Tag: حادثہ

نیروبی : کینیا کےشہر نیروبی کی اہم شاہراہ پرتیز رفتار آئل ٹینکر کےگاڑیوں سےتصادم کے نتیجےمیں کم از کم 30افراد ہلاک ہوگئے۔

تفصیلات کےمطابق نیشنل ڈیزاسٹر مینجمنٹ یونٹ کا کہنا ہے کہ آئل ٹینکر جو نیروبی سے نیواشا جارہا تھاجو بے قابو ہو کر شاہراہ پر معتدد گاڑیوں سے ٹکرا گیا۔

گاڑیوں سے ٹکرانے کے بعد ٹینکر میں آگ بھڑک اٹھی جس کے نتیجے میں 30افراد ہلاک اورمتعددافرادزخمی بھی ہوگئے ہیں۔پولیس اور ریسکیو ٹیموں نے جائے وقوعہ پر پہنچ کر امدادی کارروائیوں کا آغاز کردیا ہے۔

ریسکیو اہلکاروں نے زخمیوں کو ایمبولینسوں کے ذریعے اسپتال پہنچانا شروع کردیا ہے۔جہاں زخمیوں کا علاج کر جارہا ہےجبکہ ہلاک ہونےوالےافراد کی لاشوں کو مزید کارروائی کےلیے اسپتال منتقل کردیا گیا ہے۔

مزید پڑھیں:افغانستان میں مسافر بس اور آئل ٹینکر میں تصادم،38 ہلاک

یاد رہے کہ رواں سال ستمبر میں افغانستان کے جنوبی صوبے زابل میں مسافر بس اور آئل ٹینکر کے درمیان تصادم کے نتیجے میں 38 افرادجاں بحق اور 20 شدید زخمی ہوگئےتھے۔

مزید پڑھیں:افریقی ملک موزمبیق میں‌ دھماکہ،73 افراد ہلاک، 110سے زائد زخمی

واضح رہے کہ اس سے قبل گزشتہ ماہ افریقی ملک موزمبیق کےشہربیرہ میں آئل ٹینکر میں ہونے والے دھماکے سے کم ازکم 73افراد ہلاک اور 100سے زائد افراد زخمی ہوگئےتھے۔

بیجنگ : چین کے صوبے جیانگ شی میں پاور پلانٹ کے قریب تعمیراتی پلیٹ فارم منہدم ہونے سے74افراد ہلاک اور متعدد زخمی ہوگئے۔

تفصیلات کےمطابق شمالی چین میں واقع فینگ چینگ پاور پلانٹ کے کولنگ ٹاور میں زیر تعمیر پلیٹ فارم منہدم ہونے سے 74مزدور ہلاک جبکہ درجنوں زخمی ہوگئے۔

چینی سرکاری خبر رساں ایجنسی شنہوا کے مطابق حادثہ جمعرات کےروزصبح7 بجے پیش آیا جس کے بعد فوری طور پر ریسکیو آپریشن شروع کردیاگیا۔

چینی حکام کےمطابق ہلاکتوں میں اضافے کا خدشہ ہےجبکہ زخمیوں کو قریبی اسپتال منتقل کردیاگیا۔

خیال رہےکہ گزشتہ برس پورٹ سٹی تیان جن میں گودام میں رکھے کیمیکل کے کنٹینرز میں دھماکوں کے نتیجے میں 170 افراد ہلاک ہوگئے تھے۔

مزید پڑھیں:چین میں انڈسٹریل پلانٹ میں دھماکہ،21افرادہلاک،5زخمی

یاد رہے کہ رواں سال اگست میں بھی وسطی چین کے ایک پاور اسٹیشن میں ہائی پریشر اسٹیم پائپ کے پھٹنے سے 21 افراد ہلاک ہوگئے تھے۔

مزید پڑھیں:چین میں ٹریفک حادثہ،17افراد ہلاک

واضح رہے کہ دو روز قبل چین کے شمال مشرقی ہائی وے پر 56 گاڑیاں آپس میں ٹکرا گئی تھیں جس کے نتیجےمیں17 افراد ہلاک جبکہ37 زخمی ہوئے تھے۔

کیلیفورنیا:امریکی ریاست کیلیفورنیا میں مسافر بس اور ٹریکٹر میں تصادم کے نتیجے میں تیرہ افراد ہلاک اور اکتیس زخمی ہوگئے۔

تفصیلات کےمطابق ٹریفک حادثہ کیلیفورنیا کے شہر لاس اینجلس شہر سے تقریباََ100میل کی مسافت پرپیش آیاجس میں 13افراد کے ہلاک ہونے کی تصدیق ہوچکی ہے۔

بس اور ٹریکٹر میں تصادم میں بس کا سامنے کا حصہ ٹریکٹر کے پچھلے حصے سے ٹکرایا تھا جو مکمل طور پر بتاہ ہوگیا۔ریسکیو اہلکاروں نے بس سے لاشوں اور زخمیوں کو نکال کر طبی امداد کے لیے اسپتال منتقل کردیا۔

پولیس حکام کا کہنا ہے کہ بس کیلیفورنیا کے شہر سالٹان سے لاس اینجلس جاری رہی تھی کہ راستے میں حادثے کا شکار ہوگئی۔

مزید پڑھیں:امریکہ میں ٹرین حادثہ،3 افراد ہلاک

یاد رہے کہ 29 سمتبر 2016 کو امریکہ کی ریاست نیو جرسی میں مسافر ٹرین حادثے کا شکار ہوئی تھی جس کے نتیجے میں 3 افراد ہلاک جبکہ 100 سے زیادہ زخمی ہوئے تھے۔

مزیدپڑھیں:ٹیکساس: لوگوں کو فضاؤں کی سیر کرانے والے غبارے کو حادثہ،16 افراد ہلاک

واضح رہےکہ رواں سال 30 جولائی 2016 کو امریکی ریاست ٹیکساس کے شہر لاک ہارٹ میں گرم ہوا کے غبارے میں آگ لگنے کے باعث گر کر تباہ ہونے کے نتیجے میں 16 افراد ہلاک ہوئےتھے۔

یاؤنڈے: افریقی ملک کیمرون میں ٹرین حادثے کےنتیجےمیں70 افراد ہلاک جبکہ 575افراد زخمی ہوگئے۔

تفصیلات کےمطابق کمیرون میں دارالحکومت کے قریب مسافر ٹرین کی آٹھ سے زائدبوگیاں پٹری سےاترنےکےبعدالٹ گئیں جس کے نتیجے میں 70افراد جان کی بازی ہارگئے۔

عام طور پر اس مسافر ریل گاڑی سے 600 افراد سفر کرتے ہیں لیکن اضافی مسافروں کے باعث اس میں زیادہ بوگیاں لگانے سے 1300 افراد سوار تھے۔

خیال رہے کہ افریقی ملک کیمرون کے دو بڑے شہروں کے درمیان چلنے والی ٹرین میں گنجائش سے ذیادہ مسافروں اور موسلادھار بارش کی وجہ سے ٹرین دارالحکومت یاؤنڈے سے 2 گھنٹے کی مسافت پر موجود شہر ایسکا میں پٹڑی سے اتر گئی۔

وزیرٹرانسپورٹ ایدگارڈ ایلان میبی نےریل گاڑی حادثےمیں70 افرادکےہلاک اور575سےزائد کےزخمی ہونے کی تصدیق کردی ہے۔حکام نے ہلاکتوں میں اضافے کابھی خدشہ ظاہرکیاہے۔

دوسری جانب کیمرون کے صدر پائول بیا نے واقعے پر افسوس کا اظہار کرتے ہوئے تحقیقات کا حکم دے دیا۔

مزید پڑھیں:امریکہ میں ٹرین حادثہ،3 افراد ہلاک

واضح رہےکہ گزشتہ ہفتے امریکی ریاست نیو جرسی میں مسافر ٹرین ہوبوکن اسٹیشن کی عمارت میں گھس گئی تھی اور اس حادثے میں کم از کم 3افرادہلاک اور100سے زیادہ افراد زخمی ہو گئےتھے۔