ARYNews.tv | Urdu – Har Lamha Bakhabar

Tag: حادثات

  • خیبرپختونخواہ اورفاٹا میں طوفانی بارش ‘ مختلف حادثات میں 16 افراد جاں بحق

    خیبرپختونخواہ اورفاٹا میں طوفانی بارش ‘ مختلف حادثات میں 16 افراد جاں بحق

    پشاور: وفاق کے زیرانتظام قبائلی علاقوں اور خیبرپختونخواہ میں موسلادھار بارشوں کے باعث پیش آنے والے مختلف حادثات میں 16 افراد جاں بحق ہوگئے۔ٕ

    تفصیلات کے مطابق باجوڑ ایجنسی کے علاقے ماموند میں موسلادھار بارش کے باعث ایک مدرسے کے کمرے کی چھت منہدم ہونے سے 9 افراد جاں بحق اور 18 زخمی ہوگئے۔

    دوسری جانب خیبرایجنسی میں چار اور نوشہرہ میں دو جبکہ ضلع شانگلہ کے علاقے الپورئی میں ایک شخص جاں بحق اور پانچ افراد زخمی ہوگئے۔

    محکمہ موسمیات کے مطابق آج خیبرپختونخواہ، فاٹا، گلگت بلتستان، کشمیر، لاہور، راولپنڈی، گوجرانوالہ، سرگودھا، فیصل آباد، مالاکنڈ، ہزارہ، کوئٹہ اور ژوب ڈویژن میں چند ایک مقامات پرتیزہواؤں اور گرج چمک کے ساتھ بارش کا امکان ظاہر کیا جارہا ہے۔

    محکمہ موسمیات کا کہنا ہے کہ آئندہ 24 گھنٹوں کے دوران کراچی میں موسم گرم اور خشک رہنے کا امکان ہے اور زیادہ سے زیادہ درجہ حرارت 35 سے 37 ڈگری سینٹی گریڈ تک رہنے کا امکان ہے۔

    پنجاب کےمختلف شہروں میں بارش اورآندھی نےتباہی مچادی‘ 14افراد جاں بحق

    خیال رہے کہ گزشتہ سال 11 جون کو پنجاب کے مختلف شہروں میں بارش اور تیز آندھی کے باعث مختلف حادثات میں خاتون سمیت 14افراد جاں بحق جبکہ متعدد افراد زخمی ہو گئے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پنجاب میں شدید دھند‘ مختلف حادثات میں 2 افراد جاں بحق‘ 32 زخمی

    پنجاب میں شدید دھند‘ مختلف حادثات میں 2 افراد جاں بحق‘ 32 زخمی

    لاہور: صوبہ پنجاب کے مختلف علاقوں میں شدید دھند کے باعث مختلف ٹریفک حادثات میں 2 افراد جاں بحق جبکہ 32 افراد زخمی ہوگئے۔

    تفصیلات کے مطابق صوبہ پنجاب میں شدید دھند نے عوام کو پریشان کردیا جبکہ دھند کے باعث مختلف حادثات میں 2 افراد جان کی بازی ہارگئے جبکہ 32 افراد زخمی ہوگئے۔

    سیالکوٹ کی تحصیل ڈسکہ میں جی ٹی روڈ پر دھند کے باعث حادثے میں ایک شخص جاں بحق اور پانچ زخمی ہوگئے۔

    دوسری جانب کمالیہ چیچہ وطنی روڈ پرٹریفک حادثے میں ایک شخص جان سے ہاتھ دھو بیٹھا جبکہ دو افراد زخمی ہوئے جبکہ کوٹ مومن میں مختلف ٹریفک حادثات میں آٹھ افراد زخمی ہوئے۔

    ادھر پنجاب کے شہر چنیوٹ میں لاہور روڈ بائی پاس پر بس الٹنے سے 25 مسافر زخمی ہوگئے۔

    موٹروے پولیس نے سموگ اور دھند کے دوران مسافروں کو محتاط ڈرائیونگ اور فوگ لائٹس استعمال کرنے کی ہدایت کی ہے۔

    موٹروے حکام کے مطابق لاہور سے پتوکی اور چیچہ وطنی تک حد نگاہ صفر سے 150 میٹر، میاں چنوں سے خانیوال، ملتان اور بہاولپور تک حدنگاہ صفر سے 50 میٹر رہ گئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کراچی میں طوفانی بارش‘ 7 افراد جاں بحق

    کراچی میں طوفانی بارش‘ 7 افراد جاں بحق

    کراچی: شہر قائد میں طوفانی بارش کے بعد مختلف حادثات کے نتیجے میں 7 افراد جاں بحق ہوگئے۔

    تفصیلات کے مطابق کراچی میں طوفانی بارش کےبعد کرنٹ لگنے سمیت مختلف حادثات کے نتیجے میں 7 افراد جاں بحق جبکہ 11 افراد زخمی ہوگئے۔

    کراچی میں گزشتہ 24 گھنٹوں کے دوران لانڈھی میں 37 ملی میٹر گلشن حدید میں 32، ناظم آباد سمیت فیصل بیس میں 29 ملی میٹر بارش ریکارڈ کی گئی۔

    محکمہ موسمیات کے مطابق کراچی میں طوفانی بارش جمعرات تک ہوتی رہے گی۔ محکمہ موسمیات کا کہنا ہے کہ بارش میں شہری گھر سے بلاضرورت باہر نہ نکلیں جبکہ شہری بارش کے دوران بجلی اور ٹیلیفون کے کھمبوں سے دور رہیں۔

    یاد رہے کہ گزشتہ رات کراچی میں بارش کے بعد شہرکے 405 فیڈرٹرپ کرگئےجس کے نتیجے میں شہر کے بڑے حصے میں بجلی کی فراہمی معطل ہوگئی۔

    کراچی: موسلا دھار بارش‘ خواتین اوربچوں سمیت 8 افراد جاں بحق

    ترجمان کے الیکٹرک کے مطابق شہر میں بارش کے بعد مختلف علاقوں میں بجلی کے تاڑ ٹوٹ گئے تاہم کے الیکٹرک کا عملہ ان علاقوں میں بجلی کی بحالی کےلیے موجود ہے۔

    واضح رہے محکمہ موسمیات کا کہنا ہےکہ آئندہ 24 گھنٹوں کے دوران کہیں ہلکی اور کہیں موسلادھار بارش کا امکان ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پنجاب کےمختلف شہروں میں بارش اورآندھی نےتباہی مچادی‘ 14افراد جاں بحق

    پنجاب کےمختلف شہروں میں بارش اورآندھی نےتباہی مچادی‘ 14افراد جاں بحق

    لاہور: پنجاب کے مختلف شہروں میں بارش اور تیز آندھی کے باعث مختلف حادثات میں خاتون سمیت 14افراد جاں بحق جبکہ متعدد افراد زخمی ہو گئے۔

    تفصیلات کےمطابق پنجاب کے مخلتف شہروں میں ہونے والی بارشوں اور تیز آندھی کے باعث مختلف حادثات میں 14 افراد جان کی بازی ہارگئے جبکہ درجنوں افراد زخمی ہوگئے۔

    دوسری جانب بہاولنگر میں چلنے والی آندھی کے دوران حادثات میں 4 افراد جاں بحق اور متعدد زخمی ہو گئے۔ہارون آباد میں 2 افراد اور ایک شخص چشتیاں میں جاں بحق ہوا۔

    ادھرفیصل آباد میں بارش کے باعث گھر کی چھت گرنے سے خاتون ملبے تلے دب کر دم توڑ گئی۔وہاڑی میں بھی تیز آندھی نے ایک شخص کی جان لے لی جبکہ 7 افراد زخمی بھی ہوئے اور ملتان میں بھی مسجد کی چھت گرنے سے 7 بچے زخمی ہو گئے۔

    واضح رہےکہ محکمہ موسمیات کے مطابق آج بنوں، کوہاٹ، سرگودھا، ڈی آئی خان، ہزارہ ، راولپنڈی، گوجرانوالہ، لاہور، فیصل آباد، ساہیوال، ملتان، ڈی جی خان، بہاولپور ڈویژن، فاٹا، اسلام آباد، گلگت بلتستان اور کشمیر میں چند مقامات پر تیز ہواؤں اور گرج چمک کے ساتھ بارش کا امکان ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کراچی: پرانی بسوں کے خلاف قانون سازی کی جائے، ڈی آئی جی ٹریفک

    کراچی: پرانی بسوں کے خلاف قانون سازی کی جائے، ڈی آئی جی ٹریفک

    کراچی: ڈی آئی جی ٹریفک پولیس آصف اعجاز شیخ نے کہا ہے کہ پرانی بسوں کی روک تھام کے لیے سیکریٹری ٹرانسپورٹ اور متعلقہ حکام قانون سازی کریں جس پر آئی جی سندھ سے عمل درآمد کرانے کی بھی استدعا ہے۔

    ڈی جی ٹریفک پولیس نے اپنے خط میں کہا ہے کہ کراچی میں 50سال پرانی بسیں سٹرکوں پرچل رہی ہیں جن کی فٹنس انتہائی خراب ہے اس لیے کی پرانی بسوں کی روک تھام کے لیےقانون سازی کی اشد ضرورت ہے۔

    انہوں نے اپنے خط میں سیکریٹری ٹرانسپورٹ اورمتعلقہ حکام سے قانون سازی کرنے کی استدعا کرتے ہوئے کہا کہ بسوں کی خراب حالت کے باعث شہریوں کو مشکلات کا سامنا ہے اور جان لیوا حادثات روز کا معمول بن گئے ہیں۔

    *کراچی: یونیورسٹی روڈ پر بس لوگوں پر چڑھ دوڑی، 4 افراد جاں بحق

    ڈی آئی جی ٹریفک پولیس نے مزید کہا کہ پرانی بسوں پر موٹروہیکل قانون کےتحت سڑکوں پر لانے کی پابندی عائد کی جائے تا کہ کراچی کے شہریوں کو محفوظ سفری سہولیات میئسر آسکیں۔

    قبل ازیں کراچی ٹریفک پولیس کی جانب سے جاری کردہ پریس ریلیز کے مطابق گزشتہ دو روز میں 126 ڈرائیورز کوقانون کی خلاف ورزی کرنے پر گرفتار کیا گیا جب کہ غیر معیاری حالت میں ہونے پر 324 بسوں کوضبط کرلیا گیا ہے۔

    *یہاں پڑھیں:کراچی : پٹیل پاڑہ میں مسافر بس نے طالبعلم کو کچل دیا

    ٹریفک پولیس کے ذرائع کا کہنا ہے کہ مذکورہ کارروائیاں غیر ذمہ درانہ ڈرائیونگ کرنے اور خستہ حال بسوں کے خلاف کی گئیں اور ذمہ داران کے خلاف قانون کے مطابق کارروائی کی جائے گی۔

    *کراچی: ٹریفک پولیس کا کریک ڈاؤن،64 بس ڈرائیورز گرفتار

    واضح رہے یونیورسٹی روڈ کی تعمیر نو کے دوران بسوں کے حادثوں میں اضافہ دیکھنا میں آیا ہے اور گزشتہ تین روز میں ہونے والے تین واقعات میں 5 طالبات جاں بحق اور متعدد مسافر زخمی ہو گئے ہیں جس پر محکمہ ٹرانسپورٹ اور ٹریفک پولیس کو شدید تنقید کا نشانہ بنایا جا رہا ہے۔

  • پنجاب اورخیرپختونخواہ میں ٹریفک حادثات‘7افراد جاں بحق

    پنجاب اورخیرپختونخواہ میں ٹریفک حادثات‘7افراد جاں بحق

    لاہور : صوبہ پنجاب اورخیبرپختونخواہ میں ٹریفک حادثات میں 7افراد جاں بحق جبکہ متعدد افراد زخمی ہوگئے۔

    تفصیلات کےمطابق چارسدہ موٹروے پرمسافر گاڑی کو تیزرفتاری کےباعث حادثہ پیش آیاجس کےنتیجےمیں چار مسافر جاں بحق جبکہ آٹھ زخمی ہو گئے۔

    امدادی ٹیموں نے حادثے میں جاں بحق ہونے والے افراد کی لاشوں کو لیڈی ریڈنگ اسپتال منتقل کردیا،جبکہ حادثے میں زخمی ہونے والے افراد کو طبی امداد دی جارہی ہے۔

    دوسری جانب چنیوٹ میں سرگودھاروڈ پرچناب نگرکےقریب دھندکےباعث چارگاڑیوں میں تصادم کےنتیجےمیں متعدد مسافر زخمی ہوگئے۔

    ادھر لودھراں میں ٹرالرکی ٹکرسےدو موٹر سائیکل جاں بحق جبکہ بھکر میں ٹریکٹر ٹرالی کی زدمیں آکر موٹر سائیکل سوارجان کی بازی ہار گیا۔

    مظفرگڑھ کی تحصیل کوٹ ادو میں اسکول وین اورٹریکٹرٹرالی کے تصادم میں دوبچوں سمیت پانچ افرادزخمی ہوئے۔

    مزید پڑھیں:سندھ اور پنجاب میں شدید دھند، حادثات میں 8 افراد جاں بحق

    واضح رہے کہ گزشتہ روز سندھ اور پنجاب میں شدید دھند کے باعث پیش آنے والے ٹریفک حادثات میں 8افراد جان کی بازی ہارگئے تھے۔

  • خیبرپختونخوا،پنجاب اورسندھ میں دھند،معمولات زندگی متاثر

    خیبرپختونخوا،پنجاب اورسندھ میں دھند،معمولات زندگی متاثر

    لاہور: صوبہ پنجاب،خیبرپختونخواہ اور سندھ کے مختلف شہروں میں شدید دھند کے باعث ٹریفک حادثات میں کئی افراد زخمی اور ایک خاتون جان کی بازی ہار گئی۔

    تفصیلات کےمطابق علامہ اقبال ایئرپورٹ لاہور پرحدنگاہ تیس میٹر ہونے سے پروازوں کا شیڈول متاثر ہوا،بیس فلائیٹس منسوخ کردی گئی۔

    دوسری جانب موٹروے ایم ٹو لاہور سے شیخوپورہ شدید دھند کے باعث بند کرنے کے بعد جزوی طور پر بحال کردیا گیا۔

    خیبرپختونخواہ کے دارلحکومت پشاور میں بھی دھند کے بادلوں نےباچاخان ایئرپورٹ پرملکی وبین الاقوامی پروازوں کاشیڈول متاثر کیا۔

    محکمہ موسمیات کاکہناہےکہ آئندہ چند روز تک دھند کا سلسلہ برقرار رہےگا،جبکہ بارش کا کوئی امکان نہیں ہے۔

    مزید پڑھیں:پتوکی بائی پاس پر باراتیوں کی بس اُلٹ گئی،1خاتون جاں بحق

    یاد رہے کہ آج صبح لاہور سے چشتیاں جانے والی باراتیوں کی بس دھندکے باعث پتوکی کے قریب الٹ گئی،جس کی نتیجے میں ایک خاتون موقع پر ہی جاں بحق ہوگئے۔

    مزید پڑھیں:ساہیوال میں دھند کےباعث ٹریفک حادثہ،5افراد جاں بحق

    واضح رہے کہ گزشتہ روزصوبہ پنجاب کے شہر ساہیوال میں جی ٹی روڈ پر دھند کے باعث 12 گاڑیاں آپس میں ٹکرا گئیں تھی جس کے نتیجے میں 5 افراد جاں بحق اور20زخمی ہوگئےتھے۔

  • کراچی: بارش کے باعث مختلف حادثات میں 6افراد جاں بحق

    کراچی: بارش کے باعث مختلف حادثات میں 6افراد جاں بحق

    کراچی : شہر قائد میں میں دوسرے روزجاری بارش کے دوران مختلف حادثات میں 6 افراد جان کی بازی ہار گئے.

    تفصیلات کےمطابق کراچی میں بارش کے دوران مختلف حادثات میں6 افراد جاں بحق ہوگئے.بارش کے بعد شہر کےمختلف علاقوں میں بجلی بھی غائب ہوگئی ہے.

    کراچی میں بارش ہوتے ہی بجلی چلی گئی ،دوسرے روز ہونے والی برسات کے بعد 180فیڈرزٹرپ کرگئے،شہر کے مختلف حصوں میں بجلی کی فراہمی معطل ہوکر رہ گئی ہے۔

    ترجمان کے الیکٹرک نے کہا ہے کہ 180کے قریب فیڈرز متاثر ہوئے ہیں، بجلی کی بحالی کے لیے کے الیکٹرک کا عملہ مصروف ہے.

    محکمہ موسمیات کے مطابق سب سے زیادہ 45ملی میٹر بارش لانڈھی میں ہوئی،ایئرپورٹ اور گلستان جوہر میں 18ملی میٹر ،گلشن حدید میں 17ملی میٹر اور صدر میں 4ملی میٹر بارش ریکارڈ کی گئی ہے .

    ریسکیو ذرائع کے مطابق اورنگی ٹاؤن ایم پی آر کالونی میں مکان کی دیوار گرنے سے ایک شخص جاں بحق جبکہ ایک زخمی ہوا، جسے اسپتال منتقل کردیا گیا ہے .

    ذرائع کے مطابق سول لائنز میں گھر کی چھت کا ایک حصے گرنے سے ایک شخص جاں بحق ہوا جبکہ نارتھ کراچی میں کرنٹ لگنے سے ایک شخص جان کی بازی ہار گیا.

    *کراچی: بارش کے باعث مختلف حادثات میں 15 افراد جاں بحق

    یاد رہے کہ رواں ماہ کے آغاز میں ہونے والی بارشوں میں مختلف حادثات کے دوران 15 افراد جان کی بازی ہار گئے تھے.

  • کراچی: بارش کے باعث مختلف حادثات میں 15 افراد جاں بحق

    کراچی: بارش کے باعث مختلف حادثات میں 15 افراد جاں بحق

    کراچی: شہر قائد میں میں جمعرات سے جاری بارش کے دوران مختلف حادثات میں 2 بچوں اور خاتون سمیت 15 افراد جان کی بازی ہار گئے جبکہ بارش کے دوران کرنٹ لگنے سے ایک شخص زخمی ہوگیا.

    تفصیلات کےمطابق کراچی میں جمعرات سے جاری بارش کے دوران شہر قائد کے مختلف علاقوں میں حادثاے کے باعث 15 افراد جاں بحق ہوگئے.حادثات میں دس افراد کرنٹ لگنے سے تین چھتیں گرنے اور دو ڈوب کر ہلاک ہوئے.

    ادھر گلشن اقبال بلاک تیرہ ڈی ٹو میں کرنٹ لگنے سے ایک شخص جھلس کر زخمی ہوگیا جسے اسپتال منتقل کردیا گیا،تاہم زخمی کی حالت خطرے سے باہر ہے.

    دوسری جانب شہر کے مختلف علاقوں میں گزشتہ روز صبح سے تیز ہونے والی بارش سے سڑکوں پر پانی کھڑا ہوگیا ہے،جس سے شہریوں کو شدید مشکلات کا سامنا ہے.

    دوسری جانب بارش کے بعد بجلی کے فیڈر ٹرپ ہونے سے شہر کے زیادہ تر حصوں میں بجلی غائب ہوگئی،جسے کئی گھنٹے گزرنے کے بعد بھی بحال نہ کیا جاسکا.

    واضح رہے کہ محکمہ موسمیات نے آج بھی سارا دن بارش کی پیش گوئی کی ہے.

    *کراچی میں کچھ دیر کی بارش سے 4 افراد ہلاک،سڑکوں پر پانی جمع، ٹریفک جام

    یاد رہے کہ گزشتہ ماہ کراچی میں ہونے والی بارشوں میں کرنٹ لگنے سے دو بچوں سمیت چار افراد جان کی بازی ہار گئے تھے.