کا حصہ بن بھی سکتی ہے اور نہیں بھی بن سکتی۔ اپوزیشن اتحاد کے لیے کافی چیزوں میں وضاحت ضروری ہے اور جب تک پی ٹی آئی کے ساتھ اتحاد نہ ہو، ان کے کسی اتحاد میں شامل نہیں ہو سکتے۔

سینیٹر کامران مرتضی نے کہا کہ پی ٹی آئی خود ایک جماعت ہے اور اس کے احتجاج پر قدغن نہیں لگائی جا سکتی۔ لیکن ہم دوسری جماعتوں کے مزاج کے مطابق احتجاج نہیں کرتے۔

ان کا کہنا تھا کہ جس خط کی بات کی جا رہی ہے، اس کے خدوخال واضح نہیں۔ علیمہ خانم پارٹی کی عہدیدار نہیں صرف بانی پی ٹی آئی کی بہن ہیں۔

جے یو آئی سینیٹر نے یہ بھی کہا کہ صرف کے پی کو مائنس کر کے باقی ملک کی بات نہیں کرنی ہے۔

جمعیت علمائے اسلام آج آئینی ترامیم کی کاروائی کا حصہ نہیں بنے گی، پارٹی چاہتی ہے جلد بازی میں قانون سازی نہ کی جائے۔

تفصیلات کے مطابق ذرائع نے بتایا کہ جے یو آئی نے آج آئینی ترامیم کی کاروائی کا حصہ بننے سے انکار کیا ہے، پارٹی کا موقف ہے کہ جلدبازی میں قانون سازی نہ کی جائے، جے یو آئی ف نے اس حوالے سے حکومتی وفد کو آگاہ کردیا ہے۔

ذرائع نے بتایا کہ ملاقات میں مولانا فضل الرحمان کو حتمی مسودہ پیش کردیا گیا، جے یو آئی ف کا مؤقف ہے کہ جو حتمی مسودہ دیا گیا ہے مشاورت کیلئے وقت دیا جائے۔

دریں اثنا ترجمان جے یو آئی اسلم غوری نے کہا ہے کہ مولانا فضل الرحمان نے بھی بلاول بھٹو کو کہا کہ ایک دن کا وقت دیں، چاہتے ہیں آئین میں کوئی متنازعہ چیز نہ ڈالی جائے ورنہ کل ختم کرنی پڑے گی۔

اسلم غوری نے کہا کہ کل پی ٹی آئی کا جواب آنے کے بعد فیصلہ کرینگے اتحادیوں کے ساتھ کھڑے ہونگے یا نہیں، پی ٹی آئی نے ایک دن کا وقت مانگا تھا، بانی سے مشاورت کرنا چاہتے تھے، جہاں اتنا انتظار کیا ہے ایک دن اور انتظار کرلیا جائے تو کیا قیامت آجائے گی۔

انھوں نے کہا کہ پی ٹی آئی وفد کل پارلیمانی پارٹی کو اعتماد میں لے تو پرسوں ترمیم پیش ہوسکتی، آئین میں ترمیم اتفاق رائے سے ہونی چاہیے تاکہ بعد میں تنقید نہ ہو۔

ترجمان جے یو آئی نے کہا کہ پی ٹی آئی رہنما اپنی پارلیمانی پارٹی سے کل تک مشاورت کرلیں تو اس میں کیا حرج ہے، 18ویں ترمیم پر ہم نے 6 سے 7 ماہ مشاورت کی تھی، کسی شخص، ادارے اور حکومت کیلئے نہیں 25کروڑ عوام کیلئے ترمیم ہوگی۔

بیرسٹر علی ظفر نے کہا ہے کہ آئینی ترمیم کیلئے جے یو آئی ساتھ نہیں دیتی تو حکومت کو 12 سے زائد ووٹوں کی ضرورت ہوگی۔

اے آر وائی نیوز کے پروگرام آف دی ریکارڈ میں گفتگو کرتے ہوئے پاکستان تحریک انصاف کے رہنما بیرسٹر علی ظفر نے کہا کہ آئینی ترمیم روکنے میں جے یو آئی (ف) نے کردار ادا کیا ہے، آئینی ترمیم کو روکنے میں دوسرا کردار آرٹیکل 63 اے کا ہے،

علی ظفر نے کہا کہ سپریم کورٹ نظرثانی سے متعلق کوئی فیصلہ ہوتا ہے تو پھر صورتحال تبدیل ہوگی، موجودہ بینچ کو غیرآئینی سمجھتے ہیں حکومت اسی بینچ کے فیصلے کا انتظار کررہی ہے۔

رہنما تحریک انصاف نے کہا کہ سینیٹ میں کوئی بھی پی ٹی آئی ممبر ہارس ٹریڈنگ میں ملوث نہیں ہوگا، سینیٹ میں کوئی بھی ممبران کیساتھ نہیں جاتا تو یہ آئینی ترمیم نہیں لاسکتے۔

بیرسٹرعلی ظفر کا مزید کہنا تھا کہ ہمارے تمام ممبرز سیف ایریاز میں ہیں امید ہے کوئی ہارس ٹریڈنگ نہیں کریگا۔

انھوں نے کہا کہ آج سپریم کورٹ میں آئین وقانون کے مطابق بحث کی ہے، آج سپریم کورٹ میں جو واقعہ ہوا اس کی بالکل حمایت نہیں کرتا، سپریم کورٹ میں وکیل کو اس قسم کا رویہ نہیں رکھنا چاہیے۔